Amitie Kitchen

Open Now

Now Closed

Amitie Kitchen係尖沙咀厚福街H8，一上到餐廳已經見到座無虛席，環境雖然唔大，但非常活用空間，放到好多張檯凳同時又唔會感到很迫，除了menu上既食物外，牆上掛上黑板，寫下多款推介菜式－－－－－－1. 麵包拼盤每檯都會有呢個麵包拼盤，不過等了接近25分鐘先有，不過拼盤有三款麵包，唔係翻熱普通餐包就算，有香草脆條、法包、麥包等，幾香同埋鬆軟，2. 脆炸軟殼蟹牛油果漢堡配番薯條 $158 8.5/10上菜速度真係有點慢，落單到上主菜等左接近1小時，不過賣相幾吸引，軟殼蟹同蕃薯條即叫即炸，份量幾多，蕃薯條脆口且帶有甜味，仲有旁邊既肉桂醬，配搭好夾，一定要加埋一齊食.原隻軟殼蟹炸得不錯，唔油膩之餘，每一個部分都炸得脆卜卜，油溫控制得幾好，仲夾雜牛油果、沙律菜，口感清新同埋豐富，麵包仲有用牛油烘過，細節位做得幾好，不馬虎3. 朱古力香蕉金寶 $68 9/10呢個甜品要預早30分鐘叫，我覺得值得一等，碟非常熱，真係新鮮出爐，香氣撲鼻，看似普通，但一食真係好滿足，面層金寶碎好香牛油味，有口感，仲有熱溶朱古力同埋軟腍香蕉，味道甜而不膩，整個組合真係完美

今晚和一個很久無見的朋友相聚，就佢尖沙咀放工附近搵間餐廳食飯，厚福街一向都多好嘢食，今日就嚟咗H8裏面嘅Amitie kitchen。七點嚟到，已經過半坐滿。set dinner有好幾款可選，豐儉由人，另外牆上面掛住嘅Menu亦都有幾多散叫菜。最後我哋叫咗一個set dinner「北海道帶子蘑菇意大利飯配伴黑松露」（ $228 ），再散叫一個「脆炸軟殼蟹牛油果漢堡配蕃薯條」（$158）。Set dinner本身包餐湯和一個前菜，今日餐湯係蕃茄湯，味道都唔錯。同時有3款麵包，雖然我哋只係叫咗一個set，但係可能我哋有兩個人，所以麵包嘅份量都係每款兩件，很窩心。前菜我哋揀咗「燒紅菜頭菲達芝士合桃沙律伴黑醋汁」，非常健康而且味道都好唔錯，從賣相、味道和營養價值來看都很高分。主菜意大利飯都幾正宗，中間帶點生米，食落有口感，黑松露味都幾香，三粒帶子都幾大粒，厚肉彈牙。至於個軟殼蟹牛油果漢堡都幾大件，軟殼蟹份量都幾多，牛油果和生菜減少油膩感，配搭得好。蕃薯條份量都多，脆口好味。本身對今餐食物都好滿意，收到張單時見到良心字句，更加覺得呢餐好食！

上菜前，有三款餐前麵包，麵包微熱食落少少甜味，有牛角包，脆麵包。.🔸忌廉蕃茄湯 (跟餐)分數: (7.8/10)好酸，我鍾意，應該落咗好多蕃茄。.🔸吞拿魚他他伴日式芝麻醬 (跟餐)分數: (7.5/10)生吞拿魚幾香，冇乜腥味，沙律新鮮清甜。.🔸炸蠔二重奏意大利麵 ($188)(餐)分數: (7.8/10)意粉用蠔汁煮，醬汁濃郁，食落去舌頭根部有回甘，配有三粒炸蠔。.🔸脆炸軟殼蟹牛油果漢堡配蕃薯條 ($158)(單點)分數: (7.2/10)最特別係蕃薯條個醬- 肉桂沙律醬，有淡淡玉桂味。軟軟的漢堡包皮之間，夾住大大舊炸軟殼蟹，新鮮牛油果。美中不足係軟殼蟹有一小部份吃到有沙。.🔸伯爵茶奶凍 (跟餐+$30)分數: (8/10)奶凍口感滑，好香伯爵茶葉味，上面有玫瑰花裝飾，裝飾好靚好少女心，派場夠大。.🔸400次咖啡 (跟餐+$20)分數: (7.5/10)呢排興呀嘛，又懶唔想自己整喎，咁咪嗌嚟試吓囉！都係果啲味啦，上面好濃咖啡味又好creamy咁囉！.💛有學生，醫護優惠。💛免費支裝水，比香港人有需要時拎。

知道呢間餐廳搬左舖位，所以特登約埋朋友上去試下。新舖位於人流好旺的厚福街的一幢大廈內，地方比舊舖寬敞，仲有一排玻璃窗(舊舖係無窗的)，俾人一個開揚的感覺。牆上掛有廚師推薦的menu。一如既往有餐前麵包，最鍾意食個蕃茄香草脆餅，唔洗點/搽任何醬已經好好味美國頂級牛柳牛柳雖然望落唔係好大塊，但其實好厚身。牛柳外層煎得有啲香脆，食落帶有陣陣焦香味。牛柳本身已用鹽略略調味，可以帶出牛柳本身牛肉鮮味牛柳好好juicy,完全無筋或者肥肉位。牛柳中間係粉紅但又唔會太血淋淋，好乎合我地medium-rare的要求。如果覺得只有鹽味好單調的話，可以點上碟上如似蘑菇忌廉的醬汁黎食，都好味!有小小驚喜係伴碟唔係用普通的薯條/薯蓉，而係忌廉菠菜，食得肉多有少膩時，食返啲菠菜感覺更健康~脆炸較殼蟹牛油果漢堡配蕃薯條漢堡的size十分巨型入面隻軟殼蟹都好大隻下!軟殼蟹炸得香脆但唔油膩，蟹味都好濃郁。本來有啲擔心成個漢堡無咩醬汁，食落會太乾，但事實又唔係喎~適量的醬汁再加上蕃茄和生菜的水份，整個漢堡的濕潤度剛好唯一的美中不足係牛油果有啲生，無左特有的柔軟感和香味。而伴碟的脆蕃薯條外脆帶鹹，內裡軟又甜甜地，好好食