Fat J Char Siu

星期六同朋友喺灣仔搵緊晏晝食咩好 見到呢間新派燒味舖好多人排隊就決定試吓 雖然好長龍 但係流轉率都快 大概只係等咗三個字餐廳大約有二十幾三十個位 仲可以望到師傅喺入邊斬燒味一坐低見到樣樣嘢都好吸引咁 於是同朋友分別叫咗一個叉燒雙蘭王蛋飯 同埋一個茅台醬油雞燒鵝飯叉燒雙蘭王蛋飯呢個叉燒雙蘭王蛋飯真係好正 叉燒小小肥但一啲都唔會漏 好香蜜汁味 出面仲有少少燶邊 除咗喺高級粵菜廳之外冇食過咁好食嘅叉燒食過蘭王蛋都知佢比普通蛋蛋味香濃好多 煎到少少燶邊仲keep住裏面流心 配埋吸滿叉燒醬汁同埋少少豉油嘅白飯 每一啖都超級好食！茅台醬油雞燒鵝飯而呢個茅台醬油雞燒鵝飯亦都唔遜色 估唔到個雞可以咁香酒味 同時又唔會冚過雞肉本身嘅味道 每一舊都好嫩滑 點埋蔥油又再多一個層次 另外燒鵝亦都不錯 但係叉燒同雞實在太出色 令到燒鵝有少少比下去 XD跟餐仲有個青紅蘿蔔豬骨湯 本身冇乜期望 但係估唔到例湯都咁好飲 好清甜 飲完一啲都唔會頸渴 裏面嘅豬肉都唔會太瘦 我同朋友都食晒啲湯渣另外仲叫咗兩支樽裝無糖奶茶 埋單每人$100蚊 終於知道點解咁多人排隊 因為呢個價錢食到咁好食嘅燒味真係好抵～…Read More

位於灣仔的「發達叉燒」是一間人氣高企的地道燒味店🔥，主打招牌蜜汁叉燒😋，還供應燒鵝、油雞、豬油撈飯等。餐廳裝潢簡潔光猛，設有傳統開放式斬燒味廚房🔪，而店內座位雖然不多，但翻桌率很高，店外經常大排長龍🚶‍♂️🚶‍♀️，排隊時見到不少食客專程前來買外賣，亦有熟客報到，氣氛熱鬧💬🥰叉燒雙蘭王蛋飯叉燒雙蘭王蛋飯份量十足🍚，叉燒肥瘦相間🐷，肉質嫩滑，蜜汁味道甘香🍯，脆邊太陽蛋選用蘭王蛋🥚，蛋白煎至微焦脆邊，蛋黃保持完美流心😍，蛋香撲鼻，底下白飯吸盡叉燒醬汁，每一口都香濃惹味🤤‼️茅台醬油雞燒鵝飯茅台醬油雞燒鵝飯同樣份量十足🍱，一上桌就聞到淡淡茅台酒香🍶，茅台醬油雞嫩滑入味🐔，酒香滲透雞肉，層次豐富又不搶味✨；燒鵝🪿皮脆肉香🔥，油脂分佈均勻，入口香濃而不膩🤤。燒味配白飯絕對是王道🍚💯老火例湯今日的例湯是 青紅蘿蔔湯瘦肉湯🥕🐷🥣，湯底清澈不油膩，清甜滋潤😊。…Read More

🐖相信喺灣仔返工嘅朋友對呢間舖都唔陌生，日頭定夜晚都應該見過佢大排長龍。今次終於輪到我試啦！(≧∀≦)今次我哋嗌咗兩個飯🍚同一碟菜🥦 叉燒雙蘭王蛋飯啲叉燒肉質軟嫩 表面搽上微微焦香嘅蜜汁 唔會過鹹過甜 半肥瘦比例啱啱好!!! 篤爛個蘭王蛋黃嗰刻真係視覺享受 食落去大滿足😝 另一個飯我哋嗌咗茅台醬油雞燒鵝飯 醬油雞又滑又嫩 保持到肉汁 仲帶有茅台香 食到停唔到口~~ 再拼埋燒鵝加酸梅醬 肚仔開心晒╰(*´︶`*)╯個人特別推介叉燒同醬油雞🫶🏻 碟鵝汁時蔬都唔可以錯過 啲菜索晒啲鵝汁 真係食到舔舔脷😋 餐廳仲好貼心 每人送一碗清甜老火湯添 <3Food • 叉燒雙蘭王蛋飯 $88 (5/5) • 茅台醬油雞燒鵝飯 $80 (4.5/5)• 鵝汁時蔬 $60 (4.5/5)…Read More

呢間嘢真係食過返尋味但係真係越嚟越多人排隊 生意好啊🥲上次就食咗茅台叉燒雞，今次有啲肚餓，就試埋人人讚好嘅叉燒雙蘭王蛋飯 HKD88我朋友冇叫蘭王蛋，只係叫咗茅台醬油雞燒鵝飯 HKD80即刻食到個分別。有蛋嗰個飯係香勁多！加埋甜甜嘅醬油，再加埋少少豬油，好食到黐線真係就咁用汁撈飯都津津有味雖然佢本身都有配菜，但係我哋都試埋佢個鵝汁時菜，嗱唔平架，要HKD60但係佢唔係普通嘅時菜，而係BB西蘭花！大愛，佢仲要好細心幫你削咗根部嗰啲位，務求令你條條爽脆條條嫩我明白點解咁貴啦🥹🥹🥹食完，再一次感到好滿足…Read More

灣仔嘅內街隱藏住好多人氣小店！呢間發達叉燒係一間次次經過見到都排哂長龍嘅人氣叉燒店，今次一於來湊吓熱鬧先～✨叉燒雙蘭王蛋飯叉燒係採用咗西班牙栗子豬，每一塊都好厚切！重點係食落去肥瘦均勻，口感豐富，味道香甜得來又帶有微微焦香！配搭埋蛋香濃郁嘅蘭王蛋撈飯，味道經典得來又帶點新鮮感😋～✨茅台醬油雞燒鵝飯醬油雞肉質嫩滑！加入咗茅台之後，帶有淡淡嘅酒香，風味獨特！燒鵝皮脆肉嫩，油而不膩～✨鵝汁時蔬西蘭花新鮮脆嫩，配搭鵝汁更加滋味～✨老火例湯老火湯清澈又鮮甜，飲得出係完全冇添加任何味精，有種住家嘅味道～餐廳環境簡約又整潔，店員亦好有人情味，就算要排一陣隊先食到都非常值得啊～…Read More

openrice 睇下有咩食，咁岩見到間野賣哂廣告，好似幾吸引咁，但見到個餐牌價錢又有啲卻步。人一世物一世！就試下你。oh.....又係可一不可再系列🙅‍♂️🙅‍♂️晚上8點入座，先唔講好唔好食，地下跣到好似溜冰咁🎿我坐右邊卡位望住廚房第二張台，好好好窄，自問唔係肥，中等身型。叫左叉燒雙蘭王蛋飯同茅台醬油雞燒鵝飯。叉燒雙蘭王蛋飯轉左五花腩叉燒。唔係講笑比呢個價我食棋哥都好撚過佢，只能說佢一般貨色。…Read More

係蘭杜街中間但離遠就見到排隊人龍店內裝修明亮新式茶餐廳格局晚飯時間排緊有8人但十分鐘左右就有位全靠簡潔既菜單及出菜速度快價格雖略為中上但出品高質值回票價!味道地道正宗仲幾有功架特別係厚切叉燒出色 半肥瘦好滿足難怪最近期人氣爆升仲日日排長龍叉燒雙蘭黃蛋飯 $88濃邊叉燒切得厚實 邊緣焦香帶脆仲帶點肥肉質嫩滑不柴 蜜汁滲進肉裡 甜鹹交織爆晒汁蘭黃蛋既蛋香一流 撈埋白飯充滿豐盈口感飯粒仲吸收晒叉燒油脂 每一啖都係享受即使價錢稍為中上 但呢個質素難能可貴!茅台醬油雞燒鵝飯 $80一上枱就散發滿滿既鵝油香氣鵝皮金脆油亮 肉質軟嫩多汁只有最新鮮燒出嚟先有呢個級數份量正常始終本身都係較高價之物相比油雞表現正常亦不過不失雞肉滑嫩而有陣酒味既餘韻鵝汁西蘭花苗 $66選用最鮮嫩甜脆既西蘭花苗是西蘭花與芥蘭的混合體清脆爽口帶點咬勁合乎香港人對芥蘭既偏愛又有西蘭花既超高營養價值淋上濃郁鵝汁卻不搶味雖然價位較高但值得一試老火例湯每個飯都附送一大碗老火例湯雖然用料一般但味道清甜湯色清澈帶點金黃 溫潤順喉回甘不膩正宗煲左超過三小時以上既無味精湯飯前飯後飲都咁岩 係燒味飯既良伴…Read More

.灣仔· 鋒膳又一出色之作·發達叉燒.發達叉燒📍灣仔蘭杜街2號地下2號舖.➰相信在灣仔區內不少上班族及老餮定必聽過「鋒膳」的大名，出名的爵士湯·焗豬扒飯及叉燒飯在午市更是一位難求，最近他們推出了副線「發達叉燒」，同樣選址灣仔區內，出色燒味主旨「高質不高價」，用燒味飯拼出一條新血路。.餐廳沒有甚麼精緻裝潢，今日與好友晚上6點多到訪，已經全場8-9成滿，開始需要等位，，店內格局玲瓏，幸好五臟俱全，甫入餐廳已可以見到中央的燒味檔頭，師傅們埋頭苦幹不停新鮮出爐的明爐燒味，火喉十足。. ❀ 蜜汁叉燒 💲120/例牌  ❀ 五花腩叉燒 💲145/例牌 ⭐️4.4/5⭐️店名「發達叉燒」，主打當然是出色的叉燒，餐牌上亦有不少其他出色的招牌美食，有機會下次再品嚐，與朋友在較瘦的蜜汁叉燒與半肥瘦五花腩叉燒中猶疑了一會，最後決定選擇了後者，豈料這已是今日的最後一碟，後來的食客想叫已大呼可惜。.叉燒上枱令人眼前一亮，色澤油光亮麗，而且是超厚切的五花腩叉，恰如其分的燶邊當然是必需的，入口啖啖肉之餘因為半肥瘦的關係不會嚡口，調味亦相當惹味，比不少星級酒店的叉燒水準有過之而無不及，論記憶點與味道來說以今年食過數一數二的出品，必試推薦。  ❀ 發達雞鴨一品煲 💲280(堂食) /  💲350 (外賣) ⭐️4.2/5⭐️一品煲配料及份量非常豐富，足夠3-4人份量，最特別的是用上台山豉油鹵水，味道濃而不死咸，反而還有回甘甜味，非常順喉。鴨件味道出色，但配料的雞腎﹑肝﹑腸﹑豬紅及豆卜亦亳不遜色，甚至有搶過主角的風頭，可謂百花齊放，這一品煲亦是很推薦的的。. ❀ 茅台醬油雞燒鵝飯 💲80 ⭐️4/5⭐️另外叫了一碗招牌的燒味飯，上枱擺盤非常吸引，油雞及燒燒都是油光色亮，賣相來說極之吸引，但有一說一，燒味飯的醬汁略嫌不足，油雞稍為淡口，食不出茅台香氣，燒鵝反而更為出色，皮脆肉嫩。..➰總結餐廳以高質燒味主作打，店鋪位置不大，但燒味出色卻是有星級水準，而且價錢更為相宜高性價比，區內的打工仔及食客絕對推薦一試。➿➿➿#發達叉燒 @fatjcharsiuhk#灣仔美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#發達叉燒by鋒膳 #FatJCharSiu #五花腩叉燒 #茅台醬油雞 #蜜汁叉燒 #明爐燒鵝 #發達雞鴨一品煲…Read More