Mazu (TKO Plaza)

成日畀朋友話我手凍腳凍，今日專登過嚟將軍澳廣場嘅馬祖，試下全港首創台灣藥膳養生火鍋放題，滋補一下！90分鐘午市定量火鍋，共有8款套餐可供選擇，我和朋友點選了美國prime grade極尚牛頸脊套餐$158和西班牙伊比利牙黑毛豬套餐$143，可以按個人口味，自選湯底一人一鍋，真係非常正！湯底選擇頗多，共有12款，我點了椰子味重、湯底較清甜的藥膳椰子清雞湯，湯底有鮮冬菇、杞子、紅棗……等。朋友點了味道較濃郁的日本壽喜燒Sukiyaki湯，套餐仲包一杯即沖台式或港式飲品，點了柑桔檸檬特飲和愛文芒果茉莉花茶，兩杯的味道都是酸酸甜甜。兩款套餐的牛/豬肉都十分高質，份量足夠。另外餐廳設有自助食品區可自選醬汁、蔬菜、烏冬、王子麵、丸類、雪糕甜筒和飲品。芝士腸、蘑菇芝士堡、芝士小籠包、濃芝豆腐燒就啱曬我，全部都有濃濃嘅芝士味🧀，朋友就喜歡台灣腸、南瓜和日本蟹棒，再加埋烏冬和雞脾肉，覺得已經值回票價😁最後，是食雪糕時間，我食了2杯wovenpick+1杯Dreyers，滿足嘅感覺真係難以言喻😆整體用餐體驗十分好，餐廳幾大，座位闊落，食物質素和服務態度良好，有效率，而且價錢合理，離座時大約三點半，餐廳仍然坐滿六成，很不錯！…Read More

馬祖 🥣 大家一定試過一大班人打邊爐，少數服從多數之後揀咗款唔鍾意嘅湯底🫠 一人火鍋就完全解決左個問題，足足12款湯底，主打藥膳養生雞湯，總有一款岩心水😎平時任食邊爐都係得90分鐘，每次都食到好趕，見呢間價錢差唔多，但竟然可以食120分鐘😱美國Prime Grade極上牛頸脊 西班牙伊比利亞黑毛豬放題套餐 🈵美國Prime Grade極上牛頸脊｜西班牙伊比利亞黑毛豬｜Prime Grade牛肩胛肉｜西班牙無激素豬肉片｜台灣沙茶牛肉｜精選雞腿肉｜深海魚柳爆漿熔岩芫茜湯 🌱正因為咁唔洗顧慮其他人想食咩，梗係要嗌返個芫茜湯底🤢 唔係好似芫荽皮蛋湯咁得幾片芫茜，而係成兜都係綠色🪀 味道非常強烈，芫茜fans必嗌🥹藥膳椰子清雞湯 🥥奶白湯底有紅棗、南棗、杞子，椰子味香濃、非常之甜，忍唔住飲左碗先開始打邊爐😂一個價錢可以無限追加套餐嘅豬牛肉，隨時搵店員落單就可以🙋🏻‍♂️ 而台灣沙茶牛肉、精選雞腿肉同深海魚柳就可以係自助區隨便夾🥢美國Prime Grade極上牛頸脊🏅Prime Grade牛肩胛肉 🥩牛頸脊位於牛頸與肩胛之間，屬運動量較多嘅部位，油脂分佈平均，肉質鮮嫩爽滑🤩 Prime Grade牛肉係美國牛肉中top 2%嘅級數，總對值得值得upgrade🙈西班牙伊比利亞黑毛豬 🇪🇸西班牙無激素豬肉片 💉西班牙伊比利亞黑毛豬最值錢係啲豬嘅主食係橡果，豐富嘅油分同蛋白質，所以黑毛豬片唔單止油花分布均勻，肉質鮮香🐗 而豬肉片嘅油脂較少，味道清爽，組織豐富，怕油嘅人可以揀呢個部位🐖火鍋配料超過30款，放得整齊之餘，仲refill得好快手🫳🏼 款式都幾特別，有濃芝豆腐燒、芫茜燒賣、魷魚羹、手打牛丸、蟹籽丸，仲有台灣直送嘅台中福茂貢丸同甜不辣，響鈴、烏冬、公仔麵都有😍任飲任食嘅飲品同雪糕又點少得，係連MÖVENPICK都任食🍨講明湯底養生之外，有兩個暖櫃提供熱茶、豆漿、夏枯草、薑母茶，夠晒暖身祛寒♨️餐廳面積唔算好大，對要行出去自助區夾嘢食嘅邊爐嚟講，其實係件好事😂 對限時邊爐嚟講，絕對係分秒必爭🏃🏻 近水樓台，想refill配料同飲品，都係幾步之隔🚶🏻…Read More

馬祖（將軍澳）😘😘😘養生鍋牛放題台式養生火鍋120分鐘放題、任食超過30多種火鍋配料、多過15款飲品、movenpick & haagen-dazs雪糕任食、五點後每人頭再減$20、超抵食！火鍋仲係一人一鍋、好衞生！👍🏻👍🏻湯底仲有外賣😘美國Prime Grade極上牛頸脊及西班牙伊比利亞黑毛豬放題套餐$298湯底共有十二款任君選擇❤️藥膳椰子清雞湯、奶白湯底入面有紅棗、桂圓、椰子濃香味、非常之甜仲有老火湯嘅味道、飲到唔停得口😋😋爆槳熔岩莞茜湯、濃香莞茜湯底、清香、莞茜愛好者必選👍🏻👍🏻⋯⋯🐮🐮極上牛頸脊油脂分布好靚、放咗落湯滾兩滾唔使3秒就可以食得、超嫩滑好香嘅牛肉味、牛頸脊肉質軟綿綿、入口即溶！追加食都唔停得口😆、落單好快到、服務一流！#套餐仲有西班牙伊比利亞黑毛豬、西班牙無激素豬肉片、嫩滑爽口、入口即溶、充滿豬油香味！自助區配材食材擺放得好整潔、除左提供多種丸類、大家必試手打牛丸⋯爽口夠彈牙、台灣貢丸、內含配料比其它多、味道很配合！真材實料👍🏻響鈴都好新鮮😄粟米好甜！仲有大量蔬菜任君選擇、沙茶牛肉同埋雞肉、魚柳都可以喺自助吧揀！自肋醬油區一定要試吓自家製嘅辣椒醬、麻油、火鍋豉油、加埋蒜蓉和蔥、味道一流！仲有壽燒汁、都唔錯😘飲品區除咗大量唔同種類飲品、有熱飲提供，很窩心❤️雪糕雪條種類佷多….有Movenpick雪糕和Haagen-Dazs雪條、任君選擇、好滿足！抵食#將軍澳#馬祖#一人一鍋#將軍澳唐德街1號將軍澳廣場一樓1021至1023 號鋪地鐵將軍澳站A2出口、步行約5分鐘…Read More

呢排夠晒凍，終於似返個冬天，冬天梗係要打邊爐啦。黎開將軍澳廣場做嘢，見到馬祖做緊全日120分鐘放題打邊爐，唔使係咁放啲嘢入口趕頭趕命👏！馬祖係全港首創台灣藥膳養生火鍋放題🍲淨係藥膳湯底都要用晒10隻手指。而且佢哋仲係一人一鍋，而家疫情咁犀利，咁做衛生好多！馬祖有六款平貴任君選擇套餐，豬牛無限追加，唔使食丸填肚👏。我哋兩個人最後就揀咗「美國Prime Grode牛肩胛肉放題套餐」[💰成人 $228 / 小童 $173, 星期五.六.日.公眾假期 每人+$10]。湯底方面就揀咗 「藥膳椰子清雞湯」同 「爆漿熔岩芫茜湯」😅(sor… 我朋友係芫荽愛好者)。睇相都可以見到牛肩胛肉質素好高，肥瘦剛剛好，食落嫩口，淨係食呢啲牛肩胛肉眼已經回本。西班牙無激素豬肉片都幾新鮮，唔會雪到硬梆梆，唔錯。除咗豬牛，深海魚柳同雞腿肉都非常值得一試，好滑。除此之外，仲有超過30款配料，兩櫃嘢飲俾你揀，性價比一流嘅套餐！最驚喜嘅係雪糕係Movenpick 🍦任食🍦任食🍦任食🍦雖然天氣凍咗，但打完邊爐冇咗雪糕就冇咗儀式感，記住留肚食返幾杯🤣！餐廳都幾大，而且座位都算幾闊落，枱同枱之間仲有keep住透明膠版，唔錯唔錯。店員亦都好有禮貌，反應夠快，值得一讚。不過最好真係訂咗位先，因為都幾多人，如果唔係早嚟，都要等。咁都證明馬祖都真係唔錯，多人食。🍲 馬祖 (將軍澳廣場)🍲 將軍澳唐德街1號將軍澳廣場1樓1021-1023號舖🍲 Tel 6060 7292 …Read More

之前吃過馬祖是台式藥膳湯麵，原來他們已經開了火鍋放題店，也是沿用養生的藥膳湯底，還是一人一鍋，當然立即約朋友兼打電話去訂枱啦！放題價錢根據肉類選擇，我們選298的，特別在於有牛頸脊及黑毛豬可選，以及基本的牛肩胛及無激素豬肉片。各款湯底都是以滋補養生的藥膳湯為主，想吃辣的也能自選辣度。我和友人分別選了藥膳椰子清雞湯及藥膳蟲草花桃膠雞湯，養顏嘛！兩款都充滿大量配料如開邊去核紅棗及杞子，桃膠那款更是能舀出好幾顆來吃，味道清甜。之後店員來refill都是用清雞湯，所以味道不會愈吃愈淡。火鍋放題當然要去拿好拿滿配料！他們的自取區域都十分乾淨企理，飲品櫃有兩個，要喝汽水或茶都有不少選擇，旁邊蔬菜櫃一片翠綠色，看起來都十分新鮮呢。其他肉類、丸類等配料則佈滿兩邊雪櫃（這裡只放了其中一邊的圖），有大量新奇有趣的台式丸類，如台中福茂貢丸、赤肉羹、芋泥貢丸、甜不辣、芝士小籠包等等都是坊間少有的火鍋配料，不能盡錄。上菜的速度頗快，出去走了一圈已齊了各款肉一盤。先說基本的兩款：牛肩胛相對少點肥肉，薄薄的肉質較結實有咬口，牛味算重。無激素豬肉片切得超薄，沒甚麼脂肪，口感較清爽。另外則是要重點介紹的兩款。美國Prime grade極上牛頸脊脂肪分佈平均，咬下去十分香口，有鮮甜的牛味，質感柔軟嫩滑，可以encore多多碟。西班牙伊比利亞黑毛豬看上去好像有不少脂肪，但其實吃的時候感覺酥香不油膩，質感軟嫩都好正，又可以encore幾碟。配料太多，所以接近每款夾一個跟友人分享，覺得雞脾肉及沙茶牛肉幾優質，前者嫩滑，後者味濃。另外貢丸及牛肉丸都爽口彈牙又多汁，不同的包餡丸都有驚喜。瘋狂吃肉差點忘了蔬菜。他們竟然有很新鮮的羽衣甘藍供應，我取了好幾次哈哈哈。另外油墨菜也很清甜，響鈴則較普通。喜歡雪糕的必定會喜歡這裡的放題，我未見過哪家放題的冰品有那麽多選擇！Movenpick, Dreyers, Coco berry, Nestle等品牌的冰品佈滿整個櫃，好爽皮！放題有120分鐘真的很貼心，不用趕著拼命吃，能休閒地邊跟友人談天邊享受清甜的湯底及各種特色食材，夠寫意。這是一家會讓我想encore的火鍋店，冬天再來吃吧！…Read More

尋日同朋友嚟到將軍澳廣場食一間台式火鍋店，主打藥膳火鍋湯底，120分鐘放題人均$200左右，我哋揀咗Prime Grade牛肩胛肉放題套餐。入到來座位舒服寬敞，環境乾淨企理😊自助區有多款丸類，肉類，蔬菜類，菇類，調味料和飲品可選擇，最欣賞佢所有材料都有標示，分門別類擺放，唔使盲測自己夾咗嘅係咩👍🏻👍🏻👍🏻醬汁都有多款選擇，除咗基本嘅蒜蓉，香蔥，豉油外，仲有燒肉汁，日本酸汁，台灣沙茶醬和胡麻醬等等。另外除咗雪櫃飲品，好欣賞有暖櫃提供多款飲品，特別係女士生理期適合飲嘅薑母茶，好貼心❤️🥥藥膳椰子清雞湯：一人一鍋，想自己一個獨獨食得，想同朋友一人一鍋share食都得👍🏻，我揀咗招牌🥥藥膳椰子清雞湯，奶白色嘅湯底好清澈無油，聞落去有好香嘅椰子味，飲落非常清甜，配以紅棗和杞子等等養生材料，好推薦大家叫😋😋😋記得落材料之前飲左一碗湯先🐮Prime Grade牛肩胛肉：顏色鮮紅，油花分布平均，切到非常薄，煮20秒左右就可以食啦，入口牛味香濃，口感細滑，不停encore🤩🤩🤩🐷西班牙無激素豬肉片：豬肉片顏色都鮮紅，一樣都切得非常薄，整體比較瘦，入口有咬口，唔會肥膩。丸類種類比較多，除咗基本嘅丸類，仲有一啲比較有特色嘅丸類我推薦大家食。芋泥貢丸：大大粒，咬落去爽口結實，中間包左芋泥軟心，好有台灣特色 🇹🇼 🧀芝士小籠包：外皮做到好似小籠包咁嘅造型，咬落去芝士流心爆出來😍金沙魚蛋：魚蛋爽口彈牙，好大粒，咬落去爆出流心蛋黃，好香鹹蛋黃味，推薦🤤台灣腸：裏面加咗黑椒配合台灣腸獨有嘅甜味，好有台灣風味🇹🇼雞髀肉：雞肉結實，脂肪含量少，肉質細嫩，吸收左椰子雞湯嘅精華後好夾👍🏻🥬蔬菜都有多款選擇，全部都新鮮爽脆清甜，除咗生菜同菜心，仲有羽衣甘藍同萵筍❤️甜品仲有多款雪糕，其中有貴價雪糕MOVENPICK同特色🍍土鳳梨雪糕，MOVENPICK 雪糕我就唔多介紹啦，最特別嘅係呢隻由微熱山丘出品嘅土鳳梨雪糕，酸酸甜甜，帶鳳梨鮮味清甜，忌廉細滑，仲帶少少芝士味，好似食緊菠蘿半熟cheese cake咁，大家嚟食記住唔好錯過😍😍😍整體來講，食物質素高質，具台灣特色；環境舒服，乾淨企理衛生；店員細心有禮，會主動加湯同落單；價錢合理，性價比高，真心推薦…Read More