HEYTEA (Times Square)

傳說中嘅喜茶, 喺銅鑼灣時代廣場都開咗一段時間, 每次經過都係好多人, 打蛇餅, 落咗order都至少等一個鐘🤦🏻‍♀️ 今日行過嘅時候係晏晝五點幾, 其實人都多, 但因為太想飲喇, 要等半個鐘, 決定一試😁第一次望Menu, 有啲茫然唔知叫咩好🤔 偷聽到收銀員建議前面order嘅女士試吓冇咁濃嘅四季春.. 跟!!! 叫咗個走冰, 少少甜嘅芝士四季春, 大概等左20分鐘就有得飲喇, 比我想像中快 個芝士係好味嘅, 比起我之前飲嘅其他同類型飲品, 喜茶係做得比較出色, 雖然飲完之後感覺非常有罪惡感😈 唯有時候做運動補返數啦😅…Read More

喜茶分店多左，又有網上落單，今晚walk in去買都已經唔使等太耐了。本身佢出左一杯，叫左我號碼又話未拎得，不來佢入面搞錯左茶葉，已經幫我試過味，唔太掂 😂 所以幫我沖多杯，幾有要求😂四季春茶真係好香好清，襯埋芝士好夾，大家飲開都唔多介紹喇，多多支持有質素既茶 😌…Read More

之前返深圳個陣飲過一次喜茶，覺得好好飲，到香港有分店但一直都未去，因為多人唔想等😂咁啱有同事去開，買埋外賣俾我地，太好啦😜😜😜聽講芝士四季春係其中一款大熱，見人地飲過評價又咁高，就揀左佢🤓芝士既鹹香味確實係正！口感綿密但唔膩👍🏻👍🏻面頭仲灑左少少綠茶粉~~~茶底唔錯，帶點微微既花香同甘香味，唔算太濃🥰每一啖都飲到芝士奶蓋同茶香！估唔到兩者又幾夾喎，唔會俾是但一邊搶左個味😆飲過唔同品牌既芝士奶蓋系列，暫時覺得喜茶都係第一位😌…Read More