極尚大喜屋 (鱷魚恤中心)

Open Now

Now Closed

好鍾意試吓唔同嘅日式放題，第一次試「極尚大喜屋」嘅午市放題，午市都好爆場。餐廳環境寛敞樓底高，坐得舒服。我哋大部分都用QR code落單，另設有自助區：熟食、冷盤、飲品、甜品任飲任食。店員上菜同執枱有效率，無漏單，二百幾蚊食足三個鐘好滿足，長者仲有八八折優惠，性價比極高。除咗放題，仲有午市定食都好抵食。⊙刺身刺身款式好多，油金魚、三文魚厚切肥美，松葉蟹腳海水味濃，赤貝、馬刀貝、赤蝦、甜蝦、帶子全部鮮甜，當日我嘅MVP係原隻粒貝，平時啲放題唔多覺眼，即係海螺刺身，原隻切片上，極度爽脆鮮甜。⊙壽司壽司款式多：卷物、軍艦、火焰，仲有創作壽司，試唔晒全部。⦿海膽魚籽拖羅蓉中餅用粉紅色心形中餅裝住好可愛，一口一啖。⦿芝士飛魚子鰻魚玉子漢堡呢款壽司係無飯嘅，用玉子當飯糰，一啖咬落去裡面有芝士魚子夾心，同鰻魚味道好夾。⊙一品料埋⦿古法鹽焗蟹用鋪滿粗鹽嘅瓦煲仔上枱熱辣辣，爆晒蟹膏，軟滑甘香，蟹肉飽滿，鹽焗更能提升鮮味，蟹迷不能錯過。要到1:30先推出，記住要更新一下個頁面先會出現。⦿花雕醉鮑魚都唔細隻，鮑魚爽口彈牙，花雕味濃厚入味。⦿鐵板鵝肝大件厚切鵝肝煎得外脆內軟，入口有即化嘅口感，口腔內充滿油香，

今日中午，相約了朋友到公司附近的極尚大喜屋放題任食，可以同時間試多款食物，盡情地大吃大喝🍴，原本都已經好興奮，加上連燒金枕頭榴槤王/榴槤炸彈/榴槤咖啡，全部都係任食任飲，真係加倍開心💕餐廳座位闊落，自助區仲有甜品，生果，熟食，爆谷，冷熱飲品包括有清酒，啤酒，咖啡，果汁，豆漿……我們掃qr code落單，魚生/壽司/炸物/天婦羅/串燒/燒物/一品料理，每款都點了一些，超飽超滿足🥰 平日成人午市放題任食$248，除了飲品和雪糕，我們共點了以下36款食物🙈🙈🙈#燒金枕頭榴槤王#榴槤炸彈#燒雞泡魚干#西京燒比目魚#蒲燒鰻魚#醉鮑魚#清酒煮蜆#蟹皇醬赤蝦#日式芥末茄子#紫心香芋丸#螺片#北海道帶子#北寄貝#三文魚#油甘魚#希靈魚#松葉蟹腳#燒香草羊鞍#鹽燒鯖花魚#黑椒蜜汁一口牛#牛油粟米#極尚花膠盛宴#鹽燒三文魚煵#柚子胡椒和牛肩胛#芝麻雞翼#甜蕃薯天婦羅#鹽燒雞軟骨#甜蝦#赤蝦#冰山蚌#法式紅酒藍莓鵝肝#三文治鰻魚玉子燒#龍蝦沙律櫻花蝦多士#煙鵝胸鵝肝多士#蟹肉芝士軟殼蟹#蜜汁仿鮑片除了榴槤之外，特別推薦西京燒比目魚，非常好味😋

今次又同我媽黎呢間餐廳，非常好！花之戀、帶子吞拿魚塔：非常美味，三文魚親子軍艦的三文魚子非常鮮甜，花之戀易入口，帶子吞拿魚塔口感豐富，魚子醬和真鯛味道非常美味，大多數都很正！麻辣牛魔王：我媽喜歡呢度牛肉和香料非常麻辣。西京燒比目魚和風味一流：非常適合搭配日本清酒，味道很正，有日本醬油的獨特甜味。中式野例如蒜蓉粉絲蒸扇貝等都似酒樓水平，扇貝和蝦可能比中式餐館更新鮮。甜品：真的數不勝數，最令人印象深刻嘅係擺滿各式甜品嘅凍櫃同雪糕櫃，甜品迷你size唔會太甜，價格實惠，滿足我媽的胃非常值得一試！

食日本放題，市面上都好多選擇，但我個人就覺得大喜屋系列，我對佢嘅食品嘅質素印象幾好，我今次第一次嚟到觀塘嘅極尚大喜屋，呢個地方嘅空間感好足夠，唔會坐到好迫，而且見到陽光，成個感覺好舒服，呢個真係事實。重頭戲當然係刺身拼盤，佢嘅三文魚刺身好肥美，甜蝦都好大隻，好鮮甜，不過佢比嘅份量同你所落嘅order可能有啲出入，都唔緊要嘅，反正係放題，你總是要不停落下單。除咗食佢嘅刺身，都可以試吓佢嘅壽司，一般壽司飯都做得麻麻地，喺呢度呢，今次試佢嘅壽司飯相對做得幾好，而且份量係有考慮過食放題嘅大家，令到大家食得到壽司之餘，都唔會填飽左個肚食唔落其他嘢，佢嘅壽司真係整得唔錯，以放題嚟講係做得幾好既！

刺身拼盤，點選了三文魚，油甘魚，北寄貝，北海道帶子，象拔蚌，赤貝，八爪魚，赤蝦，甜蝦。魚肉刺身片片足15mm，口感超滿足，而且選材新鮮，油香肥美。另外赤蝦超大隻，個蝦頭無黑，證明非常新鮮，而且好鮮甜。壽司小卷都有好多選擇，而且味道好特別。我返叫了兩次和風黑松露吞拿魚，真係好香松露味，同吞拿魚非常之夾。燒物方面，必點西京燒比目魚。比目魚嫩滑，魚皮香脆。另外燒牛舌都非常出色，牛味濃，配上鹽燒，一D都唔會肥膩。炸物必選芝麻雞翼，炸得香滑Juicy!! 餐廳地方寬躺，也有自助熟食，小食， 飲品，甜品。最鍾意係有梅酒，冷熱清酒🍶，而且酒精類飲品不用額外收費，真係非常抵食。另外，飲品櫃有超過50種以上的飲品，選擇真係非常之多。仲有二人同行，即減$100😍唸超又想去食！