Toyomori Japanese Restaurant

已經準備要食第二次嘅日本餐廳！食物質素好，環境舒適，侍應服務非常周到嘅日本餐廳 - 豐森水產(⁎⁍̴̛ᴗ⁍̴̛⁎)門口有一種神秘嘅感覺，入到去就好似去咗高級日本餐廳咁！星期一至四獨有二人套餐，兩位都只不過係HKD$588，由頭盤到主菜都甜品一應俱全，可能喺元朗來講有啲貴，但食物質素對得住價錢，物超所值。頭盤有豆腐麻醬沙律同埋紫菜雲吞，看似簡單但份量驚人，沙律菜新鮮，麻醬好大碗，紫菜包住蝦肉，外脆內彈牙，口感特別之後係劍魚壽司同北奇貝壽司，壽司飯本身已經有豉油，襯托出刺身嘅鮮味！除咗壽司，仲有刺身碗，刺身非常鮮味，可以媲美喺日本食嘅刺身，好高質素跟住就係燒肉，有三款每款各兩塊，過下燒肉口癮就啱晒！除咗肉仲有大蜆，比肉更出色，燒完仲好juicy同鮮味！而且仲有非常大份嘅蟹甲羅焗飯，即叫即做即起，蟹味非常香濃！隨餐有炒野菜及甜品盒，頂級豐富！另外加點了牛油果忌廉蟹肉，同樣非常出色，牛油果控一定要叫*^O^*…Read More

是日俾人拖左去元朗食日本野，餐廳距離朗平站不遠，即使唔熟元朗區跟住地圖走都好易搵到。餐廳環境唔錯個場好大，踏進去東瀛風直撲而來，入門紙燈籠排陣歡迎你，好靚打打卡都唔錯，日式裝潢掛滿旗幟，仿如置身日本感覺。卡位寬闊舒適，主打橫濱燒及日式燒肉，但友人懶懶動手燒，唯有下次再試啦～燒河豚魚亁 $88口感半煙韌，甜甜地有魚香味，沾上蛋黃醬更佳，作為餐前小食唔錯。磯燒岩蠔 (4只) $98燒生蠔本身已經好鮮美，加了美味芝士沙律醬汁滿滿的，味道超濃有點膩，食一隻已好滿足。清酒煮大蜆 $88蜆肉大大粒無沙，清酒煮湯味香濃，蜆肉鮮味突出簡單好食。什錦天婦羅 $78賣相唔錯炸物一大堆，有齊炸蝦、茄子、冬菇、秋葵、南瓜及蕃薯，可以樣樣都試下，炸粉不算厚，脆脆地味道ＯＫ。蟹甲羅焗飯 $98面層舖滿咸香美味的蟹膏、絲絲的蟹肉及脆卜卜的蟹籽，蟹氏一家有齊感覺完美。飯量都幾多，飯粒粒分明，熱鍋底部有飯焦。拌勻食口感味道都好滿足，依個價錢都幾抵食。…Read More

壽司、刺身、燒肉、和食、浜燒、甜品，樣樣都想食？這家位於元朗的豐森水產就可以一次過滿足你多個願望！餐廳位於元朗劇院附近，從屯馬綫朗屏站沿著元朗體育路步行十分鐘左右即可到達。店內和風的木系設計，掛満日式的燈籠和擺設，令人尤如置身日本，餐廳並設有魚缸放滿新鮮的水產，客人可以近距離選擇當天最新鮮時令的食材。豐森精選晚餐-二人前（HK$588)這款二人精選晚餐價錢$588，只限星期一至星期四供應，假期除外。餐目包括兩款頭盤、壽司、刺身、燒肉、燒大蜆、炒野菜、主食和甜品。日本胡麻涷豆腐沙律頭盤是一款清新的日式沙律，涷豆腐配以新鮮沙律菜，加入日本胡麻醬，味道清新又自然。紫菜炸雲吞這款炸雲吞用了紫菜作為雲吞皮，炸過的紫菜入口脆卜卜，作為下酒菜或小食同樣合適。壽司拼盤四件的壽司拼盤，兩件北寄貝和是日的精選壽司。壽司用了赤醋飯，比米醋飯更香醇、更濃厚。刺身拼盤四款刺身包括三文魚、帆立貝、鱆紅魚和吞拿魚各兩件，刺身新鮮甜美，肉質細嫩。燒肉拼盤/活大蜆三款肉類包括澳洲和牛肉眼、美國安格斯牛小排、西班牙豬肋條，另外還有一盤活大蜆。澳洲和牛肉眼油花分佈均勻，入口即化；美國安格斯牛小排，肉味濃、肉理細緻；西班牙豬肋條，脂肪比例恰到好處，筋膜的肋條帶點嚼勁，油香四溢。大蜆放在爐上直燒，一隻隻活大蜆隨著熱力卜卜爆開，可以吃到原汁原味的海洋味道。蟹甲羅焗飯原鍋上的焗飯，飯面上放滿一層蟹肉蟹膏，味道甘香又肥美，加上蟹籽的脆卜卜，令每一口飯都有著多重的口感和味道。炒什菜食完多款肉類，吃一個健康的炒什菜平衡一下。特色甜品盒這裡的甜品全是自家製作，精𡟹的四式甜品放在四格木盒內，無論賣相或味道同樣可以媲美坊間的甜品專門店。StorefrontInteriorMenu…Read More

食水產，又唔一定要去/銅鑼灣，元朗都食到高質又抵食嘅水產店。環境好大間！而且店內裝修用心，空間感大之餘，座位又大又寬，好舒服。餐牌好多選擇！價錢都唔太貴，因為唔想諗就揀左呢個2人set，$588 2個人有咁多嘢食，好抵！ 豐森精選套餐(二人前) $588 包括頭盤：日本胡麻凍豆腐 或 蟹籽沙律及紫菜炸雲吞；壽司、刺身：北寄貝壽司、油甘魚壽司、三文魚刺身、鱆紅魚刺身、帆立貝刺身及吞拿魚刺身；主菜：澳洲和牛肉眼、美國安格斯牛小排、西班牙豬肋條、活大蜆、炒野菜、蟹甲羅焗飯 或 櫻花蝦黑松露炒飯及特式甜品盒。紫菜炸雲吞好特別，入面包住蝦好彈牙，麵皮換上紫菜更和口；壽司、刺身正常質數，當中最中意油甘魚壽司，厚切油脂恰到好處；主菜中美國安格斯牛小排同豬肋條都好juicy，活大蜆新鮮即燒，必食蟹甲羅焗飯！飯身做到Risotto 咁好煙韌，蟹膏紫菜夠哂多，撈埋食好滋味；特式甜品盒有成四款，包括焦糖燉蛋、椰汁燉奶、士多啤梨泡芙及朱古力蛋糕，做完美嘅總結。總括而言，會再幫襯，而且會叫多d水產，今次嗌set無試到甲羅燒、鮑魚果d，下次就散嗌！…Read More