Ling Fat

呢間野好過癮，名字叫白粥，但我諗無乜人喺度淨係食白粥。佢嘅菜牌兩版睇晒，少得驚人，不過舖位就有三個，仲未計閣樓嗰度。今晚兩個人嗌咗四樣嘢：蠔餅、蠔仔粥、鵝片同埋手春菜排骨。蠔仔粥嗌咗$55最細嗰隻，兩個人每人都有三碗仔，啲蠔新鮮兼肥美，啲方魚好香。蠔餅啲蠔梗係同蠔仔粥一樣新鮮肥美啦，佢呢個蠔餅係無薯粉同埋係炸嘅，盛惠$85。滷水鵝片唔太肥，幾好，不過個滷水汁就一般啲，得個咸字，無乜香味，我地嗌咗最細嘅$140。最後就係春菜排骨，春菜同排骨嘅質素都好，而且春菜份量都多，兼且都幾新鮮，唯一缺點就係鹹，所以臨尾要叫支可樂飲下先掂。…Read More

三月十四都同兩個麻甩仔去打冷，就知小編仲未揾到我既浩南。不過唔緊要，因為中西意日韓入面，小編偏愛中菜，例如係酒樓、打冷、上海菜等，食好嘢仲實際啦。今次三人行去左太子陵發打冷，但適逢小編岩岩病完冇乜胃口，我地只係叫左幾樣嘢。如果小編戰鬥力回復100%，一定可以試多幾樣嘢。首先就係必食的蠔仔粥，啲蠔仔真係好飽滿，有半隻我既食指咁大粒，好鮮甜。但成窩粥既湯水就估左一半，粥料就比較少，大概每人兩個碗仔既份量，但蠔仔都有三十粒左右。記得menu上有幾個size, 個樓面叔叔就話三個人叫第二大既就ok，我建議可以叫大一個size，因我覺得呢樣係最好食，同埋量真係唔多。仲有最重要係，如果你同小編一樣唔鐘意食莞茜葱，一定要走青青青，重要既嘢講三次。另外就叫左炸蠔餅，好食，好鬆脆，啲蠔係一樣咁大粒，係食過既蠔餅中最好食既(利申: 小編好少食蠔餅)。仲有叫左鹵水拼盤，揀左鵝腸，墨魚同腎，鵝腸係最好食，但一百蚊嚟講，就份量少左啲。最後仲有碟油菜，好油。因為唔記得每樣幾錢，所以唔特別提啦，總之埋單就330，冇加一的，總括來講質素不錯。…Read More

又係一班同事放工一齊食食食嘅日子～今次揀咗打冷，同事介紹這間聽講好出名的陵發。一入到去，非常地道的環境和氣氛，一行六人，興高采烈地叫了8道菜。蠔仔粥，煎蠔餅，鹵水鵝，鹵水拼盤，大眼雞，韭菜豬紅，烚蜆，春菜。蠔仔粥好味，蠔仔大大粒。蠔餅的蠔仔都好大粒，粉漿算厚，比較適合喜愛厚漿的朋友。鹵水鵝好入味，肉質都算滑。鹵水三拼⋯⋯揀咗：墨魚，大腸，鵝腸。墨魚得5片😞唔夠分⋯⋯所以之後再叫多碟雙拼～墨魚拼腎。墨魚，大腸，鵝腸都好好味😋腎就出奇地淋！淋到質感唔多似腎😆😆大眼雞，$150中，$180大，所以叫咗大，但size似乎不算是大⋯⋯但海鮮呢d，真係好難預算🤣🤣韭菜豬紅⋯⋯豬紅好好味👍🏻😋，但韭菜呢⋯⋯我食唔到，因為只得幾條😓😓😓烚蜆⋯⋯個汁相當甜，甜味蓋過沙嗲味（因此我只能估計係沙嗲😆😆）有樽裝汔水！非常好！👍🏻👍🏻👍🏻啤酒當然是大樽裝啦！是次打冷尚算好食😋😋…Read More

朋友隨意係openrice 搵潮州野食，search左呢間，抱住咩都試下既心態去食，食完明白點解咁多人係出面排隊。好彩book左枱, 但都要等一陣。雖然walk in都應該唔洗得好耐，不過大熱天時係出面等都幾係野。坐低嗌左鵝片、大腸同蠔餅。蠔餅不消幾分鐘就上台! 新鮮熱辣辣的，蠔仔粒粒都有番咁上下，仲要係肥嘟嘟的，很豐滿。點埋魚露十分好味。最鐘意係鵝片同大腸。鹵水鵝片嫩又淋，個鹵水味岩岩好，唔過鹹，仲有豆腐花生墊底，想再encore多一碟呀，但嗌左好多野食，驚食唔晒呀!!!!大腸都好正，冇臭味及屎味，又係個句，鹵水味岩岩好，唔過鹹，仲有芽菜係底，撈白飯一流呀!!!蠔仔粥好大兜，d蠔仔又係肥嘟嘟的，很豐滿，連莞茜，蔥等料，幾好味，但我嫌落得太多胡椒。韮菜花好嫩，用豉油炒得幾好味，較為驚喜的。通菜同蜆一樣都係淨恰，腐乳及豉椒另上，所以係冇乜鑊氣。由於會食豬紅的朋友唔多，所以冇嗌，唯有下次有機會再試。餐牌選擇唔多，例如冇糖醋麵，香芋鴨，水昌包，反沙芋等甜品，而且冇價錢，當然可以問啦，不過咩都講個信字。食完平均每個人都係$120，都幾抵食。快、靚、正。…Read More

陵發是我常幫襯的潮州食店，可惜晚飯時間等位需時，所以我多數也是黃昏六許入座，那就省卻等位時間吧！今晚則晚上九點半才到，也不用等。還以為我們算遲，怎料半路中途，隔離開了一桌十多人的飯局，很熱鬧。這裡很香港舊式食店的感覺，有點污糟又亂又迫，伙計是阿叔阿姐大大聲，但勝在手腳快。我最不鍾意係這裡的餐牌係冇‧價‧錢，雖然每次也食差不多的食物，但總不知價錢，就連結賬也沒單據可依，只是伙計來點點食物然後說個銀碼便去俾錢。說回食物，我想我點的也算是必食的東西吧，就連隔離十多人的飯局也點了我們選的食物。我最愛這裡的蠔餅和蠔仔粥，十分足料及好味，蠔仔很肥美。蠔仔粥蠔仔算多，蠔仔肥美，粥很香濃，再加點芫茜，天衣無逢。蠔餅很大件，不過今次有點燶，它很美味又脆口，外面有脆的炸粉，裡面有又嫩又肥美的蠔仔，好好味啊~食得濃味一點的可蘸點魚露，不過不點也很夠味。大腸也很好味，街外的大腸常有點怪味，但這裡沒有，而且質地軟熟又入味，但墨魚片有點失色，無味又有點膠膠的。韮菜入味但有渣，可惜。…Read More

位於太子新填地嘅呢一間「陵發」打冷真係唔野少, 收工時間六點幾嚟到只有兩三檯人, 之後愈坐愈精彩, 因為愈來愈多客人...最後全場爆滿! 見到牆上貼有OPENRICE嘅海報, 原來呢間食肆拎過2015年嘅開飯熱店! 今次到此一遊都係由朋友帶嚟, 試一試睇下佢個熱店指數究竟有幾高先~打冷小菜上檯效率特別快, 因為好多都係凍食, 同好多都已經預先準好, 客人一落單, 轉個頭小菜已可以擺上檯面!碟嘅size好大, 但小菜份量並唔會因為碟大而睇落去少左, 反而係大大碟! 韮菜豬紅 – 好味! 韮菜好新鮮, 唔使再沾其他調味料已經夠入味, 因為已經索晒個醬汁精華, 豬紅就一定要沾辣椒油一齊食, 呢個係一個唔可以遺漏嘅步驟, 因為豬紅同辣椒油係絕配, 識食一定係咁食! 炒蜆 – 本身就咁食個蜆係冇問題, 肉質都幾鮮甜, 可惜個醬汁累事, 打茨重手左, 變成太濃太杰身, 令到蜆肉好咸, 完全蓋過蜆肉本身嘅清甜味道…失敗! 而且吐沙處理得唔太乾淨, 唔受大家歡迎。 蠔餅 – 好足料, 勁多蠔, 麵粉反而比較少啲, 成個餅所以變得外脆內軟! 好味! 腐乳通菜 – 真係好大碟, 其實通菜冬天唔當造, 但呢碟菜卻好嫩, 而且灼嘅時間啱啱好, 保留爽口多汁。 蠔仔粥 – 蠔仔都係多多, 雖然細細粒, 但漲卜卜, 令到個粥好鮮甜~ 滷水類 – 滷得好入味, 特別一提個鵝片, 肉質軟淋淋, 啖啖肉,好味! 唔錯唔錯! 絕對係一間值得推介而且好專業嘅潮州打冷店舖!…Read More

星期一上班最辛苦，所以跟同事去宵夜!　這間打冷太出名啦! 同事都奇怪「乜你無幫襯過?」因為第一次幫襯，望到無價錢的餐牌，實在有點不明所已除卻蠔餅，我也想不到可以叫什麼，所以都由同事發板!!結果點了蠔餅、卥水紅腸、墨魚及豬大腸、韮菜豬紅、烏頭、酸菜蜆仔肉以及潮州粥並不是話好食到好緊要，但氣氛好好，唔使飲酒都可以好放鬆，打冷，食潮州粥，食卥味，蠔餅，成件事好麻甩，btw，紅腸好好味（好難唔好味吧?），墨魚好爽好彈牙，豬大腸夠滑（吃兩舊都已經好有罪惡感）平時我都唔食豬紅，就算食車仔麵都唔會叫豬紅，今晚破例吃了，也挺好味，如果辣啲更好我也不大愛魚，烏頭更不是我杯茶，這凍食的，又唔會食到骨，感覺挺特別，但肉質韌了點，我還是喜歡滑滑的魚太有趣，肉都吃光了，仲可以砌返做一條魚!大愛這蠔餅，這裡的蠔好大隻，超正的!!!最後這碟酸菜蜆仔肉，送潮州粥一流，不過，我思疑，這蜆仔肉咁細粒，起肉時一定好辛苦埋單伙記望住枱面的空碟，心算一下，話「穿梳機」，哈哈，這真是神乎其技，「究竟係點做到」…Read More

今日一行三人，約出黎聚下順便攞手信。例牌。又係我負責做搵食個個。。年尾聚會食得太多西餐，有啲悶 ，所以就揀左呢間潮州打冷店。呢間打冷同其他食店好大嘅大分別就係餐牌冇價錢。。。。好彩之前上網睇過，知道價錢都合理唔會開天殺價，都可以放心叫。。。睇人地啲食評話蠔仔菜式必食，所以以諗都唔洗諗就叫左蠔仔粥同蠔餅。另外更係有叫滷水鵝片，仲有韮菜豬紅。餐牌只有菜名。份量都冇得揀。店家應該係睇人頭俾份量嘅。。我地三個人。。佢上左一窩蠔仔粥，每人都有兩碗。。同一個我覺得都幾大份嘅蠔餅。。鵝片應該就stsndard..都有十片嘅,下面有好多豆腐(我至愛 )。韮菜豬紅一碗。得我同另一個朋友食。。最後食唔曬。味道方面，以我呢個好少食蠔仔粥嘅人來講，味道不錯。有好多大大粒嘅蠔仔同方魚(應該係).我食左兩碗。蠔餅，都係好多蠔仔，但呢間冇俾辣椒醬蘸，好似爭啲野咁，正常味鵝片，夠入味，薄薄地，食落唔會韌，但我對佢墊地個啲豆腐更有興趣 韮菜豬紅，啲豬紅唔係車仔麵個啲咁細細粒，係大大舊嘅，味道我覺得正常，但我個朋友話有啲腥。。。最後差不多都是我食……我地仲叫左支獅威埋單295.唔貴。。。。下次同為食屋企人再食過 …Read More

如果想食潮洲打冷檔今時今日真係淨番唔多，全靠朋友帶我去陵發打冷先至有機會回味一番。 由於六點半到達時間尚早可搵到張細枱兩個人坐，唔洗搭枱。 朋友介紹一定要食呢度嘅蠔餅，我實會鐘意喎。另外，我點咗牙帶魚、生腸拼鵝腸、花生鳳爪， 轉個頭啲食物就陸陸續續送上。蠔餅大槐又厚睇落平平無其，點知原來裡面唔係一般嘅蠔仔係Jumbo蠔仔，大過平時嘅兩、三倍非常飽滿肥美而且蠔數量頗多，粉漿適中兼極之脆身放耐D都唔易淋，咁香口送啤酒最正。牙帶魚比較少食點知好有驚喜， 一碟有六件而每件魚外面都鹽味煎到脆卜卜，魚肉白雪雪有彈性非常新鮮，一邊一邊感覺比英式炸魚還要好味。 嚟打冷緊係要食吓打冷至有嘅食物，花生鳳爪蚊得好淋，而生腸鵝腸浸過滷水汁好入味又爽口。蠔餅果然令我喜歡而牙帶魚又好好味，下次必定再叫呢兩味。…Read More

因為呢間之前食過..本來諗住去新泉發試下..點知叫勁多次寫單都無人理..結果走左黎返呢度唔駛睇價錢點菜..因為無標價牙姐好好笑..話揀左隻最靚既比我送粥必備因為炸既關係蠔仔唔會好熟..所以唔食生蠔既佢食左兩啖就叫我清左佢好味好味..切薄d會更好生腸我以為係橙色果d..點知失望左5碗ar痴左線…Read More

記得幾年前友人帶我到此處食出名的蠔仔粥及蠔餅，成日向同事推介，今晚終於有得再去了，記得這店特色係餐牌冇價錢，埋單全你講，有趣！今晚四個人點了：一窩小蠔仔粥：蠔仔大隻而漲卜卜，勁飽滿！蠔仔多，但胡椒粉略為重手了，應該胡椒粉另上比較好！凍烏頭：好大條，肉質夠實，好味！韭菜豬紅：韭菜爽口，豬紅大大件，配上香蒜，如配白飯應該不錯吧！煎蠔餅：外表勁脆，但蠔仔又夠滑，好手藝！紅腸墨魚雞腎：麻麻地鵝片：很愛吃，因為啖啖肉，不需要吐骨，很合適我這懶人吧！鵝肉夠軟滑，帶少少肥，點上醬汁，很滋味！加上三支大啤，兩支可樂，都只是450，真的物有所值！ …Read More