鹵家 (Moved) New Location

本來今日Lunch打算帶屈小姐去元朗食尼泊爾餃子，點知去到落左閘，唯有帶屈小姐去賴生想食果間鹵家啦，近近地係隔離之麻！好好彩一去到有位坐，拿拿臨入去叫叉燒飯啦，點知老闆娘話沽清，只好試下叫其他野食醫肚啦！不過真係好多人問叉燒⋯老闆娘比個貼士大家：午市11:15排，晚市19:00前到好大機會有！對住張餐牌研究一輪之後，賴生同屈小姐決定要試下：鹵水鴨飯（鹵家招牌喎，冇理由唔試下麻！），鹽香雞飯同埋酒香醉雞卷老火湯：⭐️⭐️⭐️⭐️先黎一碗跟餐老火湯，湯款日日不同，是日係薏米蜜棗煲雞腳，值得欣賞既係佢唔算太油，味道唔係淡而無味既例湯，亦唔係味精湯，而因為春天較潮濕既關係，老闆專登煲薏米去濕，非常貼心鹽香雞飯：⭐️⭐️⭐️⭐️老實講，呢個鹽香雞飯係中上既，用美中不足黎形容佢係最好，點解呢？首先：鹽香既咸味好正，只可惜只流於雞皮表面而無滲入雞肉⋯不過勝在雞肉夠晒滑、重雞味又冇雪味👍🏻而醬料呢：蔥蓉同薑蓉比例係9:1嫁，所以點落提昇左蔥香味，但點左就遮左個鹽香味同咸味Lu⋯⋯同埋油左D（利申：偽健康飲食主義者）鹵水鴨飯：⭐️⭐️⭐️⭐️⭐️不愧為鹵家，鹵水野係出色既，鹵得極入味而不會過咸，滲晒入鴨肉度，正！而且鴨肉唔肥嫁，

近近地想食個家常小菜就去左新開不久的鹵家試試見到都幾多人食堂食外賣都多晚市套餐都幾抵食由$40幾至$60幾就搞掂仲有住家老火湯和飯或麵可揀仲有好多小食可以揀如果2-3個人黎食都可以叫1-2款小食一齊食有d黑胡椒調味食落幾開胃豬耳好爽口仲有d青瓜絲~個豉油汁好香好入味但又唔覺得太咸D雞肉好滑嫩有時好怕食雞食到又鞋又硬既質感完全冇呢個問題 連雞肉都好入味個底仲有好多細細粒既薯仔呢個先係精華吸收晒d豉油汁同埋煮得好軟腍同黎送飯真係一流晚市黎講價錢都算抵因為份量都幾多呢個抵食~晚餐連飯和湯野飲都係$48仲要大大碟~海蜇好香麻油味~而燻蹄的肉質都好彈牙結實，肥肉不多個燻蹄汁同出面的有d唔同~唔會好水好淡~係好有味道，比較偏酸，好似有dd酒味(唔知有冇食錯)跟套餐可以揀飯、拉麵、公仔麵等等我就揀左拉麵，係日式拉麵的質地~但係個湯底就唔係日式啦~係普通湯底~食落都幾清，仲有好多栗米粒~讚！唔係茶餐廳的味精湯~係自家煲的老火湯~飲完唔會口渴!仲有好足料的湯渣總結：抵食又好味的晚餐，難怪好多人外賣番屋企~