Pancake Senmon Saori (Closed)

疫情下一直心念念日本各式精緻甜點，路經銅鑼灣百德新街被一間裝修極具秋天小京都氣息既餐廳吸引到，原來係一間專賣日式班戟專門店。餐廳裝潢甚有日本風情，深色木製餐桌配襯楓樹、小園境滲出淡淡秋意。.餐廳新皇牌有佢地同ɴᴇᴋᴏ ᴘᴜꜰꜰ聯乘合作即製即焗即食、保證新鮮拿破崙系列。呢一款招牌拿破崙，曾經得到瑞士甜品ʟʀɴ ᴡᴏʀʟᴅᴡɪᴅᴇ ɪɴꜱᴛᴀɢʀᴀᴍ ᴄᴏɴᴛᴇꜱᴛ 30ᴛʜ ᴄᴏᴍᴘᴇᴛɪᴛɪᴏɴ 世界賽冠軍，所以無懸念必點必試。.雪糕芒果蕨餅拿破崙 💲138⭐️4.1/5ʀ2ᴇ2澳洲芒果、煙韌麻糬配忌廉，底層係雪糕再配上三層即製牛油味香濃酥皮拿破崙。入口滿滿濃郁牛油香，甜而不膩。芒果清甜，忌廉幼滑，酥皮比一般版本牛油同焦香味更濃，口感鬆化但不易碎唔會一切就散哂。拿破崙即製即食，落單後稍稍等左一陣，貴為得獎之作確實不錯。.伯爵茶無花果班戟 💲138⭐️3.6/5造型賣相很不錯的一份班戟。無花果本身味道不濃帶微微清甜，主要靠雪糕同伯爵茶忌幼滑廉提味。班戟係近似海棉蛋糕質感而空氣感班戟類型。餐廳標班戟榜係用日本米磨米粉，而非用一般麵粉去做，所以口感上略有不同。.蟹王丼 💲198⭐️3.8/5友人特別喜歡蟹王，見到餐廳熱食入面有五王蟹粉丼選擇，雖然價錢唔平都決定一試。呢份蟹粉丼標榜用左精選五款時令當造蟹粉：包括松葉蟹、麵包蟹、毛蟹、鱈場蟹同大閘蟹既蟹肉同蟹膏，再加上半熟蛋漿。蟹粉份量很慷慨，咸香滑滑質感助飯一流。另外每份丼飯仲會配上餐湯、沙津同一客熱麥茶，質素正常。.雪波茶 💲38抹茶富士山 💲48凍版本雪波茶係南非無咖啡因紅茶，承載既玻璃器皿簡潔優雅，茶香特別有驚喜。抹茶富士山既抹茶奶泡漸層質感厚實，但茶香不算濃甜度較高。.總結：拿破崙同波波茶有驚喜，班戟則還是比較喜歡空氣蛋感型。Neko Puff既拿破崙系列其實仲有原個版本，可以俾大家訂黎節日/生日慶祝，口味比堂食更加多，可以一試。.不專業食評nei.foodie …Read More

每次路過也很想走入這間位於銅鑼灣的日式pancake店歎茶食cake，今天終於有閒情逸致入去坐下。餐廳環境非常少女和風感，以木為主調，配上金色系裝飾，門面有金樹、金幣井及可愛貓貓，十分吸睛！食物有咸有甜的，咸的有咸pancake、午餐、丼飯等，甜的有拿破崙蛋糕、日本pancake、Mont Blanc 系列pancake等。🦀🦀🦀我選了不少人話好食的蟹王丼，精選五款時令當造的螃蟹如松葉蟹、麵包蟹、毛蟹、鱈場蟹等生拆之蟹膏、蟹肉、蟹油，熬製成金黃色的蟹粉，配以溫泉蛋入丼。餐湯是粟米湯，粟米味濃，不會太甜。沙律菜配以日式芝麻醬，味道微酸帶麻香，頗醒胃的。主菜蟹王丼蟹味清香，蟹粉配上蛋漿及足夠濕潤的珍珠米，味道不錯，最好是丼的保溫效果很好，吃到尾飯還是暖暖的。比較失色的是配上的麥茶，茶溫較涼，味亦較淡。🥞🥞🥞🍵🍵因為愛茶，甜點選了伯爵茶無花果班㦸，上層是新鮮無花果，味道清甜；中層是雪糕及伯爵茶味忌廉，甜度與滑度也很好；底層是原味班㦸，甜味不明顯，蛋味卻很出，喜歡微甜的我十分喜歡。果然是pancake專門店，味道賣相也很好，一定會再去試其他款式班㦸！整體來說，甜點比咸點出色。如喜歡健康調味的就會十分啱口胃，喜歡濃味的可能會稍覺味道偏淡。我個人就很喜歡這份天然食材的味道，配上自然和風環境，很有遠離塵囂之意境。…Read More

都說女生有一個甜品胃，怎麼吃都不生厭，今次就來到位於銅鑼灣的Pancake 專門，又是為了將甜點當正餐。店鋪裝潢洋溢著古樸的京都風情，散發濃濃和風禪意。牆上掛著很多趣緻的貓貓掛布，使整體空間充滿溫馨舒適的氛圍。餐牌選擇繁多，以無麩質Gluten-free日式班㦸及輕食為主打。食材都是由日本空運直送，班戟採用上盛日本米磨成的米粉，取代一般麵粉。蟹王丼 $198賣相貫徹和風料理的優雅恬靜精髓，不用自己動手就能品嘗啖啖奢華的蟹粉鮮香，刺破半熟溫泉蛋後，蛋漿亦會漸漸流出，添上濃滑蛋香，相當好下飯。精選五款時令當造的螃蟹如松葉蟹、麵包蟹、毛蟹、鱈場蟹等生拆之蟹膏、蟹肉、蟹油，熬製成金黃色的蟹粉，散發出濃郁鮮甜蟹香味。每份丼飯附上麻醬沙律及粟米餐湯，輕盈無負擔。隨丼飯附送綠茶，茶香清幽淡雅。伯爵茶無花果班㦸 $138班㦸外型精緻瑰麗，單看已令人賞心悅目，特選秘魯無花果的熟成度剛好，飽滿又清甜，滿載輕柔果香的幸福滋味。日本直送之濃厚忌廉中混合Twinings 伯爵茶，含蓄的茶味餘韻會在口中緩緩散開，班㦸質地偏向似蛋糕，口感較綿密實身，吃起來略帶濕潤，富有濃濃蛋香。離開時侍應亦會奉上日本糖果，服務夠貼心。…Read More

呢一間Pancake專門算係一間較新同特別既日式班戟專門店，主打無麸質班戟，班戟用米粉取代一般嘅麵粉，所以做到無麩質效果。特別係佢嘅紗織班戟，係用特別機器，將栗子、紫薯或者甜薯蓉壓成一條條約1mm幼，再唧喺班戟上面，非常特別。餐牌有甜班戟，季節限定班戟，Mont Blanc班戟，鹹班戟，慢煮系列主菜，輕食餐，同飲品。尋日放題食嘅野仲飽緊，今日食得輕盈啲，只係叫左一個丼同一份班戟兩個人分。蟹王丼 $198 另加一呢個係丼飯及蟹粉限定之選。用一個井字木架上枱，不過其實唔太熱，份量的骰。白飯呈瘦長形，似絲苗米。上面有蟹肉蟹粉蟹籽，仲有一隻温泉蛋，再灑上少少紫菜絲。餐牌話厨師精選5款時令當造螃蟹生拆嘅蟹膏，蟹肉，蟹油而成蟹粉。撈埋蛋汁食滑啲。丼飯包餐湯，沙律，冷熱麥茶。餐湯係粟米忌廉湯，加左少少香草，帶少少梛漿味。沙律係沙律菜加胡麻醬。餐湯同沙律份量的骼。麥茶叫左熱，好香麥味。日本楓糖洋梨班戟 $138 另加一日本楓糖洋梨班戟係原味班戟底上面有梨肉，外圍加左白色厚身忌廉，一球雲呢拿雪糕，再加上好香嘅楓糖漿，碟邊有少少梨肉圍邊，賣相不俗。班戟好鬆軟，配香滑忌廉好味道，而楓糖嘅甜度適當又香。梨肉脆脆哋。成份甜品都幾輕盈，一人一半絕對唔夠喉。如果正常餓度，呢個份量應該唔夠兩個人食。環境都唔錯，今日坐係門口近假樹，適合影相打卡。…Read More

前排經過cwb時，被這間門面吸引了，deco精美，好有置身日本感覺！原來唔只外面，入面的佈置都非常精美精緻😍見到令人心情變好原來他們除pancake外，還有其他鹹食和lunch set～不過來這裡當然要食他們最拿手+出色的pancake無花果pancake—賣相非常精美，而且出乎意料地用上新鮮無花果！無花果食落去好清甜，充滿清新果香，而雪糕非常滑，配上非常鬆軟、甜度適中的pancake，水準幾好😋😋🥰🥰desserts make me happy！蟹王丼—用上絲絲鮮拆蟹肉，與蛋黃撈在一齊連飯食，口感不錯。而旁邊的粟米湯是日式風味，濃香粟米中帶有少少奶香。另外，他們的綠茶清淡中帶香，配甜食一流下次再來感受一下置身日本的感覺🇯🇵…Read More