Coucou Hotpot‧Tea Break (Hysan Place)

每日午餐諗到頭都爆😂打個邊爐都幾開心🦀揀咗湊湊火鍋入到嚟環境都非常舒適👍🏻可能係晏晝時間唔係好多客😁😁首先揀咗個蟹粉黃魚鍋🦀淡淡的蟹粉可以放喺飯度，又可以放喺湯度好味👍🏻 當然唔可以期望過蟹粉好出色😂得推介就係黃魚 啖啖肉好好味👍🏻👍🏻👍🏻再推介荔枝蝦球👍🏻 造型像一顆顆紅噹噹的荔枝，入口卜卜脆，蝦膠彈牙香辣，荔枝肉爽口，外邊係酥炸😋另外再推介就係大紅袍冬瓜茶非常之好飲👍🏻出奇地非常夾 🤪肉就冇乜特別😆 不過打邊爐都要叫下嘅😋…查看更多

成大半年冇黎過湊湊火鍋，今日午餐黎打邊爐，餐廳非常静局，冇乜人。主餐牌成本雜誌咁，好特別。餐牌有唔同肉類，海鮮，蔬菜，丸類，主食，小食，有拼盤有散叫。湯底有8款。上次食過番茄牛膝骨鍋，今次我哋揀左蟹粉黃魚鍋。蟹粉黃魚鍋 單鍋 $258 駌鴦鍋 $168 另加一蟹粉黃魚鍋湯色呈奶白色，飲落魚味濃又滑，帶少少胡椒味，唔覺油膩。炸黃魚有13件左右，雖然炸皮浸腍左，但係味道有魚味，魚嘅質感都唔差。蟹粉另外用隻好可愛既蟹造型兜裝好，可以加落湯或者就咁食，蟹粉連少少蟹肉，唔算特別香，味道都可以既，不過較油膩，可能預你加落湯，我就咁食。蟹粉份量一共有4份，都唔少。湯底仲有4磚豆腐，亦加入杞子。我哋自己另外加左自助吧嘅百合茄，味道都唔錯。麻辣鴨血豆腐無限添加，仲寫明可以比你打包返屋企。味道都幾辣，不過唔太麻，可能配合返港人口味，鴨血新鮮爽脆，豆腐都正常。可以任食好抵！要叫服務員攞比你。任食自助吧有時令前菜兩款，分別係海藻同魚皮。另外仲有西瓜，哈蜜瓜，百合茄，多款秘製醬料，同埋白飯。每位收$19另加一。水果同百合茄質素正常，都會添加。海藻同魚皮都算爽口，魚皮特別滑溜。秘製醬料14款，俾你自由配搭，有鮮味汁，鮮味醬油，菌菇醬，香油，沙茶醬，醋，XO醬，蠔油，香莤，蒜泥，花生碎，辣椒油，香蔥末，辣椒末，白芝麻，麻醬，全部有蓋蓋住。餐中有沙冰送，係菠蘿味雪芭，好refreshing。免費甜品係梅子茶凍。茶味勁濃，啫喱好滑，入面嗰粒梅子有核。座位有私隱度，好似包箱，窗外景觀開揚。不過張椅好硬，出入空間好窄。預你留好耐慢慢食，有叉電插頭俾你叉電。餐廳有提供即棄圍裙。六點前埋單有八五折。總括而言，最抵嘅食法就係叫一個鍋，然後食自助加鴨血豆腐食飽，已經有齊菜肉水果飯同甜品，仲要唔限時。不過今日服務員態度差左好多，門口侍應顧住自己講野唔理我哋，茶水冇自己上，問服務員攞佢又唔應人，唔怪得冇乜生意。…查看更多