Yu Raku Sushi

Omakase可能總會聯想起銅鑼灣、中環和尖沙咀一帶，但原來美孚區內也有一間。這間友樂鮨的裝修充滿傳統的和風，店內燈火通明，空間感寬敞，可看到師傅製作的手勢，梳化椅也好舒服，很喜歡枱上的日本福牛擺設。跟家姐分別選了兩款晚市OmakaseSupreme Omakase - $1,400Deluxe Omakase - $1,280時令前菜白梅貝用清酒煮，看起來有點像翡翠螺，頭部好清甜帶嚼口，而尾部甘香黏口，齒頰留香；蟹膏玉子豆腐充滿滑嫩香濃的蛋香，更有甘香的蟹膏味；水雲有獨特的黏滑感，入口好滑溜又酸甜，好開胃。刺身北海道仙鳳趾蠔有日本「海中牛奶」之稱，肥美肉厚的蠔身好嫩滑鮮甜，更加入青檸啫喱和紫蘇花提鮮。真名鰹薄切的魚片口感淡雅。日本白象拔蚌鮮活的味道特別鮮甜，充滿著海水味，入口爽脆利落，少少豉油就足夠。深海池魚纖維幼細且油份豐富，好香甜爽口。牡丹蝦(Supreme Omakase)鮮甜清爽的牡丹蝦，淋上燒香的蝦頭膏好甘香，更有少少蛋鬆好香酥。煙燻鰹魚(Supreme Omakase)鰹魚本身脂肪較少，口感較爽口清新，再輕輕炙燒鰹魚表面，帶上煙燻效果，令魚味和甜味更突出。拖羅如雪花般的脂肪，好重魚的甘香味，入口即溶，加上炸紫蘇葉有獨特的香味。壽司金目鯛油脂含量恰到好處，火炙後的魚皮略帶酥脆，魚肉好細膩鮮美。帆立貝雪白肥厚的帆立貝鮮爽帶甜，加上豐腴的海膽好濃郁。石垣貝富鮮味和爽彈感的貝肉好厚實，入口好清新。小肌師傅細心夾出幼細的魚刺，還慢慢將魚肉打成結，加上薑蓉和蔥花去腥，肉質細嫩鮮美。白蝦海膽杯(Supreme Omakase)爽脆鮮甜的白蝦放滿奶滑又濃郁的海膽。海膽杯(Deluxe Omakase)碎蔥吞拿魚腩手卷綿密的吞拿魚腩蓉充斥著濃香的魚油，更有碎蔥增添鮮味和爽口感，紫菜輕輕燒過更香脆。蟹肉茶碗蒸滑溜的蒸蛋鋪滿了絲絲鮮甜多汁的蟹肉，裡面更有粟米芯和魚蛋片，口感更豐富。廚師特選一品料理蟹餅大蝦(Supreme Omakase)酥脆不膩的蟹餅，咬開滿是絲絲香滑蟹肉超鮮甜，加上爽滑鮮嫩的原隻鮮大蝦特別彈牙。清酒煮北海道赤鮑魚(Deluxe Omakase)肥美的鮑魚片鮮中帶韌脆，鮑味濃郁，鮑魚的肝醬製成醬汁更惹味。時令清湯鯛魚濃湯(Supreme Omakase)奶白色的魚湯完全沒有魚腥味，有層薄薄的魚油真材實料，更有娃娃菜盡吸湯汁精華。舞茸白魚清湯(Deluxe Omakase)清澈的魚湯用上金目鯛煮成，加上舞茸菇好清香。甜品有豆腐、芝士和芝麻三款口味的日本雪糕。…Read More

Bar枱最多坐10個位，服務本區熟客為主， 其太太更是日本人。疫情下店主較能協商租金，所以能以優惠價格提供omakase，讓師傅選擇當造魚生供給食客。和友人分別點平set$1180同貴set $1300 omakase，貴set多2款刺身。前菜有小蕃茄、蟹腳肉豆腐、拔絲甜薯，酸酸地好開胃﹗伴碟漬物有辣蒜、黃蘿蔔、牛蒡、生薑等，擺盤精緻好靚﹗刺身:岩手縣赤崎蠔好大隻，配梅酒啫喱及紫蘇花，岩手縣赤崎蠔稱為海牛奶，夠晒味creamy又入口即融﹗  蜜柑鯛：不點醬油食到清新蜜柑味，後面包住魚肝同蔥花，別有口味~師傅好貼心將一分為二，牡丹蝦帶點花香加上一滴豉油北寄貝有柚子粉撒面， 柚子片在底，咬落爽口清新﹗帆立貝有黑椒加青檸汁點綴~深海池魚，紅色新鮮肉質，不用點醬感受咸鮮味~拖羅帶點金箔，冇筋肥美，入口即融﹗刺身以清新調味為主，多以柚子、清檸配搭，入口清爽而不膩﹗壽司：赤貝壽司橘紅鮮嫰肉質，食落極之爽口，個人好鐘意﹗金目鯛壽司有酸蘿蔔蓉同日本牙蔥，層次豐富﹗灸燒右壽司口魚甘香鮮味秋刀魚壽司薑蓉去醒味，口感較為結實  海膽白蝦杯 ，盡顯奢華﹗吞拿魚手卷:紫菜香脆，吞拿魚饀料多﹗清酒煮北海道赤鮑魚:第一次食鮑魚肝醬，濃郁肝醬配合爽彈鮑，別有滋味﹗蟹肉茶碗蒸:茶碗別緻，蛋蒸得嫩滑細膩，入面有不少松葉蟹肉，清甜鮮味﹗牛蒡煮魚料理:魚肉滑，蛋白嫰，茄子輕輕炸過但不油膩﹗平set舞茸白魚湯vs貴set豆腐野菌魚湯豆腐野菌魚湯係用鯛魚熬製6小時而成，湯頭熬到奶白色，極之鮮味﹗最後清新柚子雪糕為呢餐Omakase畫上完美句號﹗…Read More

有消費券的支持，踏出人生第一次的「廚師發辦」初體驗，相信有不少人跟我一樣，平常有些餐廳是捨不得進去的，如今有點「補助」就自然「心郁郁」想試。這一次初體驗是由住在美孚的友人介紹，其實，這一家「友樂鮨」已開了好一陣子，不過，向來低調，沒甚宣傳，來的也似是熟客居多，是朋友的秘密私心食堂。裝潢十分雅致，地方也很闊落，再加上柔和的燈光，予人感覺非常舒服，放下一日工作的重擔，在此更感受到那一份閒情。而來享用「廚師發辦」，當然是坐在吧枱這最佳位置吧，是晚客人亦不算多，更可以寧靜地享用每一道美食。我們預了是來吃「廚師發辦」，而餐牌中「廚師發辦」有兩個價格：$1,180及$1,300，選了前者，因為覺得已經非常豐富了。先來第一道菜式是「時令前菜三款」，分別是：北海道粟米、松葉蟹伴青瓜漬、蓴菜與水母，賣相精緻:)，估不到粟米非常清甜，而蟹肉十分鮮甜，蓴菜口感好特別，水母則有點爽脆的質感。剛吃完前菜一陣子，隨後就有五款刺身陸續登場，最先是很有霸氣的「雪解蠔」，來自北海道，形狀修長，蠔味及海水味也濃烈，所以，師傅特意加了些梅酒啫喱，中和一下濃烈的味道，蠔身則有些爽口感:)。然後，是一道外貌十分漂亮的「鮫鰈魚」，以薄切再襯上小菊花，魚肉質感帶爽，魚味淡雅清新，撒下點點柚子皮，很有神來之筆的感覺。第三道刺身是「深海池魚」，一片銀色魚皮好閃耀，而魚肉色澤泛出淡紅，師傅已塗上醬油，一入口魚油比較豐盈，魚的鮮味頗突出。第四道刺身是「鮮北寄貝」，看上去不單有光澤，還在蠕動，足見新鮮到不得了，口感爽脆之外，更是十分甜美，跟平常吃的很不一樣。壓軸登場的是「牡丹蝦」，又是來自北海道的貸色，紅潤大隻，外觀已很吸引，放入口中，蝦鮮味盡出，而質感帶黏，是牡丹蝦的特性。吃過五款刺身後，稍稍小休一回，就到壽司出場，打頭陣的是「金目鯛壽司」，色澤鮮紅而光亮，入口肉質細膩，頗為鮮甜，壽司飯搓得大小適中，剛好一口吃掉。第二道壽司是「石垣貝壽司」，珍珠白嘅身軀，看上去感覺非常新觧，放入口中細嚼，還以為口感如一般貝類會是煙煙韌韌，出奇地十分軟滑、清甜。再來是時令的「鰤魚壽司」，魚肉色澤泛出鮮紅，加上片片閃爍銀鱗，很吸引吧！肉質十分嫩滑，並慢慢散發出油脂，但不會太過份，剛剛好而不膩的感覺。喜歡吃到油脂的，非中拖羅、大拖羅莫屬，這一件「中拖羅壽司」切得十分大件，把飯也蓋住了，入口油潤無比，又是跟之前幾件壽司有截然不同的感受:)。一件比一件壽司味濃，最後登場是較常見的「海膽軍艦」，海膽來自北海道，自然是質素的保證，師傅更是大量地放上海膽，所以，吃來非常甘香豐腴，讚呀！過後，又有一道特色料理出場「清酒煮北海道赤鮑魚」，師傅特意用回鮑魚的肝做成肝醬，增加菜式的風味。鮑魚入口柔韌，卻不會咬不開，經清酒煮，有着微微酒香，而灰綠色的就是鮑魚肝醬，非常濃郁，能吊出鮑魚的鮮味，實在美妙。怕客人不夠飽？再來一客「碎蔥吞拿魚腩手卷」，客人必定食得滿足吧，吞拿魚蓉、蔥碎，師傅還特意加了些漬物，令到味道、口感都變得更具層次、好吃。吃日式的套餐，茶碗蒸是慣常的菜式，而這個更是升級版的「蟹肉茶碗蒸」，不單蒸蛋細緻嫩滑，而蒸蛋內放了大量蟹肉，味道鮮香。接近尾趕，還有一道時令清湯「舞茸真鯛清湯」，湯色清澈，卻不是淡而無味，而舞茸很有菌香，真鯛亦是嫩滑清甜，喝完整碗湯，整個人又再暖和了。雖然，吃罷甜品就結束今晚的盛宴，但這個「豆腐雪糕配柿卷」也帶來無限驚喜，首先雪糕的豆腐味十分強勁，十分好吃，而柿卷的柿味既甜蜜，又濃郁。這次初體驗確實是一次美好的體驗，加上環境舒適，服務上佳，令這次盛宴變得更是難忘的回憶。要打分的話，要打二百分吧！…Read More

「廚師發辦」（Omakase）晌香港都盛行咗一段長時間，所以，都唔需要多作介紹，市面上有以平價作招徠，有以質素、口碑見稱，可謂百花齊放，總之各有各精彩，各有各客源。傳統搵食旺區故然有好多呢一類餐廳，但一啲非旺區亦有一啲卧虎藏龍，今晚跟住個年年至少去一次日本嘅鐵粉，嚟到美孚嘅「友樂鮨」，大嘆一頓高質素嘅「廚師發辦」。同區有家「友樂亭」，形式走居酒屋路線，多年前曾幫襯過，感覺好唔錯，單睇名字，相信都喺姊妹店，所以，無形中多咗份信心。門面已喺一派好和風嘅風格，淺木色條形為主調，少少條形窗可以窺探到內裡嘅環境，唔會搞到好神神秘秘，高不可攀嘅感覺。而踏進餐廳，地方唔喺好大，但你會感覺好寬敞，因為枱櫈可以講喺低密度排列，加上柔和嘅燈效，感覺寧靜盎然:)。一張L形板前席，喺食「廚師發辦」嘅指定最佳位置，因為可以睇到師傅切魚生嘅刀功、揑壽司嘅手勢，以及跟佢哋嘅互動。再者，啲梳化椅背墊夠厚，坐得好舒服，櫈下亦可以放雜物、背包。人少當然揀住吧枱就最好，人多啲亦有四人枱供選擇。由於防疫關係，枱面已備有消毒啫喱自由取用，唔好見佢哋無放啲隔板，而喺寧願做少幾個客嘅生意，唔使等啲隔板影響晒成個場嘅美觀，將客人安排隔開啲嚟坐。順帶一提，除環境以和風木系為主之外，近玄關仲有個清酒櫃，嗰時晌「友樂亭」都見到有同樣嘅設定，清酒中有唔少掛住個名牌，原來喺遜客嘅，可見小店甚受歡迎。此外，酒櫃下面仲模造咗一個「迷你」日式庭園嘅砂石丘，而餐廳內仲有少少日式嘅小擺設，都喺令到餐廳整個氣氛都更日系！晌呢啲中高檔餐廳，除咗環境，餐具及服務都喺值得留意嘅一環。一碟、一杯都好古雅，就連筷子托都特別別緻，之後盛載之食物嘅器皿亦都賞心悅目:)；而服務方面，好熨貼，侍應落單時會先問問有無嘢唔食得，或食物敏感，態度既有禮，又不時為我哋添茶及收拾餐具。師傅上菜嘅速度，亦喺恰到好處，令人用餐感到悠閒唔急促。雖然，一大本餐牌有唔少菜式供選擇，沙律呀、酢物呀、刺身呀、卷物呀、壽司呀……等等，但相信大多數人嚟都喺揀套餐。分別有3個價位，「友樂晚餐」（$580）、「廚師精選Omakase」（$1,180）、「廚師精選Omakase」（$1,300），有平有貴，豐儉由人。而小弟今次喺試試$1,300的「廚師發辦」套餐，因為事前唔知會食乜，但往往食材都帶嚟好多驚喜，喺一次奇妙嘅體驗。飲品方面，清酒、燒酎、生果酒、啤酒、汽水……一應俱全，反轉後面仲有幾款特飲提供！晌影吓環境、影吓餐牌，不經不覺師傅就預備好幾款前菜，除有啲薑片外，仲有醃漬嘅牛蒡同蒜頭，前者入口爽爽哋，細嚼後有陣陣甘味；後者入口喺好爽脆，有別平常食到咁軟軟腍腍，有種食緊「酸蕎頭」嘅感覺，非常得意。 時令前菜三款 一切準備就緒，就上第一道菜，亦喺食「廚師發辦」嘅典型安排，三款特色前菜：北海道粟米、青瓜漬配松葉蟹、蓴菜配水母。以日式便當小木盒一次過送上，單喺賣相已有啲先聲奪人嘅感覺，非常精緻而富雅氣，貫徹日本菜一向嘅匠人精細。 師傅更特意提醒，享用都有其次序，先食嘅喺北海道粟米，咪睇佢好似好白會無乜味，食過北海道粟米都知，甜度非常高，而且，粟米味突出。第二道要試喺青瓜漬配松葉蟹，伴有少少啫喱醋，青瓜配上啫喱醋入口十分清爽，而松葉蟹肉鮮甜無比，以質取勝。 最後喺蓴菜配水母，好在有個哈日朋友，先知蓴菜（音：純）喺啲乜，喺啲浮葉性水生植物，有層透明薄膜包住，口感滑潺潺，好得意。而水母咬落似海蜇，爽爽脆脆，伴以酸醋汁，好清新嘅感覺。北海道雪解蠔第一道刺身喺雪解蠔，好陌生嘅名字，所以，絕對喺第一次享用，蠔形偏長，師傅處理得好乾脆，亦唔會有蠔殼碎，面頭仲加咗梅酒啫喱，平衡番個海水味。雪解蠔肉質飽滿，入口蠔味重，質感脆身，海水味唔算太重，喺好有質素嘅生蠔。鮫鰈魚薄切又喺一道極少接觸嘅魚類，第二道刺身喺鮫鰈魚薄切，盡顯師傅刀工，每一片厚薄均一，並且薄至透光，加一朶菊花，灑上點點柚子青作點綴，感覺立時好唔同。魚肉有少少爽爽哋，魚味唔算好濃，但佐以柚子醋，有一份小清新嘅感覺。別忘了菊花下仲墊有不少昆布，都好好食架。深海池魚第三道刺身喺比較常遇到嘅深海池魚，相信大家都唔陌生，色澤晶瑩而帶淡粉紅，保持一貫光澤亮麗，足見其新鮮度。師傅特登晌刺身上鎅幾刀，増加美觀感，並搽咗醬油，加咗芥末，一啖放入口就得喇，食落肉質嫩得嚟帶爽口，魚鮮味頗突出。新鮮北寄貝第四道刺身喺北寄貝，但當然唔喺平常晌迴轉壽司食嗰啲紅紅哋嘅平價貨莓，而喺新鮮貨色，外觀已明亮光澤。咬落去質感軟腍，帶少少爽口感，味道喺非常之鮮甜，輕輕沾丁點醬油，真喺鮮味盡出。北海道牡丹蝦牡丹蝦以往都食過好幾次，不過，今次呢隻算好大隻吓，介紹時，師傅仲話蝦膏煮過仲深番上面，味道帶甘甘哋，再襯上蝦籽，而且蝦身本身色澤光亮紅潤，可謂顏值高，新鮮度已搶晒分。一啖入口，肉質黏黏哋卻又帶有爽身嘅口感，非常好食。炙燒北海道帆立貝食刺身最緊要喺夠新鮮，咁就已經差唔得去邊。第六道刺身喺炙燒帆立貝，刺身級嘅帆立貝既大粒，又厚身，炙燒後以紫菜捲起嚟食，香脆嘅紫菜搭上軟滑綿綿嘅帆立貝，嗰份嘅感覺，的確令人印象深刻，真想再要多件呀。中拖羅轉眼間，已嚟到最後一道刺身，即喺刺身中嘅常客中拖羅。中拖羅比赤身油份重啲，但又唔會好似大拖羅咁好多油脂，可以講脂肪適中。跟深海池魚一樣，已搽咗醬油，加咗芥末，睇到油花細緻，油分充足，入口確喺柔嫩味鮮，滲有少少油香。金目鯛壽司一輪刺身已有好奇妙嘅體驗，跟住落嚟嘅壽司又會喺點？先登場嘅第一道壽司喺金目鯛壽司，師傅三手就捏好壽司飯，飯粒鬆軟唔會死實，卻又唔會一夾就散，並已加入赤醋作調味。金目鯛嘅溫度剛好，入口肉質細膩，味道鮮甜，油脂唔太重。石垣貝壽司第二道壽司喺用上嚟自沖繩嘅石垣貝，又喺未接觸過嘅食材，嘩！唔喺講笑，隻石垣貝仲郁郁吓，大力拍落去仲會有反應，足見新鮮到不得了。雖然都喺貝，跟北寄貝又好唔同，口感比較軟滑，搽上醬油，提升其鮮味嘅層次。鰤魚壽司第三道壽司喺鰤魚壽司，第一次聽鰤魚覺得好陌生，其實，鰤魚就等同油甘嘅大人，咪以為大條咗就會肉質嚡，其實佢算喺頂級食材，而且，好講時令。泛紅嘅魚身無暗啞，食落口感鮮滑細膩，油脂豐腴。沙甸魚壽司沙甸魚？當然唔喺講罐頭嗰啲，第四道就以沙甸魚做成壽司卷，呢段時間沙甸又喺幾時令，裡面仲捲住一啲鹹菜及幼蔥條，整體口感及味道幾唔錯，沙甸嘅油香都幾突出。海瞻壽司嚟到最後一件壽司，雖然選材海瞻，但做法可以不一樣。以一個方形小碗盛載，擺上一小花束紫蘇，如藝術品般美。北海道嘅海瞻，向來都喺高質素，外表有光澤，入口果然喺甘香豐腴，綿密細膩，仲有種甘甜嘅餘韻。碎蔥吞拿魚腩手卷之前食過好幾次「廚師發辦」，臨近尾聲都會有一道手卷，唔知喺咪啲師傅情有獨鍾，都好鍾意用上吞拿魚，並捲成長條形，今次亦喺。將吞拿魚腩刴成蓉，加入蔥碎、一啲漬物，食起嚟有吞拿魚嘅油潤，但就令口感唔會太膩，增添少少清爽感。廚師特選一品料理究竟喺咩料理呢？師傅賣關子，到最後一刻先送出嚟，原來喺一道煎靜岡金目鯛。賣相有種清灑脫俗嘅意景，因為以海苔做成「翠綠嘅湖泊」，墊上一件薄豆腐，再放上煎香嘅金目鯛。魚肉非常嫩滑，而且，非常鮮甜，豆腐亦滑溜，充滿豆香。蟹肉茶碗蒸  加入咗蟹肉，自不然令個茶碗蒸升咗兩級啦，而且，個陶瓷碗亦都好別緻。睇到表面蒸得好平滑，滔一羹試試，蟹肉落得唔少，蛋漿蒸得滑溜無比，兼且甚有蛋香，正呀。玉子蛋糕突然間，師傅捧咗個玉子蛋糕出嚟，話請我哋試吓，突然令小弟想起有次食「廚房發辦」，又類似喺咁，師傅捧咗條伊達卷出嚟請客人食。雖然，只喺一小件玉子蛋糕，但蛋味勁濃，卻喺好清甜。仲有少少印象，有師傅話過，食壽司，最尾喺蛋，有句號嘅意思添。時令清湯食日本嘢，佢哋喜歡最尾先嚟飲湯，今次嘅清湯喺舞茸白身魚清湯，而白身魚用上時令嘅真鯛。師傅話先飲個湯，個湯應該喺鰹魚湯，味道比較清，而再食啲舞茸同真鯛，前者頗有香菇味，後者肉質纖維比較細嫩，食起嚟比較清爽。豆腐雪糕配柚子柿卷直到最後，都仲有驚喜，豆腐雪糕嘅豆腐喺十二分濃郁，口感柔滑富奶香，而伴碟嘅柚子柿卷喺日本農民婆婆嘅手作嘢，口感軟軟腍腍，柿味清甜，真正為今餐有個完美作結。本應，仲包一杯咖啡，但都已經好飽，同埋，今朝早餐、晏晝，都飲咗兩杯，用晒是日嘅配額喇！全程除咗一位Billy師傅直接招呼之外，另一位侍應嘅招呼亦非常熨貼，如收碗、換碟、添茶（頭段喺玄米茶，尾段喺抹茶，都無問到有無咩特別意思呢），都喺恰到好處；而師傅刀功了得之外，所有刺身、壽司，啲魚生晌溫度上嘅處理，均值得一讚，因為入口時唔會太凍，亦唔會好似擺耐咗攤暖咁。環境舒服，又有少少輕鬆嘅音樂襯托，真叫人樂在其中，渡過咗一個愉快、稱心嘅晚上。…Read More