Tiew Ruea Tor Charm (Tai Po Mega Mall)

是日下晝放假，等我即刻去返轉泰國先😎。（發下夢好啦）餐廳門口泊左部篤篤係度，可以隨便坐上去影相，真係令人好懷念泰國曼谷塞晒車嘅街道呀😂～～～～船皇湯麵（+小食/飲品）$52船皇湯麵係最貴嘅食品，皆因有齊豬🐷牛🐮雞🐔所有配料，包括牛腩、牛肉片、牛肉丸、雞絲、雞翼、豬肉片、豬肉丸、豬潤，仲有每碗都配備嘅炸豬皮！不過最鍾意都係佢濃得黎偏酸嘅湯底，飲落唔會油膩唔會滯，成日未食完d麵就飲曬個湯😛。下午茶就係抵食！送小食/飲品之餘加多八蚊就可以有齊兩樣！叫左泰式炸蝦🍤卷同凍柚子檸檬梳打，炸蝦熱辣辣不過油左少少，飲品無乜特別但最正係個杯（碗？），睇見都開心😀。…Read More

實在太掛住係泰國食十幾碗船麵既美好時光😭😭每碗仔幾蚊仔港紙，食完疊起成堆碗...好想去旅行呀😔 唉無辦法，船皇都可以幫手解下渴，味道都真係幾貼近泰國傳統船麵👍👏船皇湯麵 $58有選擇困難症既我梗係嗌船皇湯麵😻咩都有齊曬: 牛腩、牛肉片、牛肉丸、雞絲、雞翼、豬肉、豬肉丸、豬膶🤓 餸黎講每樣都幾好食，豬肉、牛腩、牛丸好食👍 食船麵最緊要係湯底，依個湯底既味道真係好類近係泰國食過既，好香濃好有鮮味😍 金邊粉索曬香濃既湯，美中不足係湯有點少，我又食得慢，食到尾金邊粉索曬啲湯🤣 但整體黎講依碗船麵很不錯🤓PS 跟餐加$8既泰仔奶茶都好滑好香濃，不過就偏甜🙊個杯仲好靚喎🤩…Read More

好耐冇去泰國啦，最令人懷念就係我最愛食的船麵，係香港都開了不少船麵的餐廳。今個週末來到大埔超級城行街，行街前都要食個brunch的，於是來到這間船麵餐廳。餐廳門口位置有一架"篤篤"車的擺設，俾有泰國風味!餐廳快餐店形式的，先在收銀處落單，然後會給予你取餐機，取餐機響起便可到取餐處取餐。豬肉豬肉丸金邊粉湯麵，麵底有幾款可以揀，以最貼近泰國風味一定會揀選金邊粉，金邊粉軟硬適中，湯底味道濃郁，帶有微辣!豬肉是腩肉的位置，肉會較肥美!肉丸較香港的肉丸，很有泰國風味!上面還有豬皮，豬皮吸收了湯的味道，十分入味!再加上附有的魚露、辣粉等，令味道更惹米。船皇湯麵，這款招牌湯麵，有齊所有配料，包括雞翼、牛腩、豬肉、肥牛、蘿蔔、肉丸等，非常足料!雞翼和牛腩都整得好冧好入味，湯底味道濃郁，有泰國船麵的香料，什有去了泰國的感覺!泰妹雞翼，這裡的雞翼是單邊雞翼，上次去泰國的時候發現他們大多數都是吃單骨雞翼，這樣會較方便。雞翼有稍稍炸過，帶點脆口，微辣，雞肉都幾滑，再點上酸辣醬，味道更惹味!串燒，這裡還有串燒可以揀，我們點了沙嗲雞肉、沙嗲牛肉、沙嗲豬肉、魷魚鬚、泰式牛肉丸子、串燒菠蘿，估唔到這的沙嗲串味道幾香口，雖然沒有醬汁附上，但是串燒表面已經有沙嗲醬，香口惹味!魷魚鬚有點炭燒的味道，上面塗上甜甜的燒烤醬，幾惹味!牛肉丸燒得有點脆口，而菠蘿甜甜酸酸，十分開胃!泰式奶茶、青檸梳打，飲品用上冰杯盛裝，能夠令飲品更凍，奶茶是泰國奶茶的味道，不會太甜!而青檸梳打夠酸，開胃又解渴!能夠在香港吃到這麼美味的船麵，實在太好了!…Read More

💭大埔超級城C區食肆雲集，最近進駐了一間主打泰國船麵的「船皇」，於是今日特別約埋朋友一齊來試一試。◾️船皇餐牌主要有湯麵和撈麵，仲有飯類、串燒及小食，都有好多選擇。麵底可以揀蛋麵、米粉、河粉或金邊粉，而味道又可揀大辣、小辣及唔辣，總之就按個人喜好，自己話晒事。◾️採自助形式，先到收銀處點餐付款，然後找個位子坐下，食物弄好後再出去取，而弄餐都算快，但因我哋叫了多款串燒小食，所以要出多幾次攞食物，整體上都算方便。🥢船皇湯麵  $58船皇湯麵揀了金邊粉，湯底唔辣、鮮甜濃郁，不會過鹹，味道剛好。金邊粉軟滑幼細、索湯汁，十分入味。餸料有牛腩、牛肉片、牛肉丸、雞絲、鹵水雞翼、豬肉片和豬肉丸，牛腩腍身、肉丸彈牙，炸豬皮脆卜卜、唔油膩，總共八款，可謂包羅萬有，非常豐富，簡直是大滿足。🥢香葉肉碎飯    $58朋友揀了限定供應的「香葉肉碎飯」，肉碎經乾葱、魚露爆過，又香又惹味，肥瘦適中，加埋太陽蛋的蛋汁，撈飯食，正！🥢泰妹雞翼  $225件單骨雞翼，炸得非常香脆，味道帶點辣，很惹味，值得推介。🥢串燒魷魚鬚     $15沙嗲醬魷魚鬚惹味彈牙，一串有兩大條，幾抵食。🥢串燒魚餅   $15點了兩客魚餅，有泰式辣醬和泰式燒烤醬，兩款味道各有特色，朋友就話比較喜歡燒烤醬味喎。🥢串燒牛舌    $15牛舌頗有口感，不會太薄，爽口有嚼勁、唔韌，味道不錯。🥢串燒菠蘿    $12味道鮮甜多汁，菠蘿酵素能幫助消化，吃後感覺很舒服。🍹凍柚子檸檬梳打   （跟餐 $15）單叫$22，跟餐只需加$15，以泰式銀碗盛載飲品，頗有泰國風情，味道酸酸甜甜、很開胃，而且有頗多柚子肉，清香好味。🍹泰式龍眼冰   （跟餐 $15）冰凍清甜，啖啖龍眼肉，飯後吃，感覺很清爽。💭整體來講，船麵配搭頗多樣化，食物質素及性價比高，個人認為絕對是可以再安哥的心水食店之一。…Read More

星期日行下大埔一田，到3點零鐘果陣心血來潮想食個tea, 突然醒起大埔超級城開左間船皇，即刻行過去食。去到約3:30pm, 眼見只坐左3~4成客人，大把位隨便坐，我同老公純粹想食少少野，所以只order左一碗麵試下。一係唔叫，一叫就緊係叫佢個$58船皇湯麵 (牛腩+牛肉片+牛肉丸+雞絲+雞翼+豬肉+豬肉丸+豬潤)，因為可以樣樣餸都試下。先講d餸先, 值得一提既係碗麵係有一塊牛肉片，比錢果陣店員會問我地要唔要+$1轉和牛，咁見$1咁平就加黎試下啦！食落去都算有牛味, 加$1一值得既。其次係炸豬皮, 一開頭我好驚佢會淋, 好彩食落口仲脆卜卜, 合格! 而其他餸就一般般不過不失啦!至於個湯底反而有驚喜, 佢有少少杰, 幾濃, 唔錯!金邊粉軟硬適中, 索哂d 湯好好味!總括黎講價錢同質素成正比, 值得一試!…Read More

船皇在銅鑼灣開的時候我已光顧一次，好味，值得再encore，今次在大埔超級城有新分店，更加近我，一定要去試下~~~這間船皇是自己找座位、點餐付款、然後再自行取食物。有船麵、撈麵、小食、串燒等，款式夠多。現在更有升級優惠，加$1 就有和牛！豐富晚餐來了凍柚子檸檬梳打 （點麵餐加 $15）銀色碗賣相特別，味道甜甜地帶柚子香，食辣野解渴一流。船皇湯麵 $59包括 $1 和牛、牛丸、雞翼、雞絲、豬肉、豬肉丸、豬潤，有脆卜卜豬皮湯底極濃郁可口，比起在泰國食還要濃，點金邊粉，質地剛好，配料好豐富，和牛美味，雞翼入味，好正。雞絲雞翼撈麵 $48撈麵配特別辣醬，又香又惹味，味道相當不錯，令人吃個不停。還有通菜也是惹味。泰式炸蝦卷 $22/3件價錢相宜，是薯圈絲包著彈牙蝦肉，賣相吸引，味道有水準。另外點的魷魚鬚串燒 $15，泰式辣味夠辣好惹味，質地彈牙可口，這餐非常滿足，要多點再來。…Read More