The Graces Restaurant (Lee Theatre Plaza)

環境4分：中式酒樓格局但裝修有婚宴feel，好光猛，樓底夠高，人多都唔太嘈，可以畀四分。衛生4分：見到啲碗碗碟碟都幾乾淨，有獨立透明包裝牙籤更為衛生，四分。服務4分：侍應落單快，上菜仲快，清理啲污漕碗碟都唔慢，又幾好禮貌，都係四分。 味道4分：1)      湯河同湯瀨最快到，湯底一樣清清地，兩隻粉都好滑吓。2)      跟湯河另上碟叉燒好鬆又軟，好食過跑馬地間名店多多聲。3)      跟湯瀨另上碟燒鵝皮夠脆同薄，Ｄ胸肉又唔un，正過中環名牌Ｘ記Ｎ倍。4)      雞絲粉卷唔油又夠味。5)      節瓜餃入面有粉絲，節瓜，木耳，等等，脆脆地。6)      四色點心拼盤呢就最抵，兩個人食有齊最大路Ｄ蝦餃同燒賣，好睇又好味，份量剛剛好。抵食4分：飲茶嚟講環境同衛生都算好，中午放食飯時段竟然有多款20蚊選擇嘅點心，確係超值。…Read More

父親住在銅鑼灣故居多年，自然成為地膽，退休生活休閒，早上例牌到維多利亞公園散步，然後找地方飲茶，別以為銅鑼灣鬧市樣樣貴，這區因為競爭大，不少食肆尤其酒樓皆在非繁忙時段有優惠，據他說，$3.8盅雞飯亦有而且吃得過，今日我工作不忙，偷了少許時間跟他午膳，選址利舞台廣場的玉桃軒，如果能在十二點半前離座可有八折，可是我亦不可太過份，十二點才到達，享受不到優惠了。環境非常寬敞舒適，光猛企理。茗茶每位$13，沒有醬芥花生費，十分合理。據說叉燒有水準，我自己選了一碗蜜汁叉燒湯河，午市優惠價售$34。本無特別期望，但又真幾好喎！首先，叉燒與湯河分開上，不會被湯頭灼淡，一客六件，鬆軟梅肉，只有少少肥肉，但口感嫩腍，甜蜜入味，味蕾感覺豐富。湯頭不錯，清但鮮甜，沒有多少味精；河粉白滑順口，一口湯粉、一囗叉燒，天作之合；配兩條菜心，新鮮脆嫩。阿姨選了另一特惠，$35的鳳爪排骨飯，備以甜鼓油，她說只是一般，飯不夠香，鳳爪排骨無出錯。爸爸喜歡香口點心，蜂巢芋角、沙律明蝦角、香煎鯪魚餅，前兩款香口對辦，後者就並非我想像中豐厚，煎得香脆但超薄，是特價品$18的貨式亦難怪。沙爹蒸土魷，濃郁醬汁，少許辣，阿姨的口味，不過不失。環境好，食物不俗，價錢合理。…Read More