Black Wood Izakaya (Tsing Fung Street) (Closed)

石燒厚切和牛賣相：🐧🐧🐧🐧🐧味道：🐧🐧🐧🐧🐧和牛油花均勻，色澤粉嫩迷人，整齊排放在石燒板上溫熱送上，濃郁的牛肉香氣四溢，非常誘人。和牛燒至半熟，外層脆香可口，內裡軟嫩多汁，咬落每一口都充滿濃厚的牛味，再沾些隨牛肉附上的醬汁和蔥油，令牛肉更添鹹鮮，必食推薦。蟹將軍薯仔沙律賣相：🐧🐧🐧🐧🐧味道：🐧🐧🐧🐧🐧薯仔蓉口感香滑軟綿，薯味濃郁，頂上堆滿厚厚的蟹肉絲和蟹籽，攪勻一起食用，鮮甜味美，開胃又清新，脆卜卜的蟹籽為沙律更添嚼感。火焰左口魚邊卷賣相：🐧🐧🐧🐧🐧味道：🐧🐧🐧🐧🐧左口魚經火炙料理，令魚油脂的香醇更加突出，搭配青瓜、玉子、蟹柳等清爽的配料，正好中和魚油的膩感。頂端以黑松露和蟹籽作點綴，令整體滋味口感更豐富馥郁。玉子燒汁脆活海鰻賣相：🐧🐧🐧🐧🐧味道：🐧🐧🐧🐧🐧活海鰻即點即烤，上枱時依然溫熱香脆，咬落爽滑彈牙，肉感滿滿，與香甜的玉子燒和濃香的燒汁一起食用，鹹甜滲半的滋味令人難忘。藍蝶花佛手柑熊茶賣相：🐧🐧🐧🐧🐧味道：🐧🐧🐧🐧🐧茶飲色澤夢幻迷人，頂端以熊仔冰飾作點綴，可愛又吸睛，打卡必點。茶飲清香怡人，佛手柑和藍蝶花的香氣互相融合，效果清新又提神，解膩消暑良伴。北海道士多啤梨牛乳乳酸賣相：🐧🐧🐧🐧🐧味道：🐧🐧🐧🐧🐧乳酸帶有濃濃的士多啤梨味，果香四溢，與奶滑酸香的乳酸互相融合，酸酸甜甜的滋味令人上癮。環境：🐧🐧🐧🐧餐廳設計與傳統的日式居酒屋類近，以別具特色的日本風格畫作裝飾點綴，配以柔和偏暗的燈光，風味十足。🐧❤️結語：石燒厚切和牛非常高質，滿分推薦。…Read More

晚上到天后覓食，都係清風街天橋底下的餐廳最集中，今次揀了呢間黑木亭居酒屋。餐飲方面，我們點了 芒果烏龍熊茶 ($58)、北海道士多啤梨牛乳乳酸 ($48)兩杯飲品，飲品一紅一黃，冰凍清甜，的確係消暑佳品。前菜有 蟹將軍薯仔沙律$ 蟹肉碎 ($98)、蟹子的點綴為平淡的薯蓉添上色彩，啖啖口感豐富。脆燒豆腐($32)，以串燒方式上碟，感覺特別。豆腐炸得香脆醬汁味不濃，點到即止，不會蓋過原來的豆腐味道。雞腿肉加上明太子($38)，燒得很夠火喉，雞肉彈牙，加上獨特的明太子醬，好想再吃多一串呀！再來的就法式羊仔架($52)，羊肉嫩而不膻，加上獨特的醬料，估唔到日式餐廳都可以嘗到美味的羊架呀！雞股串燒($32)，顧名思義，就是雞屁股，口感嫩、濃、酥，這些串燒，真係佐酒一流！主食點了A5和牛海膽丼($338)。海膽肉質甘甜肥美，配在A5和牛肉上，肉質昇華，每塊肉切得夠薄和均勻，富有美感，微微燒炙，生熟口感，把牛的最鮮、最美的一面呈現出來。飯蘸上微微香濃醬汁，令你愈食愈滋味。最後，點了沖繩黑糖燒菠蘿($38)、 燒牛油甘薯($38)作為飯後甜品。沖繩風的燒菠蘿清甜無比，甘薯香甜飽滿。滿足的一餐!…Read More

襯住呢排無咁忙 同朋友夾到時間黎呢間居酒屋吹下水 relax下🥰呢間離地鐵站好近 行幾分鐘就到❤️野食又好高質！🥗前菜先點左我至愛既「蟹將軍薯仔沙律」！幾好食～份量仲好多添！🍱主食個A5和牛海膽丼飯真係十分推介！每個飯會配個生蛋，撈埋啲和牛食，非常滑溜！和牛半生熟 牛味好出～飯又加左和牛汁！真係好好食！讚👍🏻🍢另外叫左好多款串燒試下🌟之前聽過朋友講過係台灣食「七里香」（即雞屁股）好好食係真架！今次係到叫既雞屁股燒到外層好脆，入口咬開即溶，好香既油脂係口腔🌝完全食唔停口🥹🌟羊架燒得好香，旁邊仲有啲醬，酸酸甜甜幾開胃又解膩！推介！🌟脆燒豆腐都有驚喜！落左啲醬汁燒到外層脆脆地，有種燒章魚燒既風味🥰🌟飲品都好用心，賣相好靚！蜜桃烏龍茶上面有隻熊仔勁可愛🐻洛神花梳打漸變色 勁靚❤️👍🏻整體黎講每道菜都幾好食食物款式都好多 可以再同朋友黎encore…Read More

早幾日媽咪見我去左尖沙咀食呢間黑木亭，已經知媽咪都好想食個龍蝦八仙桶飯，於是book定位今日放工同佢再去食☺️不過今次就就返我去天后嗰間食🙈因為今日要出嗰頭開會😅今日book左8:30，但係去到都等咗差唔多半個鐘先有位入，生意勁忙！不過佢哋服務都算唔錯，有同我地講唔好意思，要等多陣👍入到去諗住即刻order八鮮桶，但係店員告知已經售罄！雖然媽咪有啲失望😮‍💨下次真係要book早啲但係即管望吓冇其他嘢食🫣最後我地叫左以下幾款，橫掂黎到，就試吓啲完全唔同嘅嘢啦☺️☺️佢哋個Menu真係好多選擇！食多幾次都可以😋😋😋日本產A5和牛飯（$338）呢個A5和牛係燒至半熟狀態，食落嫩滑又有焦香😋配上生鵪鶉蛋及Wasabi拌勻，簡直味覺享受，推介👍蟹將軍薯仔沙律🥗（$98）作為頭盤，令人眼前一亮，色香味俱全！😍😍所以忍唔住影咗好多張相😄三點刺身盛（$168）刺身非常新鮮，劍魚腩食落好爽口；三文魚食落超肥美，勁香油脂；油甘魚亦非常清甜鮮味忌廉球炸薯條🍟（$68）第一次嘅新嘗試，從來冇諗過忌廉同薯條可以夾到！食落減低左薯條熱氣口感，幾特別👐北海道士多啤梨乳酸蜜桃烏龍茶呢兩杯都係上次飲過覺得好飲，所以encore重點係打卡好靚嘅必叫item 🫣🫣😁🤣…Read More

天橋底一向都有好多不同類型食店黑木亭由外到內都以日本居酒屋設計十分突出餐具擺設都十分日式風格 燈光柔和唔會太暗今日即使係平日但都座無虛席 好彩有訂位$108 蟹將軍薯仔沙律幼滑嘅薯蓉中間撈左小量既青瓜好清新面頭鋪上新鮮既蟹肉 再灑上大量飛魚籽呢個配搭好新奇美味 前菜嚟講好高分$338 日本產A4和牛三文治 四件薄脆既多士夾住微微吉列而內裏嫩滑嘅和牛A4和牛油花好靚而且岩岩好5～6成熟左右份量好厚身啖啖肉 rest得好夠肉汁勁Balance 而每份三文治更ontop 配有海膽及黑松露仲可按個人口味配少許沙律醬$198 海魚一夜干 原條呢條算係咁多日本餐廳食過最正宗既一夜干肉質彈牙飽滿只帶少許咸香而唔係一味死咸條魚本身食材優質肉多骨細 魚油醇香帶甜師傅烤魚火候功架十足 魚皮剛好脆身不過火面頭少干而不失油份 背面更帶有焦香脆卜卜最愛食⻣邊及魚背既脆肉 送酒更係一流！追加左幾款烤物 每款都係大約$38幾抵食豬頸肉串燒好厚身又爽脆 烤焦左既肥肉更可口燒菠蘿勁甜應係當造台灣菠蘿 每啖都爆晒汁廣島蠔$58有3件每件都好飽滿肥美後記：日本A4和牛真係好好味一夜干超正同老婆好專心咁將佢煎皮拆骨老婆好中意佢既士多啤梨乳酸特飲…Read More

香港人真係好大壓力🥲所以今日特登同朋友去咗居酒屋 飲下酒 放鬆下唔搵唔知 原來天后有間咁有特色嘅居酒屋🏮不過大家真係要記得預約啊 walk-in可能真係要等一陣 (因為都幾爆場🤣)-嚟得居酒屋又點會唔嗌酒飲啊🍺松竹梅 沖繩菠蘿酒🍍 $68/glass呢個菠蘿酒勁易入口 唔會有好濃烈嘅酒精味飲落口更有淡淡嘅菠蘿味 好fresh好舒服成件事好夏天😎 推薦推薦士多啤梨益多多熊冰🍓 $68另一杯就嗌咗無酒精嘅益多冰杯飲品好少女心 好QQ🤣有隻熊啤啤形狀嘅冰～值得一提嘅係 佢成杯沙冰唔會太甜不過記得趁佢仲係沙冰嘅時候飲 口感更佳🤣-前菜我地就揀咗兩款輕食嘅蟹肉沙律🥗松葉蟹鉗配三文魚子醬 $138松葉蟹鉗味道鮮甜 更有淡淡嘅海水味份量亦都一啲都唔少沙律菜嘅柚子醋 令味道變得酸酸甜甜再配上醬油漬三文魚子醬 增加口感味道更有層次😋-蟹將軍薯仔沙律🥗 $108沙律份量好足料～有成座山咁高嘅薯蓉 (誇張手法🤣 大概兩大球薯蓉口感偏有咬口 唔係偏軟身嗰種薯仔味都幾出😋 加上有唔少配粒如車厘茄 青瓜 蟹籽 蟹肉十分豐富!!!!-主食方面 我地嗌咗佢地嘅皇牌招牌菜同串燒日本産A4吉列和牛三文治🥪 (120g) $338吉列和牛外脆內嫩 亦都十分厚身！牛味濃郁😍再配上黑松露或者海膽 成件事再升一級✨黑松露味好香 好濃而海膽就比較鮮甜 有淡淡嘅海水味呢個三文治嘅配搭十分豐富😍一次過滿足你三個願望xd-串燒方面～ 我地嗌咗芝士免治雞肉棒($58)配有生雞蛋醬汁!! 芝士味幾香濃雞肉棒內有少許雞軟骨 幾有咬口😋燒牛油甘薯($38)甘薯！好！甜！🍠鹽燒牛肋串($48)肉質嫩滑 同埋份量都唔少🤣鹽燒白鱔($68)肉質彈牙😋 去咗骨完全係啖啖肉骨付肉腸($38)普通發揮 正正常常🤘🏻串燒整體嚟講 幾唔錯(嚟得居酒屋又點會唔嗌串燒食🤣)…Read More

忙到有點透支的一天 ... 晚餐要食好啲終於來到期待已久的晚餐，兩星期前的约定，我的生日飯，即使減肥都要食好啲:)位於清風街呢間居酒屋，有幾位朋友食過，都一致好評，所以今晚趁生日約埋家姐一齊去試吓。餐廳四周裝飾及牆身畫上了充滿日本風味的璧畫，如置生日本居酒屋一樣。目測有大概四十個坐位左右。我們收工即刻就到達餐廳，當時大概 6:30左右 ， 並未有其他客人，只有我們一枱，非常好。不過到7:00後就陸續入座近九成滿，所以建議提早進餐，或可於 OpenRice 預早訂座。今天太熱，我們先點杯凍飲。我就十分鍾意杯「蜜桃烏龍熊茶」好飲又得意，上面有隻冰熊仔架，真心打卡一流另一杯「葡萄檸冰」，有紫色分層，十分清新及透心涼。如果鐘意喝酒的朋友，更可以點選有酒精成份的。時間尚早，未算太餓，所以先來份「松葉蟹鉗配三文魚子醬」同「蟹將軍薯仔沙律」，天氣熱食呢個幾開胃，就啱啱好。然後再嚟，必試呢個餐廳皇牌「日本產A4吉列和牛三文治」。厚厚的吉列和牛、併上海膽，再配上黑松露醬，呢個三文治搭配非常有心思，口感好複雜，推介大家要試。如果一份未夠喉，追加第二份更有六八折添最後，來到居酒屋，沒理由不吃吃串燒的:)，所以再要幾款串燒 ，豆腐、冬菇、銀杏、白鱔同豬頸肉....... 如果來一杯酒就更正。可惜今日人太攰，不宜飲酒係一間環境氣氛不錯的居酒屋，食完一餐十分好味的晚餐，人都即時心情靚靚。一間非常有誠意、有態度及高質的嘅居酒屋回頭率極高 ......下次一定要飲番杯先至更滿足。:)…Read More

清新調味，串燒食極都唔膩🤩呢間店樣樣都好好食，但最令小編佩服嘅係佢串燒調味超清新，完全唔會油膩呀❤️🦀蟹將軍薯仔沙律好味指數：👍🏻👍🏻👍🏻👍🏻👍🏻 蟹味好濃，係新鮮嘅證明。薯蓉調味適中，而且有青瓜混係入面，非常清新。另配有沙律菜。🦀🐟松葉蟹鉗配三文魚籽醬好味指數：👍🏻👍🏻👍🏻👍🏻👍🏻 已經拆好左殼，啖啖蟹肉，好方便食用。蟹肉清甜，配上微微帶酸嘅三文魚醬，完美組合。三文魚籽醬仲可以撈埋底下面嘅沙律一齊食㗎。三文魚籽超有鮮味，小編就咁拎泥食都得呀。🐮日本產A5和牛海膽丼好味指數：👍🏻👍🏻👍🏻👍🏻👍🏻 飯粒都沾滿左牛肉嘅焦香味，用左珍珠米，配上甜甜地嘅清新醬汁。牛肉非常嫩，熟成度剛好，脂肪入口即溶。海膽好口感creamy，唔會鯹。🐽黑豚荔枝卷好味指數：👍🏻👍🏻👍🏻👍🏻👍🏻 微酸嘅醬汁，豬肉片超香，因為本身豬肉係一樣唔會有好多肉汁嘅食材，店家就包左荔枝係入面，營造到爆汁嘅口感。而且荔枝嘅清甜仲解到油膩 。🍢芝士免治雞肉棒好味指數：👍🏻👍🏻👍🏻👍🏻底層有蛋黃漿，混合咗少少雞軟骨，有咬口。芝士有焦香味。🍢白鱔、鹽燒厚切豬頸肉串、明太子雞腿肉好味指數：👍🏻👍🏻👍🏻👍🏻👍🏻 白鱔超嫩滑，唔會有鯹味。豬頸肉嫩口，配上甜嘅醬汁，清新唔油膩。明太子雞肉串，配上左日式明太子泥蛋黃醬。🍠燒牛油甘薯（檸檬風）好味指數：👍🏻👍🏻👍🏻👍🏻👍🏻 佢嘅表面完全唔會乾，仲有啲脆脆地。咬落去超級軟熟，超香甜。🍄雞肉博多冬菇好味指數：👍🏻👍🏻👍🏻👍🏻👍🏻 菇好彈牙，面頭釀左雞肉，加上燒烤汁，超正。🍹飲品好味指數：👍🏻👍🏻👍🏻👍🏻👍🏻 Suntory 啤酒超順口，唔會苦澀，女士都可以飲到。而菠蘿酒就甜甜地，好易入口，唔太識飲酒嘅朋友可以試下。🪑環境裝修非常日式，無論係燈定係壁畫都充滿左日系風格。燈光昏暗，好有情調。適合1-6人入坐。以下係餐牌俾大家參考一下：…Read More

今次帶咗妹妹嚟黑木亭，再嘗日本居酒屋嘅味道😋薯仔沙律成座山咁，薯仔、紅蘿蔔、青瓜以沙律醬拌勻，有微微嘅芥末味，加上面頭嘅蟹肉同蟹籽，美味又開胃。蟹甲羅燒係必嗌嘅！鮮味濃郁嘅蟹膏燒熱後同蟹肉、蟹籽、生鵪鶉蛋撈勻，配埋脆口嘅多士，非常滋味。串燒之中我同妹妹一致認同廣島蠔最好味～蠔身燒得好靚，外面掃咗層甜甜地嘅醬汁，同蠔嘅鮮味好夾，蠔肉亦飽滿；免治雞肉棒味道醃得好，咬到啲軟骨口感唔錯，醬油蛋汁亦唔會太鹹；骨付肉腸脆皮，有少許肥肉食落juicy；冬菇燒得唔乾有炭香味。壓軸嘅和牛三文治果然夠驚喜！依道菜並唔止和牛咁簡單，三文治分別配上黑松露醬同海膽，上菜時先係聞到黑松露嘅香氣，但食落海膽亦都好出色，味道鮮甜；吉列和牛大概炸至七成熟，依然能夠鎖住肉汁，肉味香得嚟有和牛肥美嘅口感，配黑松露醬同海膽別有風味，點他他醬又係唔同嘅滋味。少女心爆發嘅士多啤梨乳酸味道偏甜，杯身做到漸層嘅錯覺；蜜桃烏龍茶就較清甜，解渴解膩。依餐人均HK$500左右，居酒屋嚟講價錢可接受～黑木亭除咗食物之外，裝修同餐具都充滿日本風味，播埋熱血嘅日文歌，營造到居酒屋嘅氛圍👍🏻…Read More

📍 黑木亭居酒屋 Black Wood Izakaya📍 天后 • 清風街10號清風大廈地舖「再下個車站 到天后 當然最好」... 當然啊，這裡那麼多美食！(ˊo̶̶̷ᴗo̶̶̷`)常常到天后吃甜姨姨都會看見對面這一間《黑木亭居酒屋》，又看到很多人推薦他們。終於來一試了！星期日這晚他們超級旺場，幸好六點多就入座了，遲一點點都要等位子。不過可以先訂座～雖然客人很多，但是服務態度一點都沒有怠慢！燈光暗暗的，很適合跟親戚朋友們在這裡吃著串燒把酒談心🍻🍢蟹將軍薯仔沙律 ($108)Crab and potato salad首先來一道沙拉前菜｛蟹將軍薯仔沙律｝～高高的薯仔沙律沙拉塔由薯仔、青瓜、蟹籽組成，坐立在蟹蓋上🦀，頂部放上蟹肉還有蟹籽作點綴。層次豐富，好吃又開胃🥰•蟹甲羅燒 ($98)Crab roast蟹蓋內放滿了蟹膏、蟹肉、鵪鶉蛋、蔥花、蟹籽，燒得香噴噴🤩蟹肉味道鮮甜濃郁，把材料拌勻後可以抹在脆多士上一同食用，滋味非常😋•和牛三文治 ($338)Wagyu katsu sando哇哇哇！日本產A4和牛！😍$338的價錢，四件黑松露／海膽A4和牛三文治，太划算了吧❣️吉列和牛超厚，差不多有一個手指頭的厚度☝吉列外層香脆，肉質肥美、滑嫩、多汁，帶有濃郁的牛肉香、油脂香。一上桌已經聞到黑松露的香氣；另外，海膽質感細膩，味道鮮甜，兩者都提升了三文治的層次😋餐廳現在還推出了【和牛第二份68折】的優惠（不用是同一道菜式）‼️•燒物：冬菇 Mushroom ($28)脆燒豆腐 Crispy tofu ($38)沖繩黑糖燒菠蘿 Brown sugar roasted pineapple ($38)免治雞肉棒 Chicken meat stick ($58)雞腎串 Chicken gizzard skewer ($38)骨付肉腸 Pork sausage with bone ($38)廣島蠔 Hiroshima oyster skewer ($58)點了數樣燒物，每樣都很好吃～特別喜歡｛沖繩黑糖燒菠蘿🍍｝、｛免治雞肉棒🍢｝、｛骨付肉腸🌭｝、｛廣島蠔🦪｝燒菠蘿香甜多汁🍍免治雞肉棒🍢以免治雞肉還有雞軟骨製成，口感帶點脆脆的，沾蛋漿吃更感滑口。骨付肉腸🌭燒得很香，很滋味。廣島蠔肉質飽滿，味道鮮甜🦪•蜜桃烏龍熊茶 ($58)Peach oolong tea with ice bear小熊超級可愛 ʕ•ᴥ•ʔ 蜜桃烏龍茶味道甘香清新～•沖繩菠蘿酒 ($68)Liqueur Okinawa pineapple帶有清甜的菠蘿味，容易入口🍍-Menu:…Read More

成日喺銅鑼灣食飯，真系你吾厭我都厭🥱今次一於吾再系銅鑼灣，而系去咗近銅鑼灣嘅天后，天后吾算好大，但野食其實都吾少啊~之前都喺戈度幫襯過一啲餐廳，今次同三位朋友搵咗一間幾chill嘅居酒屋😆首先試個蟹將軍薯仔沙律，原來系由飛魚籽、薯仔、青瓜、沙律菜製成，對於本身好中意食飛魚籽嘅我黎講真系正，數量夠多之餘又爽口，青瓜都系😆薯仔嘅數量都吾少，好軟綿綿，連埋清新嘅沙律菜食幾夾的說。呢個菜式都幾高級吓😳系黑松露海膽吉列和牛三文浩🐮幾樣餡都好grand🤤黑松露嘅香氣同海膽混合埋一齊又吾會遮咗海膽嘅味道，反而可以更突顯海膽嘅新鮮👍🏼吉列和牛本身都算脆，牛肉偏向軟稔，牛肉味香濃。吉列和牛同黑松露、海膽呢個組合都幾罕見，好新鮮嘅配搭。蟹甲羅燒又點止甲羅燒咁簡單😎仲有幾件toast~甲羅燒入面有蟹膏、蛋白同埋蔥，蟹膏一啲都吾腥，同樣系好鮮味😋仲有蛋白嘅滑溜🤍就咁食嫌太dry？側邊早就有4件toast等緊我地享用🤣將頭先講戈幾種材料撈勻，再一羹羹擺落toast上面，系好新鮮同脆卜卜嘅口感☺️免治雞肉棒系我每次去居酒屋都會叫嘅野食，底下仲有蛋黃漿。免治雞肉棒嘅口感系咬落有一粒粒咁，因為有雞軟骨喺入面，加埋佢本身淋淋哋系好食嘅☺️沾埋蛋黃漿就更滋味。脆燒豆腐 $38骨付肉腸 $38雞皮串 $28好耐冇食脆嘅豆腐，補充吓蛋白質都要食吓嘅😊豆腐有啲位燒得比較焦，除咗呢樣野大致上都冇問題嘅。骨付肉腸裡面戈條骨頭個樣真心盞鬼😂🦴味道似雞肉腸/ 德國腸。雞皮串真系好邪惡呀🤪炸完之後脆脆哋又真系幾好食。廣島蠔 $58冬菇 $28向來都幾中意食生蠔，吾知有冇生蠔嘅fans? 😆熟蠔我都中意食，呢度嘅熟蠔表面仲有燒汁，燒汁甜甜哋幾惹味，然後廣島蠔裡面都新鮮，食落吾會話好腥。士多啤梨乳酸嘅樣整得非常有心思😍就咁睇吾知好吾好飲，個樣都厄到人🤪表面系士多啤梨味嘅脆脆，攪勻之後都有好濃嘅士多啤梨味，但稍嫌味道偏甜。有隻🐻🐻喺面咁得意嘅原來系蜜桃烏龍茶，熊熊本身系冇乜味🤣不過外型太可愛，好容易就融化咗大家嘅心~頂層嘅泡沫都有白桃烏龍嘅味道☺️淡淡哋幾清新。白桃烏龍茶整體黎講都吾會話好甜，茶底甘香，白桃部分清甜。…Read More

很久沒在天后吃飯，今晚約了朋友在天后吃飯。餐廳裝潢貫徹一般日本居酒屋的格局，深棕色的色調，燈光昏暗，與朋友聚舊最好不過。點了好幾款小吃和飲品。⭐️沖繩波蘿酒$68入口蠻有菠蘿的香氣，帶有菠蘿汁的甜味，慢慢滲出酒味。⭐️芒果烏龍熊茶$58可以的小熊茶冰配上芒果烏龍茶，淡淡茶味，玩味十足。⭐️蟹將軍薯仔沙律$108十分開胃的前菜，幼滑的薯仔配上蟹肉味道清甜好吃。⭐️海膽扇貝$118芝士扇貝上有一瓣海膽，芝士和海膽味道比較搶，配上清淡的扇貝，頗特別的菜式。⭐️板燒日本產A4和牛扒$358日本和牛上桌時已經切成一顆顆，入口很香，牛味濃郁。⭐️法式羊仔架$88羊仔架同樣切成一小塊，味道不羶。⭐️白鱔$68一串白鱔肉，入口魚味突出幼嫩，不錯。⭐️原條黑豚蘆筍卷$38薄薄的黑豚包著蘆筍，清爽解膩。…Read More

究竟幾時先有得番鄉下😭😭實在太掛住係日本食居酒屋既美好回憶...就同老公去天后清風街既黑木亭居酒屋🏮係依度我地食到日本既味道，太感動了😭🦀蟹將軍薯仔沙律 $108鋪上蟹籽既薯仔沙律放係蟹蓋上面，除左夠吸睛，仲好高質🤤 薯仔沙律頂部海量既🦀肉仲好鮮甜!! 我真係薯仔控黎，基本上依個沙律我一個人清左一大半😎 🐡北海道花魚一夜干 $198老公絕對係愛魚之人，但我就怕腥同有骨🤭 依條花魚燒得超香，而且一啲都唔會腥，仲好鮮甜，厚肉得黎仲完全無細骨👍 唔係好鐘意食魚既我都爭住食😻 同埋條魚真係好大條，我地2個食完真心飽肚!! 🍶清酒煮蜆 $98想講依煲清酒煮蜆既湯鮮甜到呢...我成煲飲曬🙃 點解個湯都咁正？因為蜆夠新鮮囉🤓 粒粒都漲卜卜，食左成煲無仼何一粒係有沙，依下真心抵讚👏🍢串燒: 日本青椒仔 $38 👉 第一次食，幾特別，有些少苦澀味粟米 $28 👉 超級甜，好香濃牛油味🌽脆燒豆腐 $38 👉 外脆內軟好正!! 京蔥雞肉串 $38 👉 好少食京蔥，原來係咁甜咁爽脆!! 白鱔 $68 👉 厚肉得黎口感好爽脆，完全無骨，一咬落去好彈牙，好怕鱔類軟骨既我都食到停唔到口!! 鹽燒牛肋串 $58 👉 牛肋串肉質好juicy，只係用鹽燒更加帶出牛肉既鮮味!! 黑豚芝士年糕 $48 👉 燒到半溶既芝士年糕用黑豚肉包住，一咬年糕就爆出黎，好治癒!! 🍹北海道芒果牛乳乳酸 $48芒果牛乳乳酸好香濃，口感幼滑，重點係不太甜，飲多杯都唔怕肥🤭🥃沖繩菠蘿酒 $68本身怕水果酒既酒精會好濃，點知又好易入口喎!! 飲落完全唔苦，菠蘿既甜味中和左，好飲呀😋PS 黑木亭居酒屋真心好高質，一定要bookmark落翻啅名單😎…Read More

走入一家氣氛十足的居酒屋。把酒暢歡的聲音此起彼落，居酒居的味道出晒嚟。這裡主打燒物，居酒屋吃串燒飲兩杯是常識吧。日本A4和牛必定要試的食物，和牛雖然有一定的厚度，但口感近乎入口即溶，而且油脂豐腴，絕對是一種享受，再飲杯酒，這種感覺一試難忘。法式半仔架香味撲鼻，羊仔架啖啖肉，口感豐富，最重要燒得好juicy，完全唔覺乾身。燒白鱔白膳皮脆肉嫩。原條黑豚露筍卷惹味黑豚肉包住清新的露筍卷，一個好的配搭。蟹將軍薯仔沙律沙律有薯仔，蟹籽，沙律菜的各種食材，味道清怡，口感豐富。北海道士多啤梨牛乳乳酸夢幻紫上再有泡泡，視覺攞晒分，入口亦配合番夢幻的視覺，充滿香甜的味道，十分討好。這晚一嚐了居酒屋的味道。…Read More

真係有一段長日子冇去過居酒屋，呢個疫情真是令全世界措手不及，現在政府放寬社交聚會，有得去真係要感恩。🥗蟹將軍薯仔沙律薯蓉和薯粒混合一絲一絲的蟹柳和粒粒晶凝通透的蟹籽，口感豐富，海鮮味十足。而且沙律盛在蟹蓋上，賣相也極有心思。🍮脆燒豆腐豆腐含水量十分高，所以店舖選用了硬豆腐，師傅把豆腐燒得外脆，裏面嫩滑，果然好心機。🍢厚燒牛舌牛舌的脂肪比較豐厚，所以最適合用來燒烤，烤好的牛舌油分減少，牛味香濃，加少少海鹽，非常和味。🍡京蔥雞肉串京蔥配雞肉真係好夾，燒烤好的京蔥甜味出晒嚟，配上雞肉真係絕佩。🍗雞翼食燒烤點可以唔食雞翼呢？這兒的雞翼醃得非常入味，雞翼皮燒得夠乾身得來，又能保持雞肉嫩滑。🥩白鱔白鱔肉經過燒烤後，肉質比較結實爽口，白膳皮燒得得脆卜卜，好正喔🦪廣島蠔廣島蠔比較creamy, 經過燒烤後，蠔味更突出，由於火喉恰到好處，所以沒有渣🍲免治雞肉棒免治雞肉和雞軟骨搭配而成。一軟一脆口感豐富，配上蛋黃醬油汁，非常嘢味。🍢沖繩黑糖燒菠蘿吃了這麼多鹹味的燒烤，來一個甜品，燒黑糖菠蘿，甜中帶點酸，非常好吃。🍙明太子醬燒飯團我是個無飯不歡的人，這一個明太子醬燒飯團就太合我意了，飯團外面燒得有些焦香，配上明太子一同吃，實在過癮。🍾「澪」有氣清酒去居酒屋不能不喝點酒吧！這個帶汽的清酒，很清甜，很refreshing感覺。…Read More