江仔記粉麵專家

攸桐爸同攸桐媽好耐都無拍拖啦！.今日攸桐爸好好呀！陪咗我去做個treatment，做完之後，我哋都好餓呀！於是睇下附近有啲咩好食啦！.由於之前攸桐媽都係灣仔返過工，所以就介紹呢間好嘢比攸桐爸試！.江仔記粉麵專家📍銅鑼灣堅拿道東2號地舖.牛筋撈麵呢個真係好正呀！牛筋好入味，又夠哂“淋”！食時唔覺得好舔口！但食飽飽之後，你會感覺到個口會好有膠質咁！真係好回味！.腐乳通菜呢果菜又係好脆口！正！.所以今日攸桐媽又無介紹錯啦！攸桐爸大讚呀！😋😋😋😋 #攸桐媽飲飲食食遊蹤 #攸桐媽 #zozimama #攸桐媽媽遊樂團 #三桐攸 #媽媽之日常 #hkmami #hkmama #hkmamablogger #hkmamiblogger #親子blogger #親子KOL #hkkol…Read More

今日lunch time時間走左去食江仔記。江仔記，有樣野不得不佩服，無論你lunch, tea, dinner 去都係禁多人。不過佢又好厲害，永遠唔洗等好耐就有得入去食。可能入得去食，大家都有個共識，就係快快趣食完走人唔好阻住人做生意。今日叫左個牛根腩雲吞河，腐乳通菜。牛根腩雲吞河（$44）：一個價錢，三個享受。有齊晒牛腩牛根雲吞，餸既份量亦都唔細。河粉咁多年嚟都保持到水準，好滑好吸湯。腐乳通菜（$17）：其實好大碟，不得不讚佢個腐乳。有人覺得佢比較鹹，不過小弟我本身比較食得鹹，所以覺得啱啱好。今時今日香港地，咩都要快，要保持水準本身已經難。重要咁多年都保持到水準，難上加難。每一次食，都會諗返起舊時細個味道。…Read More

是晚發老公脾氣，唔肯排隊食拉麵，所以走咗嚟依度食個麵，都係麵啫!呢間舖頭至少有十年歷史都係做粥粉麵店，但當中有冇轉名就唔知喇!我哋兩個分別叫咗四寶河，雲吞河同兩碟菜。我個四寶河有魚片、魚蛋、豬肉丸、墨丸、魚皮餃同埋一條捲捲嘅唔知咩餃。首先飲啖湯，個湯好鮮味，並唔係清水或者係鹹水嗰種，我估係有魚味嘅湯。個河粉好稔，因為太稔，所以用筷子夾嘅時候，啲粉好易斷。跟住食魚片同魚蛋，好正，食到鮮魚味，似手打果種，豬肉丸同墨魚丸好彈牙，最後食魚皮餃同嗰個捲捲餃，有口感，好好味!另外嗰兩碟菜就冇乜特別，同其他粉麵店嘅質素差唔多。如果喺銅鑼灣用依個價錢食到碗咁有質素嘅粉，就真係值得再返嚟食多次呀!…Read More