Freshy Fishy Hot Pot Hub

估唔到打邊爐都有無味精靚湯飲🥰火鍋湯底竟然係花膠響螺燉豬展($198)🥹邊爐前已經飲咗兩大碗個湯好足料，入面仲有雞腳、圓肉同蟲草花真係有啲驚未開鍋就飽咗一半🫢推薦大家點漁火特選牛盛薈 $438一共有5款牛肉包括牛頸脊、牛邊位、手切Prime牛肉、牛舌芯同和牛柳粒粒有啲驚喜係牛柳粒好軟腍而手切牛肉油花好靚又爽滑😍另外限量嘅蘇格蘭蟶子王 ($78/1)亦都係必點之選焯10-12秒離殼就食得喇蟶子肉厚鮮甜超正吖🥹火鍋店通常都會有一啲手工配料佢哋嘅即炸響鈴($58)好大條唔會捲到死實實，幾鬆化喔記得最後揀返一份麵食用盡個湯底🫢Q彈烏冬加埋靚湯太讚了👍🏻-🐟椒鹽九肚魚 $88🦐海中蝦 $128🥟招牌雲吞王 $88🐙墨魚拼蝦滑 $98-🍲 漁火海鮮刺身火鍋🏡地址:銅鑼灣駱克道491-499號京都廣場8樓☎️電話: 3956 2146🕙營業時間: 17:30 - 01:00 (Mon-Sun) ———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)…Read More

今晚到漁火海鮮刺身火鍋，位於銅鑼灣駱克道491-499號京都廣場8樓， 位置相當方便。 店內座位夠闊， 服務又好。 餐廳主打港式火鍋， 除了火鍋配料之外，還有刺身和小食， 選擇種類多。 我們兩點了自家竹蔗茅根$58、 椒鹽海中蝦$108、醬料兩位$30、花膠響螺燉豬展$198、極品騸牯牛$488、 蘇格蘭蟶子皇2隻$156、 墨魚拼蝦滑$98、 時令什菜籃$78、 即炸鬆脆響鈴$58、鮮九肚魚$68。 🖍️自家竹蔗茅根 ～ 自家製竹蔗茅根，味道非常清甜，打邊爐啱曬。 🖍️椒鹽海中蝦 ～ 蝦肉厚實新鮮，鮮味十足又大隻，椒鹽好香口。 🖍️醬料兩位 ～ 醬料充足，有我喜歡的蒜蓉、芫茜和香蔥。 🖍️花膠響螺燉豬展 ～ 湯料非常豐富，湯頭味道濃郁，未打邊爐先要飲返一、兩碗呀！ 🖍️極品騸牯牛 ～ 牛味極重，口感鮮嫩爽口，油脂分佈平均， 非常適合打邊爐，騸牯牛限量供應的，記得要預早訂定呀！ 🖍️蘇格蘭蟶子皇2隻 ～ 味道鮮甜爽脆，超級大隻，極之推介。 🖍️墨魚拼蝦滑 ～ 自家製產品，爽口彈牙，鮮香滑溜，兩款都做得非常好。 🖍️時令什菜籃 ～ 雜菜籃有幾款菜類、鮮冬菇和粟米， 價錢合理，份量十足。 🖍️即炸鬆脆響鈴 ～ 即炸響鈴很鬆脆，放落湯底一秒拎上嚟啱啱好。 🖍️鮮九肚魚 ～ 九肚魚真心不錯，鮮甜幼滑， 入口滑溜。 打邊爐最緊要配料和湯底， 兩者都做得非常用心， 值得推介💪🏻。🏷️溫馨提示～ 整個用餐體驗均屬個人分享意見， 只作參考😊。 …Read More

上次食過一直念念不忘既漁火又再次吸引我同朋友去食喇。上次白肺湯咁正，今次再食豪啲，花膠響螺湯底！花膠響螺固然多，仲有清甜既龍眼吊味，真心正，啲湯仲冇味精可以飲得，飲晒就加邊爐湯打邊爐 ☺️帶子餃超正，入面一絲絲帶子逼滿晒，好飽滿，皮質似魚皮餃。漁火特色四色丸，蝦丸我最愛，外面鋪滿蝦米仔，入面蝦肉又爽口彈牙，好有層次；咸蛋豬肉丸入面有咸蛋，好特別；手打墨魚丸都係好彈牙，feel到一粒粒墨魚仔咁；牛筋丸好鮮味，肉質又實淨，四色丸必食！手切Prime牛肉靚牛一大盤！見紅照食都冇問題，牛味好香，手切果然唔同，切得好薄但又keep到口感。什錦刺身正！三文魚好肥美，北寄貝勁鮮甜。…Read More

同朋友仔敘舊諗住搵個地方可以慢慢坐，大家決定去打邊爐，於是揀咗呢間漁火海鮮刺身火鍋，用OpenRice訂位可以有八五折，慳返啲錢可以叫多啲野！打邊爐來講湯底當然好緊要，呢度竟然有成十幾款湯底可揀，最後揀咗花膠響螺燉豬展（ $198 ），呢個根本就係一個湯，好足料好濃味，除咗花膠豬展，仲有蟲草、紅棗、龍眼肉、雞腳等，未打邊爐之前我哋各自飲咗一碗，跟住老闆娘好好咁提醒我地，可以帶走個湯，然之後先落豬骨湯黎打邊爐，呢個建議實在太好！第二個特色就係除咗火鍋之外，呢度仲有得食刺身，我哋揀咗北海道帶子刺身（$138 ）、北寄貝（ $58 ），仲有即開法國白珍珠生蠔（ $48/隻）。帶子好大隻又鮮甜，北寄貝同樣咁新鮮，色澤好靚，生蠔好肥美，海水嘅鹹味當中又帶啲生蠔嘅鮮甜美味。食完生嘢，就開展打邊爐，我哋都叫咗好多嘢包括蒙古肥羊片（$98）、極品黑豚腩肉（$88）、鮮味海中蝦（$128 ）、肥水大花甲（ $98 ）、水庫大魚頭（ $78 ）、漁火特色四色丸（ $128 ）、爽滑豬肚（ $58 ）、時令雜菜籃（ $78 ）、萵筍（ $38 ）等。羊同豬都好好味，羊肉帶少少羶味，但好OK，豬亦好有豬味。海蝦有六隻，都算大隻而且新鮮好味。大花甲有五隻，都相當大隻，鮮甜可口。四色丸有牛筋丸、墨魚丸、咸蛋豬肉丸，同埋手打蝦丸，真係四隻都好有特色，牛筋丸超級有牛味，好正！墨魚丸勁彈牙，好似係佢哋自己手打的。鹹蛋豬肉丸成世人第一次食，本身唔係特別喜好鹹蛋，但都覺得幾好食，好香鹹蛋黃味，連埋豬肉一齊咬，好有層次感。蝦丸的外表痴滿蝦仔（雖然一落水啲蝦仔甩晒。哈哈！ ），同樣好彈牙爽口。推薦呢個為必點項目。雜菜籃有菜心、白菜、冬菇、粟米，份量都幾多。呢度都有得叫一啲內臟配料，我哋唔係特別好，就淨係叫咗爽滑豬肚，都OK嘅。魚頭我本身唔係好識食，試咗少少，覺得好嫩滑。最後我哋仲叫咗一個本地手切鮮牛頸脊（中份量$248），估唔到份量咁多，色澤鮮紅，感覺很新鮮，食落好有牛味。餐廳本身有水提供，不過我哋都叫咗一jar自家竹蔗茅根（$58 ），都有大約六至八杯嘅份量，幾清甜解渴。唔記得講呢度嘅醬料，提供左九款俾你自己混醬，辣椒、蔥、蒜蓉、芝麻、麻醬、豉油等樣樣俱全！呢度除咗卡位，仲有大枱，幾適合一大班朋友一齊打邊爐。整體食物質素都好唔錯，過咗個好開心嘅晚上呢！…Read More

男子和我最愛的活動就是打邊爐，他最愛就是不同的辣，但他最近腸胃最近是不太好，所以找了這間主打老火湯的漁火。*這是我們吃的，先讓我回味一下（笑）*花膠響螺燉豬展 $198我們選的是花膠響螺燉豬展，湯底是燉的所以很清很甜，湯料也十分多，有吃不完的花膠和響螺，老火湯打邊爐也比想像中來得合襯，最重要是吃完不口渴，很明顯的沒有味精。*漁火是主打海鮮和刺身，所以除了我和男子必點的牛和魚皮外，我們還點了聖子、花甲、桂花蚌，所以海鮮的份量都不少，而且都超級新鮮，還有一點很重要的，是洗得很乾淨。*肥水大花甲 $98花甲很鮮甜，而且肉質鮮嫩，共有四大隻。*蘇格蘭聖子皇 $48/隻雖然$48 一隻聖子有點小貴，但絕對是值呀，因為它的那個肉很厚，而且是爽的，很容易咬，味道也十分的鮮甜，大推！*爽脆珊瑚蚌 $138雖然珊瑚蚌不是真的蚌類，但比起象拔蚌和桂花蚌，我更愛珊瑚蚌。愛它超級爽脆的口感，和珊瑚蚌那種獨有的味道。*手切頂級Prime 牛肉 $238手切頂級Prime 牛肉的色澤很美，紅白分明，放在鍋內煮10-20秒，顏色粉粉嫩嫩的時候最好吃。吃下去感覺到牛味很香濃，軟綿綿的很舒服，有點像是高級牛的口感。*漁火特色四色丸 $128很多火鍋店都主打手工丸，有墨魚丸、鹹蛋豬肉丸、牛丸和鮮蝦丸,。我最愛的是墨魚丸，喜歡它的簡單和鮮甜，男子則最愛鹹蛋豬肉丸，雖然是最重口味的，但其實只是淡淡的咸香，與豬肉非常匹配。其實鮮蝦丸也不錯，蝦丸表面的蝦皮很有心思，但煮熟後蝦皮掉了六成，有黠小可惜，但鮮蝦味非常討好。*炸魚皮 $38炸魚皮是必點的項目，這裡的炸魚皮厚簿適中，而且片片都是脆的，雖然這好像不值一提，但其實很多地方的炸魚皮都達不到這簡單的要求。*窩荀 $38*這邊也有生蠔，不過當天想主打吃熱食，所以下次再吃吧。*呀差點忘記了，網上訂座有85折! 所以一定要上網訂呀，不要傻豬的打電話去訂，有85折真的差很遠的(笑)。…Read More

最近因為想食海鮮，但朋友又想打邊爐，所以就嚟依間海鮮火鍋店，一次過滿足晒我哋兩個願望一開始就被一個九方格嘅配料自己加，配料豐富，要咩可以自己隨便揀依個湯底花膠味濃，餐廳侍應建議我哋飲咗個湯先，咁就可以試到真正嘅鮮味，飲到咁上下先至再加湯個花甲食已經感覺到係新鮮嘅，隻隻都大隻肥美，好食！極力推介呢個蟶子，爽口彈牙不特止，仲非常之鮮甜，食完勁想再叫多一round一見到都嚇親，勁大隻囉😝，大隻得來一啲都唔腥，口感十足，係正嘅因為我地得三個人所以叫個細嘅，睇個樣以為好平平無奇，但每款刺身都好新鮮好鮮甜，帶子甜到呢😋，秒速清晒呢個拼盤有五款牛，分別係鮮牛頸脊、牛邊位、頂級prime牛肉、一口和牛柳粒同埋牛舌芯，每款都新鮮有牛味、唔騷亦都冇筋，好味雞肉熟左之後仍然保持嫩滑，呢啲份量都好足，性價比高最後都有叫到什菜藍、魚腐同埋魚皮餃，三個食完都捧住個肚走，今餐非常之滿足…Read More

是次飯聚朋友提議吃火鍋，於OpenRice找到這間火鍋店，有大家都愛吃的海鮮，又可透過OpenRice訂座享有85折，一舉兩得！醬料每位$15所有醬料都放在方形盤子內，很精美。花膠響螺燉豬展 ($198)湯底點了花膠響螺燉豬展，一上桌便香氣撲鼻。先喝湯，後放材料。湯底非常足料，味道香濃，清澈不油膩。肥水大花甲 ($98)店員教路烚30秒便可以。大花甲又大又肥美，花甲肉厚身鮮甜，口感十足，十分美味。蘇格蘭蟶子皇 ($48/隻)大而肥美的蟶子皇，看到已經令人垂涎欲滴，急不及待想吃掉牠！店員說烚10秒，肉離殼便可。入口肉質鮮嫩爽口，那股鮮甜的味道在口腔中久久不散，令人回味無窮！美國頂級桶蠔 ($158)桶蠔脹鼓鼓的，肉質肥美滑溜，蠔味濃郁突出，味道鮮甜，每一口都是肉。什錦刺身(細) ($288)有三文魚、油甘魚、帆立貝及北寄貝4款刺身。款款都很新鮮，肥美又有口感；尤其是北寄貝味道甘甜、肉質爽脆， 口感極佳。漁火特選牛盛薈 ($438)這個牛盛薈有五款牛肉，包括：手切本地鮮牛頸脊、手切本地邊位、手切頂級PRIME牛肉、一口和牛柳粒及極品牛舌。整體牛味濃烈又帶油香，肉質軟腍鬆化，齒頰留香。走地清遠滑雞件 ($88)肉質結實而雞味濃郁。時令什菜籃 ($78)有生菜、白菜仔、菜心粟米及冬菇；蔬菜翠綠新鮮，爽口鮮甜。…Read More

不知為什麼，每次跟這幾個朋友的飯局都總是打邊爐，而且佢地又鍾意食肥牛、海鮮，所以都選擇了好耐，最後選了這間漁火海鮮刺身火鍋（睇Openrice 介紹海鮮、肥牛都好正），而且仲做緊85折優惠，緊係要用埋呢個優惠先抵。店內位置不算多，但勝在坐得寬敞舒適。食火鍋最緊要當然係個湯底，這裡湯底有14款可供選擇：龍皇海鮮湯、花膠雞湯翅、花膠響螺燉豬展等等...而配料都比想像中多款式，牛類、海鮮類都有很多選擇。店內都會提供廚師推介，推介當日最新鮮的刺身，見到好似唔錯，都叫了一款嚐嚐（什錦刺身) 。醬料 - 每位$15坐低後，店員會付上醬料方形盤子，當中包含了9種不同醬料，可因應個人喜好調校自己喜歡的醬汁。什錦刺身(細) - $288什錦刺身(細)有三文魚、帶子、油甘魚及北寄貝4款刺身。刺身新鮮、肥美而且都是厚切，食落口感極佳。花膠響螺燉豬展 - $198湯底我們點了花膠響螺燉豬展，雖然價錢比較貴一點，但物有所值。一上桌便香氣撲鼻，我們直接湯底當湯喝，味道很清甜且足料，清澈不油膩。還沒開始吃火鍋我已經忍不住再喝多碗了！肥水大花甲 - $98一看到大花甲來到已經哇一聲。大花甲比平時出面食開的更大更多肉，而且食落肉厚鮮甜，口感十足。蘇格蘭蟶子皇 - $48/隻蟶子皇的肉有我手心咁大，而且好肥美。入口肉質爽口鮮甜，咬落去好彈牙。美國頂級桶蠔 - $158美國桶蠔極大隻脹鼓鼓的，入口不腥，肉質肥美滑溜，味道鮮甜，蠔味濃郁。走地清遠滑雞件 - 例$88清遠走地雞嫩滑，雞味濃郁，而且例牌的份量也不少。漁火特選牛盛薈 - $438漁火特選牛盛薈有五款不同的牛如：手切本地鮮牛頸脊、手切本地邊位、手切頂級 Prime牛肉、一口和牛柳粒及極品牛舌芯。賣相相當有排場，夠晒吸引，牛柳粒和牛舌芯比較厚，很有口感；牛頸脊和牛邊位牛肉味較重；PRIME牛肉很鮮嫩，肉質軟腍，入口即溶。時令什菜籃 - $78什菜籃內包括有白菜、菜心、生菜、冬菇和粟米。蔬菜新鮮翠綠，食落清甜。…Read More

這晚的打邊爐是其中一位朋友選擇的, 除了愛其宵夜時段8折優惠外, 其中有不少新鮮刺身及牛肉才是最大原因. 今晚只有3人, $438的龍皇海鮮湯有點太貴, 轉而試另一款餐牌推介的花膠響螺燉豬展. 餐牌裡的內臟選擇不少, 點了其中一款. 再加個牛肉拼盤, 牛胸爽及2,3款海鮮份量便差不多. 現在的港式打邊爐除了常見的豬骨湯, 清湯, 沙爹湯外. 還有用上四川麻辣, 台灣麻辣, 燉雞, 以至雞煲翅. 但不得不讚今日點的這個花膠響螺燉豬展絕對是頭幾位最出色的湯底. 未開始打邊爐前已先乾3碗, 而且絕不口乾, 不加味精. 人不多的時候, 我打邊爐的守則必然是先吃海鮮後吃肉. 結實彈牙充滿魚味的龍躉斑片比起我最愛吃的白蟮更討我歡心. 這裡的海蝦配上這裡豐潤的湯底很配合, 蝦肉少許霉的感覺也沒有, 鮮味非常. 左上角的是牛舌芯, 左下角是牛頸脊, 中間是prime牛肉, 右上則是和牛粒, 右下是牛邊.  很多火鍋店都有手切牛肉提供, 但以拼盤形式包括不同部位, 這裡可能是少數的其中一家. 5種牛肉的質素都很高, 牛舌芯的彈牙, 牛頸脊的肉味, 和牛粒的口感, 各樣各領風騷. 牛胸爽的外表像是一團脂肪, 實際是取自牛的胸腔肋骨中間的軟骨. 口感爽嫩, 但不會油膩. 牛黃喉一般要在專門提供牛的各個部位的食店才有. 朋友以為是牛的喉嚨, 其實不然. 黃喉其實是指牛的大動脈血管一部份, 但與喉嚨給人的印象一樣, 都是又爽又脆, 灼的時機要掌握得好. 這裡的墨魚滑也很高, 但比起其他主角牛肉, 魚, 蝦有點略比下去. 這裡有不常吃到的皇帝菜, 質素亦不錯. 這晚自帶了紅白酒各一瓶, 雖然店子收$50開瓶費, 但店員細心的詢問要否冰桶, 酒杯等用具. 在這個宵夜時段入座8折的情況下, 等於免了開瓶費及加一有多, 每人大約$400的消費算是超值. …Read More

三月中下旬星期二晚上，銅鑼灣聚會。今天晚上跟兩位新年前認識的朋友來個飯聚，火鍋無庸置疑的成了好選擇，由於在openrice訂位有25% off，所以友人早就訂好位子，方便晚下班的我們。地理位置方便易找，場地寬敞，大部分是卡位，坐得非常舒適。桌上已經準備好火鍋必備的醬料九宮格，都是大家熟悉的醬料，特別之處在於有麻油供應，我是非常喜歡麻油的，能提升食物香氣。天氣還是有點清涼，所以我們選了滋補的花膠響螺燉豬展湯底。湯底色澤豐潤，濃香撲鼻，花膠含豐富骨膠原，養顏美膚；螺滋陰補腎，清肝潤肺，還有雞爪，滿鍋是滋陰養顏恩物。店主介紹這湯底每天熬十多個小時而成，果然是不一樣：清澈不油膩，鮮甜濃郁，完全沒有一點味精，從來沒有喝了足有兩大碗湯，非常滿足。除了一般火鍋店點得到的丸類餃子以外，我們更傾向於嘗試其他食材，於是點了深海龍躉斑片。龍躉斑片快熟，皮厚口感爽脆，肉質清甜，非常適合作火鍋料。海鮮來一份海中蝦，海中蝦為海麻蝦，營養豐富且鮮美，肉質爽滑有嚼頭，鮮味十足，吸收湯底後更是絕味。吃鍋牛肉必不可少，漁火特選牛盛薈裡面包括5個牛隻精選部位，有本地手切鮮牛頸脊，手切肉眼牛邊位，手切頂級Prime牛肉，一口和牛柳粒及極品牛舌心，都是最頂級的：和牛柳粒入口甘香鬆化，油香豐富；Prime牛肉油花分佈均衡，油香出；肉眼牛邊位牛味最濃烈，每一款各具特色卻不搶風頭。火鍋，可以很簡單，精彩起來絕不是其他菜種可以比擬的。…Read More

最喜歡在灣仔不同大街小巷弄之間亂逛，駱克道漫步，穿過鵝頸橋後差不多要進入了銅鑼灣地區， 看見京都大廈有不同小方格的燈箱招牌，無意中看見漁火，記起身旁的那位可以說是無海鮮不歡， 手拿起放在旁邊的傳單看，說明了這裡是讓人好好品嚐海鮮的場所，是個結合各種刺身和火鍋的場域，便按下了8字，，簡單以紅黑作為裝修主色調， 沒什麼讓人覺得眼前一亮的裝修店門口有一個魚缸， 我想這也是告訴客人這裏海產非常新鮮的小心機吧。六點這個繁忙下班時間還是沒有食客，大概在七 八點左右開始有川流不息的人進出，每一桌都熱鬧極了。這裏大多數都是卡位， 黑色枱上中央置放火鍋，闊落得能讓手肘隨意撐在桌面，舒適自在，除了火鍋是主角，這亦是我理想中的社交空間， 一邊素昧平生同時有享用佳餚，享受生活就該如此。食物種類方面真是讓人覺得眼花繚亂，尤其是海鮮類款式相比起其他火鍋店更多，別的火鍋店會提供一些較常見的刺身:如三文魚、帶子等等，我還沒有嘗過什麼花金古 章紅魚刺身， 這裏亦提供了兩款生蠔， 竟然不少得我最愛的泰式生蝦，肉類的種類也不少， 還有一些較少見的牛部位什麼牛舌芯、牛胸爽、牛骨髓、牛黃喉等等， 除了牛豬雞，還有肥羊片。漁火作為主打海鮮火鍋提供了不少海鮮湯底， 當然還有不少食客青睞的麻辣，芫茜皮蛋等常見的湯底。除了加一服務費，這裏還會收取醬油費每位15元，白芝麻是不常見的配料，還有沙茶醬提供呢，我亦很少在醬油盤上看到麻油的出現， 這是個好東西， 除了能夠使食物快速降溫，香氣提升不少！《花膠響螺燉豬展》HKD198湯底帶著玫瑰般的色澤，響螺數量不多，可是它濃縮著海水甘美，能夠把整碗湯帶得鮮甜有勁，整碗滿溢著花膠和豬展，所以光喝湯就已經有飽足感，軟嫩細緻的豬展， 雖然沒什麼味道，還帶著些許筋，卻不需要費力咀嚼，花膠挺軟彈有韌度，輕咬幾口就能吞下去。有一個斟酌地方，雖然這款湯底的清甜使人喜愛， 但個人認為作為火鍋湯底煮出來的食物都沒有吸收湯的味道，雖然不太濃味， 可是卻能更吃得出其他食材的原汁原味的美味，但對於偏好重口味的人士可能會不太適合。《龍王珍寶海鮮拼盤》 HKD628拼盤五花八門什麼都有，滿滿一盤進入二人肚子內，飯後站起來摸著肚皮感到無比罪惡感整個拼盤分別有蟶子,龍蝦,珍珠蚌,大花甲,龍躉肉,海中蝦,日本元貝。【蟶子】堅硬的外殼，殼內卻隱藏著纖細的肉，它不似別的貝類肥厚，但飽含汁液又甘甜柔軟，海水味道不明顯，這種味覺和口感吸引着喜歡【龍蝦】 由西餐嘅波士頓龍蝦到中式的龍蝦伊麵，龍蝦是喜愛海鮮人士的熱門之選，這裏的龍蝦肉緊實而肥美的肉質既有彈性又十分適口，在純白的纖維和纖維之間隱藏著甘甜美味食過之後令人愉快的餘韻無窮，讓我和朋友都吃得滿足。【珍珠蚌】最大的特色是緊實的口感和很持久的海水香氣，滿口的海水風味我認為極為美味，是令人印象深刻的味道，但我明白討厭這海水味的人數也不少，反正味道就是主觀的享受。【大花甲】 實而有彈性的大花甲口感清脆，滿口的深度的甘甜風味極為美味，完全不輸給珍珠蚌，但它是偏向內歛的個性，是很淡然的鹹鮮。【龍躉肉】白色的半透明魚肉，魚邊是極淺粉紅，魚肉完全沒有怪味和腥味， 斟酌之地是我們都認為魚肉分量太少，還不夠喉，就像隔靴搔癢般， 吃得興起時便沉默下來了。【海中蝦】 將活蝦燙熟後才有的顏色，突顯出蝦側的紅白色條紋，除了 脫殼過程比較麻煩，甘甜味和香氣實在引人喜愛。【日本元貝】。一般用來食用的部分是大大的干貝具彈性的半透明貝肉新鮮水嫩，顏色則像是珍珠般具有光澤，甘甜感雖然相比其他海鮮略遜， 肥厚而且還有咀嚼時咬出大量汁液是加分地方。《冬菇釀墨魚》HKD88美味的大冬菇釀上墨魚肉，不得不讚結構還真的很穩固， 不會在吃的過程中墨魚肉和冬菇分開，賣相尚算精緻，但沒有什麼特別之處， 兩種食材合作的味道也不讓人感到驚豔。《自家製竹蔗茅根》HKD48金黃色的竹蔗茅根，顏色極為漂亮，而且不像別家的混濁，正如圖片般這裏的竹蔗茅根是很清澈的，似金沙般的華美玫麗， 倒一杯給朋友，他以為是沒有氣的啤酒，這家的竹蔗茅根比較甜，讓我有點兒不習慣，我想若果製作時糖分減少便會好多了。不過這裏的飲品的選擇還真不少，除了常見的樽裝啤酒，還提供了Draught Tower，非常適合一大群人祝酒火鍋聚會吧。另外我更是喜愛此處的服務和人情，侍應就像老媽子般，經常對我們噓寒問暖，有時候生怕上菜慢餓了我， 偶爾擔心 火鍋裏的食物過熟影響口感便幫我們撈起，非常體貼。銅鑼灣是高級火鍋餐廳百家爭鳴之地，但仍然能夠展現刺身火鍋多樣風貌的店舖已是屈指可數， 本來我們打算刺身飯後吃， 可是吃過拼盤和冬菇釀墨魚後已經要捧著肚腩離開了， 我倆還沒有預計到食物的分量還挺多的！ 很滿足的一餐…Read More

今晚約左班損友在銅鑼灣見，一於在此區尋食佢地話想食火鍋，貪佢可以坐耐d慢慢食吹吓水，呢度地方需然唔大，但勝在夠靜坐得舒服首先睇吓有乜湯底選先，除左一d經常有既湯底，還有好多特色湯底一於選個有like既湯底先，就(花膠響螺燉豬展)，再選d火鍋配料食火鍋點可以唔食牛所以我哋選左個：漁火特選牛盛薈，另外叫左：爽彈脆鯇片、漁火特色四色丸、冬菇釀墨魚、即炸鬆脆響鈴、招牌雲吞王、自家韮菜餃、窩荀、菜心苗和皇帝菜。當等待既時候，我哋叫左幾個小食醫吓肚先炸魚皮、鬼馬油條和椒鹽炸大腸。炸魚皮，大細適中，好薄好脆鬼馬油條，油條都係炸得好脆，釀在油條内既墨魚肉好彈牙椒鹽炸大腸，以為賣相同外面炸豬大腸一樣，點知出來唔一樣，好多炸蒜好香好脆，豬大腸啖啖肉，連埋椒鹽和炸蒜一齊食，口感豐富，非常嘢味食緊小食既時候，個湯底就送上花膠響螺燉豬展，睇個湯底非常足料聞已經好香，點知飲落真係不得了！俾到驚起我哋個湯好濃好鮮甜，花膠、響螺、豬展和雞腳都好淋，呢個湯底真係冇得頂如果唔係我哋忍住，就俾我哋飲晒和食晒d湯料，不過現在所剩無幾都要加清湯變左清湯火鍋漁火特選牛盛薈，賣相好靚好吸引裏面有五款唔同部位，極品牛舌心、一口和牛柳粒、手切頂級prime牛肉、手切本地牛邊位和手切本地鮮牛頸脊牛舌心，口感彈牙和牛粒，切得大細剛剛好，所以食落唔韌，好鮮甜prime牛肉，味道比肥牛好味，肉質嫩滑牛邊位，牛味係五種之中最濃牛頸脊，口感爽而有咬口爽彈脆鯇片，肉爽脆而不梅漁火特色四色丸有：鹹蛋豬肉丸、牛肉丸、鮮蝦丸和墨魚丸鹹蛋豬肉丸，豬肉丸內包住粒鹹蛋皇，感覺似食緊鹹蛋肉餅，幾得意牛肉丸，咬落口鹹鹹地，睇真d，原來牛肉裏面包左鹹牛肉，一粒肉丸可以食到兩種牛肉口感鮮蝦丸，蝦丸鮮甜，表面加左蝦皮增加口感墨魚丸，口感彈牙，足以彈死狗冬菇釀墨魚，一啖咬落去有兩種口感，軟綿綿之中帶點彈牙即炸鬆脆響鈴，上枱時還見到有煙出，入口薄而 鬆脆招牌雲吞王、自家韮菜餃，脹卜卜好足料，雲吞好爽，韮菜餃，韮菜好香4個人埋單$1692，今晚又能尋食到一間好食既火鍋，又能同一班損友吹足一晚，真係開心…Read More

朕對打火煱既要求好簡單，就係最緊要啲料夠新鮮，夠底夠好味！朕既隨從就係知道朕既心意，佢地就Book左銅鑼灣既漁火海鮮刺身火鍋，朕一上座，店小二就即刻奉上九格醬料，既然黎打邊邊，就緊係要有酒有肉啦，冰凍啤酒就緊架啦，而佐酒小食亦都不能少既，而隨從就叫左鬼馬油條，椒鹽炸大腸，即炸鬆脆響玲。鬼馬油條外層香脆可口，入面非常彈牙！即炸鬆脆響玲，上枱既時候仲出緊煙，咬落非常鬆化，朕會形容為（一陣風）椒鹽炸大腸，店小二上枱時，隨從們仲以為係椒鹽九肚^。^ 食落椒鹽味夠濃，但係大腸味更濃！朕今日叫左個花膠響螺燉豬展做湯底店小二奉上湯底時，朕問一問店小二咁多料點打邊邊呀，店小二就話可以先品嚐呢個花膠響螺燉豬展湯，然後先再加水打邊邊，不過花膠唔想煲過火，所以比較遲落，叫隨從們不要心急！最後真係渣都無！！！品嚐完靚湯，終於都到火煱時間喇，先黎今日重頭戲－漁火特選牛盛薈，裏面有手切牛頸脊，手切牛邊位，Prime牛肉，一口和牛柳粒同埋牛舌芯！朕緊係食Prime牛肉先啦，Prime入口即溶，油香味濃，打頭陣就最啱，跟住朕就試手切牛頸脊，食落爽滑，而手切牛邊位就有嚼勁，牛味香濃，而一口和牛柳粒食落油香味濃，牛舌芯食落爽甜！漁火特色四色丸－ 真係特色，朕問左店小二，豬肉丸包左咸蛋，牛肉入面又有咸牛肉，蝦丸出面有蝦皮，仲有彈死狗墨丸添，超好味！！！－－－－－－完－－－－－－…Read More

近來天氣又凍返，最適合打邊爐啦。平時都係去任飲任食的火鍋店，今次想食質素好的，貴精不貴多，所以就選左在銅鑼灣的漁火海鮮火鍋店。餐廳佔頗多位置是卡位，座位舒適寬敞，沒有一般火鍋店的擠迫嘈吵。不失為朋友談天聚會的好地方。除火鍋食材，還是刺身可供選擇，由於主要想打邊爐，當晚就沒有點刺身了。店內會有是日海鮮精選推介一入座店員便奉上調味盤，醬料放置乾淨整齊，共有九種調味料。漁火的賣點是用燉湯做火鍋湯底。花膠響螺燉豬展，落足真材實料，味道鮮甜。每人飲左2碗湯才開始打邊爐。不過其實用剩下的湯加上湯打邊爐有點浪費了。一鍋有4塊花膠，花膠算是大塊和厚身。打完邊爐都沒有口渴，証明湯沒有加味精。設計貼心的直立湯勺架，湯勺唔使周圍放食材都很新鮮，質素非一般任食火鍋店可比，一分錢 一分貨吧！稻庭烏冬比一般烏冬幼細，入口滑溜又彈牙。響鈴是我打邊爐必叫的，這𥚃的響鈴是即炸的，比其他火鍋店的更鬆脆和大條。手切雪花安格斯牛肥瘦適中，也不會太薄身，頗有牛味美國桶蠔有六大隻，新鮮肉質肥美，滾完都沒有怎樣縮水，十分juicy 花甲肉厚鮮甜，不過份量少了點…Read More

週日與細周生到郊外行了一整天，晚上奬勵他飽吃一頓美味火鍋。是晚到訪的火鍋店剛開業不久，或許時間尚早，店內食客不多。對於筆者而言是好事一樁，因魚仔及細周生確實很嘈，避開人潮能減少對其他食客的影響。 火鍋的優劣，首看其湯底。這客花膠響螺燉豬展，上桌一刻已能感受到香氣洋溢。細心品嚐，更確認湯汁敦厚泛甜，味道很好。若要指出改善之處，可考慮用上更大隻完整的花膠。 大家喝畢花膠響螺湯，店員才會添加上湯作火鍋之用。日本野生元貝及肥水大花甲均屬是日海鮮精選，元貝選材大隻，爽實鮮甜；花甲用料同樣新鮮，但因淥煮時間稍長，出來效果帶點韌，不及元貝吸引。雪白鮮鱔片是另一海鮮食材，魚骨去除得徹底，大家可集中享受甜中帶脆的食感。肥牛是火鍋另一主角，這碟手切頂級安格斯牛肉，雪花份量平均充足，輕輕放湯燙幾下已能食用，肉質軟嫩。雖然牛香不及本地手切肥牛，但也有相當不錯的味道。丸類雜項方面，製作普遍只屬中規中矩，鮮打墨魚滑是比較好吃之選，口感彈牙。手打鮮蝦丸及自家韮菜餃則調味明顯重手，頗鹹。 豬仔午餐肉與即炸鬆脆響鈴均是現成食品，簡而美，細周生最欣賞。即炸鬆脆響鈴屬香口脆物，出品熱辣，放湯一燙即吃最可口。魚仔則喜愛直接品嚐，卜卜脆最歡喜。 菜蔬方面點選了唐生菜及冰豆腐，前者翠綠爽甜，後者雖然豆香不濃，但沾滿湯汁仍有不俗的味道。整體而言，漁火的湯底最令人滿意，海鮮及肥牛皆不俗，丸餃雜項水準一般。以人均消費三百餘元來説，性價比合理。 …Read More