Pot Master

快到日本旅行，今晚相約了團友食飯分享大家搜集到的資訊，其中一位團友在網上看見這間火鍋店有花膠螺頭雞鍋便嚷著要品嚐，一眾愛靚的團友也被美顏的花膠所吸引來到朝聖😍鍋匠位於彌敦道有大大個招牌，好易搵。店舖裝修以日式木系作主調，店內全是卡座而每個卡座上都以木坊搭建一個類似屋頂的裝飾，予人很溫馨放鬆的感覺。有四款火鍋放題供選擇我們選了$248的手切安格斯牛肉放題另加$98要了一客花膠螺頭雞鍋餐廳非常貼心，會為客人於用餐時提供以上服務，真的要加分!!先送上日式胡麻沙律這個前菜甜甜酸酸非常醒胃，沙律菜很新鮮花膠螺頭雞湯鍋一上桌大家都被哪碟足一磅的花膠吸引得嘩嘩聲~我們從沒想過$98會有整碟花膠，真的是物超所值!湯底用雞、豬肉和螺頭餚製而成，喝一口已有濃濃的雞味及螺頭的咸香，雞肉都煲至離骨，所有雞味都滲透到湯裡。放下已炆好的花膠待翻滾便可以吃。花膠夠厚身入口有黏性，炆得好淋又入味，螺頭已經餚得好腍軟，我一人喝了三碗~我們還未開始打邊爐已經把花膠鍋清了一大半，花膠都被我們秒速搶光!海鮮拼盤有蝦、蜆、魷魚和魚塊，海鮮很新鮮尤其魚塊很彈牙，感覺像是沙巴蠆之類的魚肉。安格斯牛肉雪花分佈很均勻，入口牛肉味香濃、內質軟滑甘香的油脂滲透於肉中，很好吃我們加了很多客呢!丹麥豚肉豚肉即使滾了比較長時間也不會韌，沒有豬肉的臊味，肉質彈牙。墨魚滑/ 蝦滑兩樣都很爽口而且墨魚和蝦味都突出，蝦滑加了蟹籽更有脆仆仆的口感。其他火鍋配料質素也很好! 尤其我最喜愛的午餐肉，肉的比例多口入會吃到肉的質感而非粉漿口感。日式火鍋還有橋麥麪供應，橋麥麪吸收了花膠湯，這個中日式的配搭很特別。最後當然要到食甜品，雪糕櫃有三款雪糕供應。這次日本之旅可謂未出發先興奮，連聚餐的火鍋店都是日式格局，食物就是中日式混合，花膠螺頭雞鍋令人一試難忘!…Read More

早兩個月前睇老友WHATSAPP群組SHARE雜誌對呢間日式火鍋放題的介紹，當中$98的花膠螺頭雞湯鍋好吸引，幾個老友係WHATSAPP群組都話想試，不過幾個都係大忙人，約左成兩個月終於約到今日去食，仲要其中一個要21:00返到屋企交人。🙈因為今日呢一聚唔可以食得太夜，所以我地7點前已經集合上去係旺角雅蘭中心附近呢間鍋匠，由於時間尚早，客人不多，我地一行4人坐係張卡位都幾寬敞，枱好大張，點多多食物都放得落。一坐低店員已經攞張大餐單過黎介紹各種級數同價錢的火鍋放題。火鍋放題有4款選擇:最平的特上牛肉放題$188，手切安格斯牛肉放題$248，手切Prime雪花牛肉放題$298同日本極上黑毛和牛放題$438。第一次來食唔敢點最貴，而且今日黎主要目的係個花膠鍋，所以我地揀左$248位的手切安格斯牛肉放題。😆揀左放題同點埋花膠鍋後我地就出去攞定野飲等開餐。首先來的係花膠鍋，店員話食完個花膠鍋後可以加湯或另選一個湯底火鍋，不過呢個花膠螺頭雞湯鍋本身已經有半隻雞，又有螺頭，最緊要仲落左大大碟花膠煮成，點會攞走佢換第二個湯底。😂🤣個花膠螺頭雞湯鍋果然冇令我地失望，湯底原本已經用雞同螺頭煮好，另再加一大碟煮得好入味的花膠落去一齊煮，未食已經聞到好濃的花膠雞湯味，我地4個人每人都分到好多花膠，由於花膠真係好多，個湯膠質超豐富，好濃郁又鮮甜，個螺頭都好軟腍好鮮味。$98堅抵。👍🏻花膠大大碟。😍每人起碼飲左3碗花膠湯先俾店員加湯開始火鍋。😆店員會攞調味架被食客自行調配。每一款放題都附送沙律一份，都幾新鮮，可以清清口腔醒醒胃再開始放題。我地$248位的手切安格斯牛肉放題除左可以揀手切安格斯牛肉外，亦可點$188的特上牛肉，俾$248當然主要食手切安格斯牛肉啦，不過都點左一碟特上牛肉比較一下。平一級的特上牛肉味道其實都唔錯，唔會太瘦，牛肉味都濃。$248的手切安格斯牛肉比$188的特上牛肉明顯靚D，油脂比高，口感軟腍鬆化，我地4個都好鐘意，不停ENCORE。🤤ENCORE...ENCORE...ENCORE...😝雖然我地主要係狂食手切安格斯牛肉，不過其他火鍋配料都唔錯，當中蝦滑、墨魚滑同丹麥豚肉質素唔錯，而且仲有其他火鍋店都少見到的牛黃喉，我好鍾意，超彈牙爽口。值得一讚係火鍋配料會跟食客人數預份量，一人一件唔駛爭，又唔駛驚一碟配料俾得太多。最後當然要點烏冬吸D花膠湯食啦。最最後就係for第二個胃的雪糕時間啦。🤗我地今晚坐的卡位好舒服。店入面除左提供常見少少的wifi同usb手機充電服務外，仲好貼心提供埋圍裙、髮圈、電話套同除臭劑。😍下次來一定會ENCORE花膠鍋。…Read More