今次係用外賣app叫嘅，以下都係折前價錢。
菠蘿炒飯 （$108）炒飯入面有腰果、肉鬆、菠蘿，食落酸酸地幾開胃，又幾好食喎。
辣椒膏炒青口（$108）少少辣，青口普通，整體都幾入味。醃酸辣去骨鳳爪 （$82）冇骨嘅鳳爪真係好方便，食落好有泰國風味，都係酸酸地咁，好開胃。咖喱炒蝦球 （$108）係送飯一流嘅咖喱，幾好食。入面啲蝦大大隻，雖然話係咖喱，但係唔會太辣。炭燒豬頸肉 （$92）落左個汁之後超級辣，豬頸肉就偏硬。:(蒜子胡椒炒蝦球 （$108）蝦球大大隻，食落都好香，好多蒜蓉粒，好好食。泰皇咖喱軟殻蟹 （$208）佢有配埋一個個黃咖喱汁，呢個汁先係精髓，食落甜甜地，好好食。
不過齋食軟殻蟹都好食，又香又脆，假如叫個普通軟殼蟹（冇醬）嘅話價錢平一半，抵食好多。泰式蝦球炒金邊粉 （$98）金邊粉都幾多配料，有蝦、芽菜咁，食落酸酸地。但係可能擺左一陣，所以啲麵結左，變左一餅野，好難撈。泰式炸蝦餅 （$92）炸蝦餅好好食呀，炸粉唔會太厚，食落好脆，好有蝦味，而且size岩岩好，做小食一流。泰式海南雞撈麵（$98）呢個撈麵就好失望，啲雞食落好鞋口，啲麵又乾，同樣都係一餅野咁好難撈，而且冇乜味，真係唔好食。
蒜蓉包 （$45）食落冇咩蒜蓉味同埋唔脆，咬好耐先咬完，味道麻麻。:(串燒 （$172）串燒超級好食，燒得好香，調味唔算太多，唔會蓋過本身嘅肉味，唔洗額外落醬都好食。串燒上面黃色嗰啲應該係芥末，好香，令人食唔停口。椰汁三色珍多冰 （$35）飲落普普通通，唔算太甜，直頭係無乜味。因為成杯都係椰汁所以飲到好濟。叫外賣嘅時候外賣app做緊外賣自取55折優惠，真係幾抵食，如果係原價嘅話就會稍貴啦。…Read More
