麵麵俱到

元朗雞地小店林立，是不少街坊覓食好去處。小店座位不多只有一排吧檯，狹窄空間無阻區內學生來報到，垂吊於天花的和紙傘和富士山牆紙強調了日本主題，和傳統拉麵不同，店家麵底採用了香港的手工蛋麵和讚歧烏冬。——————————————————✨蟹肉海老鮮蝦味噌湯麵✨$78份量驚人，女生單吃配料已經半飽。手工蛋麵感受不到有什麼加成作用，類似伊麵的軟滑口感但沒有吸湯效果，蝦的鮮味未能融入當中，更何況湯底實際蝦味亦欠奉。爽彈蝦仁有挽回一點分數，筍絲亦沒有不討好的臭味，整體而言不過不失。✨ 醬油慢煮豬軟骨配脆脆豬皮豚骨烏冬✨$62欣賞軟腍入味的豬軟骨，脆豬皮在我角度是畫蛇添足，換成半顆味玉會更得我心。豚骨湯底同樣普通，兩碗麵的湯底和麵質都不突出但相比之下豬軟骨湯麵更符合主題，性價比亦更高。✨ 唐揚炸雞✨套餐加配$20連飲品整餐的高光點，熱氣騰騰的雞件外表乾爽，內裡仍然保持嫩滑多汁，油溫控制得宜。——————————————————從當日座無虛席甚至有人要落空而回的場面看來小店無疑憑實誠價格走入街坊的心。味道中規中矩，定然不是會讓我長途跋涉入元朗特意品嘗的滋味。店家在湯底和麵的處理不及配料用心，若然嚴格地以日式拉麵的標準去看待店舖或會失望而回，但以民生小店來說則是恰如其分。但這個定位又是否小店的初心？餐廳的佈置似乎說明了小店努力想捕捉到的平衡點，期望小店能在不斷調整與更新中找到自己的生存之道。…Read More

呢一日去開元朗，試咗間之前bookmark咗嘅餐廳～當初見到呢間個壽喜燒湯麵好似好正，所以想試❤️小店喺巷仔入邊，面積唔大，座位唔算多，去到坐滿，等咗一陣位～有丼飯、湯麵、小食、沙律選擇，而湯麵可以揀日本讚岐烏冬 或者 香港傳統手工蛋麵，最後揀咗呢幾樣：#溫泉蛋牛肩胛壽喜燒湯麵 $58有牛肩胛片、溫泉蛋、鳴門卷、味付筍片、蔥花、紫菜絲、芝麻、炸乾蔥+$12 升級沙律套餐，有沙律連嘢飲麵揀咗 #日本讚岐烏冬牛肩胛片有灸燒過個面，幾香，壽喜燒湯底，烏冬索晒啲湯，煙韌又入味👍平時壽喜燒都鍾意食埋烏冬收尾😌#蟹肉海老鮮蝦味噌湯麵 $78虎蝦、蟹肉、鳴門卷、味付筍片、蔥花、紫菜絲、芝麻、炸乾蔥侍應一擺低已經聞到勁香，飲落幾香濃有幾隻大蝦，新鮮爽口，呢個揀咗 #香港傳統手工蛋麵，個麵有蛋香味同彈牙，幾襯個湯，配料都豐富+$20 升級唐揚炸雞套餐，有炸雞跟嘢飲炸雞炸漿唔厚👍另外叫咗 #燒汁雞皮餃子 (5pcs) $28個面脆，脹卜卜，啖啖肉湯底幾有特色嘅小店，有興趣湯麵嘅去試吓～…Read More

最近係元朗雞地附近行，無意中發現一條巷仔入面有間新開嘅麵食店舖，店內主要食日式讚岐烏冬及香港手工蛋麵，門外睇起嚟好似日式風格，品嚐下啲fusion麵啦 ~入到店內，地方雖然唔大，以及只有一排座位，但完全感受到充滿日式風格設計。蟹肉海老鮮蝦味噌湯麵      $78所有麵類可二揀一 : 日本讚岐烏冬/香港傳統手工蛋麵。呢碗揀咗湯烏冬，材料好豐富，包括有虎蝦、蟹肉、嗚門卷、味付筍片、蔥花、紫菜絲、芝麻及炸乾蔥，虎蝦彈牙爽口，蟹肉鮮味，炸乾蔥香脆可口，烏冬煙韌滑嘟嘟，味噌湯底係使用面豉醬混合蝦嘅鮮味，鹹鹹甜甜幾好味，濃郁可口，香氣四溢。日式濃汁燴牛肋條壽喜燒湯麵        $72另一碗同樣選擇烏冬，日本讚岐烏冬特別煙韌彈牙。牛肋條煮至軟身，肉質嫩滑，牛味濃厚，其他材料 : 鳴門卷、筍片、炸乾蔥、紫菜等等，餸菜好入味，湯底香濃，日式fusion湯麵，很不錯。津路烏龍茶       $9茶味香濃帶回甘，冰冰涼涼，口感清爽。…Read More

聽聞元朗美食眾多嘅雞地新開咗間和風湯麵店，鋪頭隱藏於一條小巷子入邊！店內裝修相當之和風，餐廳又播住輕快日文歌，係滿滿嘅日本氣氛啊～日式濃汁燴牛肋條壽喜燒湯烏冬💰HK$72牛肋條好有口感，唔會太冧亦唔會太韌！烏冬係選用咗讚岐烏冬，口感煙煙韌韌，掛汁又入味！日式濃汁嘅味道甜甜酸酸幾特別，而湯底就用咗骨湯製成，係一碗有靈魂既湯底啊～升級沙律套餐💰+HK$12沙律份量多～蟹肉海老鮮蝦味噌湯麵💰HK$78呢碗湯麵配料豐富，好多蟹肉，大蝦肉質爽口！麵底方面仲可以揀傳統港式麵 — 手工蛋麵，麵質相對地比較有筋性同彈牙，而且又有淡淡嘅蛋香味！個湯底亦好特別，味噌嘅味道係先鹹後回甘，蝦味亦好濃郁，整個湯底嘅香味會令人覺得有種係北海道拉麵嘅感覺～升級唐揚炸雞套餐💰+HK$20唐揚炸雞即叫即炸，外層香脆，第一次食炸雞一咬落去係爆哂汁嘅，肉質香嫩，令人回味無窮～明太子吉列炸蝦💰HK$25吉列炸蝦同樣都係新鮮滾熱辣，外酥脆內爽口，冇得輸～總括來講，加錢升級做套餐真係超抵食啊，包埋沙律/小食同埋飲品，價錢超值！店員服務態度又好好，真係入元朗必食嘅有誠意小店～…Read More

元朗好順景大廈一帶餐廳林立，今日放假就過來這邊覓食。走著走著，在小巷中發現了這間「麵麵俱到」小店，一於入去試試！「麵麵俱到」的裝潢充滿日式元素，很有日本風情畫的感覺！店舖座位數量不多，如上圖所示的對著牆邊的一列座位。配有豬軟骨、豬皮脆脆、鳴門卷、紫菜絲等的食材。豬軟骨慢煮，肉質燉至非常腍，充滿醬油鹹香味。豬皮脆脆經香炸，口感脆卜卜。配上讚岐烏冬，入口煙韌。這一碗配餸非常豐富，分別有虎蝦、蟹肉、蟹柳、鳴門卷等。虎蝦有3隻，蝦肉十分彈牙。蟹肉和蟹柳的份量也有很多。湯底加入了櫻花蝦，味道更香。而麵底則選了手工蛋麵，麵條呈粗扁身，帶淡淡蛋香；筋性質感，入口有嚼勁。以港式傳統麵來煮和風食物，港日fushion，非常特別。加錢配成套餐，可揀選沙律或唐揚炸雞。沙律菜新鮮，撈了芝麻醬後很香口。而唐揚炸雞上枱熱辣辣，入口juicy，附有蛋黃醬蘸點。第一次試雞皮餃子！以雞皮代替餃皮包著餡料，雞皮炸至金黃，入口充滿油香，帶酥脆之感。雞肉內餡軟嫩，有爆汁juicy之感。餃子還淋上燒汁，更加惹味。…Read More