ClubONE Telford

今次嘅試食會, 係去位於九龍灣德福花園嘅德藝會, 一見到已經興奮不已... 多年前曾經係德藝會會員, 每星期總有幾日會係德藝會流連... 今日再有機會去, 感覺好似約咗老朋友食飯咁...德藝會進行咗大規模翻新工程, 宴會廳煥然一新, 行入去有WoW一聲嘅感覺... 呢度... 真係我以前經常流連嘅德藝會?!!四四方方嘅宴會廳, 特高樓底, 水晶吊燈, 極之適合擺酒席... 個台仲好靚呀!!! 係我最鐘意嘅紫色同白色呀!!! 仲有朋友最鐘意嘅樓梯呀!!! 嘩嘩嘩... 仲有公主專用嘅南瓜馬車呀!!! 好靚好浪漫呀!!! 如果可以著住晚禮服同另一半一齊坐係上面影相就好啦~ 簡直好似置身童話世界入面咁呀!!!開餐前, 收到德藝會送嘅神秘禮物... 免費1天貴賓會籍!!! 多謝晒呀!!! 近期日食夜食, 真係好需要做吓運動減肥啦~好o野, 開餐啦!!!香芒沙律船 -- 嘩!!! 好Kawaii呀!!! 我覺得造型好似龍蝦仔, 唔知你又覺得似d咩呢?!! 什果沙律同蛋黃醬(Mayonnaise)絕對係最佳拍擋, 清甜嘅火龍果, 微酸嘅芒果, 非常醒胃, 實屬前菜首選!!! 而且夏天以生果入饌, 清新又健康, 多吃亦無妨!!!燒汁海參條 -- 嘩!!! 好香呀!!! 造型仲好靚呀!!! 材料好豐富呀, 除咗海參, 仲有蓮藕、茄子、蜜糖豆、紅色燈籠椒、黃色燈籠椒, 樣樣都係我最鐘意食o架, 條條都切到一樣大小, 剩係用眼睇已經覺得好好味!!! 燒汁味濃, 甜甜地, 同材料好夾, 好味呀!!!消暑佛跳牆 -- 佛跳牆夏天飲會唔會太滋補呀?!! 放心啦, 大廚為咗令個湯清淡d, 專登走咗金華火腿, 加入竹蔗茅根, 配合傳統材料海參、花膠、螺頭、春雞、冬菇、杞子燉制而成, 材料十足, 滋潤養顏, 果然佛跳牆都可以消暑吖~嫣紅脆石斑 -- 石斑蘸上脆漿同炸至金黃色... 切件後, , 以小杯盛載太廚精心炮製嘅醬汁, 包含了士多啤梨的嫣紅, 泰國雞醬的酸甜, 甘香醬的甘香... 原以為炸魚會又乾又硬又唔新鮮, 但係魚肉出奇地鮮嫩, 可見大廚掌握火喉嘅功力恰到好處!!! 蘸士多啤梨醬汁同吃會有一份清新嘅感覺, 但係唔蘸汁吃同樣可口~西紅柿焗原隻鮑魚 -- 以原個蕃茄盛載著原隻鮑魚, 配以牛油果、洋葱、西芹, 拌入白汁, 鋪上芝士同焗, 外型討好到不得了, 上枱時大家都不禁嘩嘩聲... 來自澳洲嘅鮑魚, 爽口彈牙, 原隻運到, 由餐廳自己開殼, 保證新鮮... 同樣來自澳洲嘅白酒, 本身帶有甜味, 不需要加入太多糖調味... 白汁與配汁味道好夾, 但係同蕃茄唔係太夾...冬林百籽蝦 -- 百籽蝦曾經係滿月酒嘅必備菜色, 經大廚舊菜新做, 搖身一變成為矝貴的菜色!!! 材料選用海中蝦, 伴上蟹籽, 以冬瓜鋪底, 配以夜香花... 夏天食冬瓜好有益o架, 可以清熱解毒... 夜香花外型美觀, 具幽蘭芳香, 有清熱明目嘅藥療效用o架... 呢味菜的確係夏至的清新之選~西施海皇泡飯 :)-- 今晚嘅壓軸好戲... 材料有冬菜、蝦、帶子、冬菇、芝麻、菜段、蔥花、已經煮熟嘅白米飯... 由大廚李師傅親自出馬, 即席示範烹調... 先煮沸雞湯, 再加入所有材料, 最後加入用200幾度嘅油炸成嘅脆米... 咋一聲... 完成!!! 煮好嘅泡飯要即刻食, 如果唔係d炸米就會腍晒o架啦~ 脆米又香又脆, 仲好味過飯焦... 雞湯味道甜美濃郁, 蝦肉同帶子鮮甜爽口, 好好味呀!!! 全晚最有驚喜!!! 我想添飯呀!!!燒焗椰皇蛋白 :)-- 嘩!!! 酥皮湯?!! 原個椰皇切去頂部, 注入蛋白後, 蓋上酥皮一齊燒焗... 打開酥皮, 見到雪一般嘅蛋白, WoW... 蛋白好滑溜, 滲出絲絲椰皇味, 好清甜, 好好味呀!!!原來好戲真係要壓軸o架, 全晚最好味嘅係西施海皇泡飯同埋燒焗椰皇蛋白!!!飽餐後大廚李師傅與一眾食家交流飲食心得, 李師傅強調烹調應該係根據有咩材料就煮咩... 呢樣我識, 日本嘅懷石料理都係不時不吃!!!席間一邊享用美食, 一邊與各位食家談天說地, 雖然有好幾位食家係第一次見面, 但係感覺一點也不陌生, 因為... 大家都鐘意食吖嘛!!! 自然有講唔完嘅話題啦...感謝德藝會嘅邀請同款待!!!.…Read More

第一次參試食活動，感謝有關單位的邀請來到德藝會試食：“夏至．清新粵菜經典”。之前參加朋友婚宴曾來過德藝會，已感環境不錯，又有巨型南瓜車，而樓底極高，服務亦算不錯:)，只是今天晚上上菜速度慢得驚人:(。今次活動主題以“夏至．清新”為主，第一道菜“香芒沙律船”，２片芒果夾着中間生果沙律，還有火龍果及蟹籽，這菜式有點普通，沙律沒有特別之處，只是生果比較爽脆，可惜芒果是酸的及蟹籽有點腥；但大廚細心的分開放蟹籽，照顧到不喜歡蟹籽的人，值得一讚。第二道菜是“燒汁海參條”，一上枱香氣撲鼻，顏色及賣相都好，黃椒、紅椒、茄子、甜豆、海參都很出色，燒汁並沒有蓋過材料本身的味道，茄子有咬口，不會煮得太腍，讚！海參亦夠腍，如果可以更入味就會更好。到“消暑佛跳牆”出場，一大盅滿滿的，材料豐富，有花膠、響螺、海參、魚翅……等，但何謂消暑佛跳牆呢？同其他有什麼不同呢？原來在於湯內，湯料加入竹蔗、茅根及馬蹄，味道清甜，與一般佛跳牆濃郁的高湯不同:)。最後服務員還放上剩餘湯料，內裡的厚身冬菇，其他食家一致讚好，可惜我沒有試到。有一點要注意的是材料沒有平均分配。第四道是“嫣紅脆石斑”，原來嫣紅是指用士多啤梨做的醬汁，石斑雖然是炸，但石斑外層脆薄，沒有平時的厚粉的感覺，原來廚師用了蛋白代替炸粉，既健康亦可口，配上士多啤梨果醬的酸甜味中和了油的感覺。“西紅柿焗原隻鮑魚”外觀不錯，可惜焗得不夠，蕃茄太生了；加上出水的關係，裡面的配料味道變淡了，鮑魚亦只是一般，沒有特別，放在蕃茄內只像裝飾，沒有共和的感覺。“冬林百籽蝦”將蝦打結令它外形更鮮明，蟹籽在蝦身中間作一點裝飾，顏色更吸引；味道方面，冬瓜腍身夠入味，反觀蝦的味道就不突出，只是加了蟹籽令整個菜的味道有了不同的層次。來到重頭戲“西施海皇泡飯”，由主廚親自出馬在大家面前烹煮，材料有帶子、菜，最特別是炸米，炸米是用200度的熱油炸熟，它吸收了湯的精華，令食泡飯時多了一種脆脆的口感，而這個泡飯亦沒有糊口的感覺，值得推介。最後甜品是燒焗椰皇蛋白，外觀像酥皮湯，酥皮包裹着椰皇，初頭見到酥皮擔心會很油膩，但竟然沒有這種感覺，一整開酥皮，椰汁味湧出，很清新:)，一向不喜歡蛋的我都覺得唔錯，蛋白香滑加上椰汁清甜味很夾。算是為整晚試食會劃上句號！…Read More

感謝德藝會的邀請，讓我能免費感受一下夏日粵菜的「味」力。甫到達便看到台上掛着一張橫額，寫着是日試食會的主題，不禁勾起我在德藝會出席朋友婚宴的回憶，已經是兩年多前的事了……言歸正傳，評一評今次試食的食物吧！我們吃了～香芒沙律船：賣相可愛，擺放成一條魚的樣子，懷有童心的我覺得眼前一亮。味道方面不過不失，水果算鮮甜，加上沙律醬，感覺開胃、消暑。燒汁海參條：份量較預期少，而且侍應分餸後，海參寥寥無幾，令我有些失望。海參不是平常黑色那種，因為已切成幼條狀，沒甚麼咬勁。反而值得一讚的是燒汁和配菜，茄子、蓮藕都很入味。消暑佛跳牆：可能是「希望愈大，失望愈大」，我期望試食會的佛跳牆會是每人一小盅，每種食材都可以試一試。結果一大壺上桌後，我真的看到用料十足，幾近滿瀉，但分發後我得到一小角的花膠、海參、響螺，不見花菇、魚翅、杞子，只怪我不夠運嘛！味道沒驚喜，與平常喝到的中湯差不多，真可惜。嫣紅脆石斑：我是士多啤梨的擁疐，所以這道以士多啤梨醬為點綴的炸石斑成功討得我的歡心，亦令我想起不愛吃魚的小朋友，相信他們會喜歡既香脆又帶果醬味的炸魚。個人的守舊想法是：用普通魚柳已可達到此效果，昂貴的石斑還是清蒸才能保留牠的鮮味。西紅柿焗原隻鮑魚：色香味俱備──賣相好，製作見用心；一揭開蕃茄蓋便嗅到撲鼻的芝士香，令我食指大動；味道亦有水準，蕃茄內有原隻澳洲鮑魚仔，肉質鮮嫩，加上洋蔥、西芹、蕃茄等配料，口感豐富。冬林百籽蝦：巧手之作。冬瓜上的蝦肉向內捲曲，加上蟹籽襯托，甚為精緻，絕對要花心機，所以要耐心等候喇！貪心的我「吃過翻尋味」，心想：如果蝦不只一隻便好了。西施海皇泡飯：又型又帥的大廚出馬，兩三下便製作出香噴噴、軟綿綿的泡飯，正！泡飯絕不會淡而無味，全靠真材實料的雞湯、帶子、蝦仁，還有提升口感、香脆的炸米。難怪這道「西施海皇泡飯」會成為今次試食會的亮點。燒焗椰皇蛋白：單看名字以為是普通的燉蛋白，沒想到竟然是以酥皮包裹着一個椰皇，有創意！味道出乎意料地搭配，蛋白很滑，椰味香濃，酥皮飽肚，佳！就這樣，一道完美的甜品為這頓晚飯畫上完滿的句號。整體而言，我很滿意這次試食會，令我對粵菜有了新的概念：原來粵菜不一定要令人吃不消，最後要打包；反而點到即止，愈吃愈想吃更多才是上策。…Read More

德藝會舉辦的星級試食會菜色設計有趣...令人期待「夏至．清新粵菜經典」主題切合炎熱o既夏天...解暑一流勁開心收到消息有得參加試食會...好彩啱啱趕得到番香港o個日搭完十幾個鐘頭機...一落機就去試食...正呀！今次試食好特別...真係有錢都未必食到因為德藝會係私人會所...會員先可以去玩去食野我想參觀好耐架喇...好野好...今次試食係夏天為題的清新fusion菜香芒沙律船 :)頭盤係芒果雜果沙律...開胃至啱火龍果同蟹籽就分開放...有蟹籽即刻突出晒...好味不過我o個兩塊芒果就酸左d...要留意下燒汁海參條 一黎到已經好香...好有鑊氣除左海參仲有蓮藕條...蜜糖豆...黃椒...紅椒...矮瓜...賣相夠顏色海參夠稔夠味...蓮藕好爽好好食消暑佛跳牆 呢個係...極級足料o既佛跳牆每一碗都有齊魚翅...海參...花膠...響螺...d料仲多過d湯大廚好細心諗埋天氣...特登唔落金華火腿反而用竹蔗茅根...馬蹄...咁夏天飲都唔怕躁啦湯渣仲有雞腳...冬菇...瘦肉...超級滿足嫣紅脆石斑 :)呢個石班係炸既...好香口又唔油仲每份跟杯士多啤梨醬...你可以自己選擇點唔點我自己就ok...但可能會有人驚熱氣西紅杮焗原隻鮑魚 :)呢味最fusion...用忌廉...芝士...西芹...洋蔥...蕃茄配鮑魚有創意...個忌廉芝士都好食...但同鮑魚唔夾冬林百籽蝦 將灼過的海蝦配冬瓜片...再跟個清湯底隻蝦細左d...但飲下個湯...好清甜...好似冬瓜盅咁呢味用黎間場啱啱好...即刻無咁滯西施海皇泡飯 大廚出黎親自示範...可以偷師呀嘩...勁多料...蝦仁...帶子...小棠菜粒...冬菇粒不過主角其實係炸米...有炸米令個飯唔同晒配角係湯底...超甜...飲多多碗都得呀燒焗椰皇蛋白 呢味又係創新既...佢係酥皮焗個蛋白極之滑又有椰香...同酥皮原來係ok夾喎本身都幾飽下...但太好食所以都食晒佢...好完滿咁完成呢一餐食完晒之後仲有埋個tour參觀德藝會...正...搞到我好想入會呀好多謝店方o既邀請...我食得好開心希望下次可以有份再參加啦...好想同各位食家再聚一聚…Read More

首先要謝謝德藝會有關方面的邀請，讓我參與這夜的「夏至．清新粵菜經典」試食活動。德藝會位於德福花園平台的戲院旁邊，位置不算難找，除了中菜館外，會所內還有一些康樂設施如遊泳池、健身室及羽毛球場等。這夜的試食活動安排於德藝會的宴會廳內，樓底極高，天花掛上水晶吊燈，整體環境寛敞舒適。先來的是香芒沙律船，以一片生菜盛着哈蜜瓜、蘋果、菠蘿、粟米、椰果及兩片鮮甜的芒果，再淋上沙律醬，是簡單而口味清新的一道。旁邊還放了蟹籽，怕鯹的話大可不放，也是細心的表現。再來的是燒汁海參條，奉上來時已傳來陣陣燒汁的香氣。茄子軟稔入味，蓮藕跟紅椒及黃椒一同帶來爽脆的口感，加上綠色的蜜糖豆，鮮艷的顏色配搭挺能引起食慾。主角海參條吃起來既嫰滑，又富彈性，濃味的燒汁跟味淡的海參也配搭得宜。是夜的湯品是消暑佛跳牆，材料擠得滿滿，分別有螺肉、冬菇、瘦肉、雞、花膠及海參等。喝一口湯，既有螺肉及冬菇的清甜，又有豬肉與鮮雞的濃郁，難得的是湯頭一點也不油膩，喝起來甚為清爽。膠質豐富的花膠與海參更是滋補養顏的良品，愛美又豈止女士的專利。再來是香口的嫣紅脆石班，石班塊肉質結實，帶有淡淡的魚味，炸得熱辣香口，味道總不會差。所謂嫣紅，就是指士多啤梨醬汁的顏色，味道酸酸甜甜，不但使炸石班的味道不致單調，更可消減炸物所帶來的油膩感。西紅柿焗原隻鮑魚以原個蕃茄藏着洋蔥粒、牛油果及鮑魚，再以白汁及芝士蓋面焗至微微帶焦，賣相討好。鮑魚口感煙韌帶嚼勁，只是略嫌扣煮得不夠入味。作為容器的蕃茄鮮甜多汁，裡頭有清甜的洋蔥粒及軟滑的牛油果，整體配搭就像一道中式沙律，讓味蕾清新一下。再來的是冬林百籽蝦，把蝦尾捲入蝦身，再在蝦肉上鋪滿蟹籽，故名為百籽蝦，造型富有心思。墊底的冬瓜燴得軟熟，而且冬瓜亦切合消暑的主題。大廚即席示範這道西施海皇泡飯，待雞湯滾起後，大廚先下米飯做成泡飯，隨後才加入蝦肉及帶子粒免其變韌，最後灑下炸米方告完成。呈金黃色的雞湯，味道鮮濃，炸米浸湯後仍帶微脆，跟軟熟的飯粒是兩種截然不同口感，配料中的蝦肉及帶子粒的生熟度也剛好，西施海皇泡飯絕對是這夜最出色的一道。最後以甜品燒焗椰皇蛋白為這夜劃上句號。先撕開椰皇殼上的酥皮，裡頭是椰皇蛋白，口感滑溜之餘，每一口也嚐到椰汁的清甜，最後當然是挖吃裡頭的椰肉，是非常滿意的一道甜品。整體來說，這夜的菜式以消暑的食材，色彩鮮艷的顏色配搭及清新的口味來引起食慾。當中我最喜歡的是消暑佛跳牆、西施海皇泡飯及燒焗椰皇蛋白。炎炎夏日，吃過這套消暑菜式降一降溫也挺不錯。…Read More

一直以為德藝會只有婚宴, 原來仲有晚飯食家... 入面的服務員態度非常親切, 食物水準一流西施海皇泡飯服務員會先幫我地煮熱泡飯, 然後把炒米通放下湯，入口有脆卜卜的口感，索埋湯汁既精華，嘩..又過癮又好味霸王雞入口好重雞味，肥美又滑，肉質尚算鮮甜芒果布丁好好味.. …Read More