Ho To Tai Noodle Shop

Super surprised by how bouncy the noodles were! Both the wanton noodles and shrimp roe noodles are their signature dishes – not to be missed if you happen to be in Yuen Long!🍜1946年開業到現在的麵店麵條是自家製作 它的彈牙程度真的無敵蝦子撈麵是這裡的招牌 每口都吃到粒粒蝦子雲吞小巧玲瓏 內餡的蝦肉和豬肉比例均勻這麼多年來能夠在這區屹立不倒真的不容易…查看更多

在街上偶爾會遇到問路，怎樣可以到好到底。如乘坐西鐵到元朗，可以再轉乘輕鐵，在大棠路站下車，過馬路後進入大棠路。行一會便會在前方見到阜財街路牌，前面便是好到底麵家。店內裝潢、餐桌及座椅多年來都保留原貌，拉開木椅時都會望望它，是店內其中一件珍貴傢具。這一層有樓面、座位及廚房，樓上亦有雅座。店員一見到客人進來便會立刻安排座位，很快遞上茶水及筷子，茶的溫度是剛好入口。店員下單亦很快，等了一會便有得吃。雲吞麵 $30原本雲吞是在麵的下方，習慣會將雲吞翻上來，好奇地看看有多少粒再開始吃麵。麵的韌度剛好，夠爽，習慣先吃完麵再吃雲吞，避免麵浸在熱湯的時間過長而變軟，湯底清澈好味。雲吞有四粒，喜歡雲吞皮薄，雲吞內有小蝦及豬肉，豬肉肥瘦適中，味道不錯!蝦子撈麵 $58蝦子撈麵用碟上，另跟一碗上湯。蝦子舖滿在乾身的麵餅上，很美，是我的至愛!急不及待要將麵餅與蝦子撈勻，先吃幾啖佈滿蝦子的麵，麵身很爽及彈牙。之後再加醋及辣醬一起吃，除了粒粒蝦子的口感外，更增添了酸味及辣味，好味!起初麵餅很熱，吃到中段後麵餅稍涼，像吃冷麵一樣，依然爽!上湯內有少許蔥粒，味道適中。吃完總會覺得還未夠，同時會期待下一次，享受蝦子撈麵的爽!無論是堂食、盒裝的麵食或是其他新鮮製品，價格相宜，是樸實的老字號!…查看更多

元朗有好多老字號食舖，好到底就係其中一間好耐歷史嘅粉麵舖今日就嚟試下有乜咁出名有幾好食嘩又見證到D人吹得有幾誇張不可信★★★★蝦子撈麵$58蝦子足料舖滿面，撈埋D麵帶淡淡鹹香，麵亦唔會好重梘水味份量唔多，不過FD就話有咁多蝦子都抵★★小雲吞$19份量好少，$19，4粒，仲要超迷你，食完好似冇食過野咁。味道嚟講好普通一般，湯淡淡地算清甜，我就寧願對面其他粉麵舖廿蚊大大碗好到底麵家整體評分★★★地理環境★★★★地理位置佳，普通粉麵舖格局，細細間但勁多人食，要搭榙服務★★★普通粉麵舖想要咩服務呢 特別係老舖食物★★★老實講除咗個蝦子麵係叫做好多蝦子值得一試之外其他野都係好普通好少份量仲要賣咁貴除咗食個名氣，元朗人就一定唔會推介...價格★食個麵加幾粒迷你雲吞差唔多$80，仲要好似冇食過野咁，米芝蓮價錢但冇米芝蓮質素只能夠講呢D好野都係留返俾D遊客同港島九龍人士啦…查看更多

呢間好到底麵家係元朗嘅老字號💁‍♂️💁‍♂️入邊嘅裝修同設施都有返咁上下年紀 係港式麵檔茶餐廳feel 星期六日黎都要排下隊等下位㗎！💁‍♂️今日男朋友同我嚟我哋就等左10分鐘到啦！👫我哋試咗佢one of the 主打嘅 蝦子撈麵！！嘩＄56一碟💰💰 仲要你知啦~ 蝦子撈麵本身份量唔係好大碟㗎咋嘛 所以都幾貴下！💰💰蝦子嘅份量都算幾多嘅 鋪滿晒成個麵嘅面😚😚😚 食落啲面都好爽口好彈牙！！！水份收得幾乾身 連埋蝦子食嘅時候又唔會有太乾嘅感覺！係幾好食嘅！不過價錢就真係唔算抵食啦~…查看更多

N年前讀大學時因為住宿舍，所以常常以「麵」為伴，除了沒什麼營養的公仔麵，也會買來意粉、米粉等一大堆。偶爾出沙田，就會到當時好到底的沙田店買菠菜麵，一斤才三十多塊。現在店早就沒有了，但想不到價錢好像沒多大變化。從小布站回到元朗市中心，經歷了一場暴雨，很慶幸我的水鞋終於可以大派用場。無定向的亂行亂走，穿過街市，看到好到底麵家，正想買些菠菜麵回味一下從前，走近才發現總店原來除了賣乾麵，也設有堂食。戰後1946年，商業興旺，由擔子檔攤到地舖，至今接近70年歷史。小店有兩層，燈光有點昏暗，全店保留了六七十年代的裝潢，尤其是木櫈，兩旁幾乎全部都有用L 鐵加固，可以想像它有多陳舊。點了一碗淨雲吞($25)，價錢跟細蓉麺一樣，還有一款細淨雲吞，這個只收$16。普通淨雲吞有8粒，size小巧，皮薄卻沒有煮爛，蝦的味道非常突出。接下來是蝦子撈麵，這個是男友指定要點的。從賣相看來，扁扁平平的一碟盛惠$50的確很貴，男生甚至未必夠飽，但入口那堆蝦子實在香到不得了，真的很想舔盡每一粒。猶記得幾年前曾經嚐過劉森記，梘水味還是搶劫了蝦子的鹹香，所以對於好到底的麵身沒有半點梘水味，感覺最難得。水餃麵端來的時候，水餃都被幼麵遮蓋，完全看不見樣。一碗賣$32，只有4粒，價錢比雲吞麵更貴，但size卻大件到一粒等於兩件雲吞。湯色很淡，呷一口，感覺像極金華火腿清雞湯。水餃內餡除了蝦肉和豬肉，還加入了木耳，口感十分爽。不要以為水餃、雲吞很容易煮，四月曾買了半打生水餃回家，打算翌日煮早餐，結果餃皮很容易就爆開，可見時間、火喉、經驗都很重要哦。小店早上8:00開店，晚上19:30收爐，準時20:00落閘關門。難怪未夠19:00全店都已滿座。當晚親眼見証了一對19:33衝入來的情侶，他們專誠老遠由市區入來，卻只能望著佈滿清潔劑的廚房玻璃和爐頭，然後失望而回。作為旁觀者，只能嘆氣說一句「下回請早」哦~…查看更多

元朗既好到底麵家,好多年前住元朗既朋友帶過我黎,我印象中係十分出色,今日經過再試一次,發現味道差左少少但仍舊好味印象中門面好似裝修過幾企理, 唔太記得.晏晝比較多人排隊,而入面就如同一般粉麵檔一張張細枱圓櫈坐位比較逼夾. 而我同一位朋友就坐喺上層既一張大圓台上面搭枱二人叫左炸醬麵,淨水餃同蝦子麵淨水餃湯底好香肉味,好似仲有少少蝦味. 水餃形狀比較橫身有大慨五CM長,水餃皮包得比以前退步,冇左個手握位(雖然我吾知點先為之正宗包法,但以前包得凹凸D食落會更有質感,裏面既蝦肉都算新鮮, 仲有啖啖豬肉粒口感蝦籽麵好好味, 成碗麵係比較乾身,令到上面充滿蝦香且且粉狀既蝦籽完全滲哂落去十分乾身既麵入面,麵質好香蛋味而且有咬口,每食一啖都充滿蝦子味,好食炸醬麵 麵身同之前一樣,乾身蛋香有口感,炸醬既豬肉肥瘦大慨成37之比,所以有咬口得黎爽口,配合甜酸度比較高既炸醬撈麵,係一個不錯既選擇總括而且,蝦籽麵比較出色,其它都不錯!…查看更多

下午茶時間入到元朗當然要試一下米芝蓮推介食肆。主要想試下好出名的蝦子撈麵，店員話雲吞麵用的是蛋麵，所以都叫埋試下，睇下麵質的分別。蝦子撈麵加少許湯把麵拌匀一試，果然非常彈牙可囗，每一條麵都充滿着蝦子香味，是名符其實的推介食品，值得一試。不過，雲吞麵則感覺一般，雲吞内的蝦不太爽囗，蛋麵的烹調時間略嫌長了少許，總體來說亦不過不失。，但不推薦給大家。如果入到元朗大家不妨嘗試一下這麵家吧！!…查看更多

話好到底係元朗最出名嘅粉麵餐廳，相信都冇人會否認身為半個元朗人嘅我，一直都未試過名物蝦子撈麵同雲吞麵今日我去到阜財街附近，在這條有不少食肆的阜財街，對面有老字號何明記,酒樓明星，過咗街市轉左又有很出名的亞玉豆腐花,串皇，要找吃的其實也方便非常就是在大棠輕鐵站落，大同老餅家旁外面看起來，特別有懷舊感覺的就是了(其實內裡也是)那天，下着大雨，狼狽非常，我們最終來到好到底落腳我們都是第一次，不急着要食，所以我們一坐下便先細閱餐牌我們兩口子竟然也能坐四人位的卡位，大概是因為已是later lunch接近下午茶的時間，剛才吃完的食客已經離開..有一位侍應(嬸嬸)走過來，好像要趕住要我地落單.話哂都第一次黎，所以都要仔細揀清楚!依我對這店的認識，我哋決定要兩款招牌菜(雲吞麵,蝦子撈麵)實冇衰啦我係主食蝦子撈，朋友就雲吞麵等咗大約6分鐘，友人嘅雲吞麵先到我同佢嘅第一個感覺都係啲雲吞呢?在我記憶中，我去咗麥x記老字號食的雲吞麵都係寶物沉碗底的，果然一貫老字號風格是在一大堆彈牙無鹼水味的竹昇麵，尋到寶物噢，有六粒，太興奮，我也急不待攞咗一粒我覺得雲吞裡的蝦很足，細細粒，雲吞皮也算薄，豬肉的比例較少很健康噢!麵方面，當然是很不錯了，畢竟麵是最出名的，那味道是其他麵店是不到的!本店還有乾麵餅賣，剛坐了一陣子，便有不少元朗老街坊來光顧它的麵餅，都是兩,三盒買的!在等待我的蝦子撈麵的時間，我有點口渴，所以叫侍應給我兩杯水這個阿姨溫柔多了，沒想到因麻煩而黑臉的反應等多真的一會兒後，我等到頸長的時候，我的麵到了我的胃酸也流夠了!我夾了中間最多蝦子個度，咬落去口感豐富，成口都係蝦子啲麵本身冇味，而啲蝦子可以令個麵更有層次，有少少鹹味啲蝦子比其他店做得更有本身蝦嘅味，而麵是友人的幼麵一樣，水準自然一樣啦，不過有點不同的是，我的比較難咬斷，可能是因為雲吞麵係有湯浸住，比較易唸，我的比較彈牙如果喜歡爽口的麵，點這個就沒錯了另外附上的湯底(應該是)我見到隔離檯有個同樣食蝦子麵的阿伯，佢係倒係個麵到，但係我心中有個疑問，咁樣做唔會整濕啲蝦子?有時別人的食法，也不一定要參考的!我正常的吃也很好食呢!講番個湯，我覺得唔係太鹹，有少許蔥粒。但以清湯來說，還是不夠清，有點油膩感..不建議飲哂!總的來說，我覺得去完有總是試了，因為之前因為冇緣去而未能釋懷因為始終係半個元朗人，以上食物又係元朗名物之一，同人介紹元朗有啲咩好野食，咁我就可以除咗老婆餅同馬拉糕，推介好到底嘅蝦子撈麵同雲吞麵!話哂都係米芝蓮，我都相信米芝蓮專業食家推介同自己嘅眼光嘅…查看更多

去元朗玩完,夜晚經過見話米芝蓮推介,見咁出名就入去試下.個裝修保留以前舊式老店風味,幾有懷舊感覺.雲吞撈麵-雲吞又實又細,餡料普通到得猪肉加蝦粒,味道極普通無層次,出面任何一間麵舖都好過佢,係個麵彈牙無鹼水味幾好!蝦子撈麵-朋友叫的,我無試所以不作評語.但佢地話不及澳門的多蝦子又無聽見佢地話好食,相信都係一般.淨水餃-唔覺特別好食味道又普通好似屋企包果D咁,見人寫話個湯好正,但我都飲到有味精味...服務方面:落單時個阿姐問我地個麵要唔要剪,我停左一秒去諗,佢即刻轉身用好唔友善既語氣同我講"你諗好先再叫我!"就走左去,咁既態度真係好唔得,唔知係唔係米芝蓮關係,所以唔憂做咁!價錢方面:$38一碟麵真係幾貴,就算個麵幾得,d雲吞唔掂都扣晒分,何況出面普通一間麵舖既雲吞都做得好過佢.整體來講除麵好食以外其他野都好普通,可能佢想保留最原始以前既味道,但就唔應該用呢個價錢.再加上服務又唔得,點配得上米芝蓮個名,相信唔係有人要求都唔會再試.…查看更多

放假天，女朋友晚上準備大顯身手，煮些好東西給我吃云云！因此早上也不能要女朋友太辛苦了，於是就和女朋友外出吃早午餐（放假天，早午餐通想也是一次過吃的了）接著就到市場買菜回家「煮飯仔」。近日光顧過「劉森記」，的確令人回味（詳情請參閱食評-《初嚐竹昇麵》）深水埗有「劉森記」，元朗也有「好到底」，一間晚上七點左右就已經關門大吉的性格老店，想光顧也不容易，因此早上去吃倒是一個合適的時間，於是就決定和女朋友去「好到底」吧！行了十多分鐘，到達「好到底」，內裡人客頗多，不過剛巧有個面壁的卡坐，我和女朋友就坐到裡面了。女朋友看著墊在枱面玻璃下的餐牌（舊式的粉麵店一向如此）既然前不久才光顧「劉森記」，我就依樣畫葫蘆，叫雲吞蝦子撈麵。女朋友最後決定叫牛腩麵。牛腩麵女朋友的牛腩麵先來，看起來非常「的骰」。牛腩約有三块加一块牛筋，女朋友給了我一块牛腩，吃起來夠腍，有肉味，類似清湯腩的煮法，沒什麼調味，頗為清淡。不過份量的確偏少，女朋友不消一會就吃飽了。女朋友覺得味道算做不錯，不過份量太少，感覺跟沒吃過沒兩樣（女朋友的食量已經很少，但仍然覺得不夠，看來這碗牛腩麵的份量的確少得有點可憐）蝦子撈麵蝦子撈麵與雲吞麵分上，蝦子撈麵份量與「劉森記」相若，不過蝦子的份量看似沒有「劉森記」的多。先吃撈麵，麵質爽口彈牙，蛋味濃郁，細嚼下亦不覺有鹼水味，實在值得一讚。配合濃郁的蝦子鹹香味，整體食味更見豐富（相較「劉森記」的蝦子撈麵，「好到底」的蝦子要鹹香很多，相信與用料及後期製作的功夫不無關係）雲吞雲吞方面，共五粒，Size細小，真的是一口一粒，不過散尾不甚明顯。雲吞餡料基本上全用豬用，甚是標準，唯吃起來卻很「死實」，相信與豬肉的肥瘦比例不均不無關係，而且吃起來沒什麼鮮味，湯底味道亦很淡，沒什麼鮮味（雲吞及湯底方面，「劉森記」實在贏回一仗，兩方面都比「好到底」要出色許多）「好到底」內部裝潢很有老店的味道，感覺相當懷舊；環境保持整齊清潔，值得嘉許。麵的質素不用懷疑，單就蝦子撈麵來說，綜合麵的蛋香，爽口度，鹼水味及蝦子的鹹香上，水準相當高，甚至比標榜竹昇麵的「劉森記」有過之而無不及；不過雲吞及湯底上，「劉森記」則要出色不少，可謂各擅勝場。唯價錢方面，就以雲吞蝦子撈麵來說，「好到底」要比「劉森記」貴上不少。不過作為感受一下元朗麵家之翹楚的風味，還有可以買點蝦子麵作為手信，付出一點溢價也是值得的。Berlin…查看更多

星期一，重陽節，天高氣爽，是登高嘅好日子，又是一年一度入元朗圍村食盤菜嘅集體節目。盤菜宴四點幾先開始，與太座等一行五人先到元朗市中心醫一醫肚，便想起這裡來。說是最好嘅蝦子撈麵($35)，是沒有誇大成份的。首先，蝦子落得夠多，密密麻麻的鋪在麵條上；二來蝦子是炒得頗香的，比起深水圽的「劉森記」是出色得多了。麵條咬落有韌勁，但不是一味死實如橡筋般，還有啖啖蝦子嘅鹹香，十分可口。至於湯方面，一則不是常見嘅大地魚清湯，呈奶白色，飲落亦冇蝦之鮮甜味，普通貨色而已。除了蝦子撈麵以外，還點了水餃湯麵($22)。麵條同樣是水準以上，沒有鹼水味，不過水餃真是差得可以，餡料裡嘅筍子一粒沒一粒，分佈不平均，蝦是乾癟的，跟肉嘅比例大約是一與三之比，豬肉亦嫌過瘦，沒脂肪嘅甘香。比起細蓉，呢碗水餃麵是差得很遠矣。要數好吃嘅湯麵，呢到似乎差了一班，不過論蝦子撈麵，在五隻手指都數得出嘅情況下，點都要算到這裡份上(只計香港區可稱冠，算上濠江，筆者還是覺得「皇冠小廚」最好)。下次再來，應當要試一試蝦子蘿蔔。…查看更多

公司在元朗搞燒烤活動，一想到元朗便馬上聯想起幾間心水食店，想趁難得去開元朗順便早點去吃，惜公司卻無同好之同事願抽時間充當食友，於是一人隻身前往。店子的招牌大大個，在老遠已看到它，一進店便能感覺到老店的風格，在門口旁邊的收銀櫃台同時擺放了很多盒裝麵，而收銀的是一位年紀不小的婆婆。食客同樣地很多也是年長一代，看來不少是長期支持的了。看著師傅熟手地把麵放在碟上，麵很快便送上桌上。蝦子撈麵的麵相比劉森記的稍為硬身，然而口感有過之而無不及，而且絕對沒有鹼水味，配合蝦子一起吃咸香有致，絕對不會令人失望的。淨雲吞也不錯，每粒的大小也剛好放進口中咀嚼，個子小小同樣是充滿鮮味，伴著蝦子撈麵吃非常完美。服務方面只要沒有因名氣大而對客人不志在的話，已經是及格的了。印象很好，有機會到元朗的話又沒有心水時，會再來的。喜歡傳統廣東麵的，相信也會喜歡這裡‧…查看更多

行完第九段....身水身汗, 呢間元朗老字號仲未試過, 一點鐘剛好食午飯!上了二樓也沒有太多空位, 於是面壁坐二人卡位, 勝在唔駛搭枱! 望到餐牌選擇唔多, 只有雲吞, 水餃, 牛腩, 蝦子湯麵/米/伊麵或撈麵, 二人叫了蝦子撈麵, $32, 一黎到就聞到好香蝦子味, 亦好多蝦子, 亞姐之前話可以剪麵. 吃了點...跟劉森記相比, 呢度既麵色較沉, 幼身一點, 亦夠彈牙, 都唔錯! 水餃, $22, 非一段水餃皮, 好似燕餃皮, 帶點透明, 我比較喜歡廣東水餃皮, 個餡唔錯, 因為好香豬油味, 唔係好飽滿, 有荀, 蝦...蝦質實實的! 牛腩蘿蔔, $16, 牛腩最差....實實的, 蘿蔔幾甜!我地面前有條輸送管...亞姐將寫既單掉進, 按掣, 樓下就煮, 然後用送餸 lift 送到二樓!…查看更多