KUSHI by Skewer Kitchen (Moved)

相隔好一段日子，又來串燒界的天花板燒烤堂食串燒啦。串燒選擇實在太多，上次食唔到既今次一於試埋，仲配埋生啤，實在太正，酒逢知己千杯少呀。而當晚好彩預早book位，見全場座無虛席。美食好味，當然有咁多捧場客啦。桂花蜜糖本地蕃茄 $28凍蕃茄片加上桂花蜜糖甜美，估唔到幾清甜。雞皮墨魚滑 $38雞皮燒得好香仲脆卜卜，墨魚滑好彈牙，一定要食。豚肉節瓜波板糖 (付月見) $38終於食到，好正，豚肉片和節瓜片捲成圓餅，好特別，啖啖肉又唔覺油膩，沾上蛋汁美味。汁燒免治雞肉軟骨棒 (付月見) $38啖啖肉的雞肉棒口感鬆軟，撈蛋汁食，正。蒜蓉燒廣島蠔 $44蠔身超肥美，蒜香惹味，大大隻食完好滿足。焦糖青蘋果鵝肝多士 $108貴貴地但大件，可二人分享。鵝肝肥厚入口即溶，配搭青蘋果片清甜好味。鹽燒赤雞頸肉 $22好有雞味，而且勁爽口，好食。福岡味噌松板豬 $28豬勁肉位口感爽脆，味噌調味甜美好食。川燒蒜蓉茄子 $36茄子大條，蒜香味濃，川燒惹味。味淋魚干 $48魚干甜美口感煙韌，小食多滋味。鹽燒豚肉荔枝卷 $22荔枝爆汁香甜，俾豚肉捲住，配搭好味。日式燒白鱔 $48鱔肉爽口彈牙又唔腥，燒汁配上蔥絲，非常惹味。焦糖鰻魚玉子燒 $28厚厚的玉子燒，軟彈甜美，夾住鰻魚。厚切鹽燒牛舌拖羅 $48牛舌爽口彈牙，鹽燒惹味好食。鹽焗馬友 $128魚肉嫩滑鮮美，骨又少，配埋醬汁美味！七寶生啤 $48買一送一好抵，生啤清新爽口，酒精濃度不高，飲了成杯都無面紅，配串燒一流。…Read More

約咗閨密食飯傾下計，揀咗呢間人氣度高的串燒店，因為知佢哋成日爆滿，我6:00pm前去到等佢開😆我哋坐低冇耐開始已經多人，轉眼間就已經座無虛席。呢度有過百款食物可以揀，串燒價錢由$12 起，多款肉類、海鮮、蔬菜等任你揀，仲有店家推介、手工心機卷物好多選擇，價錢親民，日本生啤仲有買一送一優惠，唔飲酒都有其他飲品選擇。我哋叫咗好多款嘢食，即叫即燒，上菜速度快，全部都好好食，調味又唔會太重手恰到好處。有幾款特別印象深刻要推介比大家：必點推介：🔸雞肉軟骨棒（付月見）月見生蛋汁令雞肉更嫩滑，軟骨咬落爽脆。🔸蒜蓉燒廣島蠔蒜蓉味夠，蠔肉肥美。🔸焦糖青蘋果鵝肝多士好大件我哋切開Share剛剛好，鵝肝好香入口即化，多士香脆，焦糖青蘋果片正好中和了油膩感👍🏻🔸蒜蓉、川燒燒蟶子 蟶子好大隻，肉質鮮甜，上面鋪左粉絲。🔸豚肉節瓜波板糖（附月見）將豚肉同節瓜切成片再一層層捲到成波板糖🍭好有心思又好可愛，附月見汁令到肉質食落更嫩滑。🔸鹽燒A4宮崎和牛濃濃的和牛油脂香，牛味濃，很滋味。🔸厚切鹽燒牛舌拖羅外面燒得好香，裡面保持到牛舌爽口juicy …Read More

今次嚟到旺角區一間人氣燒烤店「燒烤堂」，平日晚上七點已經滿座，門口已經要等枱，特別深受年輕食客歡迎，餐廳還設有包廂、吧枱和大廳，是一個適合同朋友飲酒聊天的好地方店內有多種不同種類串燒燒牛｜燒鳥｜燒豚｜燒羊｜燒鴨｜燒海鮮｜燒魚｜手工心機卷物｜前菜｜小食｜野菜｜得意作｜穀物｜甜品｜日本無激素走地雞|我們點了以下食物✨汁燒免冶雞肉軟骨棒（付月見）✨明太子雞腿肉✨鹽燒原塊雞皮✨鹽燒雞軟骨✨鹽燒白鱔✨味醂魚干✨焦糖鰻魚芝士玉子燒✨明太子燒飯團✨日本芝士年糕✨牛油蒜蓉焗金菇✨厚切鹽燒牛舌拖羅✨中切鹽燒牛舌芯✨蒜蓉燒廣島蠔✨蒜蓉燒蟶子✨爆打香水檸檬茶✨新鮮百香果梳打全部都是即點即做，樣樣都好好味，任點基本都唔會伏，以上我有幾個重點推介，每次嚟都會必點▪️日本芝士年糕 - 外層嘅年糕煙煙韌韌，內層還有流心芝士，鹹鹹甜甜食得過癮，大推▪️厚切鹽燒牛舌拖羅 - 大大片厚切，比中切食得更過癮，咬落爆汁食落更爽口▪️ 中切鹽燒牛舌芯 - 中切咬落已經好爽嫩，味道Juicy帶嚼勁▪️ 味醂魚干 - 魚干散發著味醂甘甜的酒香味，沾一點沙律醬更添美味▪️ 明太子雞腿肉 - 雞腿肉肉質嫩滑，加上明太子微辣嘅濃郁醬汁絕對是完美的配搭▪️汁燒免冶雞肉軟骨棒 - 肉質鮮嫩，而軟骨咬落爽脆，加埋月見蛋汁食落更幼滑香濃▪️ 鹽燒白鱔 - 外層燒到焦香香脆，白鱔仍然保持嫩滑最掂優惠：500ml日本生啤買一送一，邊飲酒邊食串燒夠晒爽…Read More

見朋友介紹話呢間串燒唔錯, 一向鐘意食串燒既我緊係要去試試佢!! 串燒份量唔會多, 價錢都唔會太貴, 可以叫多啲唔同款, 試多啲唔同既野! 個人推介以下既款式:1. 明太子雞腿肉 $28個醬都幾重明太子味, 雞腿肉好嫩呀!! 一個人最少都食兩串😋😋2. 惹味爽口雞腎 $28係厚切雞腎呀, 燒完既質感都唔會老, 有少少係牛舌既錯覺, 鐘意食雞腎又鐘意食牛舌既朋友不妨一試👍🏻👍🏻3. 蒜蓉燒廣島蠔(2隻) $44呢個燒廣島蠔都算幾抵食, 啲蠔燒完都仲脹卜卜, 好肥美, 而且都幾大隻嫁! 😍😍性價比高！4. 福岡味噌松板豬 $28松板豬有啲似豬頸肉, 味噌味都幾重, 但又唔會太咸, 調味啱啱好! 👍🏻5. 泰式豬頸肉$28豬頸肉燒完, 冇咁重, 配埋泰式醬料, 好好味, 值得一試! 6. 黑糖燒菠蘿 $20呢個個人認為係必食之選! 呢個燒菠蘿係凍食既, 可以當甜品咁食! 菠蘿面層有一層黑糖焦糖, 焦香味好重好正! 菠蘿勁甜勁多汁, 配埋黑糖焦糖一齊食, 即時LEVEL UP!!! 不過食既時候就要小心焦糖會介口。**順道一提, 啤酒係買一送一, 十分抵飲! (以上價錢未計加一服務費)…Read More

📍燒烤堂 𝑲𝑼𝑺𝑯𝑰 𝒃𝒚 𝑺𝒌𝒆𝒘𝒆𝒓 𝑲𝒊𝒕𝒄𝒉𝒆𝒏🧭旺角通菜街1A-1L號威達商業大廈3樓A室💰人均消費: HKD500以前食過銅鑼灣分店已經覺得好食，今次試埋旺角，正！⭐️鹽燒阿波尾七里香$22/串無我想像中咁爽口，但燒得好香⭐️鹽燒赤雞頸肉$22/串比較偏瘦但肉質仍然有彈性💯鹽燒原塊雞皮$22/串必食！超脆口仲有陣陣椒鹽香💯蜜糖燒雞中翼$18/2隻個蜜糖味好得，好均勻唔會好重手，雞翼又嫩⭐️厚切鹽燒牛舌腩$48/串唔夠大塊，但好爽口好味🆗韓燒泡菜五花腩$28/串五花腩爽口，但泡菜同五花腩無乜火花⭐️福岡味噌松阪豬$28/串佢有啲似台式香腸嘅味，爽口有油香，唔錯🆗鹽燒豚肉蘆筍卷$32/串味道本可以，但蘆筍太少，豚肉太薄，無口感💯雞皮墨魚滑$38/串真心每次必食！雞皮嘅油香包住又肥又厚嘅墨魚滑，爽口彈牙，仲要墨魚滑超香，個個都話好食👎🏻手釣墨魚鬚$22/串有少少韌同有啲鯹，反而應該蘸日本豉油食😂🆗蒜蓉燒廣島蠔$44/2隻燒得唔錯，但唔夠蒜香，蠔微鯹⭐️芝士燒廣島蠔$48/2隻個芝士汁好好味又燒得香，有啲似千島醬味！如果蠔唔鯹一定💯⭐️鹽燒白鱔$48/串佢係一串兩小塊打橫串（少左）但好味，燒得脆，外脆内嫩⭐️味醂魚干$48好入味嘅味醂魚干，係濕左少少💯甜奶牛油包$18真心邪惡！本身想食少少都會忍唔住食晒⭐️鹽燒翠玉瓜$18/串Juicy! 有少少爆汁，有少少唔夠味🤏🏻🆗牛油蒜蓉焗金菇$32$32份量ok，無乜味⭐️孜然燒蒜蓉茄子$38除咗日式，川式燒茄子必食！望落乾但食落都好味，調味唔重手，可以⭐️札幌啤酒$48 （買一送一）勁抵！$500連飲酒好抵，仲要好飽！銅鑼灣筲箕灣旺角三間都試過，三間都好得！…Read More

已經係第二次嚟食，幾適合同朋友飲酒傾計，不過記得要提前book位，而且用餐時間限兩個鐘焦糖青蘋果鵝肝多士 🌟5/5雖然貴但呢個必食！入口即溶嘅鵝肝配搭清甜爽口嘅青蘋果片，塊多士仲keep到脆同唔韌孜然蒜蓉茄子 🌟4.5/5呢個都係食燒烤必點，蒜蓉同茄子絕配蒜蓉燒廣島蠔（兩隻） 🌟4.5/5上嚟個陣岩岩燒好熱辣辣，幾新鮮下，但唔算大隻薄切牛舌芯 🌟4/5燒得岩岩好，有牛味，可能厚切會更加好味雞皮墨魚滑 🌟4/5應該係墨魚滑釀入雞皮，但只食得出墨魚滑嘅爽滑，唔係好feel到雞皮嘅感覺，都幾好味雞肉軟骨棒（附月見） 🌟4/5呢個好有日式居酒屋feel，精髓在於個蛋黃明太子雞腿肉 🌟4/5上面係滿滿嘅明太子醬，岩晒鍾意食明太子嘅人麻辣手吊墨魚鬚 🌟4/5墨魚鬚爽口，都幾辣下，辣味會停留係嘴入面，但又未到麻辣火鍋個種程度鹹蛋黃豬大腸 🌟3.5/5豬大腸燒到外脆內軟，但食唔出鹹蛋黃味鹽燒豚肉荔枝卷 🌟3.5/5荔枝燒完收縮咗，變到好細粒，咬落去有荔枝嘅清甜，但豬肉嚡口，可以一試，但唔算好出色明太子飯糰 🌟3.5/5食少少澱粉墊肚，飯糰係唔錯嘅選擇，基本上飯糰就冇咩味，靠上面鋪滿嘅明太子醬吊味焦糖鰻魚玉子燒 🌟3.5/5對呢個期望太大，有少少失望，其實鰻魚幾襯玉子燒，但太細舊，大部分都係食緊焦糖玉子，太膩推薦👍🏼：焦糖青蘋果鵝肝多士、孜然蒜蓉茄子、蒜蓉燒廣島蠔…Read More

呢間餐廳主打各式各樣手工串燒，有齊日式、泰式、西式、川式、新彊、台式、港式等風味，全部即叫即燒🍢💗焦糖青蘋果鴨肝多士 ($88/份)厚切鴨肝肥美甘香，入口即化，油脂齒頰留香。下墊一塊焦糖青蘋果片，爽脆酸甜嘅味道中和油膩感。底層再有香脆粒粒芝士法包，層次非常豐富🍏💗鹽燒豚肉荔枝卷 ($22 /串)薄切豚腩片包住清甜多汁嘅荔枝肉，立即中和油膩感，鹹甜配合得宜🐖💗厚切鹽燒牛舌腩 ($48 /串)用上最肥美嘅牛舌芯部位，口感脆嫩有彈性，油花豐富👅💗鹽燒雞軟骨 ($26 /串)雞軟骨脆口而不硬，越食越上癮🦴💗椒鹽鴨舌 ($28 /串)椒鹽鴨舌彈滑爽脆，越食越香口🦆💗鹽燒赤雞頸肉 ($22/串)選用日本無激素走地雞雞頸肉，肉質爽脆嫩滑，多汁鮮美🐔💗明太子雞腿肉 ($28 /串)雞腿肉爽滑細嫩，掛滿明太子蛋黃醬，香滑中帶微微辛辣🍗💗鹽燒豚肉露筍卷 ($32 /串)豚五花包住清甜爽脆嘅蘆筍，油膩感大減🎍💗牛油蜜糖粟米 ($20 /串)粟米塗上牛油、海鹽、蜜糖燒至焦香，味道清脆甘甜🌽💗牛油蒜蓉燒虎蝦 ($48/ 串)虎蝦大隻彈牙，加入牛油蒜蓉燒非常惹味🦐💗蒜蓉燒蟶子 ($48 /隻)蟶子爽口鮮甜，加入蔥花同蒜蓉粉絲調味🧄💗清燒黃金螺 ($38/ 5隻）黃金螺肉厚肥實甚有嚼勁，超級鮮味🐚💗蒜蓉燒廣島蠔 ($44 /兩隻)廣島蠔肉質鮮肥飽滿，加入牛油蒜蓉燒香🦪💗味噌松板豬 ($28 /串)松板豬脆嫩爽滑，油脂豐富，味噌醬甘甜入味🐷💗孜然燒蒜蓉茄子 ($36/條)燒茄子軟綿多汁，皮肉輕易分離，蒜蓉同孜然粉嘅配搭夠哂香惹入味，但孜然味略過濃🍆💗鹽燒A4宮崎和牛($58/串)和牛油花分佈均勻，肉質軟嫩細膩，肉味濃且充滿油脂香🥩💗惹味爽口雞腎 ($28 /串)雞腎爽口脆彈，口感十足🤎💗燒汁年糕卷 ($26 /串)豚腩片包住紫菜同煙韌軟糯嘅麻薯，帶燒汁甜味🍡💗蟹膏飯團 ($28 /串)飯團加入飯素搓成，充滿紫菜同芝麻香。飯團外層焦脆有飯焦嘅口感，裡米飯Q軟，表面更舖滿甘香嘅蟹膏醬🍙💗味淋魚干 ($48/ 份)雞泡魚乾燒得啱啱好，口感煙韌唔會過硬，食落焦香鮮味，帶味醂甜味，再蘸上沙律醬🐡💗冷泡白桃烏龍茶 ($12)白桃冷泡茶清新幽香，帶淡淡果味🍑💗椰青 ($38)椰青清甜解渴，仲可以刮入面嘅椰肉食🥥…Read More

又嚟到無限回訪嘅燒烤堂😂近近地都係嚟旺角分店，一坐低已經忍唔住叫左20樣嘢🙈上菜速度都幾快，好快張枱已經擺滿野食~十大必食同十大人氣產品都叫了不少，其中有好吸睛嘅豚肉節瓜波板糖，油脂滿滿，配裡仲配左雞蛋，撈埋食夠晒滑！仲有唔少得嘅焦糖青蘋果鴨肝多士，大大塊鴨肝，入口即溶，中間夾左青蘋果解油膩感，可以話係最住配搭！雞皮墨魚滑又係比較特別，雞皮烤得夠脆，入面墨魚滑好彈牙，食過先知咁吸引~🤤提燈又係特別野，每隻母雞得一串，食落有雞蛋嘅口感，亦有肉質嘅香味🥰牛舌腩，A4和牛同牛小排都繼續保持水準，牛味出，又唔會太乾，每次都要叫晒嚟食😋海鮮方面，廣島蠔依舊juicy同肥美，蟶子爽口又大隻😍另外我幾鍾意鹽燒豚肉荔枝卷，有果香又多汁，食落仲幾清新~一邊食一邊飲杯白桃烏龍冷泡茶，清清地又解膩，每次食串燒都必叫😸…Read More

✨當日係平日夜晚都全場爆滿，有客人walk-in都已經無得入場啦，所以一定要事前訂座📱 全場爆滿啲店員妹妹們都超忙，搵店員落單可能要等耐少少，但上菜好快💪🏻🍺日本生啤生啤做緊500ML買一送一都幾抵，所以一坐低就叫左一人一杯😂而且餐廳好有心，所有杯都會雪係雪櫃，務求唔會影響到啤酒溫度，上枱好耐都仲係透心涼❤️🍖鹽燒原塊雞皮 $22/串睇相都睇得出佢有幾乾身、幾脆口啦，真係成塊薯片咁！同行朋友好鐘意，我鐘意食軟身燒雞皮多啲就覺得一般～🍖海苔黑豚肉鵪鶉蛋 $28/串好正，粒蛋係會爆漿個種，豚肉都好入味🫶🏻🍖厚切鹽燒牛舌腩 $48/串身為牛舌狂熱愛好者，Juicy、彈牙，大滿足😂🍖孜然豚肉芫荽卷 $22/串呢個有少少失望，豚肉好淋好入味，但芫荽比較乾同埋可能比較老(?)，一般🥬牛油蒜蓉焗雜菇 $32/份正常水平🥬孜然燒蒜蓉茄子 $36/條重蒜🧄加埋燒得軟淋既茄子，夠入味😋🍖惹味鹹蛋黃燒大腸 $24/串鐘意食鹹蛋黃同大腸既都可能會失望🥲無咩鹹蛋黃味，大腸都燒得稍乾同靭🍖泰式豬頸肉 $28/ 串彈牙、爽脆，同行豬頸肉愛好者好評🫶🏻而搭配既係平時食開脆Ｏ雞翼個隻泰式辣醬🦪蒜蓉燒廣島蠔 $44/份（兩隻）味道合格，生蠔熟度岩岩好夠嫩😋略嫌係細隻左啲啲🍞焦糖青蘋果鴨肝多士 $88/份不愧係招牌之一，勁好食😆❤️呢個配搭係無得輸✨焦糖既甜加上青蘋果既酸，脆口清爽既蘋果中和鴨肝既油膩感，軟嫩既鴨肝配香脆多士✨一人食一塊岩岩好🤩❤️‍🔥提燈 $38/串我好鐘意獵奇食物，同行朋友唔敢試，呢個比想像中好食架😂粒波波食落就係溏心蛋黃既口感，好軟綿又帶有少少黏口，味道係好濃既蛋香👍🏻而後面個抽野食落就似比較乾同煙靱，有少少內臟既味道，如果平時有食開雞腎既都接受到🫶🏻🫶🏻P.S. 呢度比較偏向品嘗食物原味，重口味人士可以自行利用桌面上既調味粉或者搭配醬料食用💫…Read More

橫風橫雨無得去戶外BBQ, 一於係室內食燒烤堂啦💛 呢度既串燒最正係會標明🇯🇵日式/泰式🇹🇭/西式/🇭🇰港式/台式🇹🇼/川式/新疆, 仲有自家特別口味, 有得揀先至係老細無論雞豬牛海鮮菜既選擇都非常之多 好多特產如大大塊彈牙墨魚餅🦑(仲要塗鹹蛋黃醬超邪惡🥚)淋滿明太子醬既雞腿肉🍗都係新穎又好味豚肉包住香甜荔枝超解膩卷物更加係誠意之作, 豚肉同節瓜竟然可以一層層卷整齊變成一塊波板糖🍭超香脆雞皮可以完整包裹住漲卜卜墨魚滑🦑, 富口感既雞軟骨paste釀入汁燒冬菇🍄蒜蓉原條茄子烤得超香 牛小排香口富牛味, 同多汁既汁燒牛肋肉係兩種唔同既食法豬腩肉食落爽口, 唔會覺得太油膩唔好以為咁有水準會好貴 (大胃如我成日驚食串燒唔飽), 大大隻燒生蠔只係$44/2隻🦪嗌左咁多野$300一人左右已經夠哂飽 Sapporo啤酒仲做緊買一送一添🍻爽呀!呢間串燒店非常大間, 係集團同系列裡面舒適度係數一數二因為係樓上舖, 搭𨋢上到黎外面仲有冷氣座位等候區, 無論等人定等位係夏天都唔會太辛苦, 難怪平日夜晚都滿哂座-蒜蓉燒廣島蠔🦪($44/2pc)明太子雞腿肉🍗($28)鹽燒豚肉荔枝卷🫶($22)泰式豬頸肉🇹🇭($28)汁燒和牛肋肉🐮($48)焦糖鰻魚芝士玉子燒🍳($28)鹽燒椰菜仔🥬($20)黑毛豬五花腩🐷($28)鹽燒和牛牛小排🥩($48)孜然燒蒜蓉茄子🍆($36)汁燒免治雞肉軟骨釀冬菇🍄($28)雞皮墨魚滑🦑($38)豚肉節瓜波板糖🍭($38)鹹蛋黃煎墨魚餅🥚($68)Sapporo🍻($48/500ml buy 1 get 1 free)-燒烤堂旺角通菜街1A-1L號威達商業大廈3樓A室1800-0200尖沙咀厚福街12號藍馬商業大廈5樓1800-0030紅磡德民街29號德民大廈地下J2號舖1800-0000中環九如坊6-10號林氏大廈地下C-D號舖1700-0000銅鑼灣登龍街28號永光中心15樓1800-0200筲箕灣廟東街11號地舖1730-0000…Read More

飯就留返午餐食，夜晚當然要食好唔晚餐嘅嘢食，例如係串燒有間串燒連鎖店，性價比之高，大胃相逢恨晚可以喺串燒店食到咁乸大塊嘅鵝肝，真係唔常遇到，仲要用青蘋果墊一墊，中和鵝肝嘅油膩感，同脆口多士無逢接合玉子燒價錢唔貴，但工夫好有誠意，內裡捲咗鰻魚，面頭燒上香脆嘅焦糖，勁想嗌多串豬大腸未食已經聞到勁香，質感軟綿，連埋鹹蛋黃醬，好快KO芝士年糕唔知點解歸類為甜品，原來會奉上煉奶，裡面一樣爆芝，又甜又鹹但又好過癮仲以為冷蕃茄會係一粒粒，原來係一片片，灑上幽香桂花碎，浸住甜絲絲嘅蜜糖，消暑又賞心和牛連牛舌腩都可以咁有牛香，肉質厚身彈牙。雞腿肉大塊又嫩口，五花腩層次豐富，啖啖肉勁爽皮。用豚肉包住牛油果燒，口感勁綿茄子燒得好入味，而且好滑，連皮食都冇問題廣島蠔一份有兩隻，好划算，蒜香好惹味用雞皮包住墨魚滑，食落二合為一，毫無違和感。白鱔燒得脆脆地，都幾大嚿。免治雞軟骨棒撈埋蛋漿質感升級，好嚼口又好夠味道通常威士忌梳打都會味淡如水，但呢間酒味好出仲加埋百香果，一級棒呢…Read More