Ah Sem Da Pai Dang

越黎越多露天大排檔搬入室內, 我地今晚去大埔li間地鋪位置嘅新式大排檔食飯, menu啲菜式有傳統有創新, 地方仲非常乾淨+有冷氣, 咁大熱天時就唔會一路食一路流汗啦!🥢有料例湯❤️🥢好好味推介🤤Wasabi魚皮 見唔到綠色wasabi但係魚皮全是刺激wasabi味道好正, 魚皮大大條又彈牙, 第2度未必有得食.🥢串燒🔥我地食左*日豚五花腩串 & *日燒一口牛串 串燒好香惹味, 秘密應該係孜然粉, 不得不提五花腩串係無估到大條厚肉, 咬落勁juicy, 充滿油香; 而燒牛就燒到啱啱好外脆一入口好腍, 正.🍍燒菠蘿 燒菠蘿好甜好juicy.🥬啫啫蝦乾唐生菜煲 大排檔特色, 快靚正, 煲菜啫啫聲地送上, 條條蝦乾好大條, 炒香碎豬肉啲唐生菜好好味, 每啖菜都係嫩口ga, 加上蝦乾蝦米豬肉碎豐富口感, 嗌蔬菜li個個個都食.🐖脆皮咕嚕豬頸肉一人一個飯for味道咁豐富嘅餸, 再黎多個掛汁度爆燈嘅咕嚕豬頸肉. D豬頸肉先沾上粉漿油炸, 然後再炒入甜甜酸酸咕嚕汁. 豬頸肉好多件真心飽!🍻店家有多款罐/枝裝soda, 現場所見大部分枱都一桶桶啤酒啤啤佢🍺.…Read More

久違嘅好友飯局一聚，朋友提議食大排檔，於是揀左食呢間。今次叫左沙薑大扇雞(半) ($198)、豉椒炒花甲 ($88)、黃金豆腐粒 ($72)、海皇粉絲雜菜煲 ($98)、蜜椒薯仔牛柳粒 ($88)、脆皮咕嚕豬頸肉 ($88)呢到係比較新式嘅大排檔，環境乾淨之外，間鋪好大夠多座位，空間夠闊落，唔使坐到每枱之間好逼，夠舒服😄沙薑大扇雞(半)：職員上菜時有提及係用新鮮雞，難怪食落肉嫩兼雞味濃郁，再加埋沙薑醬嘅香，正😋而且雞件斬得幾好，冇乜碎骨，啖啖肉👍🏻豉椒炒花甲：花甲處理得好，食落冇沙，豉椒炒夠晒惹味😋脆皮咕嚕豬頸肉：比起平時食開嘅咕嚕肉更加有口感，外層炸得香脆，而醬汁比例啱啱好，加埋波蘿粒酸酸甜甜幾開胃🤤黃金豆腐粒：做到真正嘅外脆內嫩，香口無比，最適合送啤酒😍海皇粉絲雜菜煲：比想像中足料同大煲，裡面有雜菜、菇、蝦、帶子、魷魚等，而粉絲就吸滿左當中食材嘅鮮甜😋蜜椒薯仔牛柳粒：主角薯仔粒同牛柳粒大細啱啱好，方便食用，一口一啖，夠香口滋味😄而三色椒雖然作為配菜，但爽口清新絕不遜色😉大合照🤩食大排檔最緊要熱辣辣夠鑊氣，呢到絕對做得足👍🏻而且價錢經濟實惠兼且大大份，一班朋友食得盡興😎補MENU…Read More

一直都好想男朋友教我騎單車，由年頭講兩第二年頭，今日終於去咗大埔騎，只係騎了45分鐘，已經好累……其實男朋友跟住我走都一樣累，為咗多謝他，就同佢食喜歡嘅嘢。佢揀咗男人的浪漫，就係大排檔，哈！這間非一般的大排檔，環境整齊企理，分內外兩個地方，地方夠大，裡面仲有卡位，坐得幾舒服㗎，唔係我想像中的大排檔咁！選擇好多，有小食、鐵板、燒烤、炸物、小菜、時蔬、炒粉麵飯、燒味、滷水等等…真係唔知點揀，就由男朋友攪掂。嘩！蜜餞鱔球 （$168）賣相和味道好得，心機之作。每件都肉厚肥美，爽口鮮嫩，外層沾滿蜜汁，食落微脆香甜，味道剛剛好，不失魚油香，十個讚！我哋都超級喜歡。脆皮咕嚕豬頸肉 （$88）加了菠蘿、三色椒、紫洋蔥等，色彩豐富，見到都好開胃。豬頸肉啖啖肉，有少少肥膏，油潤得來又唔太肥，外脆內爽。醬汁包住全舊豬頸肉，酸酸甜甜，好醒胃！男朋友最愛的尖椒爆雙腸（ $88）出場，勁有鑊氣。青辣椒香辣惹味，我最鍾意；男朋友緊係最愛雙腸，有粉腸和豬大腸，兩款都洗得好乾淨，完全無臭味，又唔算好肥，味道辣辣地，佢食到唔停口。啫啫蝦乾唐生菜煲（$78.00）上枱時發出吱吱聲，鑊氣十足又好夠熱。唐生菜翠綠爽口，加咗不少肉碎和蝦乾，味道鹹鮮，用來送白飯一流！…Read More

而家越來越少大排檔，少咗香港人最鍾意食嘅（有鑊氣），講真真係人越大先會越嚟越鍾意去大排檔，去感受個氣氛，環境都幾大，選擇亦都好多，呢間都可以去過下口癮😆-咕嚕豬頸肉啖啖肉緊係爽，平時出面食既口感感覺炸粉比較多，而且有骨🦴食🐷頸肉爽好多，酸甜亦都適中。唐生菜煲好入味濃味，係爽口既生菜，而且有肉碎好好送飯😋。剁椒蒸魚雲就有點兒腥，但份量都頗多，兩人食啱啱好。椒鹽鮮魷略嫌偏唔夠乾身，唔夠香口。桶蠔煲好濃味個人認為唔錯既👍🏻值得一試…Read More

無意中發現呢個舖位又轉左手，幾乎每年轉一次。今次呢間餐廳嘅網上食評唔差，加上自己好耐無食大排檔，即刻約多2個人，試多兩款小菜。星期五晚上6點9到達，當時只有幾枱客。不過，餐廳好大，座位好多，估計即使8點嚟到都唔駛等位。燒魷魚筒 $58 上枱果陣都幾失望，因為實物同食客D相真係幾大落差🙉。魷魚本身無魷味，主要係食個汁，醬汁調得唔錯，偏向川味，但唔濃。星洲奶油蝦 $98 呢個幾特別，第一次食。蝦球好大粒，啖啖肉，肉質彈牙，以呢個價錢嚟講，份量幾足😏。不過炸衣唔脆，蝦球溫度亦唔夠。沙嗲粉絲滑牛煲 $78我中意呢款多過肥牛🙊，好多餐廳嘅肥牛肥到無肉咁濟，但呢個滑牛煲完全無呢個問題。沙嗲味都夠香，不過偏甜。脆皮咕嚕豬頸肉 $88 豬頸肉食果陣炸衣仲脆，個人覺得比傳統咕嚕肉口感更好，肉質又彈又爽😋，而且唔會食到好明顯嘅肥膏。黑醋骨 $88 又係酸甜野，加上配料同上面個咕嚕肉類似，令人產生兩款小菜差唔多嘅錯覺😅。排骨份量唔少，而且大大舊，仲要多肉少骨。配料居然有蕎頭同酸薑😲，幾特別。椒鹽鮮魷 $108 中途加嘅小菜，最熱就係佢。炸衣好薄，鮮魷厚身、彈牙，調味啱啱好。每個小菜加$10跟白飯及例湯，每碗湯都裝埋湯渣，好多豬骨，個湯亦好甜😋。餐廳上菜速度快，小菜選擇又多，價錢正正常常唔係好貴，無加一、無限時，性價比都幾高。…Read More

姨仔上星期去大埔探朋友，佢地食咗呢間新開嘅大排檔，話超級無敵咁好味，一定要同我地嚟食，咁巴閉一於奉陪！大埔舊墟直街我都係第一次到，原來附近都有好多食肆，相信好多人都識嚟搵食！大排檔係入舖嘅，地方夠大，間隔闊落，坐滿哂都唔覺迫！叫得大排檔，食熱辣辣嘅鑊氣小炒就梗㗎啦，花多眼亂，就叫店長幫我地寫幾個小菜，佢都好細心，問我地有咩唔食先落單“脆皮咕嚕豬頸肉”係店長特登寫俾阿仔食嘅，咕嚕骨咕嚕肉排就食得多，原來咁樣整豬頸肉外面勁脆，入面勁腍，咀刁刁嘅阿仔都食哂碗飯，可想而知幾好味！“椒盬雞軟骨腰果”，真係送酒佳品，熱辣辣脆卜卜，一流！“原條燒茄子”連唔食茄子嘅太座都豎起手指公！“鐵板德國咸豬手”上枱淋油再點火燒一吓，點可以唔打咭吖，而且層皮真係好脆口，又唔太鹹，忍唔到口一舊食完又一舊！“星州奶油蝦”蝦夠彈牙，但我最欣賞係伴碟嘅炸蛋絲，好特別！“黑醋骨”另一個送飯佳品，我發覺師傅整呢類食物好有心得，全部外脆內軟，好功夫！另外配菜嘅蕎頭真係好正！“金沙蝦球”非常甘香，怕肥？食咗先算啦，哈哈！“馬拉盞啫啫通菜煲”已經食到好飽，但呢個餸上枱都係要食多半碗飯先得！總括嚟講，廚房夠鑊氣，功夫一流，可以再嚟！…Read More