Burgeroom (美麗華廣場1期)

今日好有食burger嘅mood，諗起好耐冇食burgeroom，所以嚟咗尖沙咀分店試吓佢最近水準😋呢間喺美麗華真係好方便，而且選擇都好多，就算唔食牛都有好多嘢可以揀😆我叫咗大烤菇芝士牛肉漢堡 ($115)😆牛肉好Juicy，同時個大啡菇都烤得好香，又可以保留到啲汁😆另外仲想大讚佢個包，烘到外皮香脆，裡面軟熟😗咁大個包食完都幾飽😌男朋友叫咗牛油果醬芝士雞柳漢堡 ($100)😗估唔到唔係牛嘅burger都幾好食～雞柳仲係好嫩滑，牛油果醬好滑，同芝士又非常之夾喎👍🏻另外仲叫咗兩款小食～芝士旋風薯條 ($60)芝士醬勁濃，唔會過鹹，出面都比較少機會食到旋風薯條，好滿足！馬蘇里拉芝士條 ($60)條條都拉絲😌外表好香脆，兩樣小食都係邪惡comfort food之選🤭我哋仲叫咗杯蜜桃梳打 ($38)😆甜度啱啱好，味道仲一啲都唔假😌配合burger好爽🤣好鍾意呢度嘅burger有唔同肉嘅選擇，方便到好多唔食牛嘅朋友👍🏻…Read More

同朋友黎尖沙咀美麗華商場行，最後入左burgeroom食漢堡包，餐廳環境有工業風格，設計好型格，仲用左好多車軚做裝飾。漢堡包款式有好多種，素食漢堡包、肉類、菇類等等，咩餡料都有，可以切合唔同客人既需要。芝士旋風薯條🍟 $60炸到脆脆地，又熱辣辣既扭扭薯條，再配埋好香既芝士，好夾，另外仲提供茄汁去點，真係好好味！鵝肝牛肉漢堡🥩 $168鵝肝好香，煎至微焦，入口即溶，味道濃郁，令整體口感昇華。牛肉漢堡扒好多肉汁，再加上自家製醬汁，配埋蕃茄、羅馬生菜，層次豐富。而且麵包輕輕烘過，表面微脆，內裏軟熟。加上，旁邊配有沙律，加左少許醋調味，食落清爽，食落唔膩。黑松露芝士大烤菇煙肉牛肉漢堡🍄 $130餡料好豐富，有大烤菇、煙肉、牛肉、蕃茄、生菜、芝士、黑松露汁。而大烤菇非常厚身，濕濕地同軟腍，加上半融芝士，食落去好juicy。再配上煎得香脆既煙肉，肉汁香濃既牛肉漢堡，層次分明，仲要個漢堡包大過塊臉，食到好飽，好滿足。整體來講，環境舒服乾淨，食物非常足料，亦有多樣化既漢堡包給你選擇，食得好enjoy！同朋友黎一路食一路吹下水，夠哂chill！🌟推薦指數：7/10💰人均消費：$200…Read More

收工同同事食嘢吹吓水，附近搵間舒服餐廳坐吓，好肚餓決定去食大大個漢堡！門口裝修已經睇得出係工業風，睇得出落咗一番心機去做呢個裝修，即刻影咗幾張打卡相先漢堡有好多選擇，但我哋都係牛牛獸，就試佢menu有廚師推介嘅款啦😆我揀咗大烤菇芝士牛肉漢堡，個包勁高，牛肉係勁足料勁厚，而且唔會太熟，咬落juicy唔會乾，唔會太生太熟，啱啱好！同事嗌咗特量芝士牛肉漢堡，真係好特量，多到流出嚟，同事芝士控表示好邪惡好正😂嗌咗2款小食share芝士旋風薯條係扭扭薯條嗰隻薯條嚟，撈芝士好夠味好夾，仲提供埋茄汁，任君選擇香辣單骨雞翼配蜜糖芥末醬要讚啲小食全部都係熱辣辣上！個雞翼好脆好乾身，辣辣地，就咁食都好食另外嗌咗嘢飲，菠蘿梳打有驚喜，係有菠蘿茸係底，唔會太甜，下次想試埋其他梳打唔知係咪都係有果茸㗎呢…Read More

大家鍾意食乜嘢嘅漢堡？芝士牛肉漢堡？烤菇牛肉漢堡？定係鵝肝牛漢堡？尖沙咀銅鑼灣呢間餐廳咩都有，可以滿足到你。BurgeRoom係2007年開業，係一間主打漢堡包既美國菜餐廳，餐廳對食物品質一直有份堅持，本著精益求精同追求創新既理念，將漢堡包文化重新演繹，曾經榮獲Openrice開飯至尊大獎、Openrice最優秀開飯西式餐廳同Openrice最優秀灣仔、銅鑼灣區開飯熱店。漢堡非常大份，鵝肝漢堡、軟殼蟹漢堡、大烤菇漢堡同龍蝦漢堡係佢地既招牌款式，另外仲提供多款配料豐富嘅漢堡同酒精飲品。餐廳坐落係美麗華商場，旁邊就係尖沙咀嘅酒吧街諾士佛台，位置非常方便，如果鍾意飲酒嘅朋友，揀美麗華商場食飯就岩哂。餐廳設計時尚奪目，係BurgeRoom既一大特色，尤其係尖沙咀分店，主行美國工業風路線，入面燈光正常，足夠明亮，會有好多車轆同貨櫃既造型，牆上既燈牌夠搶眼。座位算寬敞，面積唔細，比銅鑼灣分店仲要大，有梳化位，有方桌位，另外仲有室外位置，適合吸煙人士，環境算chill，岩哂同朋友吹水，同情侶撐枱腳又得。晏就三點去到，人數唔多，位置有好多選擇。店員先帶客人入座，係位睇完menu，再去counter比錢落單，會有店員幫手送餐。係自助形式，餐具醬料都係自行領取，所以無加一收費。會有個自助區可以自己斟水飲。Menu入面提供牛、雞、海鮮、鴨、素漢堡，可以再加Topping，岩唔同人口味，另外有炸物小食。-🍔 大烤菇芝士牛肉漢堡💰110（👅: 8/10）呢個漢堡係其中一個招牌，漢堡份量都幾大份，有塊面咁大個，上枱時熱辣辣，如果係正常食量嘅人食完都已經飽飽地，餐廳好細心咁分開兩份可以方便食同share，如果唔鍾意可以落單請提出。漢堡嘅餡料好豐富，有大些菇、牛肉、芝士、蕃茄、生菜。首先個麵包有烘過，咬落會有少少香脆，而麵包本身咬落鬆軟，會食到少少牛油香，帶少少甜味。大啡菇非常之厚，咬落好似食緊肉咁，菇味濃郁，食落甜甜地。牛肉夠厚身，咬落夠Juicy唔乾身，肉汁會一路流出嚟，完全鎖住咗啲肉汁，食落牛肉味香濃，而且會食到黑胡椒味。而上面嘅車打芝士係半溶狀態，加埋牛肉係完美嘅配搭。另外仲有常見嘅生菜同蕃茄，食落夠新鮮，蕃茄食落爽甜帶酸，可以中和左肉既膩感，不過我個人其實唔太鍾意漢堡加蕃茄，因為會出水令到個包變到腍身。成個漢堡再加上特製醬汁，口感夠豐富，層次分明，整體夠哂juicy，價錢喺香港來講算正常。-🍟 芝士旋風薯條 💰60（👅: 8/10）旋風薯條就係扭扭薯條，薯條比較幼身，咬落比一般薯條香脆，唔加芝士本身個味都夠，因為本身都有少少調味，有少少香草嘅味，而且可以再加茄汁，食落有少少薯仔口感。而上枱時上面嘅芝士係半溶狀態，要趁熱食如果唔係好快會變固體，唔再流心。食落芝士味唔算好濃，不過有鹹香味，不過芝士同薯條永遠係完美嘅組合，不過薯條份量唔少，加上咁多芝士，食到最尾會有少少膩。-🌟 食物質數正常，勝在款式夠多，而且有鵝肝、軟殼蟹等特色漢堡，仲有多款小食選擇，價錢中上，份量夠食飽。送餐效率高，落單後5-10分鐘內，食物前後都送到。環境唔算嘈，坐得算舒服，有足夠隔板將每張枱隔開，可以安心進食。下次會想試其款色既漢堡。-👅味道: 8/10🍴環境: 7.5/10💰消費: $170 (服務費: NA)…Read More

沒有什麼比來一餐邪惡快餐更快樂。想食burger的時候總會來Burgeroom，超級大size的burger，看到就興奮。❣️芝士蛋牛肉漢堡無論你的口有多大，一口絕對吃不到😂這次叫了蛋，令burger更厚更香，牛肉很juicy，加上蕃茄和生菜，令burger不會太膩，無敵好吃。❣️香脆雞塊配芝士醬炸漿一點也不厚，很脆，鎖住雞肉的肉汁，令雞肉很嫩，配上邪惡至極的芝士醬，沒有不好吃的餘地。❣️芝士旋風薯條這個是每次必點的，即時沒有芝士醬也很好吃，調味很香，加上芝士醬，詞窮了🤭🤭…Read More

餐廳環境黑黑地，夠chill可以同朋友吹水，情侶撐枱腳又得。提供牛、雞、海鮮、素漢堡，適合各類人士，又有炸物小食。晚市7點左右到，已經幾乎full。叫左大烤菇芝士牛肉漢堡($110)，牛油果醬芝士雞柳漢堡($98)，芝士旋風薯條($60)，鱈魚手指配他他醬($55)，自家製菠蘿冰茶($38)。所有漢堡除加煎蛋外，會切開2份，唔鍾意切開既話落單前可以提出。漢堡超高厚身，塊牛肉漢堡同塊麵包一樣咁厚。就算拎起半份，d餡好豐富，好難夾得實，要好小心食呀。牛肉肉汁邊食邊流出黎，好重黑胡椒味，唔膩。大烤菇既口感好似食緊肉咁，感覺好似有2塊肉，帶d甜味。蕃茄少少酸，可以中和濃郁既肉味。雞柳漢堡相對上冇咁高身，但同樣大份。牛油果醬多到瀉，食到有少少少少辣味。雞柳係雞扒好厚一大塊，咬第一啖邊位，都已經食到雞肉。食到底層麵包開始吸左d肉汁，變軟左少少。旋風薯條呈圈圈咁，有別於平時食既直薯條，夠得意。炸得脆，唔熱氣。芝士半溶淋上去，過一陣食芝士就會變固體少少，但冇損味道。炸鱈魚條外皮脆口，內裏軟，配埋他他醬凍凍地，幾夾。冰茶底部有大量菠蘿肉碎，所以飲前要攪一攪勻。陣陣茶味，飲完冇咁熱氣既feel。整體，餐廳有勁多款漢堡，睇到眼花撩亂，款款都好吸引。食完果然冇失望。女仔食半個，都其實好飽肚，仲有多款小食揀，所以性價比高。仲可以靜靜地食，侍應由帶領入座到離座，都招呼周到，難得。…Read More

放工去咗尖沙咀行街，順便食晚餐，我哋揀咗食美麗華廣場嘅「Burgeroom」。尖沙咀實在太多嘢食，所以經過餐廳好多次，都淨係👀留意到個門面。原來餐廳面積唔細，而且有好多座位，裝修亦非常型格😎，頗有心思的。喺星期一晚上，餐廳坐滿八成人，人氣高高的！其實我好多年前食過餐廳喺銅鑼灣嘅舊舖，但都係呢年先對漢堡包有翻興趣🙈。短髮女店員帶我哋入座，仲好清晰講解落單流程👍。我哋可以喺位慢慢揀食乜，先出去收銀處Order，其後店員就會幫手送餐。題外話，餐廳免收加一服務費㗎。我哋要咗兩個漢堡包同兩款小食，晚市就冇做套餐，所以價錢一般般啦。我哋冇諗過啲漢堡包🍔有我塊面咁大個，超巨型😱。如果一早知，我哋應該只會嗌一個，因為都夠食，反而食多啲小食。菠蘿煙肉牛肉漢堡($98)，加酸瓜片🥒以及蜜糖燒烤醬，每款配料各加$10。個人幾鍾意用上菠蘿🍍作為食材嘅菜式，而漢堡包我亦都鍾意加煙肉🥓。不過呢個包夾咗好多嘢，所以都好高，好難一啖食晒。我追加嘅酸瓜份量好多，幾抵食。特量芝士牛肉漢堡($110)，特量芝士果然冇呃人，🧀車打芝士直頭遮住曬塊漢堡扒！漢堡扒幾厚身，亦算多汁。兩個包同樣用上🍅蕃茄同羅馬生菜，以及餐廳嘅自家製醬汁。上層嘅麵包正常，但下層嘅包就濕咗啲。芝士旋風薯條($55)，旋風薯條即係薯圈，唔係好多地方有得食，個人認為好食過幼薯條🍟。芝士份量唔孤寒，不過記得要趁熱食，如果唔係芝士就會凍咗，唔再流心。蜜糖辣雞翼($60)，🍗雞翼有六隻，辣味比蜜糖味出，但辣度唔會太勁，我都食到。雞翼唔算太熱氣，幾好。凍玫瑰朱古力($44)，凍朱古力好大杯，但個杯有啲似茶記嗰啲，冇乜造型可言。🍫不過朱古力味道濃郁，冇溝水，而且玫瑰味輕輕咁滲出來🌹。總括嚟講，估唔到食漢堡包都可以食到咁飽🤰。諗落餐廳以漢堡包店來講環境算係好舒服，又可以慢慢坐。另外，餐廳有用隔板將每張枱隔開，食客就可以安心進食。…Read More

第一食burgeroom係銅鑼灣大球場附近既分店，第二次係銅鑼灣百德新街，可能對食BURGER有種情意結係到，到而家尖沙咀終於有新公店，方便我呢d九龍人隨時隨地可以食。美麗華商場位置可達度高，旁邊就係出名嘅酒吧街~諾士佛台！如果鍾意飲酒嘅朋友通常揀返喺美麗華商場食飯都係一個唔錯嘅地方。Happy Friday 好有chill chill 既mood，想食d小食，食個漢堡加杯啤酒🍻BURGEROOM 確實係不二之選，揀左軟殼蟹漢堡 &牛油果醬芝士牛肉漢堡，肉質一d都吾硬身，加上最愛嘅牛油果醬🥑成件事好match。軟殼蟹🦀炸得香脆可口，啖啖肉，個口冇咁大，分開食都好食，唯一係覺得將個卡夫芝士醬轉做其他醬可能再好食d另外再加追一個芝士旋風薯條🍟難得飲啤酒🍺一定要配返個薯條先爽芝士味極濃，如果愛好芝士應該可以食到尾，但加上一大個漢堡，去到最後都食唔晒，仲覺得有啲漏tin！環境有室外同室內，假如好憎聞到煙味嘅話，建議坐返室內好啲✨因爲咁岩我坐外面，有起碼三枱 左右兩邊都食煙，令到進食期間吾夠舒適。食 物 ⭐️⭐️⭐️⭐️環 境 ⭐️⭐️⭐️⭐️服 務 ⭐️⭐️⭐️⭐️性價比 ⭐️⭐️⭐️⭐️…Read More

食得嘢多終遇苦，大胃間唔時都會生痱滋，但又好想好想食漢堡，約晒人去食㗎嘛，唔怕嘅，上次食呢間食到痱滋不見了，咁神奇，今次當然再光臨啦等唔切喇，好肚餓呀！出去落完單就將部機放去檯面有貼紙嘅地方，燈一著，食物自然送上冰茶真係太正鳥，入面係飲到啲果蓉，即製新鮮又唔會太甜嗌牛油果好似美化咗食漢堡嘅惡行，雖然牛油果係蔬果，但終究係邪惡嘅一方，同邪惡軸心—漢堡扒非常夾牛肉仲要好嫩滑，非常juicy肉高一尺，包高一丈，加上煙肉更邪惡嘩，啲汁漏晒出嚟，點忍呀？薯條都不遑多讓，芝士嘅貼服令成件事沒有最惡，只有更惡呢間實行自助形式，加一都慳返…Read More

喺我嘅漢堡包店List上面，Burgeroom係頭3位；味道好、選擇多、價錢合理同埋地點夠晒方便。除咗一般嘅牛肉之外；仲有魚、海鮮、雞、鴨同埋素類。仲可以再加Topping... 有選擇困難症嘅朋友，嚟到呢度真係頭痕 。今晚我就點咗牛肉類，煙肉芝士牛肉漢堡＋芝士蛋牛肉漢堡。每次嚟食當侍應放個漢堡上檯，我都會忍唔住映相；因為份量真係好浮誇。一口咬落去永遠都唔到底，牛肉厚度好夠，口感扎實而且充滿肉汁；一路食d肉汁仲會一路滴 雞蛋同牛肉一樣厚厚的，但煎得一d都唔老食漢堡又點小得佢好朋友薯條呢，叫咗芝士旋風薯條；扭扭薯條配上半浴嘅車打芝士。另外再加多個牛油果醬芝士薯條，粗薯條上面再混合幾款醬；正呀每次嚟都食唔晒，如果一個女仔食的話；單點1個漢堡已經非常足夠。…Read More

今晚約左人晚飯直落諾士佛臺飲杯野, 知道burgeroom係美麗華都開左一段時間, 但就無黎過哩間分店食, 今晚有機會捉埋朋友黎食啦!美麗華入面有一個大門口, 而係諾士佛臺依邊就有一個outdoor area, 設計同銅鑼灣分店差唔多~但今日出面成30度, 大家都揀番室內坐~門口就放左大大個menu, 一目了然可以睇哂大部分既野食!入到去發覺空間感比起銅鑼灣個邊大好多, 坐位寬敞d無咁迫狹, 店面設計好美國風!依個牆上既燈牌好靚揀好食咩之後自己去counter落order, 將感應器放係枱上既貼紙位, 跟住就坐係度等食啦鵝肝牛肉漢堡一係唔食, 要食就食奢華既鵝肝牛肉漢堡話就話奢華, 但係價錢一d都唔貴, 佢都只係$165, 係出面西餐廳食一個有鵝肝既dish都係咁上下, 而家仲有咁厚既漢堡同埋沙律菜, 2個人share再加d小食其實已經好夠食! 個人認為好抵食麵包邊烘到微脆, 漢堡好厚而且極juicy!!輕輕禁落去會見到佢d肉汁必出黎, 鵝肝入口即溶好香鴨油脂味, 加埋真係無得彈! 唯一既問題係, 個口唔夠大一啖食哂, 但如果你禁扁少少黎食d肉汁又會流落隻手度, 不過唔緊要啦! 咁正唔係逐層食呀?梗係流到成手都係都要大啖咬啦大家見到有人食到咁, 懷疑係我既話都請勿相認😂😂鵝肝份量都唔係的的色色個d, 真係夠2人share架, 漢堡肉勁厚, 外面包住芝士醬, 邊個見到會唔想食呀?!驚膩既話一路食佢既沙律菜fresh番下就無問題啦。軟殼蟹另加既topping, 因為之前係cwb食過軟殼蟹沙律, 記得軟殼蟹又係好出色!今次再食果然無失望, 原隻無切咁比你, 炸番個原狀出黎, 重點係勁!大!隻! 千其唔好以為大隻係因為佢既炸粉(雖然當初我都有咁諗過), 真係大過塊面!2個人share都覺得有d多有圖有真相,佢既炸粉一d都唔厚, 真係無乜多餘既粉, 入面係厚厚既蟹肉而且仲要有膏, 暫時係我食過最出色既原隻軟殼蟹芝士旋風薯條選擇困難症既我係粗薯同旋風薯條之間猶疑不決, 落單既時候忍唔住問店員邊隻好😂店員推介旋風薯條話香口d, 我當然聽話啦薯條炸得岩岩好, 夠脆之餘又食到少少薯仔口感, 份量都好多, 芝士醬亦唔係得面個浸,係側邊同底都有一pat架!!不過再比多d我都點得哂架其實因為我一點就點咁多, 所以多多都唔夠我點依度有個自助區可以自己斟水飲既, 我就揀左支平時都有飲開既Snapple。今晚又蟹膏又鵝肝都只係$325 for two, 真係我食靚漢堡既不二之選, 都好耐無食cwb個間, 搵日再去試下同依間有咩分別先…Read More

一提起Burger, 腦海即浮現款式配搭多既Burgeroom! 有齊牛、雞、鴨、魚、海鮮, 就連素食都有! 滿足到唔同口味!尖沙咀分店位於美麗華廣場, 地方比起銅鑼灣總店大得多! 揀好想食既就自行到收銀處落單, 再返位等待店員送上, 之前食過burgeroom既鵝肝, 真係一試難忘, 令人回味! 於是今次就揀左雙鵝肝系列!【雙鵝肝牛肉漢堡】HK$245 (額外自選配料: +$12 菠蘿)Burger size很有份量, 材料豐富, 我個口就冇能力一啖咬落去, 唯有分層食! 包既內側表面輕微烘過, 質地軟熟。,有生菜、清甜Juicy蕃茄, 最邪惡莫過於半溶芝士跟厚厚既牛肉溶為一體, 牛肉帶豐富肉汁, 加上有少少沙律醬調味, 味道更加正! 我仲額外加左菠蘿片, 令味道更加清甜多汁, 最最最令我期待莫過於鵝肝, 鵝肝表面煎過, 入口即溶!! 超正!!! 伴碟既沙律菜可以幫忙balance口中既濃郁味, 減少油膩感。 【芝士旋風薯條】HK$52旋風薯條香脆, 唔算太油膩, 芝士軟滑味濃  【菠蘿冰茶】HK$38味道清新, 不過唔太飲得出菠蘿味, 只係飲到少少甜既茶Burger 款式多, 質素高! 真係多黎幾次, 都唔會厭!! …Read More

在尖沙咀上班的我們，為了收工後早點吃飯的原因，我們選擇了試下食呢間漢堡包🍔我們有OpenRice預約後，到當日的時間出席，去到現場已經看見很多人在門口排隊等待。心裏已經很興奮，因為覺得這麼多人排隊，食物都唔會太差，因為旁邊的餐廳只有這一間有人排隊。哈哈去到服務台前，我們跟服務員說約了7:30兩位，他反覆看了兩次，也沒有我們的預約，詢問我們是不是今天才約…那一下的感覺很無奈最後俾佢睇紀錄，都好快安排了我們入座。當我們成功坐下，服務員將餐牌遞給我們，原來這裏的點餐是自助形式，先看餐牌然後到櫃面付款購買。我們好快選擇了兩個廚師推介的漢堡，一份好邪惡嘅芝士薯條🍟，同兩杯啤酒🍻整個感覺很放鬆…Read More

講到漢堡包係香港我最愛係Burgeroom原來尖沙咀美麗華都開左分店仲好有美國風格，坐得好舒服有自助區，可自行取調味料及水記得在澳洲時，我最喜歡就是在賣雞專門店買炸雞條食，係香港真係好少地方有得食，Burgeroom亦做到外皮脆卜卜，但雞肉還保持到嫩滑，再沾BBQ sauce，好好味芝士旋風薯條必推就算放涼了，薯條都是脆的，芝士味咸香，而薯條本身有少少調味，我朋友再加上茄汁，好味到停唔到口大烤菇芝士牛肉漢堡&菠蘿煙肉牛肉漢堡平時對不好麵包的我，也想讚Burgeroom做得好好，所有食材新鮮，仲好juicy，就算是麵包都認真制作，包底烘得微焦香脆，帶有牛油香及少少甜，厚厚的牛肉充滿肉汁，煙肉香脆，烤菇juicy，就連番茄都好甜，2個漢堡包都好好味同朋友食完都好滿足…Read More

突然想食香口野，就去食尖沙咀的burgeroom。店舖寬敞，用美式風格裝修。店舖是採取半自助式，選好野食後到櫃台付費，之後由店員送上食物。食物是即製，要些小時間耐心等候。首先上來的是芝士旋風薯條，面頭鋪上滿滿的芝士醬，薯條是以前哈迪斯的扭扭薯條，好懷念﹗這個配搭加上熱食無可能唔好食。薯條香脆，芝士醬濃厚，十分美味。叫了芝士煙肉牛肉漢堡，漢堡是很大一個，很難一口咬下。煙肉咸香，牛肉厚大，Juicy，配上半熔芝士，是很經典的美式風味。另外叫左個鵝肝芝士牛肉漢堡，一上枱即刻覺得好震撼。芝士處於熱熔狀態，牛肉是可以看到的多汁，鵝肝表面是煎得剛好的顏色。一吃下去，麵包烘香，牛肉多汁，牛肉味濃郁，香濃芝士的襯托，加上生菜和蕃茄清新的中和，味道豐富。不得不提鵝肝真的煎得剛剛好，鵝肝油脂豐腴，表面脆，中間香軟，不得不讚﹗漢堡旁邊有柚子醋沙律，帶點清新的感覺。不得不提，店舖很貼心地，把所有漢堡都預先切好一半，方便進食之餘，也方便與人分享。因為漢堡份量很大，這樣吃完已經很飽了，是很滿足的一餐。…Read More