Grand Ding House

平安夜當日跟朋友從聖誕派對走出來, 本身有研究過打邊爐, 但預計應該會全店滿座, 所以打消念頭之際卻發現淥鼎記還有少量座位 🤩 唯有順應天意 🤪據朋友所說它之前是單點的, 像美滋鍋一樣轉型變了任食, 每位$388, 另收加一, 無論節日與否價錢一樣, 這點可算不錯 😀 除了任食火鍋配料外, 另外會有幾款一次性食物 (爵爺尊享美食), 分別是頂級手切牛拼盤, 豪華海鮮拼盤, 豪華時令刺身, 還有一款主食 🤗 最後再會每人送一客Häagen-Dazs! 火鍋湯底六選一, 鴛鴦湯底要額外加$48, 我們選了花膠美人鍋, 不夠濃甜, 自然不及美滋鍋。頂級手切牛拼盤薄切牛肉, 大約十多塊, 油脂分布非常均勻, 肉質結實細嫩, 能夠鎖住肉汁, 難怪只來一客, 相比其他任食牛實在差天共地 🫠 這個牛帶驚喜, 其他任食牛肉質素太普通了。豪華海鮮拼盤, 豪華時令刺身分開兩大盤, 刺身有三文魚, 甜蝦, 螺片, 鮑魚, 帆立貝, 很新鮮, 雪得冰凍但沒有雪藏味 😋 海鮮拼盤都有蝦和鮑魚, 更有蜆, 蠔, 扇貝和墨魚, 同樣鮮味十足!! 👍🏻酸菜魚主菜我們要了這個, 非常大碟, 據說就算多幾個人這碟都是這個份量 🤡 魚肉嫩滑, 酸菜配料既多又入味, 很麻辣, 我們差不多吃了七成多, 但怕吃太多吃不到火鍋, 所以才停止 😆除了經QR code點食物, 有部份是需要自行出去拿的, 其他食物沒有很特別, 所以就不多說了 😅 幸好有一次性食物, 否則就更不值這個價了, 職員會不定時過來添加湯, 值得讚賞!…查看更多

餐廳：淥鼎記地點：觀塘觀塘道亞太中心菜式：打邊爐放題，兩個鐘頭任飲任食價錢：小寶套餐，平日7:30前離座價錢$228加一落單用QR code，包以下食物：花膠美人鍋湯底有6款揀，有鴨血麻辣，花膠美人，肉骨茶，澳門豬骨等。花膠美人鍋有8大件厚身魚肚，啖啖肉，仲有紅棗同杞子。個湯底味道好清，唔會太重口味，淥食物都夠味。主角肉類有：安格斯極佳級精修肥牛安格斯極佳級精修肥牛一客兩大片。果然係肥牛，脂肪超多。安格斯牛板腱安格斯牛板腱一客三片，油花超靚，食落牛味濃而夠嫩口。安格斯牛板翼安格斯牛板翼係長方型切割，一客三片，質感就較厚身，因為較大塊，口感會滿足d。伊比利亞黑毛豬伊比利亞黑毛豬一客多片，豬味極濃，食落非常嫩口。伊比利亞黑毛豬豬肋條伊比利亞黑毛豬豬肋條一客多條，脂肪重，食落好脆口。紐西蘭羊肉片紐西蘭羊肉片係圓形切割，一客兩三大片，味道唔多羶，今日質感上就較薄切。手打鯪魚丸，墨魚手打丸，蝦丸手打丸丸類有3款手打，包括鯪魚丸，墨魚丸，蝦丸。雖然細細粒，不過非常彈牙好新鮮。其他選擇仲有鮮雞件同雞子。錦繡前菜錦繡前菜一客4格賣相好唔錯，包括鹽酥雞，豬肚，又甜又酸又辣既鳳爪，同香辣蒜蓉青瓜。酸菜魚而家仲有酸菜魚送，更加抵食！酸菜魚有好多連皮魚片，超滑溜，好好味，絕對係新鮮貨色。配有唔少酸菜，萵苣片同蓮藕片，加添爽脆口感。仲有滑溜寬粉。面頭加上黃色菊花瓣，辣椒，同花椒，我地叫左少辣，辣度剛好，麻度都只係喺嘴唇留左一陣。自助配料吧好多選擇，包括豬皮，鵝腸，牛栢葉，鴨血，水魷，帶子，蟹柳，午餐肉，魚腐，脆皮芝士腸，包心蟹籽丸，黑松露豬肉丸，芥末包心丸，蝦丸，麻辣牛丸，墨魚丸，牛丸，香菇貢丸等等。餃類包括水餃，魚皮餃，芫荽豬肉餃，韮菜豬肉餃，芹菜香茜蝦肉餃，鮮蝦雲吞。青菜有西洋菜，娃娃菜同生菜。全部用保鮮紙包住。其他蔬菜仲有響鈴，蓮藕片，木耳，山根，金菇，粟米，海鮮菇，冬菇，淮山，薯粉，南瓜片，白蘿蔔，萵苣，冬瓜。主食有上湯伊麵，出前一丁同稻庭烏冬。仲有炸魚皮。飲品櫃有兩大個，呢度分咗常溫同凍飲雪櫃。飲品選擇不少，有自家製涼茶既竹蔗茅根，綠妍茉莉茶，蜜香紅茶。其他有罐裝同紙包飲品如韓國蘆薈飲品，解茶等等。以下係自助醬料吧。總括而言，食物質素保持一貫水準，特別欣賞呢度既肉類，口感味道都唔錯，絕對抵食！…查看更多

前排經過觀塘見到呢間向來好受歡迎嘅火鍋店做緊5:30-7:30 時段優惠，有$238 兩小時任食，身為大胃王嘅我，當日趁平日放假去下！（ps 星期六日12-3pm都可以食到呢個價錢的！）先點了個「花膠美人鍋」湯底，係真材實料的！入面好多片厚厚花膠，口感滑香，感覺好滋潤。點了湯底後就要開動了，個人推介三樣必點的：1️⃣紐西蘭羊肉片+豬肉片羊肉片薄片得來肉質有嚼勁，而且只係少少肥，水準幾好，encore左好幾次！另外豬肉片肉質軟嫩，吸曬美人鍋精華，食落去甜甜的幾特別。2️⃣ 自家包餃子外面雪櫃放了好幾款餐廳自家包嘅餃子款，特別喜歡水餃，入面好多雲耳，配上大大隻蝦，皮薄滑香。3️⃣手打丸還可以用qr code order 手打丸，蝦丸手打丸難得地非一般彈口，蝦味夠濃🤩其他款式同樣有水準，脆鯇魚魚腩係厚切的，食落去口感脆，肉質juicy。另外外面有好多款菜，一碗碗的包好曬，真係非常衛生，當日西洋菜夠香口。飲品方面，真係好多選擇，除了一般嘅汽水，茶外，仲有餐廳自家飲品如清香泡茶同有竹䉀茅根等，好適合打邊爐飲！PS 餐廳D位都坐得舒服，好大好夠空間感，不過6：30開始多人，所以要去記得book位~呢個套餐嘅野食可以話係貴精不貴多，下次有機會再去食加$30有海鮮嘅堂主套餐！…查看更多

最近幾日打風落雨，就會好想食d暖既野😙聽朋友講Lee間火鍋店好抵食，咁就一於去試試啦😋今次我地係食早場$228任食火鍋放題，7點半前還枱😉入到去見到好多唔同種類既食材非常整齊咁排列曬係度，好乾淨同埋好新鮮👍叫左個花膠美人鍋，好足料，好多花膠😋前菜有4款，有鴨舌，鴨血，雲耳，炸雞條，非常出色😋點肉類就係用Qr code ，d肉都好新鮮，有肉既甘甜味👍😋飲品櫃有2個，有好多選擇，包裝飲品罐裝飲品就一定有啦，但除此之外仲有幾款自家製飲品👍 有竹蔗茅根， 蜜桃烏龍茶等👍😋整體黎講都幾抵食，質素都唔錯，感覺乾淨，款式多👍…查看更多

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻想一次過食到打邊爐,刺身,酸菜魚，咁你就真係要試下淥鼎記。想知道又靚又好玩地方?    fai.lok.mode仲會係社交平台分享相片同攝影心得。 ______________________________門面已經好有中式設計，兩個大大的舞獅頭。叫左爵爺套餐 $358再加一，算係偏貴，但啲野食都係靚野，之後仲可以任40款火鍋配料同6款前菜。酸菜鱸魚主菜四選一，揀左酸菜鱸魚，6個人食，上左兩大碟，麻而不辣，怕辣人士都可接受。日本直送時令刺身真係每一樣都好新鮮，件件都厚切。fai.lok都未試過係香港成隻鮑魚刺身咁食，食落比想像中更爽口，不過每樣刺身每人只有一塊，鍾意刺身的朋友就真係唔夠喉。花膠美人鍋6個人有5個都唔係好食得辣，所以都係叫啲美人鍋，花膠落到成鍋都係。豪華海鮮拼盤& 美國頂級牛小排落左個湯底，個海鮮拼盤同牛小排就跟住黎，依兩款係for你打邊爐，你可以掃qr code點啲火鍋配料/前菜，出面都有飲品同丸/菜拎，但fai.lok建議，揀少少自己喜歡野食就夠，食完酸菜鱸魚同刺身，再食埋海鮮拼盤同牛小排，基本上都8成飽。海鮮拼盤，每樣野都好新鮮。牛小排啲肉都好有牛肉味。…查看更多

朋友約食飯，因為好耐冇見，想搵間餐廳可以坐得耐一點，最後朋友建議去觀塘壹亞太中心「淥鼎記」食火鍋，我們一行六人叫了爵爺套餐，每位$348 (平日星期一至四收費)，套餐包括：1️⃣ 日本直送時令刺身2️⃣ 美國Prime牛小排3️⃣ 豪華海鮮拼盤(時令4-6款)4️⃣ 酸菜魚5️⃣ 花膠美人鍋6️⃣ 40多款火鍋配料整體來講：無限時係最大賣點，唔洗趕住食，可以慢慢食慢慢傾，刺身及海鮮都幾新鮮，又有酸菜魚食，的確唔錯；但火鍋配料就一般般總數💰：$2,297 ($2,088 + 加一服務費 $208.8)…查看更多

最近日漸冰涼的天氣，加大了對火鍋的熱情的，我跟太太便來到了觀塘的淥鼎記位置：APM旁的壹亞太中心8樓，相當方便環境：裝潢古式古香，座位寛闊舒適服務：下單上菜快，亦無漏單情況食物：食物新鮮，雞煲尤其出色B餐 $198/位晚上約8時到店，量過體溫後店員安排入座，座位與座位間有隔板分隔選了性價比高的B餐，可選雞煲或酸菜魚，另加自選湯底任食火鍋重慶麻辣雞煲選了少辣，開始進食一點也不辣，但越吃越辣，很香很惹味至於雞件主要是雞脾肉，非常鮮嫩且入味，很快便吃光轉鍋打邊爐花膠美人鍋美人鍋內花膠有不少，亦有少許藥材，足料養顏精選海鮮盤海鮮盤擺設精緻，有海蝦及沙白蜆，蝦尾是散開的，何其新鮮韓國生蠔份量十足，在鍋加熱後也沒縮小太多，值得多點一番蝦滑及墨魚滑手打的蝦滑及墨魚滑，很有膠質，味道不錯雞件雞件亦是雞脾肉，寫1份真的只有1件，不會給你一堆，值得一讚美國精選肥牛肥牛算是新鮮，亦有牛味，以這個價格來說不差紐西蘭羊肉片羊肉片同樣有羊香，肉味十足各式自取食物丸類、餃子、魚皮、響鈴及方便麵等可以在自取雪櫃任取，其中推介的是韓式泡菜餃及芥末牛丸，主因是其他任食店比較少有的當然水餃、雲吞、魚皮餃、午餐肉等應有盡有蔬菜類蔬菜同樣是在雪櫃自取，有生菜、西洋菜、金菇、萵筍、芋絲等等，選擇不少飲品類在飲品櫃自取，有自家製竹蔗茅根，亦有各式汽水及紙包飲品，算是選擇多整體來說，這家餐廳的雞煲及火鍋質素都不差，性價比亦高，可以一試…查看更多

前菜都有六款選擇都可以任食。台式鹽酥雞真係令我食不停，香脆入味，好惹味。飲品都有好多選擇，但一定要飲自家製清熱涼茶，今次有竹蔗茅根，唔會太甜又足料，而且獨立包裝感覺衛生。老壇酸菜魚，滑嫩魚已肉起骨切片，吸收湯汁精華後味道香濃酸辣，配料仲有寬粉、蓮藕、萵筍等，份量好大，兩個人幾乎食唔晒，仲要留肚打邊爐。食完之後再揀湯底打邊爐，湯底揀左花膠鮮雞美人鍋，濃味好飲又可以養生。海鮮拼盤有鮮蝦同蜆，另外仲有多達40款火鍋配料任食，推介手工蝦滑、墨魚滑，超級彈牙。最後仲有甜品北海道牛乳布丁，香滑奶味重。今次係第二次黎食，之前食過覺得CP值真係好高，飽到要捧住個肚走，同埋鍾意呢度地方大，樓底高，座位闊落坐得舒服，又有卡位。…查看更多

食酸菜魚的癮起，其中一位同行朋友試過外賣淥鼎記的酸菜魚並大讚好食，於是我和另外兩位朋友就跟她一起來這裡試試book了6:30pm，沒有時限，可以直落到11pm的閉店時間。大概7pm後才愈來愈多食客，全場爆滿！星期五六日及假期貴$10，每位$338，就可享「淥鼎記御膳火鍋十二宮」套餐。入座後，可先點選前菜，任食的，有6款選擇。我們試了其中4款，泡椒雞翼尖﹑台式鹽酥雞﹑香醋鮮雲耳及胡麻醬秋葵。鹽酥雞香脆不油膩，秋葵脆嫩不會老，雞翼尖的辣味較單調，個人覺得雲耳的醋酸味有點怪，但朋友就覺得ok！吃完一round前菜，店員就送上刺身拼盤，有赤蝦﹑帶子﹑三文魚﹑螺片及鯛魚。刺身只有這一盤是free的，隨後要加錢才可追加啊！三文魚厚身又肥美豐腴，赤蝦大隻爽口又鮮甜，帶子嫩滑味甜，鯛魚清甜，每人都只是分到1隻/1片。螺片的份量最多，質感不韌，容易咬！刺身過後，就要2選1，重慶麻辣雞煲或老壇酸菜魚。我們因著酸菜魚而來，當然毫不猶豫的要酸菜魚！！沒有辣度選擇～酸菜魚一上桌，大家都驚訝的覺得好大盤啊用料好豐富！！先試一口湯，湯底味道偏酸。配料有魚片﹑酸菜﹑芽菜﹑萵筍﹑蓮藕及寬粉。魚片份量多，魚肉又厚身，質感嫩滑得來又不易散，好有咬口！其他配料也不錯，寬粉大片，份量多，質感爽滑。萵筍及蓮藕又夠爽脆～～辣度不算很高，但麻的程度幾厲害，酸辣加上麻，食到嘴唇都震，好過癮一大盤的酸菜魚，令我們4個女生都幾乎有8成飽！緊接下來還有火鍋！有5款火鍋湯底可選，才剛吃完酸菜魚，就不選辣的湯底了～來個滋養一點的花膠美人鍋～～店員送來一客海鮮拼盤及一份美國Prime穀飼雪花牛小排，同樣的，這兩款食品都自此一round，可再付費追加。海鮮拼盤有蝦﹑扇貝﹑刀貝﹑鮑魚及蜆。所有貝類都夠新鮮爽口又甜稍稍嫌蝦的肉質不夠爽口彈牙而已！牛小排的份量都幾多，肉味香濃，質感滑得來又有嚼勁！最後就是自取火鍋配料的時間，由於食完海鮮都有8~9成飽，我們都沒再追加其他肉食了。雖然宣傳海報上寫有50多種火鍋配料，但實質好像沒看到有那麼多啊！較為推介的火鍋配料是wasabi貢丸，原粒吃，wasabi的味略為嗆鼻，幾有趣！炸魚皮夠大塊又脆身～第一次試豬血糕，口感幾有趣，中間夾著一些糯米的，味道則沒什麼特別。最後就是吃淥了好久的花膠，大大片又夠稔身，吸盡了湯汁，很好吃！！與其他火鍋店有少少不同之處的是，淥鼎記的飲品雪櫃，有一半是放了大膠杯裝的竹蔗茅根～～味道清而不會太甜，確定感覺幾健康啊！總括而言，淥鼎記的食品質素，不論是刺身﹑酸菜魚或火鍋配料及湯底都很好吃，連加一服務費，每人約$370就吃到超飽肚了！！座位舒適，抽風系統也不錯！！…查看更多

又一間無限時任食, 最啱咁耐冇見, 成班人一齊吹水, 仲要佢個名堂夠勁, 同埋比佢個所謂"御善火鍋十二宮"吸引, 真係要去見識見識~又係我第一個打頭陣, 咁早去到又未齊人, 梗係周圍八下, 視察下環境先................呢度成層都係佢, 所以地方都算好大, 裝修又真係幾宮廷式, 靠窗係全卡位, 靠門口係半卡位, 中間係普通方枱, 但都有d八人大卡位, 估唔到唔係假期前夕都咁多人, 見到d八人卡位要搭枱, 雖然中間有塊板隔一隔, 但我都係鍾意自己一張枱, 吹水都暢快d~拎飲品同醬料係分開兩邊, 裝飲品個雪櫃夠開揚, 一入門口就會見到, 而放醬料地方就要入少少, 同埋好似暗d, 不過佢裝醬料果d器皿又好鬼死古式, 就算响中式酒樓都未必見得到, 非常有特式~姐姐見到我得一個人, 同埋果陣又未有乜客, 就問駛唔駛介紹一下, 定係等齊人先介紹? 咁反正我同佢都得閒, 咪由佢介紹下先, 廢事等陣人多開始忙就冇咁好招呼~原來係要按佢指定次序去食, 佢會等你食完一個程序, 佢先會繼續下一個程序, 每張枱上面都有張指示圖, 因為佢有12個程序, 所以叫做"御善火鍋十二宮", 咁話哂係中式, 梗係由子時開始, 即係11點方向, 一步一步去食..................1)自助健康飲品 (差不多廿款)兩個大雪櫃裝得滿滿, 一個雪櫃係一般的汽水及茶類罐裝/紙包飲品外, 另一個雪櫃先最吸引, 因為佢係一杯杯啤好哂的飲品, 有低糖豆漿、竹蔗茅根、羅漢果五花茶.................打邊爐咁熱氣, 梗係飲竹蔗茅根潤一潤同埋羅漢果五花茶下一下火啦~ 兩種都唔係太甜, 味道亦唔會太濃, 你會見到佢每杯都有1/3杯係材料, 證明比你睇真材實料, 唔係沖出嚟架~1.5) 特別版姐姐問我食唔食住前菜等, 咁梗係食啦~ 咁佢幫我每樣執d, 到我拎定飲品返嚟啱啱好有得食...........- 有炸到脆卜卜的鹽酥雞, 細細粒, 但炸漿又唔係話好厚, 不過就唔係好夠味~- 有熱辣辣的地瓜條, 即係炸蕃薯, 好甜, 有黃色同紫色~- 有好入味的鮑汁雞腳, 一睇佢個色水就知夠哂入味, 雖然係咁, 但d雞腳唔會煮到爛哂, 仍然好完整, 唔會甩腳趾, d皮都冇爛, 好完美~** 其實呢d小食, 係應該係响上火鍋湯底果陣先叫的, 但姐姐可能見我咁陰公豬, 所以中途加插**2) 錦繡前菜 (有4款)枝豆 - 唔知點解個色咁黃, 好似d菜煮完焗到黃哂咁樣, 我見佢個樣唔係我平時認識的, 所以唔敢試~涼瓜 - 又係好似枝豆黃哂, 不過朋友話爽爽地, 幾好食, 咁我先敢試, 估佢唔到個樣好似炆完排骨咁林, 但食落又唔係~秋葵 - 呢個d色終於正常返, 係翠綠, 不過得4條, 連呢d都限一人一條, 有點兒那過~木耳 - 正常爽口3) 季節旬魚之刺身盛合 冇得選擇, 睇下果日入咗咩貨, 即係佢地聲稱季節合時令的刺身............是日有帶子、蝦、魚, 其實我唔係好食刺身, 所以唔知佢係乜蝦同乜魚, 不過見佢個樣又真係好新鮮, 顏色又靚, 帶子同魚都好鮮味, 唯獨事我其中一個朋友話d蝦差少少, 唔係好爽, 令佢感覺唔良好, 所以放棄咗, 但其餘3個人又覺得冇乜嘢, 好彩食完都冇特別排毒, 證明冇事啦~4) 重慶麻辣雞煲/老壇酸菜魚鍋二選一, 雖然兩樣都係辣, 但火鍋已經好多肉, 所以一致決定係要食酸菜魚.............嘩.............見到個酸菜魚鍋, 比佢上面d辣椒嚇親, 駛唔駛咁多辣椒呀? 我見到咁勁, 已經投降, 但佢個湯汁又唔係紅當當, 我d朋友係咁叫我夾旁邊冇辣椒掂到果d, 幾對眼望住我食, 佢地自己又唔食, 原來等我試咗辣唔辣先? 呢d咪夠朋友囉, 全枱人係我最唔食得辣, 反而叫我食先, 當我話其實都唔係好辣, 可以接受, 佢地先開始動筷~ 佢d魚片真係煮到剛剛熟, 好嫩滑又唔腥, 我地問姐姐係咩魚, 佢話係黑魚, 我地話咩黑魚, 佢淨係話咪黑魚囉~ 好明顯佢都唔知, 咁我地都無謂迫佢~ 個酸菜都幾好食, 我朋友話可唔可以比碗白飯佢~5) 御善養生湯底 (我地4個人只有6款選擇)响果張黃色指示圖, 中間位置有6種湯底選擇, 除非你係6人或10人以上, 咁先有額外款式選擇, 咁剔除果d好普通同埋辣的湯底, 最吸引梗係"花膠美人鍋", 最後都係一致決定叫呢個湯底~連個鍋都宮殿式過人, 有少少似細細個去飲宴果陣, 上翅用果個金鼎, 好夠派頭, 不過好阻定.............估唔到湯個湯底的花膠都係限一人一塊, 不過唔緊要, 因為冇希望過會一人有一塊花膠, 所以已經好滿足, 但湯都好夠味, 同埋都膠膠地, 應該都係宜材實料, 起碼有基本效果, 當然之後加果d湯, 無論你係咩湯底都係果壼湯, 所以趁仲係真正花膠湯時, 飲多幾啖先好烚嘢食呀~6) 海鮮大拼盤總共有6種海鮮, 都係睇下果日入咗咩貨, 可能有驚喜, 但又可能好普通, 我地果日有鮑魚、蠔、蝦、蚌、蜆、墨魚, 數量又係依據每枱人數, 每款每人一件, 除非同枱有人唔食, 如果唔係冇人可以食多, 夠哂公平, 最多爭食大舊d..............除咗蠔之外, 就算飽魚, 姐姐都話可以連殼掉落去一齊烚, 聲稱已經洗過d殼, 雖然我地想全部去殼, 但始終唔係自己屋企,唔齊架生, 唯有飲多啖湯先掉哂佢地落去烚, 唔想污染咗個靚湯~每種海鮮都好新鮮, 好有鮮味, 唔似係死咗好耐果d, 最衰每人限食1件( 其實可以加錢), 搞到到喉唔到肺咁............7) 美國雪花牛小排成隻牛上, 就算唔食得都睇得, 正所謂輸人唔輸陣, 不過唔知佢呢只牛全場有幾多隻? 如果個個好似我地咁唔係一嘢食哂, 係有排擺的話, 唔知佢會唔會問"可唔可以將d牛肉轉過隻碟?"我已經冇食牛好一段時間, 但根據以前食牛的經驗, 佢d牛肉應該幾有牛味, 唔係差, 只可惜而家唔食牛, 所以留返比食牛的朋友食哂佢~8) 金牌手工丸有3種, 全部都似係手打, 唔記得係咪蝦丸、墨魚丸、豬肉丸? 但總之全部都好爽滑彈牙, 一粒一粒放响匙羮度, 賣相好靚, 確認好睇又好食~9) 四十幾款火鍋配料有6大種類, 包括小食、火鍋配料、麵類、餃子類、特色丸類、蔬菜類, 總共都有四十幾款, 都算係幾多款式, 最鍾意佢夠環保, 每樣食物都係寫要幾多件, 而唔係一般的要幾多碟, 我地真係有數過, 有9成都啱數, 大家真係要諗清諗楚要食幾多, 自己要負責任的, 咁樣做真係幾好, 起碼有d款式只係想一人一件試下, 咁就唔怕叫左成碟, 但最後又浪費咗, 真係值得一讚~ 雖然話可以樣樣試一件, 但當然冇咁樣做, 因為實在太多款式, 而且唔係樣樣都啱胃口, 都係選擇自己喜歡的去叫, 基本上都唔差, 大部份都好新鮮, 唔似隔好多夜~10) 八方田園蔬菜籃原來要自己去雪櫃拎, 等我仲以為佢會拎埋嚟, 因為呢個菜籃响十二宮格入面係自己一格, 唔怪之得等極都未見上枱, 後來覺得唔對路問問, 先知要自己去拎, 果時已經所剩無己~ 佢唔係一大籃比你夾, 而係一兜兜裝好, 然後用保鮮紙包好放响雪櫃, 感覺會衛生d~11) 一品御飯太飽冇食到, 其實有叫佢比一碗我地成枱人試, 不過最終姐姐可能以為我地講笑, 所以冇比到, 又或者比唔到一碗份量............唯有下次有機會先叫佢上咗比我地先~12) 宮廷美點好靚的紫色, 呢個仲要專人表演一下先上到枱, 因為要倒液態氮, 營造仙境效果~ 有d似台式甜品, 有d芋頭、丸子、菊花, 最勁係個椰奶味, 都少少偏甜, 不過都係一人一碗仔, 都可以接受, 始終食埋甜品食叫完滿架嘛~唔知係咪我地坐到最盡, 雖然仲有幾枱人, 但都差不多十一點, 我估計大約十點左右, 埋單後已經開始執嘢清潔, 所以响十點後左右已經好難搵到人招呼, 而且我地仲要坐到好入, 真係呼天不應叫地不聞, 直頭要走去吧枱搵人上甜品, 所以坐得入有好有唔好~原價每位$338, 電話訂位同like佢fb有92折, 如果比cash再多98折, 搞咁多嘢, 其實最尾條數即係冇加一, 為咗每人慳三十幾蚊, 唯有跟佢額外搞咁多嘢啦~  雖然三百幾打邊爐好似貴咗少少, 但折下折下, 又坐成4個幾鐘, 又任飲任食, 其實計返條數都係抵, 所以下次有機會都會再嚟食~…查看更多

今日行完山好肚餓，所以決定試下這間－直都好想食的火鍋店，保證可回本（自己以為）收費每人＄338，有加一。如埋單比現金可享有98折優惠，但要以正價加一！平日食可買openrice ＄311－人優惠券。醬料大約有８款，可任拎而不另外收費。最大優點係無用餐時限可慢慢嘆，無壓力食得舒服自在餐廳環境闊敞，多卡位不會有壓迫感，坐得舒適。而佈置以中式風格為主！12道菜式以順時針開始品嘗，略有特色。而每一道菜食完，侍應才會上另一道菜，不會－次過上齊，甚有規律12道菜式有:1.前菜4小碟枝豆，雲耳朵（爽口），秋葵，苦瓜（酸酸地好開胃）2.時令刺身（按人數份量）三文魚，白身魚，甜蝦，柱貝，三文魚籽 - 刺身新鮮甜美3.麻辣雞煲（任食）／ 酸菜魚（－次）我們點了酸菜魚 - 有好多乾辣椒，酸菜，芽菜，魚片等，份量比想像中多。也有菊花瓣做點綴。酸辣麻的味道令味覺大受衝擊，十分惹味魚片好爽滑4.湯底（六款任揀－款）花膠美人鍋 - 花膠只按人數份量，冇其他湯料，略遜色火鍋料5.海鮮拼盤（按人數份量）蝦（－般），蠔（略瘦有沙），鮑魚（彈牙），花枝片（爽口），貝類（肥美鮮甜）6.雪花牛小排牛小排色澤靚，肥瘦均勻，好好味7.手工丸（８粒）蝦丸，墨丸，豬肉丸 - 夠彈牙8.火鍋配料（任食）有各式餃類，丸類，蔬菜類，面麵類，海鮮及肉類等數十種。材料新鮮，午餐肉厚切，不錯吃9.蔬菜類（任食）有生菜，娃娃菜及金針菇，可在出面雪櫃任拎。10.－品御飯（按人數）用細碗上，我們只要了2碗share食，食到尾聲實在太飽了！御飯其實是香菇粒飯，飯面有蝦乾仔，食落有咸香味。11.甜品上枱時用乾冰噴出煙霧，營造整個火鍋爐好有仙氣這甜品其實係糖水，有龍眼肉，山渣餅，西瓜粒及我估係寒天，味道奇特，不是人人都接受到12.自家制健康飲品有羅漢五花茶，竹蔗茅根（不太甜，真材實料好飲），少甜豆漿（有香濃豆味，香滑）。還有其他罐裝汽水及紙包飲品另外還有小食任食炸魚皮（鬆化可口），地瓜條（香甜好味），鮑汁雞腳，鹽酥雞（香脆惹味）今晚我地慢嘆食左3個半鐘，也沒有催趕人走，哈…查看更多

今天晚上帶好友到觀塘一間任食火鍋，選擇這間餐廳因為空間感足夠，坐得舒適，而餐廳更是無限時，十分適合和好友慢慢享受晚餐一坐下便先點一個小吃，小吃上菜快，可以食著等美食炸地瓜條和鹽酥雞 - 鹽酥雞沒有很厚炸粉，炸得鬆脆。炸地瓜條則是滿滿地瓜，十分適合飯前小吃涼菜四點 - 最愛是苦瓜，不會很苦而是很爽脆刺身拼盤- 有比較貴價的䲞魚，肉質爽口鮮甜！賣相絕對是打卡之選酸菜魚 - 魚肉非常香滑，重點是沒有骨！配上麻辣酸菜湯，真是吃不停口！花膠美人鍋湯底 - 當然是先喝湯，湯底清甜又帶花膠味，作為火鍋湯底是十分養生手打丸 - 有蝦丸，墨魚丸和豬肉丸。因為是手打所以很彈牙！海鮮拼盤 -有鮑魚，鱿鱼，生蠔和蜆美國牛小排- 非常有牛味，油花均勻其他火鍋配料是可以逐件點的，非常適合眼闊肚窄的我！推介是魚腐，脆魚片和響铃食完火鍋很會有一品御飯，脆蝦乾和雜菇混飯，都非常惹味宮廷美點 - 賣相加分，像是四川冰粉，夏天吃份外涼快這間餐廳食料非常高質，種類也特别和多！下次和朋友都會再來！…查看更多

平時去亞太中心都係食5樓嘅放題，今次就試吓新野，去咗淥鼎記！訂枱嘅時候職員非常之好，話我地唔需要網上買優惠券，現場like Facebook同埋share Post就可以有八八折！🥃一去到見到個飲品櫃，發現左好特別嘅健康飲品，例如羅漢果茶、竹蔗茅根同埋白桃烏龍茶等等！然後職員都好細心咁同我地解釋係要順時針咁樣食菜單上面嘅食物。🥘首先就有前菜，然後就有刺身，最抵食係個雞煲！有得任食之餘，聞到隔離枱已經覺得非常之香，食落就更加香同埋更加辣！之後同朋友再refill要唔辣嘅，點知原來唔辣嘅都非常之好味！🤤其實食到呢度已經飽飽地，所以建議都係唔好任食雞煲，留返個肚繼續食接住落嚟嘅嘢食！🍲之後就揀咗花膠美人鍋，湯底好濃，雖然任食嘅火鍋配料唔會有太大嘅驚喜，但係附送嘅牛小排同埋海鮮拼盤非常值得推介！🥩牛小排係用一個非常特別嘅牛嘅盤裝住，非常適合打卡！📸 🍤而海鮮拼盤嘅海鮮係會跟人頭計，所以唔使擔心唔夠食。海鮮非常新鮮，唔單止有唔同種類嘅貝類，仲有識跳嘅蝦！🤤🤤🤤🤤🤤我哋成班朋友都食得非常之盡興！👨🏻‍🍳服務亦都非常之好，侍應哥哥仲話我哋嘅like係佢哋進步嘅動力😂😂😂😂😂。環境都非常之有中國風整體來講今次係一個非常之好嘅晚餐體驗！同事已經問定下次幾時再嚟食過！🤩🤩🤩🤩…查看更多