Mini Bangkok Thai Food (Moved)

每次想食泰國野，一定會諗起我既最愛 — 小曼谷，味道有品質保證之餘，價錢仲要係平民價，絕對係性價比高！我啲朋友都好鐘意黎食～先黎一個勁大碟既泰皇咖哩炒蜆，呢個真係好抵食，啲醬汁又唔辣，甜咖喱超好食，好香好滑，蜆肉又要隻隻都好大隻，超入味，份量滿分，必點！食咖哩又點少得叫埋蒜蓉包呢，呢個蒜蓉好香口，脆脆地點咖哩黎食都係一流！泰式小食都very good,今次淨係叫我覺得最好味既炸蝦餅，外皮炸得脆，內裏蝦肉彈牙爽滑，個sauce係畫龍點睛，將鮮味昇華！再點一個香芒果蟹肉炒飯，蟹肉炒飯都ok,炒得夠乾爽，用芒果炒有甜甜地既味道，更開胃！…Read More

九龍城是一個小泰國，從小在這邊讀書和吃飯，特別喜歡這個地方。充滿回憶的地方，當然要找個有共同回憶的好姐妹一同逛逛、享受泰式美食啦！趁好姐妹明早又飛去嘆世界之前，陪我嘆番陣先～小曼谷，只係九龍城都有4間分店，今次我地就試下南角道總店。餐廳佔了約3個舖位，街景景觀開揚，十分寬敞，座位沙發舒適。本來都不太肚餓的我們，打算點少少海鮮及菜，傾下計。原來每碟食物的份量都好多。晚餐奉行多菜少肉，就先來一碟炒菜。泰式椰菜苗炒馬拉盞，椰菜苗炒得少少乾身，不太油膩，夠鑊氣，爽甜。泰皇咖哩炒海鮮～聽店員說是餐廳招牌菜。對於只能吃微辣的我，非常合適。只是微微辣的黃咖哩，濃濃的汁配上脆卜卜蒜蓉包，一絕呀海鮮絕不欺場，超級足料～4隻大蝦🍤、幾隻大青口、好多隻蜆，仲有小帶子、魷魚🦑等等。鮮味十足，青口大隻得來、啖啖肉。特別大蝦係好新鮮，炸到香脆再放入去同咖哩一齊煮，煮完都仲係脆，依然保持住蝦本身的鮮甜。就連洋蔥&青椒都好惹味咖哩海鮮已經令我們大滿足啦～再來泰式燒原隻魷魚🦑甜酸醬魷魚配上辣汁，將燒🦑的香味更提升。有時候係其他餐廳食的燒魷魚的肉身冇咩口感，但呢度完全冇呢回事呀～🦑幾有咬口同juicy同區泰菜來說，小曼谷的性價比算高，價錢中等且食物份量多，加上食得出廚師用心製作每道菜！…Read More

當年經常放學後來到九龍城小曼谷食宵夜眼見裝潢亦都煥然一身了，我們亦於社會打滾了一段時間。今天跟闊別多年的校友聚舊，細說當年學園往事。姐坐下先點了一個椰青，肉厚椰青水清甜很解渴。友人則點了泰國象啤。先來一客泰皇咖哩炒蜆，蜆肉很大隻，新鮮而且無沙。配上青椒，洋蔥及帶甜的咖哩汁很棒!姐嘗過第一口咖哩汁後立刻加了一客蒜蓉包伴汁吃，最後清了碟!跟著再來一客泰式豬頸肉鐵板炒通菜，起初還以為侍應調亂了原來豬頸肉放在通菜下面。因為經過鐵板可以直接將豬頸肉煎得更加香口，而且亦避免通菜會因為鐵板過熱而變燶了。豬頸肉很香口 而通菜亦都炒得很惹味，友人覺得這是泰啤的好拍檔。至於明爐蒸烏頭，烏頭魚肉多而且蒸得剛剛好，配上泰式辣汁更將魚的鮮味帶出。但願那份泰式大排檔的風味跟我們的友誼一樣永遠長存。…Read More

認識我的人都知道，去九龍城吃泰菜，小曼谷是我首選。總店裝修之後都没去過，趁生日月話事，當然要來吃吃~😊門表光鮮了，還有架粉紅色督督做裝飾，非常突出。枱與枱的空間比以前寬闊，坐得較舒適。也許我太久没來了，除了主餐牌，現在還有套餐選擇。夏日炎炎，先來個椰青消消暑。椰青蠻大粒，份量多而且非常清甜。椰肉很容易就刮到出來吃，薄薄的、夠爽口。食泰菜當然少不了我最愛的「公車攬爆」😁生蝦非常新鮮，肉質爽嫩，加上秘製辣汁夠晒惹味。但$98/6隻，有點貴⋯⋯辣椒很辣，不太吃辣的朋友可以齋點醬汁，不要吃那小辣椒啊~炒飯的size比想像中少⋯⋯份量只有一般碟頭飯，4人share只有半碗仔。但勝在足料，蟹肉多又大件，值得俾個like~芒果又香又甜，加點肉鬆再配飯，使炒飯的味道更豐富。小妹認為炒咖哩可謂小曼谷的招牌菜，每次幫襯都會叫的指定菜式。😁炒海鮮比想像大碟，不止碟大，料也多。青口、大蜆、大頭蝦、魷魚、帶子⋯⋯足夠4-5人份量。但海鮮略嫌熟了一點，不夠嫩。別看它又黃又紅好似很辣，咖哩微辣帶甜，不吃辣的朋友仔也大讚。咖哩非常惹味，用來撈飯或者配酥餅／蒜蓉包一流！雖然已經9成飽，但仍然心思思想要蒜蓉包來配咖哩😝一客4件的蒜蓉包非常大件，一塊等於平時吃的2塊，$28抵食~蒜蓉包烤得夠香脆，每塊的蒜蓉都搽得滿滿的，其實不點咖哩都夠好吃。但點咖哩再多點甜甜辣味，就更好吃~ 👍…Read More

一行四人為慶祝朋友新婚加多個小生命，決定去女性朋友住區九龍城食晚餐～去得九龍城，就梗係食泰國菜啦～最鍾意上開飯啦睇食評，見呢間小曼谷好多人👍，就試一試～知道星期六晚多人，專登叫定朋友去拎位先，6點40分到已經排緊隊，好彩等左15分鐘到就有得入座。上菜速度好快，可能因為得個半鐘食～黃咖哩雞：咖哩味濃既，雞入味同滑，但以為佢用個爐上係保持溫度，點知原來係無火的，衰在唔夠熱。有咖哩點可以無絕配蒜蓉包。蒜蓉味幾香，外脆內鬆，好味的～椰菜花炒豬頸肉：菜好油，好咸，麻麻。芝士蝦球：我食開既蝦球係漲卜卜，但呢個係塌晒皮甘，雖然好好心甘切開兩半上，但中間芝士位唔熱又無咩芝士味，失敗！豬肉生菜包：一個必叫既餸，但唔夠辣，又無咩位～總結：九龍城出名泰國菜，但我諗我選擇既呢間唔岩我口味～我應該下次會選擇其他…Read More

BOOK左七點半，一行七人，好彩BOOK左枱，因為真係好多人不過坐位唔太好，佢將D枱一字排開，枱又唔係大張，攪到放唔到D菜:( 焗住要食快D講真，我一直對泰菜都好反感，真心覺得唔好食:(但黎左呢間之後，完全令我改觀後黎又叫左沙嗲雞串、牛串同豬肉串最搶手都係牛串，友人話好有牛排味友人生日，7人找數，每人$270，已經食到好飽…Read More

假日打算和家人晚飯, 記得有朋友提及過九龍城的小曼谷, 於是便一早打電話訂枱試試. 其實九龍城有不少泰國菜館, 要在眾多菜館中站得住腳一點也不易. 我們一行五人點了青咖哩雞, 蒜蓉包, 泰式炒蜆, 馬拉盞炒菜, 煎蠔餅和泰式拼盤(小). 這兒環境比較平民化, 有點似茶餐廳, 價錢亦較為大眾化. 但坦白講, 我個人比較喜歡佐敦的泰屋, 不論環境或是食物質素, 都較為優勝. 即使在九龍城, 亦不難找到更出色的泰國菜館, 例如黃珍珍. 但價錢方面當然亦會貴些少.青咖哩雞: 味道一般蒜蓉包: 比較遜色泰式炒蜆: 蜆很大隻:)馬拉盞炒菜: 一般貨色煎蠔餅: 尚算不錯泰式拼盤(小): 有蝦餅, 春卷, 香葉包雞及魚餅, 當中以蝦餅最好吃!…Read More

上一次來的時候是一年前了，那時印象中對面的小店還沒有開張…今天再來，被安排到了對面的小店，感覺乾淨了，相對地舒服了很多！原本來的目的是為了那厚多士（好像叫吔咃厚多士）而來，今天，名字改了…更重要的…不再做了…所以只好叫其他吧！首先點了芒果沙冰及椰王，前者味道沒有上年的那麼香甜，後者又不夠椰香，水準好像下滑了…吃泰國菜當然要選冬陰公吧！先來一個雙拼的牛腩拼扎肉冬陰公湯河，其他的不過不失，最重要的冬陰公湯真是小弟的最愛！一滴不漏的全都喝下去，但感覺不及上年來的時候辣…再來點了蒜蓉包，目的只有一個…配泰式炒大蜆！那大大碟的泰式炒大蜆絕對是推介之一！雖然跟咖哩炒大蜆主要的只是一個辣，一個不辣，但份量絕對是不馬虎的！每碟也會有九隻大蜆，最重要的吃出鮮味吧！每次一來對這個菜色也是讚不絕口！但為什麼感覺又是不及上年來的時候辣呢…其後再加了一客蒜蓉包…因為那碟炒大蜆話有太多汁用來伴蒜蓉包，不吃好像太浪費吧！…Read More

11月11日約了男友,他的朋友&女友, 四個人食飯相聚。:)事前只是提及吃泰國菜, 但我一早心儀去金寶的。怎料....他的朋友說己到達,表示入去等我們啦。去到才發現佢地去左小曼谷。小曼谷之前也吃過,不太差,所以也照食啦。生菜豬肉包(小辣): 吃不到有辣味,而且包生菜的時候,肉汁不停地流,吃得幾狼狽。咖哩炒大蜆:咖哩汁香濃帶清甜。蜆肉大隻,但吃到一隻有沙。另叫了蒜蓉包, 配咖哩汁吃,很匹配的口味。椰青焗飯: 用椰青上碟, 內裡裝滿海鮮及飯。最頂淋上椰槳。成晚最好食呢個飯。飯帶有椰槳的香味,也帶有椰槳的甜味,而且海鮮份量不少。炸蝦餅: 有蝦肉, 但是吃不到有蝦味。雞肉串燒: 普通。飲品叫了:酸梅?(咸梅?)七喜。 很咸。早知飲椰青啦。今次坐卡位比較好, 可以放袋,也有椅背。坐中間的長台比較逼,只是坐圓椅,而且侍應不停穿插,很危險。…Read More