Tsui Yuen Dessert (Shu Kuk Street)

一間十分傳統既中式糖水舖，賣既都係傳統糊類、紅綠豆沙、腐竹、燉蛋等等。 冇太多花巧組合，靠嘅係真材實料，傳統技藝，同街坊價錢。天氣熱關係，簡簡單單，要左個凍腐竹薏米。 腐竹同薏米都十分足料。 腐竹煲到溶晒落糖水入面，形成一種濃稠口感，成碗充滿腐竹味，而唔係水加一片片腐竹。 薏米亦煲到好腍。 雪凍咗，係熱天消署非常好既選擇。另外，糊類亦都做得相當唔錯。星期六日限定，仲有腰果糊。 會做腰果糊既地方唔多，絕對值得一試。…Read More

中秋節就當然要食湯圓呀，今日食完晚飯之後就去咗附近嘅翠苑甜品專家食糖水。我哋分別點左合桃加湯圓同埋腐竹薏米加湯圓。合桃糊（$22）不是太甜而且好滑。腐竹薏米糖水（$19）好清甜而且好足料，可以見到有片片嘅腐竹。每款糖水都可以加湯圓， $4可以有兩粒芝麻湯圓。芝麻湯圓唔會太甜而且好煙靭，煮得啱啱好。讚👍🏻依家香港已經好少地方有得食桑寄生蓮子茶，原來翠苑甜品專門店有賣這種傳統嘅糖水，下次如果媽媽想食的話，可以從這裏外賣給他。…Read More