Chung Shing Thai Restaurant

上星期嚟大美督，已試過Pataya，覺得味道不錯，今日嚟試吓他旁邊那間泰國茶座。魚露浸滑雞湯粉：雞件味道不過不失，但有一倍份都是骨頭邊位肉不多，反而覺得湯粉更美味，湯夠熱，味夠濃，金邊粉份量足夠兩人吃。串燒鱔片：味道一般，唔食唔會覺得可惜。黃咖喱（雞）：黃咖喱係甜的，包含薯仔及雞肉絲，味道不錯，不太濃不太淡，配蒜蓉包吃一絕。香草蒜蓉包：包皮幾脆，蒜蓉味一般不是太濃。可能因為是午餐，餐廳內大部份其他人都是叫湯粉或泰式碟頭飯，小見人叫特色泰國小食或泰國菜。…查看更多

一早訂了去慈山寺賞桃花，希望今年好景，事事順利。大清早出發，要轉了幾程車才到，桃花都開得燦爛，不枉此行。賞完花已經是中午，再乘車到龍尾，見到這間口碑不錯的泰國菜館已經有人龍，幸好只是等了20分鐘就有位。菜館有兩邊，高高低低的分為幾個部份，座位都不少。我們三人點了一個魚露浸滑雞飯 ($55)、一個椰香咖哩牛腩飯 ($55)、一個蒜蓉炒芥蘭 ($48)一個串燒鱔片 ($108), 還有一杯青檸利賓納及一杯青檸薑蜜，後來再加多一個蒜蓉包。魚露浸滑雞飯的雞比想像中大碟，也很嫩滑，味道不錯，亦是第一次試到這個做法。椰香咖哩牛腩飯的咖哩不算辣，椰香味濃，牛腩煮得腍而不韌，咖喱汁撈飯好味，還有兩件薯仔。蒜蓉炒芥蘭也炒得不錯，有著泰式風味，帶些鹹香。串燒鱔片甚有驚喜，一上枱已然聞到碳香味，但沒有燒焦。鱔片很大片，新鮮爽口彈牙，還帶有油脂的甘香，調味也恰到好處，有機會再來一定再試。青檸利賓納帶點甜酸味，而青檸薑蜜就有少許微辣，兩者都清新醒胃。後加的蒜蓉包也不錯，烘得十分鬆脆香口，加些咖哩汁來一起食也很好。雖然是郊外小店，但菜色做得真的不俗。…查看更多

屋企人想食泰國菜,諗左幾間都唔岩心水,就醒起好耐無去既忠誠,因為無訂檯一定要等半個鐘左右,所以好多時無預定幾時食,一諗起都要打消念頭,今日唔理喇～太想食照去。佢地既座位唔少,有一般餐廳2-3個鋪既座位,我地約7點去到,食客非常多已坐滿,等位的也不少呢,望下訂檯簿仔,仲有10幾張檯先到我地,等到近一個鐘,有位了。叫個椰青解解渴$48,好大個好清甜,3個人叫左兩個,飲極都有!一個椰肉超嫩可以食哂d肉😍。泰式古法浸雞$152,食左咁多次原來未叫過呢個,皮香肉嫩連皮都食埋,超滑又有雞味,配埋泰式酸辣醬更正!串燒沙爹牛肉4串$58,花生醬加沙爹醬超香滑,牛肉燒得幾好,但有幾舊大既好韌。焗薄餅$42,有8塊咖喱未到時,我地一人食塊先,超鬆脆煙韌既薄餅,配埋咖喱吸哂d汁仲正!!鑊仔綠咖哩斑塊$85,超中意食涼瓜斑腩既我試試咖喱斑塊,原來唔系好夾,但綠咖哩一向是我首選超好食,仲有洋蔥,茄子,蘑菇,韭菜。食到一半仲有好多咖喱汁,再叫蒜蓉包$38,6塊超香脆軟熟,無得頂!…查看更多