On On BBQ (Lei King Mansion) (Closed)

朋友成日話筲箕灣有好多好野食, 今日剛好在附近做完野便順道約到附近食飯, 之前同事食過幾次呢間串燒店, 佢地都話呢間水準一直保持得幾好, 所以我地就為我地既晚餐選擇了這間餐廳😊；我們到達餐廳時剛好7點, 都已經見店內既枱坐滿了2/3, 我地一坐底就order左每人一支手工啤, 食串燒當然要襯啤啦！ 佢地提供好多手工啤選擇,東南亞區既brand就不在話下, 佢有紐西蘭brand, 小妹少見其他地方有提供來自呢個國家既手工啤, 當然不可不試🍺🍺, 佢帶有少許薑味、麥味唔係好濃, 係適合女仔飲😉...…Read More

安安燒其實已經吃了數次，水準仍然保持高水準，是筲箕灣其中一個必食的串燒店。這次與一位朋友來到這店聚舊聊天。我真的很喜歡這店的餐牌，因為真的很有心思，圖文並茂加顏色鮮豔的餐牌非常奪目，而且食物的圖片真的能更吸引客人挑選食物。芝士撈丁是這店必點的招牌食物，因為用了三種芝士，所以芝士極濃厚，芝士配公仔麵是絕配，麵煮得剛剛好，很彈牙，唯這次的撈丁有少許鹹。這個麻辣田雞是我朋友推薦的，以前吃過數次也沒有叫過吃，因為看到田雞便覺得不太吸引。但嚐過後，發現雖然賣相不吸引，但味道卻挺驚喜，麻辣滲透整個田雞，但麻辣的味道也是我能接受的範圍內，所以辣得「過癮」。烤魷魚是吃串燒必食之物，還沒有吃，魷魚的香已經不斷飄，我嘗試過沒點醬汁及點醬汁，發現點醬汁能中和烤魷魚的少許苦味，但少了一層口感。因此我會點一邊的魷魚，使能保持口感之餘能減低苦味。車厘茄煙腩卷和雙重芝心丸是我很喜歡的燒物，烤得香脆的煙腩卷包著微熱的JUICY車厘茄，口感豐富且十分匹配；而身為芝士迷的我當然不會錯過任何一個關於芝士的燒物，看見雙重芝士丸這四字想也沒想便點了。雙重芝士丸的確比起在街上買的普通芝士丸多少許芝士，而且丸煎的金黃香口，實在滋味。吃串燒其實應係配啤酒或燒酒，但我較養生，喝一杯柑桔蜜滋潤一下喉嚨，畢竟吃了這麼多烤物。…Read More

想吃串燒，找到了這家安安燒，正好在office附近，便決定幫襯。來到現場，發現環境不錯。店外對出的是小馬路，不會嘈吵，路過的車和人也不算多，可說是一個邊吃邊聊天的好地方。 此店有分室內和室外，室內的話，食物都是燒好的，最適合想輕鬆地，懶懶地吃的人﹔至於室外的，有些桌上有爐有網，大家能自己燒烤食物，這就能照顧同樣享受燒烤和進食過程的人。而這天我比較懶，一行人較想聊天，於是選擇了店內的坐位。剛到達時，還未到七點，店內只有一枱食客，於是完全不用等位，nice。留意到了約七時半至八時左右，店內已坐滿約8成，所以如果不想等位，可以選擇早點到。 食物方面，最好吃的要算是海鮮的部份。扇貝和芝士燒蠔，吃起來都有原本的鮮味，扇貝有很香的蒜味，加上一點點辣椒，很是惹味﹔至於燒蠔，上面的芝士頗好吃。另一款很值得推介的是朱古力糖脆玉子燒。想不到朱古力和玉子的配搭出奇地好，而且有新鮮感，雖然那層糖脆不是我愛吃的食物之一，但上桌仍然熱的時候吃，那種甜甜的味道令人滿足。  點了兩款蔬菜，都不錯，特別是四季豆。燒的時候撒上了調味粉，令菜不會乏味，吃下去很香，而份量也算fair。至於撈丁，本來主要是用作填飽肚子，不過味道也不錯，可惜就是有點貴。總括而言，這裡成功滿足了這夜想吃串燒的我們一行人。以後想吃串燒，又多一個選擇了。…Read More

之前都有一間食開既串燒店 今次試下新野即日係OpenRice 訂位,，準時去到即刻有位坐。第一輪叫左幾款試下先芝士焗生蠔，蠔上面既似係用parmesan cheese，同平時出面D Hea Cheese唔同，蠔好鮮甜，唔錯花枝丸睇圖本身以為有5粒咁抵，原來係半粒x5, 即係3粒都無，不過燒得唔錯既，底面都有燒過，幾香口，調味都幾好，又係唔錯之後到雞翼，望落hea左少少，味道係正常既，不過以前食開第2間係會燒到脆卜卜果種，所以呢度被比下去不嬲都中意食麻辣，見食評話呢個麻辣金針菇好入味又好得咁就諗住試下，但係真係幾失望，完全唔係川菜果隻麻辣味。食串燒一定要食牛舌，基本上都穩陣唔會差得去邊，呢度既牛舌係用熟牛舌去燒，即係唔係爽口果隻，咬落去係淋既，都係失望，因為無乜食過燒牛舌係唔好食，不過佢調味係OK既韮菜，正正常常無乜特別，份量都幾多美國牛小排，頭一二舊(即係圖中見到紅紅地果2舊)都幾好，之後果ｄ有少少老得制，可以生番d就好之後追加三重芝士撈丁，好食，雖然比預期中無咁多芝士，不過其實芝士份量岩岩好，再多就好快滯，依家岩岩好兩個人食得哂成個試過其他就會有比較，茄子同燒菠蘿我都覺得只係還好，因為食過更好食的茄子有少少生，我覺得一般，燒菠蘿個焦糖太薄，薄到唔多覺有咁，另外如果個菠蘿同皮之間用刀身切開食起上黎會更容易，依家食既時候會痴住咁，好呢hea，又會哂左d肉，唔夠貼心總結呢間串燒店係ok既，大家可以一試…Read More