豆公館

Open Now

Now Closed

依日去旺角買完嘢，附近路過位於登打士街既一間新派豆品店豆公館，除咗有我喜歡既豆腐花、豆漿之外，仲有肉鬆蛋餠同老乾媽炒麵，以及多元化既款式。入到店舖，裝修以大地色及木製傢俬，環境舒適，感覺悠閑。看看餐牌先，餐廳有四大名物 : 招牌麻婆豆腐花、肉鬆蛋餅、老乾媽炒麵及杞子元肉紅棗黑糖豆漿，亦有魚肉煎豆腐、開心果蛋餅、多士、刈包、腸粉、炒米粉，以及多款豆漿同豆腐花選擇，很不錯。黑芝麻豆腐花        $26果然係黑白配，一次可以過食齊兩款。豆腐花綿密細緻，豆味濃好嫩滑，入口即化，芝麻糊味道香濃，稠身既芝麻糊與綿滑既豆腐花，一啖就滑落喉嚨裡，好味又暖胃。肉鬆蛋餅       $38蛋餅餡料豐富，包裏得漲卜卜，切開每一件都食到肉鬆香同蔬菜既爽口，餅皮做得Q彈，醬油膏既味道唔會鹹，令蛋餅既味道更有層次。老乾媽炒麵       $36喜歡食辣既人仕，呢款一定要點。炒麵熱辣辣，鑊氣十足，豆豉、蔬菜、辣椒醬與炒麵結合，辣度適中，唔會太辣，食起嚟非常惹味。杞子元肉紅棗黑糖豆漿         $22依個係滋補健康既豆漿，相信會好多人鍾意。清甜既元肉、紅棗、杞子及黑糖，與豆漿好夾，滋潤養生。豆漿     

✨ 麻婆豆腐蛋餅這款蛋餅將台式早餐與川菜融合。外皮煎得香脆，配上麻婆特別嘅配搭。✨開心果蛋餅開心果醬同朱古力醬與蛋餅配搭得非常之好，最鍾意佢軟糯嘅口感。係一款非常之唔錯嘅甜點。✨滷水豆腐、豆卜滷水豆腐吸收醬汁精華，帶有濃郁的滷香，口感是外層微韌、內部滑嫩。而豆卜就完美吸收哂啲滷汁。 ✨老乾媽炒麵老乾媽的香辣豆豉味道濃郁，配搭佢哋嘅炒麵令到味道提升。 ✨麻辣鹹牛肉芝士刈包刈包本身柔軟，搭配鹹牛肉有一種濃郁的鹹香，加上麻辣調味，會有一種台式與川味的結合，但呢個刈包味道唔錯，值得一試。 ✨黑糖豆漿黑糖的甜味溫潤與豆漿的豆香結合得相當順口。 我叫嘅係熱豆漿，好適合而家嘅天氣，暖笠笠。✨椰汁豆漿椰汁嘅椰香搭配豆漿都幾似椰奶頪飲品。朋友點咗涷飲，幾順口。 ✨紫薯紅棗雪耳豆腐紫薯帶有自然的甜味，紅棗則提供一點微酸的果香，雪耳大大舊，感覺很養生且潤口。✨麥芽黑糖桃膠花生豆腐花本身都鍾意食桃膠，所以就嗌咗呢款，桃膠煙煙韌韌，配埋豆腐花都幾好食

平時成日經過呢間 豆公館 見到門外嘅豆腐花餐牌已經好想食 今日終於嚟試啦😬 入到去坐低睇睇餐牌 再自己用筆落單 方便簡單～有好多選擇 揀咗一陣終於揀好🤣 黑芝麻豆漿好香黑芝麻味 豆漿好順滑 唔會好甜 好好味😋 無糖淡豆漿豆漿打得好幼滑 豆味好重 健康之選😀 老乾媽炒麵好香好好味🤤 炒得夠火候 條條面都有上色 越食越想食！必點👍🏻 麻辣鐵板蛋煎腸粉 呢個好有驚喜😍 腸粉煎得好香好乾身 加埋佢嘅調味好惹味😋 招牌麻婆腐皮蛋餅呢個真係必點！麻辣醬好香唔會勁辣 蛋餅煎得薄脆 加埋花生榨菜又係另一種享受😌 蘿蔔糕軟糯嘅口感 再加上煎得兩面都香脆 加埋辣椒醬同甜醬 正👍🏻 麻辣鹹牛肉芝士刈包熱辣辣拎上嚟嘅時候芝士仲係拉絲😍 鹹牛肉就咁食就有啲鹹 一定要加埋刈包食 咁就啱啱好啦😇 麥芽黑糖桃膠花生豆腐花食完咁多鹹嘢最後梗係要食返甜品😗 超多桃膠😍勁鍾意！豆腐花幼滑 加埋桃膠花生食超好食😋 大推！ 整體嚟講 呢間 豆公館 環境不錯 食物種類有創意 一定會再嚟食佢嘅豆腐花😊

點了一個熱開心果豆腐花 + 老乾媽炒麵～熱開心果豆腐花（$42）：豆腐花好香滑，豆味香～ 開心果醬杰身，開心果味出，但唔會太甜，有勁多開心果仁鋪面，每一啖都係滿滿嘅開心果，食晒成碗都唔覺得好膩，令人好滿足～ 推介！除咗開心果豆腐花，都有好多唔同款式嘅豆腐花選擇～ 有傳統口味（例如：薑汁豆腐花、黑芝麻豆腐花）、鹹味（例如：招牌麻婆豆腐）、養生系列（杞子元肉紅棗黑糖豆腐花、紫薯紅棗雪耳豆腐花、麥芽黑糖桃膠花生豆腐花）老乾媽炒麵（$36）：少少辣，有好香嘅豆豉味同鹹香嘅XO醬感覺，炒麵配有洋蔥絲同蔥粒，香口但唔油膩，麵條好爽身，味道好均勻。如果唔想太辣，可以落單時，同職員講，會落少啲老乾媽醬。店舖設有最低消費，每人需要消費一杯飲品另外店舖無八達通付款，收現金或其他電子支付

星期六同老公到旺角豆公館食午餐。鍾意食豆類製品既人會覺得呢度係天堂，有豆腐、豆腐、豆腐花，另外仲有蛋餅、刈包、多士、炒粉麵粥、腸粉，應有盡有，而且味道都唔差，價錢亦唔貴。鹹牛肉芝士蛋餅除咗有鹹牛肉同芝士之外，仲有啲紅蘿蔔絲，口感豐富左，欣賞鹹牛肉唔會好鹹。開心果蛋餅蛋餅無論內外都充滿開心果碎，內裡更有開心果醬，同蛋餅一齊食，就會有鹹鹹甜甜嘅味道。魚肉煎豆腐味道正常發揮。蘿蔔糕 蘿蔔糕唔會粉，煎得夠脆，蘸甜醬食好食。鐵板蛋煎腸粉腸粉份量都幾多，味道都夠。老乾媽炒麵炒麵非常惹味，鹹香味十足，食落辣辣地。柴魚花生粥花生粒幾多，粥煲到夠綿，又有啲粒粒分明。紅豆沙豆腐花喺豆腐花上面加咗紅豆沙，整體唔會好甜。飲品叫左原味豆漿同黑芝麻豆漿，同樣唔會好甜。

第一次食咁多豆製品🤣 全部都係每日新鮮製造～又用咗優質加拿大大豆，都幾特別喎💓 一次過食勻佢哋嘅四大名物😋 想同大家講早餐真係勁抵食✨廿蚊包埋豆漿，整翻個ɢᴏᴏᴅ ᴍᴏʀɴɪɴɢ先啦💯1️⃣ 老乾媽炒麵🥢成日都聽老乾媽呢個名，今次真係第一次食，原本以為好辣，原來都仲可以接受到喎🤣 彈牙夠鑊氣嘅面條加上蔬菜絲、蔥花同埋豆豉，食落係微微嘅鹹鹹辣辣，勁快就食哂😚 1個人食應該啱啱好，我同👸🏻2個人ꜱʜᴀʀᴇ食，有啲後悔點解唔嗌特盛ꜱɪᴢᴇ🫣2️⃣ 魚肉煎豆腐🐟完全就係家常菜嘅味道🤩 細細件嘅豆腐上面舖咗魚肉，煎完出嚟好香✨一定要蘸埋辣醬豉油食，簡單嘅小食食完好舒服😌3️⃣ 肉鬆蛋餅🥚此蛋餅不同彼蛋餅🤣 呢度嘅蛋餅較挺身，煎到微微有咬口，內層就有雞蛋、大量嘅蘿蔔絲同埋肉鬆做餡🤩面層仲有啲榨菜，夠晒滋味👅