House of Joy

餐廳位於饒宗頤博物館內，離美孚地鐵站一小段距離，感覺有些隱世。餐廳外面環境青幽，內裡裝修很靚。侍應服務很周到，食物美味有驚喜。每一道菜式的擺盤也很精緻，本以為味道只是普通或好，但吃後卻超出預期。好耐冇吃火燒雪山呢類甜品，今日見到有便試。咁熱的天氣下吃著內裡的雪糕，真係好爽呀！沒有設限食飯時間，可以慢慢品嚐菜式。一邊食一邊暢所欲言。而且侍應見我們轉吃main course或甜品時會幫我們換碟，不經不覺便坐了2小時。愉快的一晚！…Read More

𝑼.𝑺 𝒑𝒓𝒊𝒎𝒆 𝒉𝒂𝒏𝒈𝒆𝒓 12𝒐𝒛 $318美國頂級牛腹肉🎉近期食過最高質的牛扒😍每塊都係剛剛好的5成熟，口裡充滿牛肉油脂香味，牛肉細嫩飽滿肉味濃郁軟腍，超推薦食呢份牛腹肉!!😋賣相靚之餘又好食𝑷𝒖𝒇𝒇 𝒂𝒑𝒑𝒍𝒆 𝒓𝒐𝒍𝒍 𝒘 v𝒂𝒏𝒊𝒍𝒍𝒂 𝒊𝒄𝒆 𝒄𝒓𝒆𝒂𝒎 $78焗酥皮蘋果卷配雲呢拿雪糕甜蜜溫暖的蘋果蓉被脆皮包圍，每食一啖都好滿足❤️加埋冰凍雲呢拿雪糕一凍一熱好夾🥰𝑯𝒐𝒎𝒆𝒎𝒂𝒅𝒆 𝒔𝒘𝒆𝒆𝒕 𝒑𝒐𝒕𝒂𝒕𝒐 𝒄𝒉𝒊𝒑𝒔 $58自家製甜薯條甜番薯條係自家製，幾有誠意 唔錯𝑮𝒂𝒓𝒍𝒊𝒄 𝒃𝒓𝒆𝒂𝒅 $58法式蒜蓉包一碟8件，包控覺得好開心～蒜香味夠🥢環境靚服務正，一定要黎食牛扒同甜品🍮…Read More

美孚既堯宗頤文化館有間出名嘅西餐悅滿軒，今晚終於有時間一試。我由美孚站B出口向荔枝角方向行，經過中電後上條小梯极，再過對面馬路就係，全程慢慢行都唔使10分鐘，比想像中近同方便。我自己未嚟過堯宗頤文化館，餐廳喺文化館入面嘅H座，沿途可以欣賞館內嘅建築，係充滿文藝氣色既好地方，未食心情已覺得好輕鬆。一入餐廳就聽到90年代嘅美國流行音樂，服務員亦友善有禮。我點咗美國牛腹肉他他配蒜蓉包，可能知我唔識食，服務員特別同我講解各種調味料同食法，令我可以放心地品嘗，嫩滑嘅牛肉塗上香脆嘅蒜蓉多士非常美味，令人想一試再試。食完之後就上自家製甜薯條，薯條香甜脆口，不用配任何醬汁已經非常美味，最後係法式海鮮燴意大利飯，飯味相當濃郁，配上4款味道鮮美嘅海鮮同少少紅椒嘅嘅辣味，濃而不膩，食完非常滿足總結呢餐係一次愉快嘅體驗，無論餐廳身處位置、店內環境、服務水準同食物質數都屬於高水平，係拍拖/聚會/紀念日嘅好選擇。…Read More

為咗增添阿仔嘅文化氣息，今日就帶咗佢去饒宗頤文化館參觀，展館夜晚六點就關閉，正值晚飯時間，見到有間餐廳，就決定喺度食埋晚飯先離開。餐廳名字叫「悅滿軒」，起初仲以為係食中菜，原來係一間都幾有情調嘅法國餐廳。餐廳用上藍色配白色嘅椅子，內容充滿歐洲色彩嘅地磚，配合返文化館呢個位置同埋法國餐廳嘅特色。餐牌有頭盤、主菜、扒類、配菜和甜品，選擇多樣化。餐具都特別閃令令，另外餐牌嘅設計令人覺得有中西合璧嘅感覺。落單後餐廳職員首先會送上麵包，職員仲特別介紹呢個係自家製嘅番茄麵包，配上混入咗黑水欖嘅牛油，牛油香而軟滑，麵包外脆內軟，為之後嘅主菜揭開序幕。阿仔最愛食薯條，而呢度嘅係甜薯條，其實係用蕃薯製成的薯條，味道唔錯。老公話未食過威靈頓牛柳，見呢度有得揀，就order一份。威靈頓牛柳大概有手掌般大，賣相吸引。威靈頓牛柳嘅橫切面層次分明，由外到內分別係酥皮、巴馬火腿、蘑菇蓉、同大大件嘅牛柳，牛柳中間粉嫩，仍保持肉汁。另外旁邊仲有串茄，上面灑上少許鹽花，蕃茄稍稍焗過之後，食落就更加juicy。除咗有蕃茄仲有焗原個蒜頭，不過我自己就比較抗拒太濃嘅蒜味，所以唔識形容佢嘅味道，但我知識欣賞嘅朋友就一定會讚不絕口。另外仲叫咗意粉，我哋揀咗慢煮八爪魚配海膽汁意粉，呢度嘅意粉係自家製作，所以特別彈牙爽口，我就好鍾意呢個意粉嘅口感，另外海膽汁味道亦吸引，小朋友都食得舔舔脷。週末嘅晚飯時間都座無虛席，原來咁多食客識呢個隱世餐廳，果然識食！…Read More

House of Joy 悅滿軒 (美孚)-係隱世法國餐廳💖 喺文化館入面，充滿文化氣息之餘，估唔到呢度有間隱世高質法國餐廳🍴 環境氣氛一流，又chill又高級，又有情調嘅感覺💕 朋友聚會或者拍拖一流💕-首先，每一台都會有餐包，係意大利蕃茄包配黑水欖牛油。餐包係新鮮熱辣辣即刻烘返，食落去脆身，特別配搭黑水欖牛油好香🧡-🔍 Daily soup $58今日嘅是日湯係南瓜忌廉湯，南瓜味唔係話好重，不過飲落好滑身😋-🔍 蘋果目煙燻美國野雞 $238係超級吸晴嘅煙燻野雞！係大大個煙燻雞，拎埋個煙燻爐出嚟，再係你面前上菜😍 野雞包晒雞髀位、雞胸肉，肉質食落嫩滑，再配搭呢個甜甜地再夾有少少辣嘅汁，簡直prefect match!-🔍 炭燒西班牙伊比利亞羊扒配自製羊肉腸 $248賣相一流嘅羊扒🥰 肉質好香，羊味十足，但又唔會蘇，特別欣賞佢個醬汁，甜甜地，配合羊扒更加能帶出羊嘅香味，好match! 當然佢都有配埋薄荷啫喱，平時最鍾意薄荷醬嘅我，但我都覺得淨係佢個自家製醬汁已經夠晒😍 因為真係好出色😍 羊肉腸亦都好吸引，食落口感絕佳，亦唔會酥🤤-🔍 自家製甜薯條 $45好高質嘅甜薯條！食落好香脆脆身之餘，好突出到佢甜薯嘅味道🧡 食落好甜，食得出係高質嘅甜薯，好吸引🤤-食物質素：8.5/10環境氣氛：9/10回頭指數：8/10-📍悅滿軒 (美孚)美孚青山道800號饒宗頤文化館H座…Read More

今日同女朋友慶祝紀念日，特登搵左間餐廳食佢最愛既法國菜。上網搵到黎間悅滿軒評價都唔錯，所以一早book定諗住比個surprise佢。佢位於饒宗頤文化館入面，係美孚地鐵站行大概10分鐘就到，附近既環境都好清靜，位置方便得黎又可以忙裏偷閑，暫時離開繁忙既都市人生🥰黎法國餐廳點可以唔試下法國鵝肝呢！鵝肝兩面煎得好香脆，將油份逼出黎之餘唔會好乾，鵝肝批有好濃濃既鵝肝味，配埋芒果莎莎一齊食感覺好清新唔油膩，簡直係上上品😆油封鴨平時坊間好小會見到，因為處理工序煩覆。一切落去已經感覺到塊皮煎到好脆，肉味因為經過長時間油封後變到好濃烈，值得一試！主菜一樣又點會夠呢，今次特登試埋平時好少見嘅西班牙伊比利亞羊扒。一上枱俾佢嘅份量嚇親，羊扒要用兩大舊而唔係兩大塊黎形容，好有誠意。食落肉汁比坊間食到嘅羊扒細嫩好多，今次叫咗五成熟一切落去成碟都係肉汁🤪🥰，師傅處理得好好，連埋自家製嘅羊肉腸食，感覺好圓滿。配菜淨係叫咗一樣甜薯條，好欣賞師傅切到條條都好幼細，所以食落口好香脆！而一餐完美嘅法國餐點可以少得甜品嘅加持呢，蘋果煮得好香甜味道好濃郁，而金寶處理得岩岩好，一啖雪糕一啖蘋果，女朋友食到好開心好滿足🥰…Read More

好耐無係街食過晚餐，好彩政府開番晚市堂食，咁我地兩個人諗左好耐，就黎左悅滿軒。咁order完就比左一份蕃茄包我地先，一入口，好脆，完全唔係放到凍哂硬哂先比我地，入口蕃茄味都好濃，就咁個包都咁驚喜，個下我對依家餐廳有個好高嘅期望。之後黎嘅就係香煎鵝肝配鵝肝批無花果芒果莎莎。咁鵝肝佢係煎得好香，食落唔會好油，係岩岩好。個凍鵝肝批又係好正，入口前都以為會同旁邊嘅煎鵝肝撞味，點知出奇地夾，完全無蓋過佢！再加埋個sauce酸酸甜甜，真係好開胃好好食。個法國油封鴨配焦糖蘋果又係好值得讚！個皮好脆，好夠熱，唔會太油，肉唔會太乾，肉汁完全keep到！之後以為蕉糖蘋果咁甜，會同個鴨唔夾，點知個甜味完全將鴨嘅味帶哂出黎！而個焗阿拉斯加深海比目魚配昆布湯絕對唔hea，見到佢個配料都好多，有蝦有蜆，我仲以為得個比目魚，所以一見到就好surprise!之後食入口，好入味，個魚好滑，仲要無骨！熱辣辣，仲要分量唔少，真係好正！最後就係自家製甜薯條，好彩個分量岩岩好，唔係太多，唔係嘅話會太飽。咁又係岩岩炸起，好熱好脆，仲要係好甜！佢夠幼身，所以入口唔會成口都係，反而會令你想不停食，食多幾條！整體黎講我叫嘅野都真係好好食，所有擺盤都好靚，一啲都無hea我，完全符合我嘅期望!…Read More