Xuan Sushi (Closed)

今日午餐來間超級正嘅日本料理餐廳食嘢，真真真係味蕾啲享受。前菜係黃金甜薯，味道軟濡和鮮甜。帶子裙邊，爽口又彈牙。茶碗蒸，好正，蛋香濃郁又滑，中間還有蝦仁和菇啲配料。刺身係三色刺身，好鮮甜，顏色搭配得好靚，不止有味蕾享受還有視覺嘅享受。主菜更正，有A5和牛照燒，牛肉味重又唔柴，配上燒汁牛香味更濃，旁邊搭配少少沙律，可以解膩。另一份係和牛壽星燒，和牛好嫩滑，點埋蛋汁食簡直一流。配料都多，有娃娃菜，豆腐，蘑菇，金針菇和冬粉。冬粉煙煙韌韌，好彈牙。配上甜甜湯底，美味又爽口。每份主食都跟五目飯和櫻花蝦昆布湯，好正，精緻又食得飽，好滿足。…Read More

Happy Friday! 又到左一個星期最後一個工作天，今次想好好獎勵下自己，所以就黎呢間位於銅鑼灣開平道既高級日本料理玄鮨食師傅發辦！記得大概一年前黎過呢度一次，個次係食普通午市套餐。平日有午市套餐餐牌，有10 款選擇，有刺身，丼飯，和牛燒，黑豚生姜燒等。每個餐包前菜，茶碗蒸，咖啡或甜品。價位由$380至$590不等，另收加一。我地每人叫一個$480既壽司Set Lunch，實行有福同享，有野同食！壽司Set Lunch包八件師傅發辦壽司，最鍾意佢哋一件一件上，之後介紹吓食材俾你知，等你食完一件先再上另一件，等你可以食到壽司最新鮮嗰刻，簡直係絕頂享受！食師傅發辦梗係坐喺壽司吧，可以邊食邊睇師傅表演。師傅仲提供醃左既酸辣白蘿蔔粒等你清清味蕾，食完會幫你添。招牌沙律，前菜同茶碗蒸一字排開咁一次過上哂俾你，幾壯觀。招牌沙律係新鮮爽脆沙律菜，一粒車厘茄切半同兩塊青瓜。加上日式胡麻醬，開胃好味。前菜有兩款，分別係帶子裙邊同蓮藕紅蘿蔔。帶子裙邊都唔算過韌，蓮藕紅蘿蔔爽口同醃甜左。茶碗蒸賣相唔錯，配料有一片冬菇，一粒瑤柱，少見嘅粉絲，同少少蔥。如果可以滑啲就更好。終於到主角出場！第一貫係日本尾長鯛，上面配左少少紫菜漬。尾長鯛刺身都幾厚切，好鮮味，食得出係新鮮！第二貫係日本金目鯛配柚子胡椒。金目鯛超長又厚，仲有靚靚嘅魚皮，金目鯛鮮甜配少少鹹嘅柚子胡椒，味道幾夾。第三貫係日本赤身拖羅。赤身拖羅本身魚味好濃，師傅已經點左豉油，味道好好。質感入口即化，好少食到咁高質嘅赤身。第四貫係日本黑鯥。仲見到有黑鯥既黑魚皮，魚生好厚好嫩滑。第五貫係日本活帆立貝配芥辣漬。帆立貝又大又厚，好鮮甜，正！第六貫係日本牡丹蝦配火炙蝦膏。師傅先將蝦膏火炙吓，之後放好牡丹蝦同壽司飯喺我哋隻碟，先再喺我哋面前放上火炙蝦膏。牡丹蝦超鮮甜嫩滑，加埋鹹香嘅蝦膏，超正！第七貫係大拖羅。師傅喺大拖羅上面掃左一層豉油，之後再喺上面加左少量芥末。大拖羅入口即化，好肥美！基本上冇筋！最後一貫係日本拍賣形式馬糞海膽。馬糞海膽連壽司飯放喺兩隻好精緻嘅碗仔上面，師傅喺上面撒左少少紫菜碎。馬糞海膽份量超多，鮮甜滑溜，超級高質！拍賣形式即係要拍賣返黎，夠特別！基本上全部壽司都好好味，新鮮高質，而且貴價食材都有唔少！全部壽司飯量都好少，唔會過飽。壽司飯加左豉油，不過無芥末，可以自己隨意再加。跟餐熱烏冬係幼滑嗰款，配上其他爽脆菜絲一齊食，口感好好。湯底係清甜嘅鰹魚湯，另外附上一小盒七味粉俾你自己調味，我就覺得唔洗。午餐包咖啡或者甜品，我地當然要甜品。甜品係一小件朱古力卷蛋。蛋糕軟硬適中，中間嘅朱古力忌廉好香滑。雖然係跟餐甜品，但係都唔係一般貨色。本來都以為未必飽，但係食哂所有野其實都幾飽。座位舒適，裝修環境都唔錯。服務亦快手。雖然價錢唔係平，但係有咁嘅質素同服務環境，都算抵食。平日午餐人流唔少，要預先訂位。…Read More

日式料理餐廳嘅裝潢高檔，環境氣氛唔錯。而且選用日本直送嘅食材，仲曾經連續五年獲得米芝蓮推介，質素有保證😉！.🟧前菜🟧當日嘅午市前菜分別係：茶碗蒸、薯蓉、沙律。茶碗蒸又滑又鮮甜，仲餡料豐富👍🏻！.🟧主菜🟧主菜方面，選擇咗以下兩款午市套餐～.🔸 (HK$420)呢個壽司套餐有8款壽司/卷物，包括：油甘魚、血引、劍魚、金目鯛、帶子、赤身、牡丹蝦、馬糞海膽(卷物)，每款都好新鮮🤤。套餐仲配有熱烏冬一碗，食完壽司再食烏冬，十分滿足🤰🏻。.🔸 (HK$370)特上刺身丼飯以特大嘅陶瓷碗盛載，醋飯上面疊滿咗唔同嘅刺身，賣相非常吸引😍！當中包括：海量又大粒嘅三文魚籽、馬糞海膽、牡丹蝦、火炙過嘅金目鯛、帶子、赤身、油甘魚、劍魚等等，味道鮮甜❤️！套餐仲配有麵豉湯一碗，湯入面有好多櫻花蝦，十分特別！.🟧甜品/咖啡🟧午市套餐可揀選甜品或咖啡，二選其一。於是就點咗一份甜品同一杯咖啡。雖然甜品唔係我期待嘅雪糕夾餅，而係黑芝麻雪糕😆，但呢個雪糕嘅芝麻味都幾濃幾好味😁。而咖啡同樣味道香濃。.✨妹豬仔👧🏻💬: 整體來講，日式料理餐廳嘅食物超高質，係視覺同味覺嘅雙重享受🥰！服務方面亦十分貼心，提供咗熱毛巾俾客人於用餐前抹手，值得一讚👍🏻！.(以上價錢僅供參考，一切以日式料理餐廳為準).…Read More

假日通常會出現於尖沙咀或銅鑼灣一帶，那邊比較適合逛吧。午餐朋友想吃好一點，立馬於開飯搜尋附近的餐廳，恰巧這間就在希慎附近。假日有專屬的假日午市套餐剛好有十款。特上ちらし Deluxe Chirashi - $420近十種不同的厚切刺身份量多，又色彩繽紛。吞拿魚赤身脂肪含量較少，口感清爽；中拖羅脂肪分佈好像雪花般，鮮味而帶魚油香，入口有點溶化；金目鯛肉質緊實具有甜香濃郁的味道；北海道帶子厚身又細密，味道濃郁鮮甜；牡丹蝦則肉質紮實鮮嫩，甜度高；海膽海味濃郁，甜味豐厚；醋醃鯖魚帶酸又帶微甜，但無油脂及腥味；三文魚籽顆粒較大，粒粒晶瑩剔透呈明亮，流出充滿海味、鹹甜交織；甜滋滋的玉子燒口感紮實豐厚。丼飯使用日本新潟米再加入兩種壽司醋，色澤與別不同又有層次，還加入些黃色的醃蘿蔔絲。ばらちらし丼 Chopped Sashimi Rice Set - $340這個大部份刺身主要用角切方式，能體現結實的口感，刺身的種類與特上ちらし差不多，但沒有中拖羅及份量會較少一點。Appetizers爽脆的帆立貝裙邊帶點嚼勁；黑豆軟香可口；日式柚子醋沙律很清爽，均是些酸酸甜甜的開胃小菜；濃郁的味噌湯特別加入大量白飯魚仔增添口感及鮮味。Steamed Egg Custard茶碗蒸雞蛋滑嫩十足，入面有菇片及些許蟹肉絲、蟹籽及素翅鮮味無比。Dessert酥脆的夾餅夾滿冰凍的芝麻雪糕充滿濃郁芝麻香。…Read More

素來心知太太喜歡日本料理， 今天決定給他來一個驚喜，帶她來到曾經連續5年拿到米芝蓮的高級日本料理吃Omakase可是卻又怕她說我太花錢，唯有請她放假去吃午市位置：餐廳在銅鑼灣利園旁的開平道Cubus商廈7樓，港鐵站走過去約5到10分鐘，不算特別方便:)但對於常吃高級料理的朋友，開車去則不會太遠環境：商廈出梯後就看到高級日本料理的格局，裝修貴氣，有區分不同的位置供客人足夠的私人空間而兩個大區則設Omakase的服務，能看到師傅一絲不苟地處理食材，更能跟師傅面對面交流餐廳同時設男女及傷健洗手間，非常親民，而洗手間內部裝修像酒店，連貫整體高級路線服務：服務非一般的好，由安排入座、給予極厚身的口罩紙套、倒茶、下單、上菜、收拾到結帳都非常到位，像是有貼心助理一般細心期間我跟太太說想去洗手間，還沒問侍應，他便立即指示洗手間位置，並叮囑小心走路，讓人滿意另外要多誇一下負責我們Omakase的遠師傅，全程細心指導對刺身魚類了解不多的我們，言談間風趣幽默，同時亦顯示出他對餐廳的熱誠及經驗食物：為太太點了壽司套餐，而我則選了份量較多的刺身套餐:)Sashimi Set Lunch (刺身午市套餐-$560)下單後隔即上了的四款前菜：沙律菜 - 清新鮮甜，雖是剛從冰箱拿出來，但吃得出是即日製造的:)鮮帶子 - 非常鮮味，加入海帶再提鮮燉肉漬物 - 開胃而不會太濃，味道不錯茶碗蒸 - 有蟹子金菇秀珍菇的蒸蛋，鮮甜幼滑，值得推薦然後到主菜部分：五目飯 - 一配有點醬油味的飯，是日本家的味道牛蒡 - 是配菜的漬物，煮得有味而不硬麵豉湯 - 充滿櫻花蝦的麵豉湯，比一般的更鮮甜香濃刺身盤 - 有以下八款：北海道厚岸產生蠔 - 不愧是名產地的生蠔，非常厚肉鮮甜，海水味重，令人垂涎欲滴立魚 - 師傅刀功很好，切得很薄的四片刺身，味道較清淡:)海膽 - 鮮甜濃郁，沒有一點苦味鮮帶子 - 厚身鮮甜，口感豐富赤鯥 - 充滿油脂，入口香濃牡丹蝦 - 大隻多肉，鮮味多膏深海池魚 - 鮮味之餘帶點魚鮨香，厚切令人滿足赤身 - 吞拿魚肉質實而厚，卻沒有根Sushi Set Lunch (壽司午市套餐-$480)同樣有上述套餐的前菜，及後到壽司的Omakase部分：金目鯛 - 有日本料理中的高級白魚之稱，肉質肥美亦不腥，蘸上豉油後更能食出細膩肥美的肉質目仁奈 - 比金目鯛濃一點，師傅加上一點薑粒，再提升了魚的鮮味銀鱈魚配醬油昆布漬 - 遠師傅創意之作，銀鱈魚經微燒後入口鮮甜，香味融入米飯之中，而醬油昆布使鱈魚鮮味更濃赤鯥 - 赤鯥是白身魚中最多油脂的，稀有珍貴，遠師傅用火輕燒過，肥美的魚油及香味在口內發放北海道帶子壽司配岩鹽柚子皮 - 用即磨岩鹽和日本柚子皮調味，柚子清新不苦澀，北海道帶子比一般帶子爽口軟滑牡丹蝦壽司配蝦膏醬 - 去殼後的牡丹蝦配上獨特醬汁醃製，酸甜清新及爽口，加上濃郁的蝦膏味道更上一層黑鮑魚配鮑魚肝醬 - 經六小時炆焗的黑鮑魚非常淋，竟有溏心的效果，鮮甜多汁，而鮑魚肝醬經冰糖去苦澀，變得更濃香A5佐賀和牛配青橘子啫喱 - A5佐賀和牛油脂充分，肉質鮮嫩，青橘子啫喱跟和牛融合，口感清新亦完全沒有蓋過和牛的原味藍鯨吞拿魚壽司 - 師傅用上野生藍鯨吞拿魚，魚味濃而不酸，肉質細緻，入口甘香，確是魚中極品海膽手卷 - 手卷內佈滿海膽，而不像坊間飯多於海膽的做法，因此非常鮮甜滿足暖海帶烏冬 - 作為主菜收尾，清淡的烏冬能洗滌之前肉類的油膩感:)綠茶雪糕威化 - 甜品用上手作的綠茶雪糕威化，據稱原材料都來自日本，味道香甜威化香脆總結這次的體驗很不錯，餐廳環境及服務固然非常高級，師傅學識淵博亦細心跟客人交流，讓人除味覺外，身心都得到滿足，難怪餐廳能多年拿到米芝蓮的認可呢…Read More

星期日，最適合瞓到中午，起身食個靚brunch 😇呢日嚟到位於銅鑼灣、連續幾年榮獲米芝蓮推薦嘅《玄鮨》，嘆靚午餐😛餐廳所在嘅大廈安檢措施都做到足，訪客一定要戴口罩同埋通過體溫檢測先入得去🌡一開𨋢門就已經係餐廳嘅位置。侍應熱情咁招呼同帶我哋去座位，食完嘅時候又送我哋搭𨋢，服務加分！👍餐廳分咗對住師傅嘅吧檯位、普通卡位，同埋私隱度高嘅細房間。空間大，座位舒適，加分！👍所有lunch set都會跟Appetizer 小鉢、Miso soup 麵豉湯、Coffee/dessert。Sashimi Lunch 刺身ランチ ($330)- 配 煮物、御飯付きDeluxe Chirashi 特上ちらし ($360)- 配 茶碗むし付き兩個set都差唔多，都係有極多刺身再加飯。刺身好新鮮，夠厚切，奢華嘅享受啊🤩尤其係個拖羅，來源天然，而唔係嚟自養殖場。超肥美，啲魚油嘅甘香味一湧而上，入口即溶🤩🤩✨「Sashimi Lunch」跟煮物，係豬肉+大根煮物。大根超腍超入味，而豬肉就係近骨嘅位置，所以好嫩滑、好腍😛「Deluxe Chirashi」跟茶碗蒸，蛋味濃，質感滑溜，「雪」一聲就入咗口🤤Coffee/dessert最後嘅甜品係芝麻雪糕夾餅，超好食😋另一個就叫咗嘢飲。埋單嘅時候先見到呢張poster：滿$800減$300，滿$3500減$1000！！下次帶多啲人嚟食，食盡個優惠佢！🤪-Menu:…Read More

Happy FRIYAY, time to indulge yourselves with Michelin Guide Recommended Restaurant😋 WORTH. This fresh versatile sashimi is top of its class. Seriously, AMAZING. Their dinner omakase may set you back (at least set me back), but lunch is totally affordable. All sets served with appetizer, miso soup and coffee/dessert. One of my fav Chirashi in the city. I’d def come back once a month or so. Their pudding-texture steamed egg custard is unreal.刺身午餐 | Sashimi Set Lunch 📯$330盯着這碟刺身持續看五秒，嘴饞的唾液不分泌不可能吧🥢 每種海鮮都爽脆彈牙，清爽開胃，鮮甜的蝦肉、爽口的響螺、肥美的拖羅、彈牙的魷魚，赤貝跟牡丹蝦都爽口鮮甜，食材鮮度高品質！果然是蟬聯五年米芝蓮推介的日本料理啊🏅咁·特上ちらし（魚生飯）📯$360豪華澎湃的刺身飯放在午餐剛剛好🍱十多種新鮮刺身配料不留空隙滿滿的舖在飯面，粒粒晶瑩剔透的魚籽，不誇張直接呈現一整片海洋在我面前😝 濃郁海膽一口就滑進喉嚨，另拌飯吃真是銷魂🍯。連配菜都好入味，完全滿足🥄即便醋飯直接拌入蓮藕漬物都入味。茶碗蒸的蛋羹融合了高湯和食材的精華好鮮甜🍳·🧾消費滿$800，用電子支付可減$300…Read More

每個月總有一日會同同事去食貴啲既lunch ，今次又黎到呢間米芝蓮日本餐廳，每次黎到總會有啲驚喜！餐牌跟之前黎的時候有少少唔同，點餐後，店員為我們送上前菜！前菜為牛蒡，跟出面食到的有少少不同，牛蒡比出面幼身，口感較爽口，而且味道也不會跟出一樣，冇咁咸，相信是廚師自己親身炮製的！Sashimi Lunch包括有刺身、煮物跟飯同面豉湯！煮物為魚頭，味道甜甜的，有一眼球於中間，是我同事最愛吃的位置！除了魚頭，還有蘿蔔、葉形狀的魚蛋及豆，蘿蔔夠冧而且入味！刺身包括有鰹魚、拖羅、赤貝、金目鯛、魷魚等，當中拖羅入口即溶，好香魚油味！鰹魚淋了酸汁，十分開胃！而赤貝爽口彈牙，非常新鮮！而且刺身的擺位什有藝術作品的感覺，真係睇得又食得！飯是珍珠米，配有日本的醃菜，很有在日本吃料理的感覺！Deluxe Chirashi，呢個什錦刺身飯用上10種不同的刺身製成，其中包括三文魚籽、海膽、拖羅、赤貝、甜蝦、秋刀魚等，只是看這個擺設已經好有華麗的感覺！當中海膽非常鮮甜，唔會有苦味！三文魚籽脹卜卜，秋刀魚好濃魚味，赤貝爽口鮮甜！刺身每款都有兩件，真係會食到好飽好滿足！茶碗蒸是跟刺身飯的，蒸蛋非常嫩滑、內裡有雞肉、蜆肉、冬菇等配料，令蒸蛋更有口感！面豉湯味道剛剛好，夠濃，內裡還有很多腐皮，好有口感！最後還有香芋奶凍作甜品，十分滿足！…Read More

今日是我和另一半的慶祝日子，作為女朋友的我，今日就讓我來挑選餐廳，由男朋友來買單。其實我一直很想在香港吃一頓非常地道的日本餐，於是我就找了一間既高級又受歡迎的日本餐廳。要選頂級的，通常都在銅鑼灣裡尋覓，很快我就找到適合的，就是有米芝連指南推介的—「玄鮨」。老實說，看到名字就知道這間餐廳並不普通，我訂下座位後，就真的是萬分期待，很想快點到今日。玄鮨位於銅鑼灣利園旁邊的Cubus，附近旺中帶靜，並不像銅鑼灣市中心這麼人來人往，街外環境已經讓人十分舒適。慢慢行進商場內，原來Cubus 整座差不多都是食肆。玄鮨位於7樓，一打開門，店員知道有食客時紛紛用日文歡迎我們。餐廳內非常舒適，店員很有禮貌地跟我們簡單介紹餐牌及食物。由於我們是Lunch Set 的關係，所以每一個Set 都配有前菜，分別就是麻醬海蜇和茶碗蒸。單是前菜，已經讓人非常入味。冰爽的海蜇配上麻醬，令人十分開胃；暖熱的茶碗蒸則很滑溜，為稍後的主角奠下基礎。⍥ 1. Deluxe Chirashi中文意思就是豪華雜錦刺身飯，豪華的定義不單是有各種高級的刺身，其品質亦是非常高水平。刺身包含好幾款，當中的拖羅、海膽以及魚子絕對是比日本食到的可能還更高質。拖羅的肥潤感、海膽和魚子的鮮味，吃完之後還保持在嘴巴裡，鮮味無窮。⍥ 2. 三色丼 (配烏冬)這個名字改得實在太低調，「三色」的意思分別是海膽、魚子及吞拿魚蓉。我會認為三色丼是Deluxe Chirashi的加強版，將最頂級的海膽和魚子作為主角，加倍份量再伴上吞拿魚蓉，實在是頂尖享受。兩個人點這兩份絕對沒有衝突，因為實在好食到不願和別人分享。另外，三色丼還會配上冷/熱烏冬，讓吃了一肚生刺身的可以來一碗熱烏冬，曖曖胃，確實是一份體貼。Lunch Set 最後有 Dessert / Coffee 選擇，其實大部份人應該都會選擇甜品。而今天的是日甜品就是朱古力牛奶布甸，玄鮨連甜品都弄得很好，簡簡單單，牛奶布甸滑溜又富有奶香，實在為這餐劃上完美的句點。附帶一題，玄鮨的喬麥茶已經夠好，不用特別選Coffee 影響日本餐的鮮味。…Read More

今日在銅鑼灣吃午飯，終於有機會來這裡吃飯了。餐廳裝潢貫徹日風，環境十分寧靜，除了吧台，還有不同的卡座，雲石桌面，配上沙發座，寬敞舒適。午餐有不同的丼飯，有刺身丼，也有和牛丼。點餐不久便送來芽菜漬物和茶碗蒸，加入芝麻，吃起來香辣。茶碗蒸很滑，還有粒粒瑤柱，很足料。⭐️Deluxe Chirashi$360很豐富的海鮮飯，有各種刺身，例如章紅魚、池魚、鯖魚、響螺、 三文魚魚籽、牡丹蝦、海膽等。刺身厚度適中，一次過享受不同的刺身，更有新鮮感呢！⭐️三色丼$420有吞拿魚蓉、海膽和三文魚籽。吞拿魚蓉入口軟軟滑滑，海膽甘香鮮甜，配搭口感豐富的三文魚籽，吃來來美味可口。我最欣賞是丼飯加入不同的飯素增加口感，吃起來口口都很美味。另外這個套餐附送一碗烏冬，烏冬加入水雲，湯頭順口，吃起來更健康！最後還有雪糕，以米餅夾著雪糕，吃起來層次更豐富。…Read More

返工太辛苦，所以weekend真係要去食好西平衡下! 今日lunch就去左玄鮨試下，因為阿妹上次同老公慶祝去食左omagase佢話真心正，所以一直都心思思想去試下。不過食omagase太貴，所以就由佢lunch去試下開始啦~玄鮨位於利園3期對面的樓上舖，都叫得上旺中帶靜。搭lift一上黎7樓就係! 全層樓面都一眼睇哂，但地方佈置得唔錯，用深木色的木做主題，還好餐廳外來光線好充足，所以一D都唔覺得暗。有一種幽雅的感覺。仲見到佢連續4年都有米芝蓮推介，應該都係一個信心的保證!點完餐之後，店員立即遞上一啲酸酸地應該係有果醋嘅開胃小菜，十分開胃。隔咗一會兒，跟住來的就係茶碗蒸旦，面頭有幾快芫荽，同啲蛋好夾，非常重蛋味同埋十分之滑！碗底仲有少許嘅海鮮好足料。接住來的就係主菜，分別係3號同4號餐。簡直係魚生多過飯，啲魚生勁新鮮，品質好好。海膽🍣超新鮮冇腥味，甜蝦、帆立貝等都好高水準，吞拿魚超甘香又夠油脂，唔係拖羅都好都超香！而4號餐有跟一個麵，分別係蕎麥麵或者烏冬。🍜面嘅湯底好好飲，以麵亦都好彈牙唔會過淋，正。值得一睇嘅，係店員見到我哋本入面嘅生薑冇位放，佢就特登拎左一個碟仔嚟俾我哋放生薑，細心嘅觀察換上貼心嘅服務，抵讚👍🏼最後上埋個甜品，係香蕉雪糕🍦夾餅，唔會太甜，份量亦啱啱好。整體來講真心非常滿意，因為店員服務態度好好，食物質素亦都超水準，值得推介俾大家。…Read More

呢排社會氣氛比較差，趁假日去食好西平衡一下，今次就去到銅鑼灣利園附近新開的商場--Cubus，入邊都有好多高質素食肆，今次去左間拎過好多年米芝蓮既日本餐廳食個午餐餐廳裝修簡約，帶日本和室木質既概念，十分舒服而座位有for omakase既吧枱，都有包廂房，亦有卡位，一大班朋友聚餐或閨蜜會或拍拖都岩哂午餐都有成10款，有齊由刺身至熟食炸物燒物點完餐後就上左個前菜食落既有d似係豆腐但口感比較特別，一問侍應之下，原來係枝豆豆奶豆腐，怪不得會豆香味更濃，而且食落滑身且鬆化而麵豉湯好足料，有大蜆豆腐海帶，飲落好香味噌味但又唔會好咸茶碗蒸蒸得好滑身，而且入邊有蜆香菇香葉，食落好鮮香主角終於來了，同友人一人一個丼下：海膽吞拿魚腩蓉三文魚籽丼上：極上刺身丼呢個丼一上枱相當吸晴，有成半板海膽同好多三文魚籽同吞拿魚腩蓉海膽好新鮮，食落軟滑溶化，食落好鮮甜三文魚籽好大粒，晶瑩剔透，輕易戳破就流出卵汁，味道又鹹又甜，好有海水鮮味吞拿魚腩蓉食落幼細香滑，好香魚脂呢個丼仲包個烏冬/拉麵，有凍/熱可以選，我就叫左個熱烏冬，烏冬好彈牙，而鏗魚湯濃郁清香呢個極上刺身丼都好正，有好多款新鮮的刺身同海膽帆立貝, 牡丹蝦同象拔蚌都大大件，好爽口，食落好鮮甜池魚好香魚油，食落好爽口金目鯛都好新鮮，食落稔身鬆軟不過重點一提個拖羅拖羅十分肥美，食落好有口感，未算入口即溶，魚香都持久，食後仲滿口甘香最後有甜品或咖啡，食到咁飽當然選個咖啡先，飲落真係好香滑，不加奶同糖都好好飲總括黎講：玄鮨用料好新鮮，環境坐得舒服，好岩放鬆心情黎食，食物絕對係高質素，CP值高🍳🍴味道: 9.5/10👩👨服務: 9.5/10🏠💺環境: 9.5/10💰💸抵食: 9.5/10總消費: $700 (2人)…Read More

玄鮨位於銅鑼灣Cubus七樓，環境寬敞寧靜，帶高級感。入座後店員隨即送上熱茶，毛巾，以及餐巾，並介紹菜單。和男友分別點了三色丼和特上ちらし(Deluxe Chirashi)。店員先送上前菜-白身魚南蠻漬。白身魚酸酸甜甜，味道清爽。套餐附上的茶碗蒸口感香滑，雞蛋和上湯的比例簡直完美。配料中的白果和百合味道清甜，很有驚喜。特上ちらし(Deluxe Chirashi)附送味噌湯。這裏的味噌湯少了「死鹹」，多了一份魚介類的鮮甜。三色丼表面鋪滿海膽、三文魚籽，以及拖羅蓉。海膽十分新鮮，入口鮮甜之餘又毫無腥味。三文魚籽晶瑩飽滿，味道鹹香。拖羅蓉油脂感豐富，無筋，而且入口即溶，下飯一流。三色丼附送（冷/熱）烏冬/蕎麥麵。我們選了冷蕎麥麵，因為冷麵簡直是「夏の風物詩」呢。Deluxe Chirashi比起平時吃到的Chirashi更具豪華感，色彩更豐富。刺身新鮮，拖羅入口即溶，牡丹蝦鮮甜，赤貝亦是甘甜爽口。若果想多嚐數款刺身，Deluxe Chirashi會是更好選擇。最後每人可選熱咖啡或雪糕，我當然選了雪糕。本來以為是簡單雪糕球，想不到竟有兩塊口感像和菓子「最中」(もなか)的夾餅。這確實是小小的驚喜。最後附上餐牌。價錢雖然屬中上，但不論味道、服務、環境都絕對不會令人失望。…Read More

祟光百貨週年大減價確實吸引，今日一於做個乖乖女陪媽咪去掃貨，順道帶佢食好西，補祝上星期的母親節。早前聽朋友說在銅鑼灣開平道的Cubus有間吃日本菜的餐廳，用料非常新鮮，而且午餐時段性價比較高，值得一試。位於Cubus七樓的『玄鮨』，近入口處有一排半梳化座位及以磨砂玻璃間成的廂房，而遠處則有吧枱，環境優雅簡約，空間感足，開揚通透。Menu很簡單，共有十款Lunch Set 選擇，價錢由 $300 - $520不等，最後我們點了 Sashimi Lunch 同 Deluxe Chirashi 兩款餐。點餐後，侍應先送來以小碗盛載的小食，是兩塊先炸後醃再配以洋蔥醬汁，味道酸酸甜甜的魚，很開胃。Deluxe Chirashi （$360） 包括有味噌湯、茶碗蒸和刺身丼。味噌湯—味道鮮甜，不會過鹹，蜆肉亦頗肥美。茶碗蒸—蛋味香濃，味道鮮美，口感細膩軟滑，材料豐富。豪華什錦丼—刺身種類多，五顏六色的新鮮刺身，有三文魚籽、海膽、大拖羅、油甘魚、蝦蛄、帆立貝、牡丹蝦等等，全部都好新鮮，果然豪華。其中厚切拖羅，油脂豐富，食落軟綿綿，入口慢慢溶化，油香四溢。另外要讚的是海膽，味道很鮮甜，一點都唔腥。此外，牡丹蝦肉質細綿爽口，質感嫩滑，鮮甜甘香，很新鮮。Sashimi Lunch （$330）媽咪這個午餐都好豐富，有味噌湯、漬物、白飯及一盤刺身。漬物—醃蘿蔔和薑，味道酸酸地，媽咪話可以增加食慾。刺身盤有甜蝦、象拔蚌、魷魚、拖羅、鯛魚、針魚和鰹魚等，顏色繽紛，各款刺身都好新鮮，質素很高。其中比較特別的是：鰹魚—蘸酸汁吃，不是配wasabi豉油，魚味很鮮甜。拖羅—比較厚身，呈小立方，很肥美，油脂豐富，少筋，入口即溶化，味道甘甜，齒頰留香。針魚—魚味清淡，肉質嫩滑新鮮，是時令魚，不是經常有。套餐還有一杯咖啡或甜品，媽咪和我都選擇了「抺茶奶凍」，奶凍好creamy，質感滑不溜口，抺茶香味濃郁，微甜，以這個甜品作為今餐的終結，實在太完美了。總括來說，玄鮨食材好新鮮，環境又舒適寧靜，怪不得連續幾年得到米芝蓮推介，媽咪對今餐很滿意，仲讚我安排得好，我哋吃飽飽再孖住去shopping，簡直係大滿足。…Read More

4月的第一日假期，又相約了表姐吃好西。今次揀選了這家位於銅鑼灣的「玄鮨」，來體驗一下高級日本料理。一出電梯門口就已是進入餐廳範圍。原來「玄鮨」自2015年起，便連續3年成為米芝蓮的推介餐廳。去年更再下一城，獲得米芝蓮餐盤餐廳的美譽。如此一說，筆者對這頓午餐更是期待。餐廳環境非常優質，地方寬敞，環境寧靜。店員也服務體貼。前菜是麵豉魷魚，魷魚煮得頗腍。另外還附有一碗茶碗蒸，雞蛋非常滑溜，裡面有冬菇、蜆肉等配料，更有不常見的白果。味噌湯正常味道，入口未算過咸。這個碎切魚生飯有著各式不同的魚肉剌身，色彩豐富，賣相美麗，難怪命名為Deluxe版本！魚生新鮮，其中以拖羅刺身最得筆者歡心：拖羅肉肥美，有著入口即融感覺，一塊下口令人再三回味。其他剌身包括有三文魚子、海膽、鯛魚等，冬菇、螺片都能做到腍身不韌。三色分別是海膽、三文魚子，以及吞拿魚蓉。從色澤上看，海膽十分新鮮，入口鮮甜又毫無腥味。晶瑩通透的三文魚子，咬開後咸香汁液溢出。吞拿魚蓉用來下飯也是一流。如同前一道的Deluxe Chirashi，珍珠米飯都拌有飯素，配上酸姜片，令人越吃越開胃。三色丼還配有一冷蕎麥麵食，另可以選擇烏冬，冷熱食隨食客喜好選擇。最後是餐飲甜品。是日甜品是奶凍，奶凍不算挺身，入口是非常濃烈的牛奶味。今餐過後，非常滿足。米芝蓮食府雖然定價不菲，但也是有原因的，偶爾豪氣一頓，慰勞五臟廟也是可以的。…Read More