皇仁書院舊生會﹝中菜部﹞

🥰 “皇仁書院舊生會” 算係 “預約困難店” 嘅佼佼者, 今時今日都要等六個月, 仲要只接受 “皇仁” 校友預訂, “算了吧, 如無意外”.🥢 天有不測之風雲, 人有霎時之禍福, 今日掹老友 “肥強” 衫尾 參加江湖大佬飯局. 室內格局就係老牌中式飯店或者會所, 少少似 “香港大學同學會” 或者 “昌哥”. 我事前唔知道食乜, 張菜單嘅 “書法” 原來都係呢度嘅招牌.🦪 糖桂花餞桶蠔. 桶蠔啱啱熟, 桂花味道頗有新鮮感. 🤗 原盅花膠響螺爵士湯. 味道濃郁鮮甜, 材料非常豐富, 充滿驚喜, 當服務員收走湯渣嘅時候, 大家都好唔捨得. 我覺得係全晚最好食嘅菜式.🐟 大海斑雲耳蒸斑球. 陳皮味道出色, 但我食咗兩件都唔夠滑.🦐 白胡椒焗中蝦. 用白胡椒粒炒, 惹味而不膩, 創意十足.🐂 鮮茄紅酒燴牛尾. 炆得好腍, 底汁非常平衡. 另外蒜蓉包都係大受歡迎.🐟 大海斑蔥油炒斑腩. 香噴噴.🦀 荷葉肉餅拼膏蟹. 賣相十個讚, 蟹算係大隻多膏有肉, 可惜肉餅唔係好吸到蟹味.🐢 脆皮炸子雞. 普通, 非常普通.🍄 雜菌干燒伊麵. 飽了.🫘 腰果露湯圓. 我鍾意呢個腰果香味, 如果甜多少少就更好.🍉 西瓜. 話梅粉塞咗, 可惜.🤗 總結: 大廚烹功超水準, 菜式甚具創意, 有緣再戰!…Read More

一席難求的皇仁書院舊生會中菜部，有幸數次造訪。由從前會員不一定親身出席，到現在必須出席；由從前每圍菜式可以稍作改動，到現在兩圍菜式必須相同。雖然門檻/條件不斷改變，但不變的是，從未讓人失望的食物質素及親切的服務態度，即使每次要提早數月訂坐，仍會令你心甘情願乖乖的等⋯⋯中菜部有提供套餐，但由於每次訂坐都不容易，我們每次都會為自己席身訂造餐單，以求完全符合胃口蟹粉豆腐扒菜心邪惡蟹粉配健康豆腐青菜，濃淡得宜糖桂花餞美國桶蠔炸得香脆而且脹卜卜的桶蠔淋上香香桂花味醬汁翡翠鴛鴦蚌仁珊瑚蚌和貴花蚌非常爽口，配彩椒子薑，味道豐富斑球兩味之花雕蛋白蒸斑球 火候控制適中，蛋白跟魚同樣蒸得滑滑帶花雕香斑球兩味之豉油皇煎焗頭腩 煎封的斑球乾身惹味百花西汁釀油條稍為遜色的一道，個人口味覺得酸甜汁始終跟排骨才是perfect match佛跳牆霸氣原盅佛跳牆，一上枱不禁令全場嘩嘩聲矜貴材料份量十足，鮑魚、魚翅、火瞳、老雞、冬菇⋯⋯燉足火候，味美程度相信不用多說砵酒牛尾牛尾腍滑，再配上蒜蓉包，誓要你連汁都撈埋潮式芋頭炒飯熱辣辣乾身即炒上枱，大家雖然已經吃得飽飽，仍忍不住先試兩啖再把吃淨的打包腰果露湯圓腰果露又香又滑，芝麻湯圓細細粒，但餡料十足…Read More

已經是第二次來這裡食了，上次只有一圍人，今次就増加到三圍，還要預早半年前訂位，實在有夠誇張。（多謝葉小姐和爐兄的義務幫手）蚌仁花枝乳鴿甫 ～ 乳鴿味道偏淡，口感一般，平平無奇。桂花蜜餞金蠔 ～ 煎香過的金蠔帶有微微的桂花味及甜味，其實都幾配合。佛跳牆 ～ 一放上枱，大家就嘩聲四起，因看到三串大大粒的鮑魚，加上數不清的魚翅及雞肉等材料，隔水蒸足六小時以上，難怪鮑魚也蒸得非常淋，湯色清切，膠質感強烈，味道鮮甜，真係齒頰留香，湯內的豬前手，咸香味香濃，但因蒸得太久，難免肉質明顯有點變硬，這菜可說是今晚最出色的一味。陳皮蝦 ～ 蝦爽口彈牙，可惜感受唔到有陳皮味。蟹粉豆腐 ～ 豆腐嬾滑，但味道偏淡，蟹粉味道也不是太出色，反而伴碟的菜，更加出色。蝦籽柚皮拼鵝掌 ～ 蝦籽細粒沒有味道，柚皮明顯太淋，今晚比較差的一味。八寶鴨 ～ 一食落口，蓮子的香味，首先帶出，糯米已完全蒸至淋身，和食材完全溶為一體，是一味很飽肚的食物。可惜鴨味平淡。薑蔥蝦籽撈麵 ～ 梘水味過重，就算食物怎麼美味，也失色不少。荷葉飯 ～ 一上枱，奇怪荷葉色怎麼這樣青綠，有小小不安，好在食落也沒有感覺怎樣，飯粒不是太乾身，味道普通，荷葉香味就完全感覺不到。腰果露湯圓 ～ 腰果味道香濃，如可以再杰多一點就更好了，湯圓係芝麻餡，但味道偏淡。…Read More

這天懷著興奮又期待的心情去吃一頓中菜,究竟是什麼來頭的名店?先賣個關子吧!!這份心情像細時爸媽帶我去*鋸扒*前的一刻那感覺,滿心期待在路上會想定吃牛扒,豬扒定貪心哋要什扒!!還要一定扭自己耳朵記住飲黑牛喔,可知車媽媽細時要到扒房吃一頓並非常事啊~這天{會所月經會}一衆成員,朋友,家眷足足三圍為食之人到皇仁書院舊生會一嚐等足半年的飯局,係呀大家冇睇錯我哋早半年前book到今天才有位呢!!所以十分感謝{爐兄},{PJ}勞心勞力為大家張羅促成這趟月經會飯局^0^心情興奮到極點^0^第一味菜亦悄悄上場了,{蚌仁花枝乳鴿甫}色彩鮮豔奪目,內在的桂花蚌和象拔蚌都十分爽脆可口,鴿甫肉味超香濃肉質鬆化,最妙之處大廚用上酸子薑來平衡濃濃肉味~{蟹粉豆腐}這時候吃蟹粉坦白講不應抱有期望,可幸吃下也算不俗,但帶了少許腥味,豆腐挺為嫩滑,但伴碟的菜遠更加吸引我皆因它清甜無渣十分好味^0^萬眾期待的{佛跳牆}像個巨型椰皇般閃耀到來~侍應小心翼翼將燉盅蓋徐徐揭開,一看便倒是三串像元寶般的鮑魚,湯內還有原隻火瞳,老雞,精肉,肥厚香菇及粗針魚翅等名貴食材~篤魚旦大家經常會食,篤鮑魚又試過未，我試過.我真係試過嘻嘻!!車媽媽近年戒了魚翅未能為大家品評嚕!佛跳牆湯色清澈味道濃香喝下真的好鬼滋補囉,肥厚鮑魚咬下質感煙韌,味道芳香馥郁好鬼正囉^0^花菇厚身得很,質地滑溜菌味香濃,另外忘了影相的火瞳好吃到超然,軟糯豬皮加埋鹹香的火腿肉吃罷真的想升仙喔!!最後不得不提係內裡帶軟骨的精肉,肉質淋滑酥軟帶點骨膠原,喝罷此湯真係*快活過神仙*喔^0^從天堂回到凡間時{蝦籽柚皮併鵝掌}巳上檯,這味有點失望呀!!柚皮質感太散淋可幸沒澀味,鵝掌無疑軟滑得來有咬口可惜未夠入味呀!!反而墊底生菜爽脆又好吃~到我朝思暮想的{桂花蜜餞金蠔},桶蠔炸至金黃色再和桂花蜜糖緊緊擁抱,吃時質地還脆口的,桂花蜜糖香甜不膩,唯要挑剔桶蠔的蠔味不夠鮮甜囉!!{陳皮蝦}用上新鮮中蝦,肉地爽口夠彈牙,不知是否個佛跳牆太好味呢?陳皮味真的不太真實呢!!{紅酒燴牛尾配蒜蓉包}車媽媽當然未能品嚐啦!但我帶了一點給車爸爸享用,他吃罷都點頭讚好呢^0^喜歡這兒的蒜蓉包不會脆到剔"界"口好有住家Feel囉!!{八寶鴨}個子肥潤皮膚看下去充滿光澤感,切開後內裡爆餡非常有不少蓮子,瑤柱等吸滿肉香的餡料,鴨肉炆至入口即溶,吃下真的幸福滿滿喔!!{薑蔥蝦籽撈麵}這個撈麵鹼水味實在太出眾我不太喜歡呢!!但{荷葉飯}就唔同喇,飯粒炒得爽身,內藏不少蝦粒,肉粒及菜粒,鮑汁味香濃好吃到痺呀^0^最後的糖水係{腰果露湯圓}救命啊!!這碗腰果露油潤香滑腰果味非常突出,好吃到飛天啊~美中不足係湯圓不夠煙韌軟糯,其實不吃也沒損失囉!!…Read More