Modern China Restaurant (Olympian City 2)

每次經過這食肆都見到大排長龍，便預早訂枱來試一試。食肆樓底高且寬敞，坐得舒適。有貴賓房、套餐或單點餐牌。餐前小食 兩碟  $40一款是酸的鳯爪，另一款是辣的菜式，入座後便會奉上。一口小籠包 八隻  $79湯汁及餡料味道不錯，上菜時蒸氣滿滿。花香玫瑰骨  $118玫瑰骨肥瘦適中及帶點甜味，看似是咕嚕肉但味道及顏色上是有不同，只是略嫌醬汁太稠! 和尚戴帽  跟叉子燒餅  $108叉子燒餅材料有蛋、粉絲及芽菜等，炒得爽口，味道適中。將餡料放入燒餅內會較可口，又有芝麻的香味。砂鍋雲吞雞1/4隻   $132店員將砂鍋的材料分成六碗 (拍照只放了四碗)。雲吞及湯水味道鮮美，雞件和配菜味道清淡。招牌炒飯  $138米飯粒粒分明，調味恰到好處，蟹籽令炒飯充滿生氣，蟹籽與飯一起在口內卜卜聲，份量足夠我們五位享用。豆沙鍋餅  $62色澤平均及金黃，鍋餅較薄及香口，豆沙不太甜。高力豆沙兩件  $38高力豆沙比較大件，一件可以兩份分，小食多滋味!口感鬆軟，餡料有香蕉和紅豆，但餡料份量實在太少!店員在訂位時提醒若訂早段六時入座並於七時半前結賬及離枱，可享免加一優惠。上菜速度快，店員亦勤於執拾碗碟，要享用免加一優惠不是難事!…Read More

星期六係奧海城要搵地方食晚飯都唔易😂呢間我6:00即係去拎飛，好快就已經有位坐。不過我估如果遲少少去就已經要等，因為我6:00去到時已經好多人排隊拎左飛。原本係想叫佢套餐，$1680 6人餐，都好抵食，同埋侍應話呢d套餐仲會大碟D, 但因為大家都唔係好肚餓驚食唔哂會浪費，所以轉散叫。呢度有好多類型既茶，我地揀左人參烏龍試下，正喎，有淡淡回甘既味道👍🏻前菜，個腎幾好味依家愈黎愈少地方銀絲卷係一梳梳，雖然呢個唔算做得好出色，但係都算係咁架喇，因為我真係好鍾意食銀絲卷😂豬扒拉麵，個豬扒幾好，唔會太乾個炸粉亦唔厚👍🏻清清地幾好玫瑰骨d細路好鐘意食呢個小籠包好食呀！皮薄又juice!同埋佢唔會做到好易穿，必食👍🏻呢個擔擔麵我就覺得麻麻啦真係😅佢個味唔係平時既擔擔麵味，好重花生香但又無乜香辣味咁，可能係我唔識欣賞，食慣左一般既擔擔麵😂😂呢個松子角炸得好好，炸粉唔厚又脆，肉質又滑！砂鍋雲吞雞，唔錯，清甜同埋雲吞好食🤤其實話唔食唔食都叫左好多野食😂😂總括黎講呢間食物都好好，而且坐得好舒服，好岩一家人一齊食飯！…Read More

今日約左住奧海城親戚一家飲茶, 勁暖心地一早拎定籌等扶老攜幼嘅我地唔使點等就有枱, 而且咁啱係「海景」位, 落地大玻璃個種, li度主打新派上海菜, 行精緻路線I Like it. ·一口小籠包8隻 (HKD68)正呀！係頭號必食上海名物小籠包🤩, 未食已經感受到湯包幾咁豐富, 識食一定係小心翼翼夾起, 用羹承住, 輕輕咬一小口吸唒啲湯先食個皮同餡, 皮超薄, 肉勁香, 推介！·春卷3條 (HKD46)細心阿姐幫我地中間cut半大家都有得食, 老實說原條食又太大條吧. 脆卜卜春卷皮一咬勁燙口.·肉絲兩面黃 (HKD106)估唔到係最受小朋友同阿b歡迎, 個麵炸到金黃脆身, 芡打得剛好俾豬肉芽菜菇鋪面而唔食食落濕溼溼嘅感覺, 一路食都脆卜卜熱辣辣, 芽菜夠爽.·擔擔麵 (HKD48)辣味, 花生醬味平衡, 湯底刺激味蕾得來唔會辣到怕怕. 麵質腍腍的, 好味.·花香玫瑰骨 (HKD102)甜甜酸酸嘅玫瑰骨, 類似咕嚕肉, 仲有菠蘿粒添.·上海菜肉雲呑 (HKD72)菜肉雲呑放清淡嘅蛋絲湯, 係上海好common嘅家常菜, 餃皮比小籠包厚小小, 餡料係爆滿的.·炸銀絲卷 (HKD36)搣開係一條條pattern嘅銀絲卷, 炸起金黃脆脆點大量煉奶係最好味的.·豆沙鍋餅 (HKD62)薄薄嘅餅皮夾紅豆餡然後煎香, 邪惡但勁好味呀！·Remark: 無記錯的話茶芥係每位HKD13.…Read More