Sisombath Restaurant

透過電視節目，知道中環有家老撾菜餐館。今天帶小米看醫生後，順便到這裡晚餐，一嚐異國風味！   其實是自己懷念清邁美食！ 老撾在泰北，越南那邊，三地的食物可能很接近。來到餐廳，牆身以層架為主，擺放不同的餐具作點綴。實用和美觀兼備！枱面餐牌也有介紹老撾菜餚特點和型男廚師。下單後，著小米去洗手。　　　是拉差牛油醬雞翼　　　　紅色是拉差，辣的。黃色牛油醬，香噴噴的。這個為八件單骨雞翼，先油炸，再伴著香辣的橙色醬料（紅＋黃＝橙），變為香脆又香辣的炸雞。食雞翼要有儀態，可以用刀叉剔出雞肉，以筷子享用也不易弄污粧容。個人覺得最好的方法還是＜五指山＞！　　　是冧彈燒雞見求　　　小米想食雞，又想食飯，幸好有燒雞飯可供選擇。＜是冧彈＞＝咖啡色。燒雞除了啡色的醬料，還灑了其他香料，芫荽籽？香草？最重是小米喜歡這啖啖肉無需吐骨的燒雞。而伴碟的芽菜，生菜，青瓜，就變成我的目標了！　全因剛才自己獨吞整碟香辣的雞翼，需蔬菜扮健康，來消除罪惡感。蔬菜配酸辣鹹的醬料，醒神又開胃！　　炸牛皮＆沙律　　　　　單靠燒雞見求伴碟的蔬菜，是不足以對付那香辣的雞翼。為求飲食平衡，特地點了牛皮醬沙律，扮健康！　　照片上，這盤沙律配一款紅色醬料，和未煮熟的蔬菜。在清邁之旅，常常遇上這款菜餚：＜生勾勾＞的新鮮蔬菜，沾上香辣特色醬料。　　可是，這晚辣牛皮醬售罄，但有牛皮。店主知道我懷念清邁的口味，特地為我調制辣茄子醬和加入炸牛皮。　　　正常餐牌應該不會有這款吧！我Buy店主識執生走位！　　主角：炸牛皮。如果以泰北炸豬皮的方法，代入炸牛皮，可以想像：牛皮去油去脂後，將牛皮灼熟，切成小件再曬乾，在用餐前，才把牛皮炸至金黃色，變成鬆脆的小食。　　炸牛皮的外表，跟清邁炸豬皮有點相似。油炸後的牛皮，比炸豬皮更厚。炸牛皮鬆化，中間多氣孔，方便吸汁。單食炸牛皮當然OK，以生菜包著炸牛皮再加上辣茄子肉，就變為韓菜 samgyeopsal。　來到最後，自己一人把整盤沙律消滅了！ 　　　　店主為表歉意，特地送我二粒酸肉腸。小米是首次看到老撾國旗呢！　口感：腸衣包著鬆散細碎的糯米和帶豬皮的豬肉碎碎　　　　味道：有點似＜熱辣辣＞的日本壽司飯，但酸腸的酸度比壽司飯更酸！　　　　　看到伴碟有蔬菜，當然要將其消滅～食曬佢！　　　　　芒果糯米飯　　　　看到菜名，本以為是泰國名物。　　　　　　　真身：有椰絲，有花生碎，帶甜的糯米飯。　泰國那個糯米飯一般是帶鹹，這個紫色糯米是帶甜的。而最重要的是＜價格超值＞。泰菜館每碟芒果飯盛惠五六十個大洋，而這碟芒果糯米飯只是38，抵！　他日必會為了這芒果糯米飯，帶小米再臨。少少甜千層糕　　　聽講老撾的甜品，屬於甜死無命賠系列！幸好餐牌註明是＜少少甜＞。小米要獨享芒果糯米飯，唯有另選一款甜品，於是選擇＜千層糕＞。　　　分為四層，每層色彩不算太鮮艷，應該是天然色素，顏色才會較暗淡。口感煙韌但不彈牙，似年糕。甜度不算高，仍然嚐到那個米味！　 荔枝梳打　　小米想食荔枝，所以選這款。還專注望著<監視>職員預備飲品，然後興高彩烈地回報：媽咪，我見到加左几粒荔枝肉，再把一個玻璃樽入面的水倒入杯裡。玻璃樽上紅色標記有隻獅子！　　心想:  應該係泰國辛哈?老撾咖啡　自己喜歡咖啡，所以想試試。以瑰麗的杯子，置上滴滴咖啡壺，慢慢滴，剛好在享用甜品後，一杯咖啡就完成了。咖啡味不太濃，回甘不重，但帶著另一種接近越南香味。　　　  心中很想試那個盤菜，有不同種類的食物，以大盤呈上，客人可嚐到不同款式的美食。　只是小米為了燒雞飯，不易屈服！　總覺得這個盤菜，跟印度Thali套餐，清邁Lanna Khantoke帝皇餐十分相似。希望有朋友願意相伴，一起享用這個盤菜！…Read More

其實自己十分喜歡到東南亞旅遊，而整個東南亞偏偏只有老撾還未去過，今晚特意來到這家施心畢老撾餐廳，試試老撾風味。餐廳裝潢風格獨特，以復古街頭作為主題，很有feel，座位亦寬敞舒適，用上東南亞十分常見的金屬枱面，令人感覺置身當地。餐廳菜式選擇頗多，因為老撾接鄰泰北，所以食物風格亦相類似，餐牌前菜小食、咖哩、粉麵飯類、甜品各種各樣都有，更有一整頁的素食餐牌。老撾酸肉腸沙律老撾酸肉腸烤熟上枱，豬肉加入糯米、大蒜發酵，一咬味道微酸，細嚼出香葉香料的辛香味，伴以清爽微辣的青木瓜沙律，相當開胃。是拉差牛油雞翼牛油雞翼先開邊，做成單骨雞翼，分便食用，然後炸至外脆內嫩，再用特製的是拉差醬汁包裹著雞翼，味道酸辣分明，令人吃完一隻又一隻。是冧彈雞全米椰子湯粉十分新鮮的一道菜色，湯底是以椰奶作為基礎，所以呈奶白色，一呷香濃味厚，帶有微辣，有點像泰式的椰汁雞湯，但椰味比其更為濃郁，而是冧彈雞雞肉嫩滑，惹味非常，全米湯粉軟身而尚帶些嚼勁，十分新奇。老撾豬肉碎太陽蛋見求見求我保計是類似泰文的Khao Geang，即是碟頭飯，香葉肉碎上枱時仍冒煙，做法正宗，用上辣椒、九層塔等，配料味道突出，香濃惹味，辣度十足，粗糙細膩並存，令人一口接一口，加上一隻半熟煎蛋真的十全十美。老撾咖啡味道香醇濃厚，帶點溫和的柑橘味和花香味，絕不比越南咖啡遜色。青椰綠茶青椰奶和綠茶分開上枱，可以自行調整味道，一呷是天然的椰香，清甜味道加上茶香，配撘一流。…Read More

係我喜歡嘅滴流上次經驗不錯，所以今次帶朋友去食。冇訂位，但好快就有位Menu 都換咗雜誌形式今次試撈粉，可惜一食就見到有條頭髮。平時一見到有毛髮就冇胃口，但又唔想浪費，唯有照食。剛知食落覺得個粉根本就未煮熟，只好同waiter 講聲，但waiter 都算識做，即刻換過一碟新嘅俾我。其實嚟碟味道確係不錯，醬汁酸酸甜甜，又開胃，豬頸肉亦好夠味。朋友order 咗豬肉碎太陽見球表示豬肉碎冇乜味。跟餐飲品order 咗咖啡同奶茶。奶茶還好，咖啡係我鍾意嘅滴漏咖啡而且仲用上精緻嘅杯，但鍊奶落多少少會更好。，…Read More

呢間餐廳主打老撾菜，未食過既，好奇之下就上去試試。老撾喺泰國同越南附近，食物款式跟兩個地方很相似。叫了紅咖哩雞肉求見 $78 + 老撾咖啡 $12一來到色彩很繽紛，有紅米飯，炸薯角，雞肉粒， 茄子，車厘茄，豆角，蘿蔔仔。 每款都有少少， 好似食自助餐咁，非常豐富，食完好飽好飽。配上香料， 炸乾蔥，花生粒和紅咖哩一齊，好惹味。老撾咖啡好似越南咖啡，杯底下是甜甜的煉奶，用蒸氣慢慢將咖啡粉溶掉滴下。我很少飲咖啡，味道都ok，幾香濃。…Read More

🐹肥老鼠跟同事去食老撾菜，同事之前去過等了很久，所以這次lunch time預先打電話留位。準時一點到，見到靚仔老闆落手落腳，左頻右撲。我們還特登叫老闆落單是拉差雞翼（$48）是拉差其實是一種辣椒醬的名字，味道是辣中帶點香甜。雞翼很貼心地弄成單骨外皮有脆口，不辣很開胃，有點似韓式甜辣炸雞，不錯不錯紅咖哩豬頸肉見求（$78）一上來就俾外表吸引，一副大人版兒童餐的模樣馬上吃了口見求，口感黏黏的，無估錯的話應該有紅米香米糯米。紅咖哩是稀的，似m記的泰式辣醬加水版，配見求一起食又是很開胃豬頸肉很嫩很爽脆，全部配合一起，一個字份量很多，都怕自己會食不完，所以留薯角最後食。結果慢慢食，又真被我食完肉跟飯。薯角本身想放棄但愈食愈好食，薯味濃，很新鮮的味道，不是很脆但那種薯味真是吸引你一口接一口，最後成功清碟，完食老撾咖啡最後，嘆杯咖啡剛剛好，杯子很美麗有中東特式咖啡是在食飯的中段上，到食完就拿開上面的茶漏，咖啡很幼滑的感覺。個人不喜下糖，又不好咖啡的苦澀，但這杯沒有下糖也還好，是可接受的偏淡的苦味，可能事先是下了淡奶吧:)🐹溫馨提示Lunch time最好book定位見求份量大…Read More

偶然黎到中環，見到呢間主打老撾菜既餐廳，未食過老撾菜既我當然要試下！😋首先餐廳個名已經好有趣，以為係玩緊食字，睇番相關資料原來「施心畢Sisombath」係老撾皇朝既姓氏！我地嗌左兩個主食一個小食，整體感覺係其實老撾菜同泰國、越南菜既處理好相似，都係會用好多香料同配菜，豐富整個菜式既味道，但佢冇泰、越菜咁濃味，個人感覺認為同柬埔寨會似少少，因為兩者都唔係好咸好重味。首先要講下招牌菜亦係最令我有興趣既白咖喱豬頸肉見求，「見求」而家泛指米飯，而佢地用左紅米飯，口感軟稔，豬頸肉好juicy，配埋薯角、草菇、茄子等配菜，唔覺唔覺就食晒成碟😋黎到施心畢豐食拼盤，一個價錢可以試晒魚餅、米紙卷、春卷等各樣美食，我就特別鍾意入面既魚餅，唔會太咸又食得出魚肉同香料味👍🏼…Read More

想食湯麵，又唔想食魚蛋粉，車仔麵，試下老撾米 - something different... 老撾牛肉100%全米湯粉：湯底似越南粉湯底，不過冇咁濃。足料，多芽菜，牛肉好滑，牛丸係軟身嗰隻。米粉較平時粗身，有嚼勁。重點係食完唔會太口渴。施心畢豬肉炸春卷：感覺有啲似食炸芋角，𥚃面好鬆軟，醬汁酸酸少少辣，味道唔太濃。好食不過唔算太特別老撾咖啡：有煉奶係底，不過唔算好甜，比較淡味道嘅咖啡，唔太酸唔太苦。味道唔錯，坐得舒服！會再返嚟試吓其他菜式上菜速度：極快消費：106.5 per head - 同中環幾間餐廳差唔多…Read More

放工一個人係中環戇居居咁行左個圈，感覺就有點餓了，平時都比較少黎到中環，所以行左一輪，決定今次就試試呢間施心畢老撾餐廳。本身係見佢個名怪怪地幾得意就揀佢黎試下啦，反正又未食過老撾菜，餐廳位於中環既翡翠中心4樓，平日黎講客人都算幾多吧。紅咖哩豬頸肉見求 $78問過侍應後，都推薦我食呢個紅咖哩豬頸肉見求，見求係老撾姐係紅米飯球，其實紅咖哩都可以分得來好多種類。係泰國食到既、係越南食到既都會有分別，而老撾既紅咖哩偏向無咁有辣勁，返過來既係多左一份香草味道，味道唔太嗆辣，又特別香。配上簡單既薯角同埋多汁爽口既豬勁肉已經非常好食，係我喜歡既味道。老撾咖啡 $17餐飲我就揀左老撾咖啡，呢款咖啡我曾經係越南河內都有飲過，因為滴漏式泡製，流水經過多層既啡粉，味道特別濃，而且刻意用了煉奶取代糖及奶，口感自然岀奇地細滑。整體我認為係唔錯既一間，係有一點地道既風味，晚飯一人計唔洗百元，性價比係高的。…Read More

如果喜歡越南菜, 又想要 d 新鮮感, 那你一定要來施心畢老撾餐廳。先要讚是它的親切感, 這是來自老闆娘的熱情招待。她會用心介紹食物, 傳遞對食物的珍惜, 老闊的用心製作, 也在食物裡顯示出來。我們先點了一個老撾青芒果沙律, 它的優勝處是汁不會過鹹, 爽口的不只青姜果, 還有青瓜, 青豆和首次見的生蘿蔔, 呈白與粉紅的片狀, 味道先是清澀, 繼而清甜, 特別! 接著是施心畢豐食拼盤, 當中包括魚餅, 蝦片, 蝦春卷, 豬春卷, 素春卷和米紙卷。魚餅彈牙, 蝦片重蝦味, 鬆脆。 每款春卷外皮不同, 皮脆, 餡鮮, 夾著生菜食, 好吃! 要提及是它自家製醬汁, 花生醬加入了香料, 很得意! 然後是老撾薄餅, 必食推介。薄餅有紅椒, 豬肉碎, 扎肉, 香葉, 蝦干碎, 青芒果絲, 花生碎, 芽菜 , 醬是自製麻醬。皮是超薄, 有蛋在面, 可口又充滿驚喜的外表與味道。最後是芒果黑白糯米飯, 暖暖的糯米飯, 清清的椰汁及花生碎, 配上鮮甜芒果, 很有越式風味。我們還點了杯老撾咖啡, 香濃的沖漏咖啡, 值得一試😋 …Read More

成日行街食飯唔係老銅就油尖旺，你唔悶我都悶啦，友人今日就sd左個post比我，話去食老撾皇帝餐喎！係咁既，呢間餐廳既老闆Justin係老撾皇族既親信既後代，耳濡目染下，老闆細個就學識點煮老撾菜。老撾，姐係寮國，係緬甸同越南附近，係一個佛教國家，之前比法國佔領過，係法國殖民地黎。（補充反，老撾，bno or特區護照都要簽證的，但去中環就唔洗既）我地搭lift上到黎翡翠中心既4樓，見到個門口個waiting area好colourful，餐廳內部用左不銹鋼既枱，同木既櫈，係香港既餐廳就比較小呢d配搭，好似置身於異國咁。菜式方面，就著重於香料既味道，冇泰國果d咁濃烈，會温和d咁話，咁我地就一於try try佢。餐牌都幾多選擇，我地叫左幾樣，包括: 施心畢豬肉炸春卷($38)Sisombath Netted Pork Spring Roll用咗網狀春卷皮，口感比普通春卷皮更脆，值得一讚嘅係，個面炸得好乾身，一d都唔油！而入面既餡料係豬肉碎，咸咸地都幾好味。點返酸辣醬，包埋生菜食，一脆一軟，非常balance。是拉差牛油雞翼($48)Sriracha Butter Chicken Wings雞翼專登拆成單骨雞翼，方便食用。食落個面就甜嘅，帶有糖膠嘅口感，但肉質又帶微咸，原來係加入左是拉差醬炸香，唔怪得咁惹味！真心推介！老撾扎肉米紙卷($48)Laos Pork Sausage Rice Paper Roll米紙比一般越式米紙厚，但較落口感更厚實，米味亦比較濃郁。裏面包有米粉、蔬菜及扎肉，蔬菜食落幾清新，無青草味，點埋個特制芝麻醬，好夾！老撾海鮮100%全米湯粉($88)Laos Seafood Soup比佢吸引嘅原因係佢用上100%全米做嘅米粉，係老撾出品嘅米粉，比我地平時食到嘅更掛湯，食落亦比較飽肚。湯底飲落都幾濃郁，原來用左牛骨、香茅、八角、綠豆蔻等等煲成，唔怪得咁有風味。至於配料都豐富，包括魚餅、墨魚、魷魚、豆卜、大蝦同蝦片，非常足料。老撾咖啡($17)Laos Coffee黎到個樣非常似越南咖啡，都係滴漏形式上枱！但最明顯個分別係，越南咖啡會落煉奶，味道偏甜，相反呢個就黎得比較清，咖啡味唔算濃，齋啡都幾易入口，幾特別嘅體驗。荔枝梳打($24)Litchi Soda飲落比想像中淡身，荔枝味不太濃，但係清清地，食完d味濃嘅野又幾岩嘅！總括黎講，性價比非常高嘅老䙤餐廳，位於中環區，味道高質素之餘，價錢都好大眾化！而且餐廳環境好寬敞，坐得舒服，幾適合同朋友傾計聚會。…Read More

星期五的晚上，約了和友人相聚。住大西北的筆者實在不熟悉對面海的環境，經友人的推薦，穿街過巷來到這家「施心畢老撾餐廳」。不知是剛開業還是地點較偏僻的關係，即使正值晚巿時段也不過是坐了寥寥數人。不過這樣也好，變相可以和友人大聊特聊。筆者踏足中環的日子少之又少，印象中甲級商業區的消費水平也頗高的。翻開「施心畢」的餐牌一看，菜式價錢大都在40-80元之間，如此親民的定價令筆者很驚喜。雖然未能分清老撾菜和平日所吃的越南菜有何等分別，但反正都是同一地域，就一試當地名菜——米紙卷:)。包在米紙上的第一層是生菜和青瓜這些菜蔬類，霎眼看下去這幾件卷物都是主綠色，感覺好fresh好健康。米紙卷口感層次豐富。第一口吃到的是青瓜生菜的爽甜，然後是包在中間的米粉，還有主角網蝦春卷的咸脆惹味。蘸上碟邊的醬汁佐食，味道更濃郁。老撾菜果然有意思，這牛油雞翼和筆者吃過的牛油雞翼是截然不同。雞翼入口有一股濃烈的孜然味道，有一刻誤以為是夾了羊肉。炸雞翼配上灑在面上的炸蒜和醬汁，味道甚濃。若愛清淡口味的朋友可能會較抗拒。筆者欣賞餐廳肯花費時間工序把雞翼處理成單骨，令食客進食更方便。筆者點餐時，好奇上網查了什麼是全米米粉。原來全米米粉標榜的是沒有加入玉米粉。（如果找到的資料是有誤，煩請大家指正:)。）全米米粉夾起來偏硬身，吃了數小口感覺口感較為韌些。寫此篇食評時再查了一次全米米粉的資料，原來過度泡水和烹調會令米粉變碎。筆者回想起米粉夾起來都是長長的，看來廚房員工都頗為掌握米粉煮法。從米粉的配料，可以猜想其湯底大概用了香茅、乾葱等熬製而成。淺嘗一口，香茅味甚強烈。筆者頗喜歡米粉湯中的豬頸肉。豬頸肉很有咬口，十分爽滑，一點也沒有「鞋口」。但略嫌有點羶味。同行友人點了一杯老撾咖啡，杯子盛器非常精緻。吃罷才惡補回知識，了解何謂老撾菜。原來老撾菜是強調食材的原味，辣度亦較一般的越南菜低。經過今晚一宴，筆者又增進了不少知識呢。…Read More

對於冷門菜式，總有一種好奇心，果種心思思同難以抗拒嘅情懷係好濃厚嘅，所以今日決定約個朋友去中環食一家老撾菜館呢間老撾菜Search過，食物價錢真的算係中環嘅貼地價，而且佢都係屬於近排有點點捧場嘅餐廳！點解？因為「施心畢」係老撾皇朝嘅姓氏，老闆都係老撾皇朝嘅後代，皇族老撾菜！個名好架勢咁呢！其實老撾就在越南泰國隔離，我諗其菜式都近似呢兩個國家但都係點都想見識吓咩叫老撾菜！哈哈！施心畢老撾餐廳位處一商廈「翡翠中心4樓」，一出電梯就喺餐廳，無門面可言，入面更是無過多裝潢設計亦非常簡單，水泥地、不鏽鋼枱、木櫈，但都好大好闊落，環境開揚乾淨！坐得唔會唔舒服！餐牌好簡單，底面兩頁紙睇晒，唔知係味通用餐牌嚟架呢！有老撾見求、老撾粉麵、老撾沙律、老撾小食、老撾甜品、老撾飲品等...價錢是相當貼地，數十元就可以食一個主食了！見啲小食唔貴就點了-是拉差牛油雞翼 $48一客6隻，雞翼用左單骨式既製法，食起黎會方便好多！雞翼以牛油及泰國是拉差辣醬做但出黎效果味道偏向甜甜的，故色澤艷紅，top up架上左香脆既炸蒜，味道互相配合，但入口頗有辣勁，味道好濃郁，食到一種新穎既味道啊。不過愈食愈辣既...真喺越食越辣......不是說笑呢！主菜點了兩款。紅咖喱豬頸肉見求 $78見求這菜色名夠特別，第一次接觸既見求原來代表紅米飯既意思，非常健康！紅米比起白米較為健康一點，唔單單指有較高既纖維素，仲有助降低膽固醇，用上竹葉製既餐盤，充滿越南式既感覺！入面有多元化既食材，包括「薯角、小粟米、青瓜、肉丸、茄子，當然有主要既豬頸肉」，望起黎顏色鮮豔，令食慾大增...豬頸肉燒得剛好，外皮脆脆的，裏面肉質鮮嫩爽口，紅咖喱比白咖喱偏向辣亦都比我想像中辣，可能無加入椰汁調製，所以會辣點但可以完全保留住紅咖喱原有既風味。外貌擺盆甚有氣勢啊！老撾海鮮100%全米湯粉 $88望落普通，但味道卻有驚喜，湯底用海鮮熬製，鮮味十足，但味道可以再濃烈一點！不過越食越能透岀陣陣鮮甜，加上小小既炸蒜，就更加香！:)配料包括有「魷魚、青口、魚餅、蝦、花枝丸及蝦片」，非常足料，另外米粉係自家製作，口感比一般既米粉滑溜，同平時嘅米粉好大分別。整體味道清甜幾好食！老撾咖啡 $17記得之前去越南既時候都飲過相類似既咖啡，而且老撾同越南位置咁接近，相信是同一產物老撾咖啡和越南咖啡一樣，使用底部開孔既滴漏容器，先在咖啡杯內放上煉奶，然後再將熱水倒入容器，水會流過咖啡，再通過咖啡容器的開孔滴下，所以又可以叫做滴漏咖啡，因為用煉乳取代，咖啡味道夠甜！但口感絕對係smooth，慢慢地感受又濃又苦又甜的味道，正。另外再點了杯南薑香茅水 $19淡淡地，有點似香草茶，但我挺喜歡呢個味道，南薑香茅都有溫胃作用，飲完暖暖的，都會開胃一點啊！呢度都幾注重香料本身的味道，但味道比泰式溫和易入口一點。主打老撾湯粉同見求其實都好夠，因為分太散都唔見得係一件好事啊！將老撾菜帶到中環，晌中環返工嘅朋友，又多一個選擇喇。唔洗成日獨沽一味，可以試試新野呢！…Read More

係世界的大板圖中，老撾位於泰國及越南的中間。聽就聽過地方名，卻未試過品嚐過當地的菜式。偶然下，係網上發現中環有間由跟過米芝蓮大廚學廚的老撾皇族開的正宗老撾菜，店名仲以店主祖母的姓氏英文譯名改成，極具意義。除了餐牌外，到處仲貼上限時的特別菜式，大家去到記住四處望下仲有無咩想食呀。網上好多人推介的是拉差牛油雞翼！雖然Menu上有兩儲辣椒公仔，不過其實都唔算好辣。炸得金黃的單骨雞翼，內裏雞肉唔算太乾，加埋甜甜辣辣的汁，非常惹味。係小食當中，我比較推介呢份老撾網狀蝦春卷。由於出面係網狀的皮，炸到金黃後比一般中式的春卷皮口感更鬆更豐富。入面的蝦唔係平時好彈牙個種，而係香軟。應該係受到越南的互相影響，原來老撾菜都有米紙卷。餐廳的米紙卷有蝦米、扎肉及素菜三種。今次我就叫了一份扎肉做餡料的米紙卷。除了扎肉外，米紙仲將米粉及青瓜包埋一齊。點埋個酸酸地的醬汁，整體都幾開胃。主菜方面，餐廳提供100%全米湯粉及老撾見求(即係飯)。老撾牛肉100%全米湯粉份量超級大！幼幼的麵線淨係用了米黎打成，食落條條分明，而且煮得幾入味。牛肉粉除了有牛肉片外，更有牛丸、豆卜及芽菜。全米粉的口感比一般的米粉更有口感，而且都幾飽肚。另外，呢碗米粉用的牛肉唔似火鍋牛肉片咁肥，而且牛肉味都幾濃。白咖喱豬頸肉見求的飯混合紫米，食落更香更有嚼勁。豬頸肉夠爽口，又唔會太肥。白咖喱比較少有，一般都係係「船長連鎖餐廳」食。今次呢個白咖喱汁比連鎖餐廳個個少椰汁味，取而代之係更香濃的咖喱味。呢個真係勁好食，本身食飽的我都忍唔住再放入肚。不同的菜式都會有不同風味的奶茶及咖啡。原來老撾的咖啡都加入鍊奶，令整體更香滑。不過，咖啡唔算太濃，平時唔飲齋啡的我，係未攪均鍊奶都入到口，不過係值得一試的。南薑香茅梳打的香茅都幾重，不過加了梳打比南薑香茅水更易入口，想初嘗飲D東南亞Feel的飲品，可以試呢個。==============================鍾意我分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)…Read More

香港很少地方有老撾菜吃，之前從網上得知中環新開了一間老撾菜館，即時想去試試。曾經有一個月時間到越南老撾柬埔寨泰國旅行，雖然老撾這個地方，論景點不及柬埔寨知名和壯觀，論食物亦不及越南菜和泰菜吸引，但當地遊客不多，莫說國內或香港遊客，即使外藉遊客也不多，給人一個很relax的感覺，所以令我留下深刻印象。這就是為甚麼當我發現香港有一間老撾餐廳，即刻很有衝動想前往，就是想懷勉在當地的時光。＊＊＊＊＊＊＊＊＊＊＊＊＊＊＊＊施心畢裝潢雖然簡單，但店面都幾大，桌與桌的距離不會過近。菜單非常簡單，兩張紙底面四頁睇晒，主要是湯粉、飯、沙律、米紙卷、小食老和飲料，雖然只有單點，但價錢不貴，全部幾十元有交易。龍眼梳打($24)龍眼梳打內有兩粒龍眼肉，甜度較低，比較健康，但梳打味卻變得很突出，未必人人能夠接受。老撾咖啡($19)咖啡不及越南咖啡香，得不會過於苦澀，不過不失。藍色夢幻脆蝦片($28)蝦片不在菜單上，而是貼在牆上，從圖片所見蝦片上有藍色的醬汁，真是幾夢幻，可惜當晚藍色醬汁用光，店家轉了花生醬。蝦片一客都有幾多塊，炸得幾香脆，蘸上花生醬吃幾香口，味道濃郁，只是略嫌蝦餅有點過硬。老撾炸魚餅($38)魚餅一客有五小塊，入口微彈，幾香魚味。老撾網狀蝦春卷($48)老撾春卷有點像越南春卷，都是用生菜包著吃。春卷炸得香脆，不會過油，蝦肉餡很新鮮。老撾牛肉100%全米湯粉($78)牛肉湯粉內有牛肉、牛丸、芽菜、豆卜、炸蒜粒和香葉，香葉平時食越南河粉都會見到，而老撾湯粉的湯底相比起越南粉的湯底就較為濃味，牛肉幾滑，牛丸也很彈牙。米粉標榜用上100%全米製成，除了比平常的米粉較不易夾斷外，亦不會因為浸得久而吸湯，入口微彈，味道不錯。白咖哩豬頸肉見求($78)見求就是糯米飯，之前在老撾旅行，米飯都是用糯米飯，而施心畢的見求卻改良過，是混合了白米、白糯米和紫米。見求配上豬頸肉和各款蔬菜，菜肉澱粉均衡外，顏色亦很吸引。豬頸肉軟嫩不會太乾，白咖哩汁濃稠適中，味道濃郁亦不帶辣味，不吃辣的人都吃得到。總結，食物不俗，價錢亦很划算，吃得多越南菜泰國菜日本菜韓國菜或西餐，不妨試下老撾菜。…Read More

雖然沒有去過老撾，亦都唔太認識當地美食，只知道老撾喺越南、泰國附近，飲食文化應該有點相似。最近睇報章有名廚Justin Chan介紹美食，得知他本身經營老撾食店，一向中意試新野既我當然要黎試吓香港少有的老撾菜。餐廳位於中環至半山長電梯旁邊幾就腳~先點一份施心畢豐盛拼盤，有炸魚餅、春卷、網蝦、米紙卷、炸墨魚條。呢份拼盤每樣兩件，兩口子分享就最好不過，當中最鍾意係炸魚餅，軟軟的帶點紅咖哩香味。其他炸物都夠哂香脆~白咖喱豬頸肉見求見求係飯既意思，由白飯、白糯米、紫糯米煮成，有質感~爽彈既豬頸肉配上白咖哩，椰奶香非常惹味。仲有豆角、薯角、小粟米、車厘茄，配菜顏色鮮豔。老撾牛肉100%全米湯粉平時食既米粉米既成份極少，大多係粟米澱粉。而老撾既米粉大多係100%全米成份，黎呢度當然都要試吓啦~全米米粉比較幼滑，帶米香有咬勁。驟眼睇湯底有點似泰國既船麵，但無船麵咁濃味反而較清甜，忍唔住飲左幾口都無口乾，證明真材實料無落味精~ 而米粉亦相當入味配料方面亦非常豐富，除主角牛肉片、牛丸，仲有紅心蘿蔔絲、芽菜、洋蔥，好足料試埋老撾咖啡，杯底加入左煉奶，味道香醇濃厚。…Read More