Panda Wonton (Lei Yue Mun Plaza)

耐唔耐都會想食吓啲川辣嘢刺激吓，「熊貓小雲吞」都有好多間分店，鯉魚門分店唔算大，環境光猛整潔，半開放式廚房，可以睇到店員姐姐炮製食物，自助形式購買。餐牌都好多種配搭，落單時我仲心大心細，店員姐姐都好有耐性介紹同埋唔會催我。人均幾十蚊都已經可以食到好多嘢，好抵食。◉ 二人套餐 $138計落都好抵食，已有2款主食，1款小食，1款甜品同2款飲品。⦿主食 (4選2款)✣ 10粒豚肉雲吞用得小雲吞做店名，梗係要試吓雲吞。有韭菜、小棠菜、高麗菜、粟米同鮮蝦選擇，最鍾意韭菜獨特香氣同豬肉嘅無敵配搭，粒粒飽滿，一口size，咬開有湯汁。湯底都有六款選擇，我揀咗爆汗麻辣湯，BB辣呢個程度好啱我，有麻有辣得嚟又唔會辣到食唔到。✣肉燥熱撈麵肉燥味濃郁，麵條有彈性，我揀咗BB辣，撈埋青瓜絲、菜脯、芫荽、花生、炸黃豆一齊食口感豐富又惹味。所有辣都可以選擇辣度，可以走辣，鍾意食辣嘅朋友可以試吓挑戰魔鬼辣，都係唔夠喉嘅話，枱面有自家製辣菜脯可以自行再加辣。⦿小食 (2選1款)✣芝麻鹽焗手撕雞份量都多，無需吐骨啖啖肉，雞肉嫩滑多汁唔肥膩，味道鹹香，配青瓜絲一齊食好清爽。⦿甜品 (2選1款)✣紅糖糍粑糯米糍外脆內軟，加上黃豆粉同紅糖漿，最好趁熱食。⦿飲品 雪櫃放有多款自家製茶飲、冷泡茶，解渴解辣，二人餐已包兩支，自己可以到雪櫃揀。✣ 御翠烏龍茶✣ 香桃茶✣招牌手工涼皮 $30顧名思義係涼嘅，一片片涼皮入口清爽，口感煙韌有勁度，配料一樣有青瓜絲、菜脯、芫荽、花生、炸黃豆，我揀咗BB辣，食到麻、辣、酸好開胃，愈食愈過癮，推介涼皮。✣泡椒雞翼尖 $38雞翼尖大隻，雞皮爽彈，泡椒惹味，食唔停口。✣香辣菜脯丁 $22六款餐廳自家製醬料，店員姐姐話辣菜脯最好賣，見到剩返一樽，要下午先返貨，我即刻要咗先，因為剛剛試過辣菜脯太正，要買咗樽返屋企慢慢嘆。熊貓小雲吞地址：油塘鯉魚門道80號鯉魚門廣場1樓128號舖…Read More

第一次食 ，揀左$209三人餐，套餐可揀3款主食，一個前菜，一個小食，一個甜品，我就揀左：黑醋涼拌木耳，酸辣粉，一口豚肉小雲吞，重慶川式涼麵，口水雞和紅糖糍粑，每道菜都好食，唔hea，本身以為價錢平就普通，但呢間絕對有誠意！黑醋涼拌木耳，啱天口熱開胃的涼菜，口感鮮嫩爽口，醋味十足，能夠帶來一份清新的味覺體驗。酸辣粉，酸辣的湯汁和豐富的肉燥，酸辣唔係太過辣，配料多，有脆脆，同内地食到嘅味道超相似 ，值得試。一口豚肉小雲吞，細細粒容易食，一啖一粒，餡料鮮美，皮薄餡多，入口即化，唔錯👍🏻，湯底今次我揀左比較清淡嘅，下次我會揀蕃茄湯底。重慶川式涼麵，第一次食，上辣椒油和花生醬，啱天口熱食，椒油好香，同平時食到冷麵比較，風味獨特。芝麻鹽焗手撕雞，d肉係新鮮嘅，唔係出面擺好耐冧嗰種，無骨多醬，勁多芝麻❤️，食落甜甜地，唔太咸，清新之選，入口回味無窮。最後，極度推薦 :紅糖糍粑，我從來都未食過，原來以糯米為主料，加上紅糖和芝麻，口感非常之Q軟，香甜可口，煙靭程度係彈牙唔黐牙，朋友同我一致認為非常之好食。總之，$209物超所值！推介俾你！…Read More

屋企人最近喺油塘返工，放工後唔想煮飯仔就買咗一個三人餐分享。三人餐有三款主食、三款小食和三支飲品。一口鮮蝦豚肉雲吞/10pcs人氣重慶酸辣湯惹味，喜歡酸辣湯的人可以一試。一口雲吞外形精緻飽滿，一粒一啖。雲吞皮薄身，食到鮮蝦同埋豚肉餡料的鮮味，最近飲暖笠笠好正。傳統重慶川式涼麵麻醬辣油，濃郁鮮香，花生醬比例剛好，唔會太淡或太鹹。麵質都幾爽口。老北京擔擔麵呢個麵就相對比較淋身，醬汁就冇涼麵咁濃烈，食落都算輕盈。芝麻鹽焗手撕雞手撕雞底部咗唔少青瓜絲。面頭淋咗醬汁同芝麻，雞絲香口嫩滑，配埋木瓜絲一齊食更顯清爽。軟糯香甜紅糖糍粑紅糖糍粑真喺如其名，炸完之後呢外脆內軟，淋上啲黑糖同埋黃豆粉絕配。黑醋涼拌木耳木耳份量十足，用咗黑醋調味所以微帶酸，口感彈牙。氮氣青蘋果氮氣西柚柚子茶氮氣香桃茶解膩一流，350ml好抵飲。<香辣菜脯丁 > $22鋪頭側邊有個櫃擺滿咗唔同嘅醬，好奇就揀咗香辣菜脯丁。菜脯口感大粒得來又爽脆，撈粥同撈麵食都好啱食。…Read More

冇咩飯癮的朋友今晚帶了我到她屋企附近的「熊貓小雲吞」吃涼菜，拌麵。餐廳就在通往民居附近嘅商場，因為坐位唔多，大部份都係返屋企前順道經過外賣回家慢慢吃。見咁啱有位就選擇堂食。個人特別喜歡涼菜，伴麵，這裏選擇特別多。點選了二人套餐$128 組合非常豐富亦相當抵食。重慶涼麵 （BB辣）非常出色～味道相當平衡的調味！有麻醬嘅香甜，微微辣，醬油和酸味都平衡！麵汁又唔會太稠或水汪汪，伴以爽脆嘅炸花生、黃豆、青豆和辣菜脯，口感豐富惹味，係我心目中接近完美嘅平民美食☺️😋 直到依一刻都覺得非常回味😋油蔥酥肉燥熱撈麵(上海麵）（BB辣）麵質比較煙靭一點，微微暖的醬汁和肉燥又帶點不一樣的美味，伴菜嘅青瓜絲亦夠清爽。雙拼雲吞套餐（韭菜豚肉拼鮮蝦豚肉 $45, 20隻）通常雙拼會貴少少，這份雙拼一口雲吞就是例外。雲吞皮唔會太稔，一口一隻啱啱好。韭菜豚肉味道唔錯，韭菜就稔咗少少。鮮蝦豚肉，咬開都見到有鮮蝦肉碎，餡料比菜肉雲吞更結實。湯底選了蝦米紫菜，味道清甜不會太鹹👍🏻👍🏻芝麻鹽焗手撕雞又估唔到雞肉係咁嫩滑，鹽焗芝麻香味也更像白斬雞，夾雜着青瓜絲，味道比一般手撕雞專門店更好吃哩！手拍青瓜🥒醬汁惹味，手拍青瓜爽脆清甜！加入大量菜脯，炸花生、芫荽，份量十足，抵食！👍🏻紅糖糍粑經典嘅川式甜點，入口香軟，蘸上紅糖更美味近門口有賣自家出品嘅調味醬，雞煲醬，脆炸花生和麻辣醬等等。剛才撈麵嘅菜脯覺得好爽口，微微辣又唔會好鹹，買咗一樽「五仁菜脯丁」返屋企可以伴麵或配白粥😋吃…Read More

《熊貓小雲呑 - 油塘》數數下日子，我發現我都好耐無食辣野啦😂前排成日都掛住搵梳乎厘Pancake，近排突然間想食下辣既野😋所以約左個好食得辣既朋友去訓練一下味蕾😎由於我地兩個都喺油塘附近番工，順理成章喺呢邊搵野食🤔其實油塘呢邊都幾多野行同埋都幾多餐廳，但食辣既選擇真係唔算多，所以搵到主打巴蜀菜既熊貓小雲呑再望下menu，見到都啱食就入左去試下啦餐廳算係半自助形式的，喺counter 落完單後就可以自己去拎買左既飲品同涼菜，油塘呢間店舖唔算大，人流滿滿的，當晚都見到好多人外賣自取，店員都做到無停手🥸由於價錢唔貴，我同朋友都叫左都幾多野食😅💁🏻‍♀️傳統風味手工涼皮 $25跟餐+$12 配冷泡洛神花茶手工涼皮我哋叫咗中辣，點完菜之後5分鐘食得😅超快手，個涼皮比我想像中辣☺️個後勁都幾強，不過佢既調料好香，上面有啲自家製菜脯好醒胃，令人想一啖接一啖咁食😋💁🏻‍♀️芝麻鹽焗手撕雞 $35當日見店內兩枱人都叫左手撕雞，我地都跟風叫左個唔辣既☺️食落好香芝麻味，啲雞入味得黎又幾滑👍🏻推介💁🏻‍♀️孜然椒麻雞翼 $24/3隻雞翼上枱熱辣辣好香口，雞翼唔會炸得太乾身有肉汁，上面既孜然粉令到個雞翼更惹味，十分唔錯👍🏻💁🏻‍♀️串串鍋 $38 跟餐+$12配冷泡御翠烏龍茶串串鍋相對嚟講口味比較冇咁刺激，但係佢嘅食材都幾多，好彩兩個人share嚟食，如果唔係實食唔晒😓💁🏻‍♀️山楂紅糖冰粉 $16冰粉其實質感好似仙草咁，有少少煙韌，加左紅糖水同山楂碎後甜甜地好易入口，同埋我發覺個冰粉有解辣既作用，之前食果個涼皮後勁好強，食番啖冰粉即幫到止辣😉💁🏻‍♀️軟糯香甜紅糖糍粑 $25My Favourite 紅糖糍粑當然係必點啦🤓作為一名煙韌控，逢係啲軟林林、煙煙韌韌既野食我就最鍾意架啦😍紅糖好甘甜，同糍粑絕配呀😋最後我地兩個人食左咁多野飽到上喉嚨椗，埋單竟然$200有找😱價錢十分親民抵食，怪不得咁多街坊黎外賣啦，朋友臨走時睇到佢地有賣自家製作既菜脯同其他醬料，唔執輸仲買左一樽黃金脆脆豆番屋企煮餸用添😁…Read More

放假唔係同兩老飲茶，而係買咗「🐼熊貓小雲吞」畀佢哋試吓。佢哋話成日行過都想幫襯，但見到餐牌就頭痕，因為太多選擇唔識揀🤣，所以呢日就由我孝順女發辦。店舖面積細細，有少量堂食座位；廚房就反而幾大，見到啲姐姐喺度包雲吞🧑🏻‍🍳。整體環境算幾乾淨企理，不過我見大部份客人都係嚟買外賣🥡。我之前淨係食過雲吞仔，但細心睇餐牌就發現真係好多嘢揀，而且仲有套餐添🥢！我叫咗一個二人餐($128)，包兩份主食、兩個小食同兩枝飲品，另外再散嗌。一口粟米豚肉雲吞(10粒)，🥟小雲吞有五款口味，全部均係新鮮包製。一口雲吞呎吋其實唔係想像中咁迷你，可以明顯食到係邊款肉餡，🌽粟米餡甜甜又多汁。湯底同樣有得揀，我點嘅特濃蕃茄湯好有驚喜，茄味濃而不酸🍅，仲帶點芫荽香，成碗飲晒都無口乾，証明無落味精。卜卜脆炸鮮蝦雲吞($28/8粒)，雲吞放湯之外，仲有得揀油炸，但就只有韭菜同鮮蝦口味可選。🦐雲吞包裹爽彈蝦肉，炸皮酥脆，沾甜酸醬食好味道，而且亦唔覺油膩。油蔥酥肉燥熱撈麵，🍜熱拌麵同涼麵嘅主要分別在於溫度，餸料就大致相同，例如有蔥、花生、青瓜、脆黃豆同菜脯等。🐷肉燥粒唔多，但撈麵一流，取代醬汁。麵條有粗幼之分，幼麵係一般上海麵，口感富嚼勁。麻辣串串鍋($38)，🍢串串鍋有一大兜餸，幾抵食，當中包括長洲大魚蛋、牛丸、豬肉丸、台灣香腸、蘿蔔、蓮藕、海帶結同腐皮等，如果唔夠喉仲可以加餸。🌶湯底要咗BB辣，估唔到辣度都已經幾顯著，過癮嘅，但再辣啲就搞唔掂。芝麻鹽焗手撕雞，🐔手撕雞份量幾多，雞肉肉質唔嚡，雞皮爽彈。調味方面，芝麻鹽焗好惹味，但齋食就鹹咗少少。自家製熊貓涼粉，食辣嘅地方多數會賣埋甜品🍮，以供解辣。小店自家製作嘅涼粉口感煙韌，配紅糖食，簡單嘅配搭未必比輸蝕比花巧嘢。飲品方面，我要咗黃金大麥茶🌾同氮氣雪梨茶🍐，兩款都係無糖無添加。麥茶清淡啲，雪梨茶就富有果香。原價都係廿蚊枝，抵飲。小店除咗熟食之外，仲有賣一甖甖嘅醬油同醃菜，加少少嚟送飯無得輸！💛我全家都好鍾意食炒黃豆，呢樽黃金脆脆豆($20)就啱晒。以前喺街食辣嘢先食得到，而家喺屋企隨時食到🏡。總括嚟講，熊貓小雲吞店嘅出品唔錯，雲吞仔必食推介，又唔貴，其他嘢食都OK。小插曲一則，餐廳俾漏咗食物，我自己都無為意就離開，冇幾耐店員竟然主動打電話比我，話唔好意思，好有交帶。佢哋每一位店員態度有禮，面帶笑容，抵讚👍☺️。…Read More