PUTIEN

見哩間莆田福建菜越開越多, 香港,九龍,新界都有佢嘅分店, 唔知食物水準有冇下滑!! 不如再去食吓了解吓…..我訂座時, 店員告知要分兩輛時間入座, 分別為(6:00-7:30) & (7:30-10:00), 今次一行六人選擇食尾輪. 侍應安排了卡座給我們感覺有點迫, 不過還可接收啦! 同時亦馬上奉上小食和熱茶, 茶香撲鼻, 飲落有濃濃果香, 原來係荔枝茶, 好飲. 時間都唔早啦, 快D點菜先…. 由於先前都光顧過, 我二話不說就點咗哩到幾款招牌菜 <蝦苗拌頭水紫菜> , <百秒黃花魚> , <莆田滷麵> , <莆田荔枝肉> 及 剛好時節的 <九層塔香燜海蠣>. 等了十分鐘便開始上菜啦! 上菜速度算OK. 接住來睇下佢地D菜式有冇走樣先!!四小併 ($109)<蝦苗拌頭水紫菜> 是用一年採一次之頭水紫菜產量有限, 口感清爽, 配上鮮味醬汁和蝦苗增加不少風味.<九轉小腸> 小腸層層吐上做成一條多層的小腸, 爽口彈牙, 滷味香醇<滷水嫩豆腐> 滷水不會太咸, 豆腐亦嫩滑<水晶豬蹄凍> 晶瑩剔透, 口感QQ, 骨膠原滿滿<百秒黃花魚> ($69)真係不得了, 只用一百秒來蒸熟一條魚, 魚肉嫩滑, 沒半點魚腥味, 砂鍋內的魚湯亦是鮮味十足, 我地點了三客，好正!!<莆田滷麵> ($89)鍋內滿滿的新鮮蝦,蜆,腩肉,蔬菜和彈牙的麵條, 再配上我個人喜好的百秒黃花魚湯後提升了不少鮮味, 真是另一種嘅鮮味享受.<莆田荔枝肉> ($88)酸甜度適中嘅糖醋醬汁包住外脆內軟的梅肉, 加上荔枝配搭, 都係一個不錯選擇<九層塔香燜海蠣> ($108)海蠣即是蠔仔, 是時令食材, 飽滿肥美的蠔肉用上粉漿包裹炸脆, 黏上甜甜醬汁, 外脆內軟, 香甜鮮味, 再加上陣陣九層塔香氣撲鼻, 令人食指大動.<金湯時蔬> ($75)幼嫩的豆胚, 用上湯和金銀蛋浸煮, 不會太咸。不時不食真係冇錯的, 用周邊最好最合時的食材來做出用心菜餚, 讓人人感受到一份鮮味嘅享受. 今次再度光顧沒有失望, 下次一定再來.…Read More

與太太去馬鞍山體育館參觀中國國術表演，及去看太極服裝後，就去新港城食晚飯。之前曾去過一間食完就說不會再去的餐廳，今次正在躊躇著不知食甚麼之際，卻見到這間餐廳，上次想光顧時卻沒有位，今次如果有位就一定要試一試。莆田這名字在上次新加坡朋友來港時曾聽他提及過，原來這源自新加坡的福建菜餐廳很有名氣， 開業18年間已經在新加坡、馬來西亞、印尼、台灣、香港、上海及北京等地開設超過五十間分店，屢獲獎項，並連續兩年在新加坡獲米芝蓮一星獎。進軍香港四年已開設了八間分店，銅鑼灣店更連續三年成為米芝蓮推介餐廳，果然來頭不小。進入餐廳時已經差不多滿座，幸好還有一兩張枱，不致再碰壁。店內也有很多座位，還在牆上裝了很多玻璃鏡以增加空間感，另牆上還有些用紅磚作裝潢以添樸素的觀感，餐枱則以雲石面鑲嵌木框，結實耐用及易於清潔。第一次正式食福建菜，見餐牌上甚多選擇，很多菜色都想試，奈何只得兩人，唯有先揀幾款來試，我們點了10醉中的4樣：蝦苗拌頭水紫菜($52)、酥炒芋芯($89)、百秒黃花魚($69)及莆田滷麵($82)，另加本期推介的紅菇燜豆皮($188)。先來的是免費的前菜油泡紫菜，味道清淡，勝在脆口。然後是莆田10醉之一的蝦苗拌頭水紫菜，頭水紫菜是每季紫菜收成的第一造，比較嫩滑及營養價值較高，我到潮汕南澳時也試過。紫菜加了麻油及有少許醋酸味，再拌以白蝦苗，味道香滑爽口，開胃醒神，真的會吃到停不了的。另一10醉之一的酥炒芋芯，但見只有十來件切成長條形的芋頭，上面放了些紫洋蔥，但賣價卻在前列之中，想必是製作過程繁複有關。芋條外面有一層糖膠，做成外脆的口感，令人聯想起潮州菜的反沙芋，不過酥炒芋芯不用沙糖而用糖漿，而且炒得十分乾身，味道倒還不錯。百秒黃花魚的名字特別，詢問店員時她答是真的煮百秒。魚身開雙飛，使受熱程度均勻，魚肉保持嫩滑而沒有腥味，魚湯鮮甜，加了薑蔥，沒有重胡椒的味道，取價亦很合理。而今期推介紅菇，原來是產於福建武夷山的野生真菌，湖南及廣西也有出產。紅菇是一年一度夏秋兩季，在高溫高濕的氣候下，於茂密椴木樹下的沃土上自然生長，在雨季後每季生長大約15天，而且需要在夏季的凌晨四個小時內採摘，所以非常難得。紅菇的營養價值非常高，含多糖、氨基酸、蛋白質、多種礦物質及維生素，有活血化瘀、補腎強身、降膽固醇及抗癌細胞轉移的功效，非常珍貴，是閩南婦女產後的補品，當地有所謂「從來無種，四季無花，越嫩越好食，越老越有渣。」的說法。紅菇含有天然色素，遇水變紅，所以紅菇燜豆皮端上來時看似是溫公齋煲。除紅菇外，亦有乾貝、蟶乾、蝦乾、鹽水滷豆腐及豆皮等6種主要材料，另外還有豬腩片、金針菇及香芹等，以小火慢燉而成，味道鮮甜。最後是另一道10醉之一的莆田滷麵，材料有大蝦球、蜆、肉碎、冬菇片、豆卜絲、紹菜及青菜等來煮米線、湯底十分之濃稠及鮮甜，爽脆的蝦球及蜆都很鮮味。平均消費每人$240，仍有興趣下次來試其他的菜色。…Read More

當晚我同男朋友想食d暖胃飽肚d嘅晚餐，係新港城行來行去都未決定到。經過莆田，有個店員企門口，笑笑口同我地講有二人套餐，又抵又好食。印象中，我今年年頭都食過一次莆田，記得佢道「百秒黃花魚」好食。咁就唔駛再諗喇！食莆田！*Menu係一本厚厚的硬皮書。食物款式多，而且附有菜式圖片供人參考～*枱面擺左今期推廣的紅菇，店員話係補血好食物。但我今次無試。莆田係新加坡+福建菜，店入面都比較少年青人面孔，大多食客都係家庭／職場人士。讚一讚佢：無論座位、環境都幾舒適。但眼見樓面就比較少。雖然閑日+時間早，食客較少，但係店員都係好似好忙咁（現在好多食肆都係咁，難做難做）。今晚我地叫左個二人套餐（$338，未加茶芥加一），餸菜有：水晶豬蹄凍、百秒黃花魚、金湯時蔬、風味酥棗；主食（自選五選一）：莆田滷麵／興化炒米粉／包菜飯／媽祖麵線／漁民紫菜燜飯；最後甜品：芋圓花生湯。餐前小食「菜甫」（個人希望係水果／木耳）。因為菜甫唔岩我地胃口，食左幾舊就放埋一邊。*水晶豬蹄凍一開始上左「水晶豬蹄凍」先～ 豬蹄凍，廢話講句，即係冷盤啦！口感爽滑，但就唔係好彈牙，因為質地比較軟身，唔係好硬，有d似Jelly。豬蹄凍細細粒，淋左醬汁，感覺幾得意、開胃，但就有少少難夾。如果下次散嗌，我都會再叫返呢道菜。*金湯時蔬然後就上「金湯時蔬」。時蔬蒜頭味唔係好重，湯汁黏黏地咁，同平日茶記食的口味有d唔同～上菜時餸菜暖熱岩岩好，仲冒緊少少熱煙，熱辣辣好好食。男朋友好鐘意咸蛋黃的味道，佢覺得好好食，食左大半碟哈哈。*莆田滷麵*莆田滷麵（近鏡）五選一主食我地揀左「莆田滷麵」。一碗麵有１２種食材，有菜有肉有海鮮有豆卜。由於Menu話係bestseller，累計銷量３０萬份。所以，叫的時候唔多唔少抱住少許期望。但實物同餐牌出入都幾大（有圖有真相）。滷麵味道一般，好似平時食團餐農家菜咁，材料唔係特別鮮，味道亦無乜層次。下次來唔會再食。*風味酥棗*風味酥棗（咬開後）食食下滷麵，「風味酥棗」都到喇。到之前好好奇究竟係咩風味酥棗，原來係炸魚球。魚肉同蔬菜餡炓拌埋一齊，包一層薄薄的腐皮，表面炸漿炸到脆卜卜。香口野，好邪惡。好在叫左菊花茶，可以清清熱～*百秒黃花魚主打的「百秒黃花魚」最後先上。其他食評都有提到，呢道餸獲得米芝蓮一星嘅殊榮。之前第一次食莆田，都係為左試試呢條魚。當時唔知，慢慢食，食食下浸到條魚老左，肉質變「鞋」左。今次識喇，就快快手、密密食。廚房將魚身劏開一半（快熟，嫩d呀嘛！），有熱湯（離唔開薑同蔥）浸住。魚肉又滑又鮮甜，完全唔腥。魚骨比較少同幼。重點係一人一條！係一人一條！*芋圓花生湯*芋圓花生湯（近鏡）全晚最後一樣係甜品「芋圓花生湯」做完結。當時其實已經食到好飽，但都係成碗食哂，一滴都唔剩。花生飲落好清香，係煮熟左的花生味道。芋圓拌有溶溶地的花生同花生碎。個人略嫌芋圓口感太黏。唔係煙un彈牙個種黏口，而係煮得太耐，溶哂個種黏。如果芋圓控制下，改善返會更好。…Read More

今晚我們喺馬鞍山附近做完嘢之後去咗新港城中心睇吓有咩好食？行到去見到有間叫「莆田」嘅餐廳係食新加坡福建菜，而且仲獲得「米芝蓮一星」嘅殊榮，所以我們就決定入去食晚飯！一開始店員就攞咗餐前水果同餐前小食黑木耳畀我們！喺食完啲餐前小食之後，我們就叫咗阿元香草鷄係凍食，感覺好似食緊醉鷄咁，但肉質比較「粗嚡」！水晶豬蹄凍嘅質感相當爽滑彈牙，唔會好硬實實咁！包菜飯並唔係好似個名咁用椰菜包著啲飯，而係將啲椰菜切成絲，之後加入啲炒飯度，啲炒飯炒得比較濕，唔係好乾身，至於味道亦都係比較淡！莆田滷麵嘅味道都算鮮味，但麵質就比較腍身，所以要快啲食，如果唔係就變成麵糊咁！黃金荷葉包係將個包炸到好金黃香脆，表面就沾滿芳香嘅芝麻，再夾埋啲肉絲同洋蔥絲一齊食，真係好正呀！糖醋皮蛋嘅外層係薄薄嘅炸粉，入面就係煙韌軟滑嘅皮蛋，而且沾滿酸酸甜甜嘅醬汁，相當醒胃！百秒黃花魚係吸引我們入嚟食飯嘅主要原因，因呢個係獲得米芝蓮一星嘅殊榮菜色，百秒嘅意思即係唔可以煮超過百秒，肉質極之鮮甜嫩滑，而且唔會有好多骨，魚湯亦加咗薑同蔥，可以辟除咗啲腥味！傳統海蠣煎即蚵仔煎咁，不過就略嫌煎得過咗火！椒鹽豬手雖然炸得好香口鬆脆，但賣相就真係麻麻！…Read More

公司最近生意好，賺咗唔少錢，分到落每個部門都有少少甜頭~~我地部門boss話既然有資金啦，一齊出嚟聚個餐，地點我地自己定於是最後就去左我同事屋企附近既有米芝連級別既福建菜餐廳食飯慶祝去嚕坐底後我地就叫左好幾樣野，第一樣送黎既就係蝦苗伴頭水紫菜，單睇個樣就覺得好精緻，味道就帶點酸，更食到紫菜的香，作為頭盤而言甚是開胃之後出場就係呢道紫菜煎餅，講真咁大個人都未食過淺嚐一啖就食出原來係紫菜同煎蛋嘅完美結合！！就好似食緊紫菜味嘅炒雞蛋咁，雞蛋好香口感好好~跟住仲有呢個有超多紫菜嘅紫菜海蠣湯，紫菜處理得好乾淨，一啲都食唔到有沙，而啲蠔仲洗得好乾淨好白雪雪，又好鮮甜，食得安心又好味道再黎就係飽肚野出場嚕呢碟興化炒米粉啲米粉係幼身個隻！口感極佳，絕唔你便宜貨而入面仲放咗花生、青菜、雞蛋、菇…好豐富吖！！！仲一啲都唔油膩，廚師功力真係有返咁上吓由於我地太大食既關係，所以仲叫埋餐廳既招牌莆田鹵麵，係湯麵黎，個湯底味道好濃，材料多多，味道鮮夾甜，麵質亦煮得剛好，彈牙又爽口呢餐雖然唔係咩名貴菜式，但營養價值高，仲無咩味精，味道又好，我同我都同事都大滿意呀…Read More