Yau Wok Hei (Tai Tsun Street)

屋企人生日想搵間有質素又抵食嘅餐廳食小菜同酸菜魚，機緣巧合搵到呢一間，估唔到咁好食個個小菜都好有鑊氣有水準！壽星都食得好開心！食過返尋味，已經準備下次再嚟！酸菜桂花魚屋企人唔太可以食辣都食到 酸菜唔會太酸蓋過魚嘅味 配合得好好👍🏼菠蘿咕嚕肉酸酸甜甜 放涼左都仲好脆沙薑豬手好入味又夠軟熟 滿滿嘅骨膠原椒鹽鮮魷炸粉好薄好脆 唔會好油生炒臘味糯米飯糯米飯好軟糯 略嫌濕左少少黑鑽脆豆腐炸到外脆內軟 同乾蒜配合得好好 一上枱就清晒…Read More

之前同屋企人一齊黎咗有鑊氣-酸菜魚食晚飯🥢，我哋因為都幾多人，所以可以嗌多啲唔同款式嘅小菜試下，我哋嗌咗自家剁椒焗花甲皇、菠蘿咕嚕肉、冰鎮咕嚕肉、老壇酸菜魚、黑椒薯仔牛柳粒、黑鑽脆豆腐、金沙火箭魷、生炒臘味糯米飯同埋豉油皇炒麵自家剁椒焗花甲皇，花甲好鮮，剁椒幾香辣🌶️，好開胃菠蘿咕嚕肉🍍，外皮炸得好脆，唔會因為裹住啲酸甜汁而變淋，入面嘅肉亦都好淋滑冰鎮咕嚕肉係將傳統嘅咕嚕肉冰鎮，配埋提子🍇，食落去唔會覺得油膩，好清新🌱老壇酸菜魚🐟，魚肉好滑，個酸菜金湯好有酸香，寬粉口感適中黑椒薯仔牛柳粒，牛柳粒幾嫩，啲薯仔索咗啲汁食落好香口軟糯🥔黑鑽脆豆腐，豆腐外皮炸得脆口惹味，呢個要小心食😂因為啱啱炸起超級熱♨️金沙火箭魷🦑炸得金黃酥脆💛，而啲魷魚都好彈牙，唔會過韌生炒臘味糯米飯🍚，糯米煮得啱啱好，口感煙韌，臘腸好香豉油皇炒麵炒得好有鍋氣🔥但又唔會過油…Read More

大角嘴呢間有鑊氣食左幾次, 次次都無令我失望, 小菜有特色,夠鑊氣,大件夾抵食,所以晚晚爆場都唔出奇.乾隆鹽水鵝皇 –味道唔錯, 肉質嫩滑, 配埋佢個蒜蓉醬幾夾不過稍微瘦左d, 無咩肉食既.蒜蓉蒸焗花甲 – 一上抬姐姐煎開時,已經香氣四溢, 花甲肥美多肉, 好少好少有唔開殼既, 時間岩岩好,鮮甜多汁唔老,好好味.菠蘿咕嚕肉 – 呢個真係不得了, 佢同酸菜魚都係有鑊氣既signature,咕嚕肉粒粒都脆卜卜, 外層好似包左層糖衣甘, 咕嚕汁酸甜恰到好處, 無骨,小朋友一定鐘意食.唯一要彈就係份量唔夠, 多人既真係要叫多碟share.豬油渣炒菜心 –邪惡之選. 唔洗講,用得豬油渣去炒, 碟菜一定好白好食好惹味啦, 膽固醇呢方面呢….呢餐唔好諗佢住.老壇酸菜魚 (例) –主角出場, 因為食過幾次, 已經識叫佢加湯,因為本人覺得D湯先係亮點, 老實魚只係一般,應該係雪藏貨色. 所以個湯先係主角. 加埋金黃芝麻真係香到不得了,配埋薯粉真係好滿足.生磨杏汁潤肺湯- 呢個要撞手神唔係晚晚有, 今次終於試到, 味道反而不過不失, 並無小菜甘出色,有D失望.有鑊氣仲有一個特色美食- 豬油撈飯 – 佢會比埋樽豬油用豉油你自己落, 真係香到不得之了, 膽固醇, 呢一刻真係唔好再諗佢了…Read More