Yum Hotpot (Ashley Building)

响網上䁛過好多影片介紹味火鍋，最正係佢無限時任食，總之由佢開舖食到佢收舖，而且食物種類繁多，所以一直都勁想試下係咪真係咁正。藉住生日，朋友請我食呢間「想食」list嘅火鍋。佢個「火鍋五部曲」真，先係冇响個list入面嘅小食拼盤，有炸雞軟骨、車厘茄、木耳同中華沙律，四樣都啱我食。特別係雞軟骨炸得好脆好香口。真正嘅開始，第一步係「精選頭盤」，有五款可以選擇，每位客人揀一款。佢個頭盤唔係講笑，睇到我哋「嘩嘩聲」。我哋人數夠可以五款都叫哂。第一個係「味火鍋佛跳蒞」，真材實料，湯夠清甜，仲有一大塊花膠。絕對唔係hea人之作。第二個係「芝士焗波士頓龍蝦」半隻，大大隻，芝士味濃郁，肉質亦都彈牙，絕對係誠意之作。第三個係「黑松露芝士焗生蠔」，有三隻，一上桌就聞到香濃嘅黑松露醬味。蠔唔係話好大隻，但肉質算新鮮同有蠔味。第四樣上菜嘅係「老壇酸菜魚」，見到碟魚「嘩！」咗一聲，份量之大係完全夠我哋咁多個人食。味道估唔到嘅出色，酸菜嘅酸味剛好，魚片大大塊好嫩滑，個個都大讚。第五樣又係大大煲嘅「四川麻辣雞煲」，我有啲懷疑我哋到底係唔係打邊爐，淨係食頭盤已經飽哂。講番個雞煲，味道夠惹味，雞肉嫩滑夠入味，真係不得了。第二部係「自選火鍋湯底」，有10款湯底選擇，我哋揀咗滋補單鍋湯底系列嘅「蟲草花椰子雞鍋」，齋飲個湯，鮮甜、濃郁，椰子嘅香味同雞嘅香味一湧而上，用嚟打邊爐好似有啲嘥，所以襯未落嘢食前飲多碗補補佢。第三部係「皇牌火鍋拼盤」，一共有兩款，海鮮類嘅「皇牌時令海鮮拼盤」，有海蝦、鮑魚、生蠔、扇貝、蜆、魚、墨魚丸、蝦丸、蟹柳，非常豐富，而且好新鮮，特別係店家指明墨魚丸同蝦丸係自家製，所以特別爽口彈牙。而肉類嘅「牛魔王美國安格斯牛肉拼盤」，有三款唔同部位嘅牛肉，包括有手切牛小排、牛肩胛同牛板鍵。食到第三部已經食唔落去，所以第四部幾乎放棄咁濟。第四部係「任食精選火鍋配料」，佢一共提供22款火鍋配料，每樣食到一件都不得了，最後只係叫咗圖片果幾款嘢食，留返比仲有戰鬥力嘅朋友仔繼續食。第五部我放棄咗，係「特選雪糕」，一人一杯Movenpick雪糕結尾，將咁豐盛嘅邊爐宴劃上完美嘅句號。總結一下呢個超級邊爐，真係不得了，第一次見啲食材嘅份量可以咁多，仲要佢嘅熟食係好出色，相信係我食過最誇張嘅，加上啤酒汽水任飲，每人只係400蚊左右，以呢個價錢，呢個質素，我覺得係超值。…Read More

有日跟隊員當值，大家傾開有什麼心水餐廳，她第一時間就推介這間火鍋店給我，還給我睇相，有相為証喎！越講越吸引，越睇越想食，就馬上約日子一起涮番餐。今晚是第一次跟這位隊員吃飯，又期待又緊張。裝潢挺優雅，有些中式感，乾淨企理，感覺舒適。火鍋店地方挺闊落，大部分都係四人枱和舒適的卡座，還有多張大圓枱，圍住一起打邊爐最開心。先到飲品區，設有三大座飲品雪櫃，包括有多款汽水、茶、台灣飲品、韓國飲品、罐裝果汁等任君選擇。先拎兩款茶作好準備，可消滯解膩。看看餐牌，簡單易明，就是火鍋四部曲，再任飲兼無限時，成人$318加一/位。還未進入第一步，先上四款頭盤，有爽滑的中華沙律、香脆可口的雞軟骨、爽口的小雲耳和醋咪咪的醃青瓜，各具特色，同樣美味吸引。************************走入第一步曲，自選頭盤四選一，我們揀芝士焗美國蠔(3隻)和芝士焗波士頓龍蝦(半隻)，兩款都很優質，還配上大量清新爽嫩的雜沙律菜，真的絕不欺場。芝士焗美國蠔焗至表面金黃，肥美鮮味的美國蠔配上鹹香的芝士，配搭一流，令人吃得津津有味；芝士焗波士頓龍蝦同樣焗至金黃，拉開芝士便見到啖啖龍蝦肉，肉質爽嫩鮮味，還有不少甘香的龍蝦膏，美味得很。************************再來第二步曲，十選一自選湯底，我們要了一個鴛鴦鍋(不另加收費)，一濃一清，分別是蕃茄薯仔濃湯鍋和特濃喇沙海鮮鍋。最欣賞是除了有兩格湯底外，鍋中間還有一個清湯底，如果想嚐食材的原味就用它吧! 蕃茄薯仔濃湯蕃味香濃，酸咪咪好開胃，除了有多件鮮活的蕃茄外，還有薯仔和豬骨，用料十足，讚! 至於特濃喇沙海鮮鍋，更討我喜歡，香辣惹味，味道夠濃，內有芽菜、豆卜、鮮蝦、蟹棒等，湯料又足。************************進入第三步曲，就是兩份皇牌拼盤。時令海鮮拼盤擺設得好靚，用心之作！是日有北海道大元貝、新鮮海蝦、新鮮鮑魚、自家製手打墨魚丸、自家製手打蝦丸、廣島蠔、鱔片、墨魚、蜆和日式蟹棒，足足十樣，每款2-4件，超級豐富。各款都非常非常新鮮，元貝和蜆鮮甜；海蝦爽彈；鮑魚腍滑、廣島蠔肥美；鱔片鮮爽；兩款丸又彈牙又鮮味，款款都令人讚不絕口！美國安格斯牛肉拼盤款款都色澤紅潤，帶有雪美油脂，包括有手切牛小排、牛肩胛、封門柳和牛板腱。涮一涮，又嫩又有咬口，四款牛味都好濃，優質！還有一籃新鮮的蔬菜籃，有營健康。分別有唐生菜、娃娃菜、南瓜、粟米、蕃茄和菇菌，全部都好新鮮。兩款蔬菜涮一涮，清新爽嫩；南瓜和粟米就很甜美；蕃茄鮮活多汁；菇菌好爽滑，讚!************************輪到第四步曲，以QR code自選精選火鍋配料，約有二十多款，我們一口氣點了八款，有翠綠清爽的唐生菜和皇帝菜；滑嘟嘟的鴨血；香口的炸魚皮，涮一涮半腍半脆，是我最愛的口感韭菜水餃皮薄饀靚，滿有韭菜香；濃芝豆腐燒芝味滿分；豬肚貢丸和牛骨清湯牛丸都好彈牙，，後者就爆汁。************************最後必定要讚好社交平台，因為可獲贈Movenpick雪糕一杯，是我最愛的品牌。我們要了楓糖合桃味和朱古力味，又香甜又幼滑，完美!------------------------------火鍋環境好，食物質素佳，服務亦不錯，還要無限時間，晚巿收此價錢，真係抵食又好食，明白吃了不久就差不多全場爆滿，難怪朋友極力推介，我也必會再訪。…Read More

在尖沙咀餐廳雲集的亞士厘道，CP值甚高、家庭式運作的火鍋放題，從頭盤、海鮮、牛肉和配料都有中上的質素，而且座位闊落，店員服務細心勤快，重點是沒有限時，在沒有時間的壓力下，好好享受高質的火鍋放題。火鍋放題 $318第一部：自選頭盤芝士焗波士頓龍蝦、芝士焗美國生蠔、四川麻辣雞煲、老壇酸菜魚4選1，每一款都非常吸引，但雞煲和酸菜魚在其他火鍋店都會吃到，於是選擇了芝士焗龍蝦。每人半隻，芝士鹹香惹味，龍蝦也不是縮水版，好比西餐廳啖啖肉質素，肉質鮮甜，還有龍蝦膏和沙律墊底，這個頭盤也算落足心機。第二部：自選湯底湯底10選1，辣和不辣都有不同的選擇。花膠竹絲雞鍋滋潤養生，一上桌就看到兩大片花膠正在熬製當中，伴隨淮山等其他藥材，還有一份另上的竹絲雞。湯底清澈少油，清甜不過份濃郁，不會搶走食材的鮮味，足料又健康。第三部：皇牌火鍋拼盤美國安格斯牛肉拼盤集合了手切牛小排、牛肩胛、封門柳和牛板腱，質素中上，油花吸睛，牛味濃郁，每款幾片，份量足夠。時令海鮮拼盤更是讓人驚喜，大大份擺盤美觀，而且海鮮種類非常多，超新鮮鮑魚、元貝、花甲、廣島蠔、海蝦、鱔片、手打墨魚丸、手打蝦丸、大蟹棒，時令海鮮比預期中的更出色，當中上桌時還在蠢蠢欲動的鮑魚最得歡心，爽口彈牙又超級鮮甜。第四部：精選火鍋配料以丸類、蔬菜和餃類為主，雖然吃完以上已經捧著肚皮，但看到有芫茜牛丸、芥末魚丸等特式丸類也忍不住Order一嚐滋味。食肉獸還可以繼續無限Order美國肥牛和特級黑豚肉， …Read More