Cafe MED

今日同朋友係寶琳睇完戲，有啲肚餓，所以就打算食個tea ~ 咁啱發現呢到有間熊仔主題打卡餐廳好得意，於是就入去試下🐻*自家製心太軟 $52超推薦心太軟！外皮焗得好鬆脆，而入面嘅蛋糕就好濕潤，加上一切開之後裡面嘅朱古力漿就開始慢慢湧出來，畫面好治癒🤤用蛋糕蘸朱古力漿一齊食真係好好味，朱古力味超濃～如果你蘸埋忌廉一齊食，仲會多咗少少奶香味添😋*烤棉花糖吐司 $44吐司烘得好香脆，上面淋咗朱古力醬同埋煉奶～棉花糖係燒過的，外脆內軟，而且有淡淡嘅焦香味，有少少似BBQ燒棉花糖會食到嘅味！吐司嘅香脆同棉花糖嘅鬆軟意外地好夾，值得一試😚*秘制炸物小食拼盤 $69食完甜嘢緊係要食翻啲鹹嘢過渡下～個拼盤我叫咗吉列蝦、芝士腸同脆炸魷魚圈～全部都炸得好鬆脆，完全唔油膩，配上沙律醬真係好香口💗最後值得一提嘅係熊小館嘅環境，真係好少女心好多熊仔好打卡able，覺得無論係親子、朋友、定係拍拖一齊黎都好適合🐻…Read More

<熊星人🐻必去打卡📷>餐廳入面全部都係有關熊嘅公仔呀，畫呀之類嘅staff仲專登拎個公仔俾我哋影相📸️黑松露蟹籽帶子黄金意大利飯2/10呢道黑松露蟹籽帶子黃金意大利飯有啲失敗。帶子同飯嘅熟度過火👿，有啲乾柴感，令到食物乾身同無咩汁感。而且帶子亦有啲腥味。總結，我只能夠捉到一啲帶子嘅腥味😖，呢個真係令我覺得唔太好。小鐵板一口牛8/10呢個牛喺呢間餐廳，我唯一覺得OK嘅。每一口都好嫩又多汁。牛肉係用特製嘅醬汁醃過，而且佢地喺鐵板度煮，令到牛肉可以保持住原汁原味同埋鎖住啲肉汁。唯一嘅缺點係份量有啲少，可能唔夠飽肚。呢個價錢嚟講，CP值都算高👍🏻芝士焗忌廉菠菜龍利飯2/10佢嘅汁料冇咩味道，魚肉無咩味道，幾乎無法品嚐到魚本身嘅鮮美🫠。加埋配搭嘅粟米係罐頭粟米🫣自家製心太軟7/10佢嘅外層酥脆金黃，入口即化，就係普通嘅心太軟，冇咩特別突出，但係唔會難食。…Read More

🐻熊仔主題餐廳｜大小朋友👨‍👩‍👧‍👦情侶👩🏻‍🤝‍👨🏼必到🤗超可愛熊仔🐻伴食｜高質抵食二人餐🍽️今次豬女生日，當然要帶俾佢一個難忘既回憶啦🤗知道佢最鍾意可愛既公仔，一於帶佢嚟到哩間大人細佬👨‍👩‍👧‍👦都啱曬既熊仔🐻主題餐廳‼️一到店門口已有一隻超巨型既熊熊，大家可以坐喺熊熊身旁打卡影相😍餐廳每張枱上面都有隻小熊陪你食野。而且無論牆紙、牆櫃都擺放住大大小小既熊仔😍好有氣質🥰餐廳食物水準超高🥹仲要咁靚咁可愛！大家一定一定要嚟🌸值得一讚既係店員服務態度超熱情有禮，我地都覺得自己好似去咗主題樂園咁溫馨🥰平時太忙唔夠時間去主題樂園都好，嚟哩度就啱曬😆真係有重賓至如歸既感覺，超開心超有童真🥹🌹我地當日叫咗一個299二人套餐，套餐包括餐湯、餐包、前菜、兩道主菜、甜品及飲品🤗性價比超高😍✨二人歐陸式濃湯當日既餐湯係南瓜薯仔魚湯🐟餐湯營養搭配均衡，香濃嘅魚味配上南瓜香味，濃稠足料既西式湯🍲好用心製作😋✨牛油蒜蓉法包蒜蓉包好香蒜蓉味，配上法包烤得香脆可口，超鬆化😆✨法式香草牛油焗田螺必點前菜‼️幼滑香濃既蒜蓉配上爽滑彈牙既田螺😍滋味無窮，醬汁好入味，田螺好大粒🤩估唔到咁高質既菜式哩度有齊曬🥰必點✨✨✨✨✨✨蜂蜜Bbq燒豬仔骨非常推薦大家點哩一道菜，豬仔骨足足有兩大條，燒得好香，外皮脆脆的，肉質一絲絲一啲都唔乾柴，配上燒烤醬同蜂蜜，甜甜的，好惹味🤩跟餐仲有薯條同埋沙律😍份量好足，大家一定要試吓🤗必點✨✨✨✨✨✨意大利墨汁魷魚意粉 好濃稠嘅墨魚汁，味道甜甜地，香蒜味好香濃，魷魚好彈牙，鍾意食墨魚汁意粉嘅都可以試吓😆✨自家製心太軟 +$19🍫呢度嘅心太軟好出名，差唔多個個入嚟嘅客人都會選擇，惠顧套餐加$19就可以轉心太軟😍心太軟製作時間約15分鐘，外脆內軟，一切下去，朱古力醬瞬間爆發出來‼️仲有忌廉同埋芒果作伴🤩大家記得要趁熱食啊😋必點✨✨✨✨✨✨雪糕套餐會送兩球雪糕，我哋另一球雪糕就轉咗做心太軟，剩低一球雪糕，我哋選擇咗豆腐味🥰豆腐好香濃，雪糕好軟滑😋😆跟餐會送兩杯飲品✨凍檸水✨凍華田✨玫瑰法式燉蛋白 $25呢個玫瑰法式燉蛋白，大家一定要試吓！滿滿嘅儀式感，鋪滿玫瑰乾花🌹充滿濃濃嘅玫瑰花香！法式燉蛋白，上層有焦糖脆脆的，配上嫩滑的蛋白😋簡直係完美😍價錢仲要唔貴👍🏻必點✨✨✨✨✨食物✨✨✨✨✨環境✨✨✨✨✨衛生✨✨✨✨✨價錢✨✨✨✨✨🏠 熊小館 (將軍澳)將軍澳貿業路8號新都城中心二期2樓2086-2087號舖…Read More

今日同屋企人係附近行街，見到依間將軍澳長期好評多多既熊小館🤪於是決定同屋企人試下！一入去已經覺得間餐廳好有心思，每一處都擺左好得意既小熊公仔，令到成間餐廳氛圍好溫馨🥰店員好好，介紹左我地食個好抵既二人餐，有前菜、湯、主菜同甜品，好豐富😍✨羅宋湯配蒜蓉包
羅宋湯味道岩岩好，包亦都焗得脆

✨法式香草牛油焗田螺
薯蓉好香有牛油香味，田螺亦都大大隻，配埋一齊食好好味😋✨唐揚脆脆雞翼我地當日叫多左個小食～雞翼炸到脆脆好好食，配埋個蛋黃醬真係停唔到口！✨鐵板肉眼扒
塊扒上到黎我同屋企人真係嚇親😂超大塊！而且鐵板熱辣辣上，食落亦都唔會過熟，真係抵食得黎味道都唔錯，值得一讚👍🏻✨意大利魷魚墨汁意粉
依個意粉就正正常常，如果再可以重口味少少就最好🤪

✨自家製心太軟配芒果雪糕
見到依個心太軟咁多好評都滿心期待，結果係無失望！心太軟入面好多朱古力醬，而且外面焗得好脆，配埋雪糕同cream好好食🤤建議一定要加錢轉心太軟！

成餐飯都好豐富好滿足，而且二人餐好抵食🤭同埋店員都好有禮貌，又會介紹我地簡咩好，值得一讚👍🏻…Read More

好耐無黎呢間位於將軍澳新都城中心既熊小館啦。今晚趁Happy Friday就黎呢度食個晚餐先。顧名思義，熊小館主題係bear bear熊。餐牌有前菜，意大利粉，飯，主菜，鐵板餐，二人套餐，小熊套餐，飲品，甜品等。今晚簡單叫左個二人套餐，$299另加一，包歐陸式濃湯兩客+牛油法包，二選一頭盤，5選一主菜，5選一意粉或飯，今日精選雪糕球兩客，再加咖啡或茶兩客。羅宋湯，牛油法包（跟餐）歐陸式濃湯係羅宋湯，有好多菜，包括梛菜，紅蘿蔔，西芹，紅辣椒。個湯都辣辣地，好開胃！塊牛油法包由頭到尾都超香脆，上面加左蒜蓉醬，味道幾好呀。意式焗肉醬茄子（跟餐）頭盤之前食過法式香草牛油焗田螺，今次試吓意式焗肉醬茄子先。意式焗肉醬茄子用鐵板上，一共有8片茄子，再加上大量肉醬同芝士拉絲，好邪惡。深海帶子拼醬燒汁牛柳（跟餐加$10）深海帶子拼醬燒汁牛柳擺盤好靚。深海帶子兩隻用一支竹簽拮住，都唔細隻，唔係全熟，仲係生生地，整得鮮甜唔韌，好味道。牛柳叫左三成熟，外皮香脆入面非常極度腍，質感好正喎。本身都唔乾不過可以點另上嘅醬汁一齊食。配菜仲有兩條蘆筍同兩粒車厘茄，都好新鮮，加埋唔少薯蓉喺底更飽肚，上面加左一支紅辣椒同少少新鮮菜苗點綴，最後加上露絲瑪莉香草。以cafe黎講主菜算好唔錯。呢款主菜強烈推介。番茄奶油吞拿魚螺絲粉（跟餐）意粉或飯我哋揀左番茄奶油吞拿魚螺絲粉。份量都幾多喎。螺絲粉今次煮得較腍。個汁係番茄加奶油，所以滑得黎又有番茄味。吞拿魚碎係散開左撈埋落個汁。其他配菜仲有3粒車厘茄，少少菜苗同橄欖粒。加左錢升級餐飲。清涼仲夏 （跟餐加$16）清涼仲夏即香草薄荷橙汁，有呈綠色嘅薄荷汁喺底，上面係黃色橙汁，面頭有一片檸檬。飲落薄荷味中帶少少檸檬味道，感覺清新唔過甜。紅豆冰 （跟餐加$18）呢度都有椰汁紅豆冰，正呀！下底有好多紅豆蓉，椰汁唔會太淡，整體唔會過甜，都好飲呀，飲完好似食左甜品。自家製心太軟（跟餐加$19）一定要加$19升級自家製心太軟。心太軟雖然細細個，不過朱古力蛋糕暖笠笠，入面超多朱古力醬流出黎，而蛋糕皮薄中帶少少脆，整得好好。伴有邪惡忌廉同幾片黃桃。最後蛋糕上面灑上糖霜同加上朱古力醬。呢個價錢好抵食。另外伴有一球朱古力雪糕，上面灑上少少七彩朱古力碎同擠左少少朱古力醬，雪糕同心太軟一齊食冷熱交融好正。成個餐都幾多野食，食飽飽升級左咁多野食人均都係兩舊水樓下，抵食。…Read More

除左散叫，佢仲有幾款套餐，有平民版同正常版。我地簡左個$298二人套餐，有湯、主菜、小食、甜品同飲品蘑菇白湯配牛油法包🥖湯品蘑菇味濃，法包好脆。法式香草牛油🧈焗田螺熱辣辣咁上盤，薯蓉好香牛油味。田螺個汁夠濃，搭埋薯蓉食，好味。深海帶子拼醬燒汁牛柳帶子煎得岩岩好，牛柳係厚切，煎得唔錯，切落去個下就知肉質嫰滑。意大利魷魚🦑墨⚫️汁意粉佢既墨魚汁好夠味，魷魚都煎得好彈牙有口感自家製心❤️太軟心太軟係流心架👍切開個下，朱古力漿係咁湧出黎。凱薩先生沙律🥗 $64份量都幾大碗，菜都好新鮮，仲有面包碎同芝士粉係面。…Read More

友人知我近排有煩惱，所以專登入來寶琳請我吃頓豐富的晚餐，因為佢知我吃好嘢就可以開心啲，當然也會靠佢把口開解我。原來朋友帶我去這間大人細路都喜愛的Bear Bear 熊餐廳，讓Bear Bear 熊逗我笑。之前都來過，裝潢沒有變動，同樣一入門口就有隻巨大的啤啤熊毛公仔坐在門口歡迎大家，馬上笑了！再仔細觀察四周，有不少跟啤啤熊相關的擺設，如不同大小和種類的毛公仔、啤啤熊畫等等，Bear Bear 熊迷一定鍾意。餐廳寬敞闊落，有一排排舒適的四人卡座，亦有多張二人枱。環境無變，但菜式就有少許不同，有品味新嚐、Classic Sizzling Plate Set，還有單點菜式，包括有沙律頭盤、湯、意大利麵/飯、型廚推介、飲品和甜品，選擇不少。而單點菜式再加不同的價錢就有不同的套餐配搭，可吃得更豐富。*********************我揀了一客羅勒海鮮繽紛天使麵加配是日沙律 Salad of today 及飲品Coffee/Tea(+$25)。先上粟米沙律，新鮮爽嫩的雜沙律菜配了清甜的車厘茄和清甜的粟米粒，淋了少少醋汁，清新健康，簡單而美味。羅勒海鮮繽紛天使麵 Basil seafood angel hair ($118)以鑊仔盛載上枱，更有風味。滿滿一大盆天使麵，仲配有不少海鮮和車厘茄，份量好足。一向都覺得幼長的天使麵煮製時間難以掌握，往往會弄至過份腍身而散爛，但這客天使麵條條分明，口感不錯，並無散爛，仍存咬口。每條掛上香草醬，份量平均，味道幾香，不錯！海鮮有青口、魷魚、蝦和帶子，各款味道都不錯，最喜歡係青口，中等size，肉質嫩。*********************友人揀了一份鐵板牛柳配吉列魚柳，配有是日餐湯和餐飲。先上歐陸式濃湯配牛油蒜蓉法包，是日為羅宋湯，熱辣辣上枱，散發着陣酸香。稀稠度適中，味道濃郁，以不少的蔬菜烹調，有西芹、椰菜、甘荀條、洋蔥等等，仲有牛肉，湯料豐富，酸茄味濃郁，酸咪咪的味道，越喝越開胃，好喝！旁邊的牛油蒜蓉法包烤得金黃，外香脆內軟熟，滿有牛油蒜香，用來佐羅宋湯好適合。鐵板牛柳配吉列魚柳 Grilled Beef Fillet and fish cutlet （$155）隨即上枱。趁熱淋上燒汁，聽到響亮的喳喳聲，簡直先聲奪人。除了有一大件牛柳外，仲有兩大件吉列魚柳、一卷煙肉四季豆和不少薯菜，份量十足。牛柳指定7成熟，但一切開就知有多腍嫩，內裏微微的粉紅，富有肉汁，肉質嫩滑，牛味濃郁，配上燒汁，味道鹹香，配搭不錯，但其實不作添加已挺美味！吉列魚柳炸得金黃，色澤平均，相當靚仔。炸至外香脆可口，內肉保持潔白嫩滑，亦有魚香，仲熱辣辣，讚！薯菜也不錯，粗薯條條條炸得金黃，色澤平均，熱辣辣兼香脆，加上不會吃致滿手滿口油淋淋，不覺太油膩，好吃！*********************心情馬馬當然要食啲甜嘢，我要了一客自家製心太軟 Home-made Hot Chocolate cake (+$29)，再打算加一球雪糕（+$16），點知原來like 本店社交平台 可買一送一，抵！朱古力心太軟灑上糖霜，配上甜忌廉和香桃粒，再淋上朱古力醬。輕輕把心太軟切開， 朱古力醬馬上湧出，稍為稀身。暖笠笠的蛋糕外層鬆軟，內裏濕潤，朱古力味香濃，伴上香滑的忌廉同吃添美味。雪糕(+$16/買一送一)圓碌碌一大球，用了朱古力醬和彩虹朱古力針作點綴。友人要朱古力味雪糕，話朱古力味濃，而我就喜歡豆腐味，啖啖滿有豆腐香，教人回味，滿足！*********************餐飲方面，友人要增加維他命C，故簡簡單單點了一杯檸檬水($0)，清新開膩。而我一向愛熱情果，所以熱情玫瑰 Passion Fruit Rose Tea (+$16 跟餐/原價$28)是最好的選擇。入口暖笠笠，酸咪咪的熱情果配埋玖瑰花茶，簡直消滯解渴。----------------------吃完傾完，雖事情還未解決，但有朋友陪伴，傾吓食吓，得到一點釋懷，真的想講句「有你多好」，謝謝！…Read More

今日帶住小朋友，黎呢間將軍澳熊小館食晚餐，貪熊小館主題係小朋友鍾意既bear bear熊，有大bear bear同細bear bear陪我哋一齊食晚餐，真係未食先興奮（講緊小朋友）。餐牌選擇好多，有前菜，意大利粉，意大利飯，主菜，鐵板餐，二人套餐，小熊套餐，飲品，甜品。價錢唔算貴。上次黎食左二人套餐，今次我哋散叫，叫左1份主菜，1個鐵板餐，1個小熊套餐，同1份甜品。美國特級牛肩扒 $128 另加一而家做緊推廣價，美國特級牛肩扒只需$128。美國特級牛肩扒一客3大條，整得外皮好脆口，不過都需要咬吓。叫左三成熟，上枱時比預期熟左少少。肉味都濃，上面仲有香脆蒜片加添口感。另外跟左燒汁俾你沾。伴碟有加左七味粉嘅香脆炸薯條，少見嘅煙肉包住兩條長豆角，粟米粒同稔稔又甜嘅香草南瓜。呢個價錢幾抵食。鐵板薄西冷拼豬扒 $115 另加一塊鐵板吱吱聲咁上枱，用紙圍邊，以免啲汁彈出黎。豬扒雖薄不過超大塊，整得好稔而外皮脆脆哋。薄切牛扒連筋都又大塊又稔，兩塊扒都係正常鐵板餐嘅扒質素。伴碟有炸薯條，洋蔥絲，煙肉包住兩條長豆角，粟米粒同香草南瓜。蔬菜基本上同另一個餐嘅係一樣。汁可以揀黑椒或者燒汁，我哋揀左燒汁，不過冇淋到落個鐵板，淨係想多啲味道時先沾。呢個鐵板薄西冷拼豬扒仲送餐湯，牛油法包，咖啡或茶。羅宋湯，牛油法包（跟餐）餐湯係羅宋湯，菜包括梛菜，紅蘿蔔，西芹，紅辣椒。個湯都辣辣地，好開胃！塊牛油法包由頭到尾都超香脆，正！凍檸水 (跟餐)跟餐叫左凍檸水，冇叫走甜，所以好飲左。小熊套餐b $68 另加一小熊套餐有3款，小朋友自己揀左呢款。小熊套餐b有肉醬意粉，腸仔，牛油粟米，小熊啫喱。個餐用隻小熊碟上枱，賣相討好。意粉似快熟，肉醬好香，如果份量多啲仲好。伴有一條超粗肉腸，正常質素。另外仲有少少牛油粟米同4粒大大粒嘅雙色小熊造型啫喱糖，仲灑上少少梛絲。服務員仲送上一粒包裝棉花糖俾小朋友拎走。橙汁熊熊 跟餐加$8 另加一小熊套餐包鮮橙汁，咖啡或茶。跟餐加$8可升級橙汁熊熊 ，即鮮橙汁加冰熊。賣相超正，冰熊真係勁得意，小朋友食埋落肚。自家製心太軟 $42 另加一自家製心太軟係喺一個好適當嘅時候上枱。朱古力蛋糕暖笠笠，超多朱古力醬流出黎，而蛋糕皮薄中帶少少脆，整得好好。伴有邪惡忌廉同幾粒黃桃，如果有雪糕一齊食就好啦。最後蛋糕上面灑上糖霜同朱古力醬。呢個價錢好抵食。食飽哂每人只需百幾蚊，抵食之餘而細路又開心。…Read More

其實本身諗住食普通西餐㗎咋～點知誤打誤撞又走咗入呢間以熊為主題嘅餐廳，仲要有隻好大，大到好似一個小朋友咁大嘅熊仔坐我隔離😂😂😂 感覺啲童真返晒嚟～😆忌廉蘑菇湯連牛油法包湯夠晒濃，蘑菇粒份量亦都足夠，感覺用料十足。牛油法包有陣陣蒜蓉牛油味之外，質感又夠晒軟熟！！啱晒我呢啲最憎食「硬」嘢嘅人🤭🤭美國安格斯牛肩肉今次叫咗五成熟，仲有少少血紅色塊牛先夠嫩滑，而且又有肉汁，仲要夠晒咬口，我覺得又ok woh~ 至少符合我嘅期望!!芝士忌廉焗菠菜龍脷柳飯對我嚟講，有芝士忌廉已經贏咗一半～😂 龍脷柳亦有魚味，配合埋菠菜，顏色同味道都夾嘅～啲飯又夠晒多，都幾抵食㗎！自家製心太軟心太軟算係我最鍾意嘅一種甜品，佢最緊要做到暖暖嘅朱古力醬，同由個心湧出嚟嘅效果～佢做到我就鍾意啦！！😋😋…Read More

疫市之下，難免不多不少都有點負面情緒，見到天真可愛的啤啤熊坐在餐廳門外，似是呼喚著我們進去光顧，心情頓然開朗，原來熊小館在將軍澳開了分店。餐廳有很多熊公仔擺設，每一張餐桌上都放了一隻小熊，點餐時服務員很有禮貌地告訴我們，可以自行在櫃裏取出喜歡的啤啤熊拍照，真係機不可失，啤啤熊迷不可以錯過啊！品味新嚐 - 烤美國安格斯漢堡伴炸薯條，原價$98，現在特價$78，牛味香濃，唔鞋唔韌，咬落肉汁飆出，連埋生菜番茄一齊食，有多層口感，沙律好清新，令牛肉冇咁油膩，正!廚之推介 - 泰式菠蘿海鮮炒飯$56，配是日歐陸濃湯和牛油法包，炒飯超足料，有魷魚圈、蟹柳、提子乾、肉鬆、腰果、蝦仁、豆角粒、菠蘿粒和紅蘿蔔粒，鑊氣十足，非常惹味。跟餐免費配熱華田和熱檸檬茶。甜品 - 自家製心太軟，超濃朱古力漿，加上流心效果，為這頓午餐寫上完美句號。。。。。。午市+下午茶時段 - 60歲以上、穿制服人士（包括學生、零售、保安……）可享8折優惠😍…Read More