Hung's Cuisine

像一些樓上食肆，雄館地方唔大，枱與枱距離近，裝修簡潔。涼瓜淡而無味味，入口有啲油。彈牙蝦膠，麵包有少少脆，好彩唔索油，點啲蜜糖芥末醬，食落冇咁漏。每一粒雞蛋仔都有一粒蠔仔，但雞蛋仔冇香味唔脆，蠔仔普通，心思同手工搭夠。蟹細細隻，肉質鮮甜，唔係好多膏，糯米飯好夠味，但上枱不久就變硬🙁賣相唔好😳，啲皮縮起晒。雞肉好淋，入口有濃濃的煙燻味，雞皮甜甜哋，連雞胸肉都唔嚡👍🏻送飯後甜品，夠薑味，唔係好甜。侍應話可以解吓酒，我哋都冇飲酒😂每位侍應都好親切，每樣餸上枱時都講解做法，亦因有員工朋友聲浪太大，同我哋道歉。…Read More

今晚又有朋友帶我食好西😏朋友一早就訂左位，所以不用等位就可以入座。餐廳不算大，有細、中枱，而另外會有兩間房間可以給12位至14位用膳。先上兩碟前菜椒鹽九肚魚- 炸得脆又乾身，送酒一流👍🏻炸魚片頭 - 七味粉令魚片頭更香脆皮咸豬手 - 上枱就聞到好香，豬手皮好香口香煎蠔仔餅 - 呢間既蠔餅同一般外面食店的蠔餅外觀完全唔同，超有驚喜，蠔餅+雞蛋仔模有無得諗，原來係得架🤣！每一燈雞蛋仔都有蠔，好足料👍🏻麻辣雞煲 - 又係一上枱就聞到好香，少少辣，雞件很好吃，好滋味，連煲內的配菜、洋蔥都清晒🤤糯米炒蟹 - 蟹肉新鮮又鮮甜而且糯米飯炒得很香很好味大澳蝦醬蒸黑豚肉片- 蝦醬豚肉片蒸出來很香好餸飯荔枝葉煙燻雞 - 雞皮帶荔枝葉的香味，雞肉算嫩滑啫啫通菜煲 - 好大隻蝦乾👍🏻冰鎮鮑魚配泰式辣醬 - 鮑魚鮮甜好味最後黎到甜品點了木糠布甸、香蕉pancake及芒果pancake 各一木糠布甸真係好好味，入口即溶👍🏻而兩款pancakes 都ok飽住咁走🙈好滿足會再黎幫襯💪🏻…Read More

早陣子在報章見到小炒的專題報道，一共推介了五間，雄館是其中之一。新開的餐廳跟其他四間開得久而有點名氣的小炒並列，叫人好奇。果然是新開張，裝潢新簇，地方乾淨。餐牌很多頁，小炒菜式應有盡有。胡麻茄子先從冷盤開始。茄子淋滿芝麻醬仍然不失清新。金沙魚皮魚皮炸得十分鬆脆，一咬下去咔嚓一聲，香口而沒有半點油膩。適量的鹹蛋黃著量調味，沒有大部份金沙菜式的浮誇，反有難得的細膩。這是整夜最出色的一道。冰鎮鮑魚口感彈牙，還好。沒甚味道，只有少少甜。青芥牛柳粒入口先是芥辣輕輕嗆的刺激，咬著軟嫩的肉質，滲出少少肉汁，慢慢吃到牛肉味，不錯。豉椒炒花甲點了豉椒炒蜆，上菜時變了花甲。加了辣，果然炒得夠辣，不過只有辣，不惹味。而且花甲鮮甜欠奉，淡而無味。黃金涼瓜新鮮炸起，香脆可口，包著爽口的涼瓜。一個熱氣，一個清熱，炸粉的油香跟涼瓜的甘亦夾，配搭一流。生炸BB鴿薄薄的皮夠乾脆，肉不嚡不韌，又是香口的一道。奄仔蟹蟹要預訂，有兩款，一個本地蟹，一個菲律賓蟹。訂了各一隻，卻獲告知沒有本地蟹，始終新開，還需要些時間改善安排。奄仔蟹鮮甜。炒糯米飯更吸引。炒得乾身，同時帶點油香，又不失煙韌。味道亦不俗。荔枝茶香煙燻雞未吃已聞到茶燻味，入口更是滿口煙燻的香。上一次吃茶燻菜式，是六公館的樟茶鴨，相比之下，這個雞的茶燻更悠久。雞胸乾身而不嚡。上湯芥蘭可以再爽口些。脆皮咸豬手一啖有多重層次。豬手的皮又薄又脆，乾脆不油膩，咬下去黏黏的，膠質豐富。肉夠嫩，啖啖肉夠嫩腍。都幾鹹，不過作為鹹豬手，鹹度可以接受。濃湯花膠浸獅子頭湯很濃，很甜，熬得一流。吸滿湯的娃娃菜特別好吃。花膠雖然長長的，很大塊，但爽硬的花膠不及炆得滑溜、黏又腍的好吃。獅子頭腍得入口會溶般，溢出濃湯，一樣好吃。炸朱古力芝麻流沙湯圓夠特別，外層的脆跟湯圓的黏糯成對比，包著適量而不太甜的芝麻餡，都可以。淋在上面的朱古力存在感低，可有可無。反沙芋跟所有菜式一樣，新鮮熱辣地上枱。芋頭不夠粉，帶爽的口感不吸引。加了蔥油，甜中帶鹹香。不錯的一餐。旁邊兩枱，一枱六人用戰鬥碗飲啤酒，一枱大讚桌上的蒸魚，似乎值得再來。…Read More