Coco Tree Thai Restaurant

勁耐冇出過西環嗰邊！520咁特別嘅日子，梗係約我最愛嘅媽咪出下去啦🥰同媽咪一路行佢一路回憶西環舊時嘅風光，一路滔滔不絕😝😝行到去高街附近，我哋就搵吓有啲咩食，見到呢間泰國餐廳🍴 於是即刻去攞位👭👭因為真係勁耐冇食過泰國菜，等左15分鐘左右，終於有得坐低☺️我哋叫左佢兩個set lunch ，再加小食同甜品🍮佢哋係家庭式經營，成間店舖都好乾淨，令人坐得好舒服！而且媽咪仲話未試過間餐廳廁所都可以keep到好乾淨👍👍有機會真係要再去食，因為仲好想食佢嘅炒金邊粉同埋喇沙粉麵🥰🥰呢間係超級推介大家去試，如果你都鍾意食泰國菜嘅話🙌🙌無骨海南雞飯$62佢嘅海南雞食落幾嫩滑，而且份量都幾多😋😋配上薑蓉飯好好食！同埋佢跟餐嘅湯仲有兩大嚿冬瓜，飲落好滿足👍青咖喱配飯$62佢呢個青咖喱做得好出色👍食落唔會好辣，好香椰香味🤩而且配料勁多，包括南瓜、豆角及茄子🍆好濃郁，層次超多！炸蝦餅（跟餐+$28）好抵$28有4舊，仲要係幾大嚿下！而且食落好彈牙，加埋泰式辣醬簡直冇得頂，不過好有邪惡感😅鳳爪沙律$60呢個都係我最鍾意去泰國餐廳點嘅其中一味👍食落同出面有少少唔同，佢哋偏向辣一d，但冇出面咁甜☺️食到停唔到口😍超級開胃🤣芒果糯米飯$58呢個真係令我超級驚喜❤️❤️因為完全估唔到係有兩款嘅糯米飯，一個黑糯米+普通糯米😳好加分👍同埋佢哋個擺盤好靚又好食😋椰子冰（跟餐加$8）椰子清甜又唔會太膩，咁熱嘅天氣飲，正👍鹹檸檬七喜（跟餐加$8）汽水加上鹹檸檬🍋勁新鮮嘅配搭👍醒神又開胃…Read More

/ 椰子樹泰國料理西營盤少有由泰國人主理嘅正宗泰菜🇹🇭回復晚市堂食之後, 收工同男朋友都懶得煮飯, 都會去下西環附近覓食, 行到高街再上一條街, 見到有一間新開嘅泰國餐廳, 望到餐牌價錢都算合理, 而且老板娘係泰國人, 態度十分友善, 一於揀呢間食晚飯🫶🏻1️⃣麵包焗咖喱軟殼蟹 $168一上枱已經俾佢嘅賣相驚艷到, 軟殼蟹啲腳豎起晒喺個包😂 份量超大, 有兩隻完整嘅炸軟殼蟹🦀麵包係新鮮烘過, 外皮超脆, 麵包浸下啲黃咖喱食, 做到外脆內軟嘅口感🤤 黃咖喱渴渴地唔會好水, 偏甜又唔算辣, 好開胃, 加上軟殼蟹分量足夠, 炸得好脆而且唔油膩, 食完尼個其實已經幾飽😂2️⃣肉碎生菜包 (豬/雞) $68呢個肉碎生菜包可以揀小辣或者中辣, 我揀咗正常就唔算好辣, 肉碎夠重香料味幾正宗而且生菜大概有8至10塊, 唔會包到最後唔夠菜👍🏻3️⃣馬拉盞炒通菜 $60通菜嘅份量都好多, 馬拉盞雖然相對其他菜式偏重口味但係炒得唔會過鹹, 一上枱就香氣四溢, 熱氣騰騰,通菜都幾嫩🤤4️⃣芒果糯米飯 $58食泰國菜點可以唔喺最後嗌一個芒果糯米飯🥭份量都係好大, 芒果超甜肉質實淨, 糯米飯用咗白糯米拼黑糯米, 滿滿嘅椰漿鋪喺熱辣辣嘅黑白糯米飯上面, 再灑上炸綠豆仁, 好似去咗泰國旅行咁🥹5️⃣椰青 $38老闆娘話專登揀咗個好新鮮好甜嘅椰青俾我哋🤣 佢話近期唔係椰青嘅季節, 但我哋呢個椰青好冰凍又清甜👍🏻 而且個椰青好大個入邊有好多椰青汁, 最後仲可以食埋椰子肉🤤6️⃣椰汁冰 $30雖然椰汁冰看似平平無奇, 但係我覺得好好飲, 唔會過分甜👍🏻整體來講我絕對會返兜, 正宗泰國味道又大大份, 我見佢lunch set都幾抵, 下次晏晝可以過嚟食👍🏻老闆娘話餐廳12月先開張, 不過遇着疫情之前冇得開晚市, 住附近嘅人多啲嚟幫襯佢啦😍📍 椰子樹泰國料理 (西環)西環英華臺1-6號華輝閣地下2-3號舖…Read More