Hero Shu (Closed)

天氣開始轉涼，又是打邊爐的好時候！這次跟男友來挑戰一下麻辣火鍋，就選了蜀大俠來試試！我們有自知之明 哈哈，就只點了微辣的紅白鴛鴦鍋。 眼見已經非常鮮艷的紅，還有辣椒、八角等配料不斷浮下浮下。不太能吃辣的我們一開始就感到超級麻辣好刺激，慢慢再吃就已經超享受那種麻麻的感覺！而白湯就有蕃茄、杞子、翠玉瓜、金菇等配料，清清甜甜的！牛肉是火鍋必須點的朋友，我們選了手切美國雪花肥牛，雪花紋理真的好美啊！ 跟著餐牌的指示滾一分鐘，肉質相當軟稔，有滿滿牛肉和油脂的味道呀！ 而且份量都比相像中要多呢，好滿足！而舌尖上的蜀大俠其實就是牛舌，攻瑰的擺法實在太吸睛了！ 本來對指示說的15秒鐘有點猶豫，但原來這樣的話，口感真的非常非常爽口！ 放在麻辣裡吃更惹味呢！而墨魚滑也很抵讚，我們把它放在清湯那邊煮，就能完全吃到它的鮮味，而且口感亦很彈牙！炸響鈴是打邊爐的邪惡之選。 響鈴都很香脆又新鮮，吸收了湯汁就更好吃呢！為了健康一點，我們也點了個唐生菜。蔬菜洗的好乾淨是非常值得加分的地方！…Read More

(小弟初次寫評，多多指教🙏🏻)我同朋友好鐘意食辣同火鍋，加上生日，所以係工作地點附近揾間火鍋店慶祝下。原本係bk左枱既，上到去唔算多人(可能19點太早😂)，可以有卡位坐。等到朋友黎齊就叫野了~餐牌係有誠意既，請(睇)呀！款式唔算多，但特色招牌菜會有圖show係餐牌後面，係貼心既叫左個紅白鴛鴦鍋(中辣),唔算太辣，但有d鹹點落辣個邊好入味，好爽口純粹上菜方式好特別😂第一次食滑係辣既，唔錯👍🏻見係生日叫豪d😏正正常常招牌打卡菜，跟足秒數，肉爽彈牙😋食個時要小心，因為有牙簽係中間肉質有d鞋口呢個寬粉有驚喜，連埋辣湯一齊食，岩晒!整體黎講，食物質素屬於中上，價錢係略貴，但起碼有招呼(e.g見杯茶無左會主動加，幫手落魚滑等等)…Read More

去之前睇左好多網上訪問同食評，講到好好味咁，特別中意食麻辣火鍋既我就約埋幾個都想試既朋友一齊去。環境細，不過都算坐得舒服既。醬料有教點整，不過麻油唔洗落咁多，落多左真係食得麻油味，蓋過其他以及食物的鮮味。一到就點左招牌紅白鍋。叫左小辣，鍋底都唔錯，不過滾得越耐就越苦，都係正常既。白鍋底既味道唔特出，不過食得太多辣，白鍋底真係可以幫降火。叫左幾樣推薦既食物：花千骨，土豆片，舌尖上的蜀大俠咁。花千骨好惹味，原本已經係辣既，放落麻辣鍋後，辣上加辣，不過肉質就真係普通，調味係唔錯。土豆片唔錯。值得推介既係牛舌，肉質好有口感！可能係新開張期間，夜晚都仲係要排隊等位，但係樓面得兩三個伙計做野，有時叫得佢嚟，自己整仲快。 另外就係唔知係唔係openrice多左好多打手既關係，睇左食評咁正，又有圍裙，食完之後又有咩檸檬除臭噴劑，可能我冇問啦，但係我唔有人著圍裙，走個陣都冇得除臭，食完之後真係成身麻辣火鍋味。整體而言，真係試過一次就夠，麻辣火鍋依家香港開左咁多間，要選擇都唔會選擇呢間。…Read More

自從北上到內地吃過海底撈火鍋後，我一直對內地正宗的麻辣湯鍋以及多元化又特別的火鍋配料念念不忘。這次聽聞這間「蜀大俠」以正宗四川麻辣火鍋作主打，我當然要到來試試。吃火鍋，湯底當然是重中之重，尤其四川火鍋更甚。在門外候位時，已經嗅到麻辣湯的香辛麻味，所以這回對這湯底已充滿極大的興趣。我們點了最小辣的，湯底麻味香濃而且其特式配料調製，使它更香口惹味。普通的食物放入其中，很快做汲取了精華及香氣，只是我是比較喜歡吃麻，而湯的辣味卻有點把麻味給蓋過了。至於白湯則是清甜無比，為單調的食材增添鮮味。花千骨，簡單而言是一個先用辣油醃制過的豬肋骨。點餐紙上有著指引食物要多久才熟，這點相當細心。我們便依著［大俠寶典］的指引，把花千骨放到湯中，讓它慢慢沉澱，入味。起初我以為會很辣，因為本來就用辣油醃制而且它表面更是滿佈辣椒，可是卻不然。水煮令肉質軟嫩，肉內滲滿了湯底的獨特香氣，而辣味卻較想像中輕，非常值得一試。翻開豬肋骨，藏有大量芽菜在碟內呢！每條芽菜都是胖胖的，十分誘人。一道菜、一個價錢就有兩種絕住享受，對於我這個「芽菜狂魔」絕對非食不可。大極功夫打蝦膠呢驚天動地！這份太極雙滑同是蝦滑，只是一邊為鮮蝦,另一邊則為醃製蝦。先說一下鮮蝦，即使打成蝦膠，當中的口感依然爽滑加彈牙，而且蝦味濃郁，甚至會令我覺得比原隻蝦好吃。另一邊的有著同樣真實的口，味道像是餛吞，同時鮮味濃郁，非常好吃。我們還求得大俠上上籤呢！這是先醃制過的牛肉串，可這次不是燒，而是涮。水煮的方法果真能使肉嫩滑無比，可這次的辣味醃得有點濃，所以我們便把它過一過白湯再吃，一來洗洗辣味；二來也不想白湯湯底也弄得辣辣的。肉串在經過白湯的洗禮，更吸收了精華，變得鮮味十足。接下來的功夫土豆片也說得上精彩絕論，絕對能顯出廚師的好功夫。每片薄得透光的土豆片卻也不取巧，滿滿的一盤排放得非常吸引。依書直說，果真只需數秒就能吃，而且還非常入味。放到白湯中數秒就能把白湯的鮮味都吸收過來，味道帶鮮味而且口感相當好，非常值得推介。肥羊肉是四川火鍋不可或缺的肉類之一，這份上好的羊肉是沒有太大的膻味，而且肉質細嫩，很合適用作火鍋。但必須要趁上桌時趕快吃，不然很快就會溶掉變得有點失色。舌尖上的蜀大俠，名字取巧，倒也不難看出端偽，就是牛舌沒錯。蜀大俠還用心的把它堆疊成玫瑰花形狀，令賣相更為精美。每塊厚厚的牛舌非常有咬勁，即使放到鍋中，牛舌的味道也不會被濃烈的湯味給搶過，還有著湯頭的香氣。耗兒魚，聽說是重慶火鍋的王牌魚類，也是很罕見能用作火鍋的魚類。這款魚的肉質緊緻鮮嫩，無腥味，不易煮散也是其優點之一。而且營養豐富，用麻辣鍋煮過後味道有點像我吃過的重慶水煮耗兒魚，很是好吃。大俠極品黃喉，很多人都會以為黃喉是牛的氣管，其實不然。黃喉是豬或牛的大血管，主要成份還是蛋白質，口感厚實爽脆彈牙，自身的味道不濃郁，這就看湯的功架了!依［大俠寶典］直說,只需滾個數分鐘就能吃,可是真要小心,如果不小心煮得太老的話,可真會變橡皮難以下嚥,失去了原有的爽脆彈牙。而「蜀大俠」的黃喉則是鮮味十足，能充份品嚐到黃喉的爽彈口感，同時吸取了火鍋湯頭的精華，味道更加清甜。最後點的巴蜀麻辣牛肉，這也是打算到來嚐嚐的菜式之一。巴蜀也就是四川式的意思，也就是川辣。來來回回吃了好幾個先用辣椒醃過的肉，可是這個巴蜀麻辣牛肉最有特色，不會太軟嫩的肉增加了咀嚼時的樂趣湯料和醃料也幾乎滲至每一個細胞中。香、辛、麻的味道加上各式各樣的香料，造就了巴蜀牛肉這道菜。「蜀大俠」對於菜名、食材以至湯底均用心調製，經過這次「蜀大俠」的火鍋體驗，感受到他們美味的湯底和優質的食材，讓我多了一個火鍋新選擇呢！…Read More

北上食完海底撈，就好掛住麻辣火鍋，香港仲未有得食。見到介紹，就想黎試下食呢間。本身上星期一食，前一日打去book枱，結果full booking，店員話booking有分時段，5-7或者7-9，無6:30咁book嘅喎，無得walk-in。結果又等左成個星期，終於有得食。今日上到去又唔係咁多人，都無分時段入座，又有walk-in喎。甚為不解～所以忠告：想食嘅話，都係早幾日book枱。進入主題，叫左個紅白鴛鴦湯底（$128），一半麻辣，一半清湯。同行唔係好食得辣，所以叫左微辣。都幾辣，譚仔嘅十小辣，食下食下就變譚仔小辣。不過麻香多，辣味輕。清湯果邊本身已經有啲料，少量番茄、金菇、青瓜、冬菇等等。清湯個味唔係好特別，係用黎涮吓菜，食到後期，用黎中和下個麻辣味。食完之後，可以見到一大片紅海（油），睇得出有幾辣。花千骨（$98），姐係豬軟骨，menu上面寫要煮十分鐘，好辣，放左落麻辣鍋，連個湯底都變得更辣。好難咬開，又有陣羶味。煮左十分鐘有多，肉入面仲有啲紅紅地。功夫土豆片（$48），煮八秒鐘，爽口，唔會好粉，係無咩味，不過擺碟好靚。舌尖上的蜀大俠（$68），即係牛舌，好好味，擺碟好靚，成朵花咁。落麻辣鍋煮十五秒，煙煙韌韌，麻辣香味好好食。特色寛粉（$38），有十幾條，條條又長又寬，好抵食。雖然睇落平平無奇，但食落煙煙韌韌，滑嘟嘟，落麻辣鍋三分鐘，吸晒啲味，正！encore-able！絕對推薦，值得一試。極品肥牛卷（大）（$138），八秒起錨，正正常常，不過不失。紅糖茲耙（$58），好似糯米糕咁，外面沾滿紅糖，甜甜地，但唔會太甜。趁熱食最好食，凍左就變硬唔好食。可以等食完火鍋先追加，咁就perfect。茶醬（$25/位），有蒜蓉、蔥花、芫荽、豉油、蠔油、醋、香油（同麻油差唔多），任君選擇。餐紙上面仲寫左可以點配搭。整體黎講，食物質素中上，麻辣湯底係唔錯，香而不辛，唔會一味得個辣字，啱香港人口味。不過同一般火鍋一樣，會愈食愈辣，要注意。價錢（比起海底撈）相對貴，有加一。環境尚可，用電磁爐，但油煙好大，抽氣系統有待改善。不過都幾闊落，坐得舒服。服務態度都幾好，有問必答，時不時主動過黎加湯，上菜速度正常。…Read More

喜歡食辣既我經朋友推介, 係銅鑼灣sogo附近既樓上舖開左間主打四川勁辣湯底火鍋, 今晚朋友相約我一齊前去一試!店內面積唔大, 空間感嘗可, 裝修佈置別具中國特色。剛開舖時我地就入座, 很快不用一小時, 全場已經爆滿, 原來呢間餐廳亦上左旅遊雜誌推介廣告, 不怪得有唔少內地人都前去幫襯。呢度既湯底只有兩款, 分別係全辣同鴛鴦鍋, 我地就揀左【紅白鴛鴦鍋】HK$128, 自選了微辣度。湯底送上檯時, 見到辣湯底那邊既紅椒、花椒非常足料, 單看色水、氣味, 已經知道辣度是非一般! 當湯底開始滾起時, 陣陣胡椒味散發著, 令我地不停打乞痴...雖然我地order左微辣, 但辣度足以令舌頭麻了...但見到其他內地食客食到津津有味, 可見其味道果然是四川正宗味道!前菜同醬油方面, 混醬配料選擇唔多, 每位HK$25都幾貴...order係自行click紙落單, 野食都黎得幾快~【舌尖上的蜀大俠】HK$68名稱很特別, 係其一招牌菜, 原來呢款係薄切牛舌, 色澤紋理跟鮮花一樣鮮艷新鮮, 店方更將牛舌拼成花狀, 賣相吸引。牛舌熟後亦唔會太硬, 反而略帶爽口。【冰川鵝腸】HK$68另一款招牌菜必定係呢款鵝腸, 在有乾冰效果下, 以冰球盛裝鵝腸上檯, 賣相很與別不同, 鵝腸沒有肥膏連帶, 焯煮後非常爽口。【特級手切安格斯牛肉】HK$148 (小)安格斯牛肉色澤鮮紅新鮮, 帶一點點厚度, 牛味幾出, 不過呢個價錢黎講, 份量就真係少左d【鮮皖魚片】HK$68薄切皖魚片, 雖然沒有腥味, 但入口沒有爽口感, 鮮甜味唔太明顯【紅糖糍粑】HK$58如果想解辣, 不防點呢款試試!表面有薄薄一層類似蜜糖既包住, 但無損入斫被炸過既炸皮脆口, 炸皮內是煙煙韌韌既糯米糍, 算係一碟解辣唔錯既選擇。【鴨血】HK$38清潔做得唔錯, 沒有任何怪味【墨魚滑】HK$68質感唔太結實, 未能掌握適當水份, 所以熟後未見有彈牙【粟米】HK$28清甜【響鈴】HK$36比較失望, 質素好似平時係街市買返黎既一樣, 不是即炸, 完全沒有脆口感, 更沒有豆香味~【功夫土豆片】HK$48薯仔被片成很薄既一片片, 堆砌成一小山丘, 稍為放入湯底焯一下, 更可食出略帶爽口感同埋半吸到湯底味道。埋單後, 店員更送出一支除味噴霧比我地, 非常貼心的一間火鍋餐廳。如果自問一向食得辣, 又想出一身汗, 不防去挑戰呢間麻辣湯底~…Read More

麻辣不只是一種味覺刺激，還是一種心癮。從前要北上去找地道的麻辣火鍋，然後香港慢慢引入之後幾乎每次聚會都是吃火鍋，但經過一陣韓風日風蒸氣風之後，大家慢慢把這個麻辣癮都忘了，介了。直到一次經過澳門逸園中心聞到一陣熟悉的麻辣火鍋味, 即喚醒了心癮，一查之下發現原來是一家來自四川的蜀大俠，即刻與兩位好友約定今晚決戰大俠由於大厦中亦有不少食肆，所以兩部𨋢的使用率極高。反正火鍋店位於二樓，我們就沿著香味一步一步走上去。店內幾乎坐滿食客，剛好還有一張四人枱留給我們，想不到店內空間並不大 (感覺上食火鍋的應如酒樓般大)，所以有興趣的朋友一定要訂枱，以免白走一趟。鍋底非常簡單，就有紅白兩種，紅色顧名思義代表麻辣，而白色亦是蕃茄菌類雖然很愛食辣，但始終蔬菜還是放落白湯中會比較健康所以我們都選了紅白鴛鴦鍋先為火鍋做好準備  - 混醬將蒜蔥跟香油混埋, 非常香, 另外還有一包辣椒粉, 這是為能吃勁辣的食客而切我們就邊劃「秘笈」，邊等湯底不久待應雙手捧着及一步一驚心的慢慢放低那個很夠份量和霸氣十足的金屬鍋，尤其是兩邊的龍頭，令此麻辣火鍋更顯得更非等閒之輩打麻辣邊爐最適合配飲王老吉, 其他有氣飲品會愈食愈辣啊有幾款是招牌菜，每枱都必點，當然我們也不例外，不過很可惜冰川鵝腸已經沽清，有點失望。所以建議早食早享受，遲食會唔夠喉花千骨 - 以醃醬都掩過肉件，但其實是生的，須放落鍋內煮熟在秘笈裏已有說明要煮10分鐘，此骨間中會有軟骨，非常非常入味，辣味未有完全掩過肉香，不愧為強力推薦第二樣最具特色呈玫瑰花型態的舌尖上的蜀大俠，即是牛舌。以往食火鍋當然不能欠缺牛肉，這跟飲茶必須點蝦餃燒賣一樣，為食而食。但這次以牛舌代替牛肉，只需要輕拖幾秒就可以食，口感非常爽口，感覺新鮮。食過會讓人番尋味，方為想食而食。還一樣是這裡的特有罕見之選，就是無骨鴨掌，可放入鍋內長時間地煮，吸盡湯中精髓之餘亦可以盡量煮腍。這道無骨有筋的鴨掌入味又帶點煙靱，不論口感味道都攞滿分💯秘笈上還把寬粉刪了，表示今天無貨，但眼見侍應捧著一兜兜的寬粉正在分發。我們即找位經理一問，原來這是川粉，但是沒有印在秘笈上！約半吋闊，非常快熟，整條變軟已經可以撈起，煙靱又入味，感覺像似薯粉。今晚這個粉可以完完全全取代烏冬的位置朋友S嚷著要點份極品小肥羊，呈一卷卷的形狀，賣相精美。但若放落紅湯會蓋過羊肉味，所以個人認為放白湯會較出色，羊肉略焯八秒，耿帶羶味，肉質爽實最後川菜必食的萵荀是萬萬不能錯過!!但注意不要煮太耐, 5分鐘已經夠…Read More

麻辣火鍋再一次興起, 在夏天大駕光臨, 絕對沒有問題, 蜀大俠在內地有二百多家分店, 受歡迎程度爆燈, 香港分店位於銅鑼灣, 在大廈大堂處已經聞到一股麻辣香氣, 由於餐店在2/F 就直接行樓梯上去門內裝潢副有中國特色, 中國風吊燈配上紅色雕花屏風, 卡位/四人位及兩間獨立房都有每檯檯面上已經準備好所有醬汁, 墊餐紙亦有提供醬汁搭配方式, 蜀大俠的香油, 每一位都必定會加上, 如芝麻油般為醬汁增加一份滋味, 如果還不夠辣, 可以加入粉狀的干碟先選鍋底, 紅鍋及紅白鴛鴦鍋選擇, 有微辣/中辣/特辣, 第一次跟友人挑戰中辣, 最初還怕會否太辣, 但味道麻不算重但夠香, 湯底越滾越濃辣, 但絕對可以接受餐牌上有多款招牌菜, 怎能錯過, 第一道菜是舌尖上的蜀大俠, 那就是牛舌, 玫瑰花造型, 夠精美, 平常火鍋都是點肥牛, 現在牛舌作為火鍋配料真是第一次, 牛舌口感嫩滑, 沒有多餘脂肪, 輕涮15秒就可以第二道招牌菜就是花千骨, 是餐店全力推薦, 餐店預先把豬肋骨醃製好, 賣相感覺很火辣, 煮法是放至鍋中煮10分鐘, 不過可以讓它慢慢煮至淋身, 十分入味, 充滿麻香很特別的一道火鍋配料太極雙滑, 用新鮮大量蝦肉打製而成, 橙色部分是加上秘製辣汁, 跟鴛鴦湯底可以互相配合, 各有特色, 彈牙爽口鴨血是麻辣火鍋必點之一, 鴨血較為挺身, 放在鍋中慢煮讓它慢慢將麻辣鍋中的精華完全吸入, 美味之選青綠色的萵筍, 每一件有厚度, 建議不要滾太久, 要帶點爽口的口感最好味, 無論放在紅或白湯底中, 都表現出色紅糖糍粑是四川小食, 一客六件, 內裡是煙煙靭靭的糯米糰子, 軟綿口感, 外層炸得夠脆口, 配上適量的糖漿, 飯後甜品岩晒餐店的員工服務不錯, 面帶笑容有禮, 我們離開時都各自各帶著一股四川味回家…Read More