潮福蒸氣石鍋 (Closed)

同家人慶生, 當然出外食餐飽, 蒸氣石鍋呢幾年大熱, 當然要帶同家人去潮一潮, 食一餐蒸氣石鍋當晚8點15分到達, 前檯告知8點半後入座會便宜一點, 當然係樓下等一等先夠鐘入座, 先選粥底/燉湯及海鮮供廚房準備食材, 粥底選了瑤柱淮山粥, 燉湯三選一, 選了姬崧茸燉螺肉, 個湯好足料好清, 菘茸亦好香. 首先貝殼盛盆, 當中有4-5款, 青口/大蜆/花螺/花甲等, 分量剛剛好每人都有龍蝦開邊每人半隻, 是新鮮啖啖肉, 沒有太多調味, 只有數粒薑蔥已經食到原汁原味乳鴿都是每位半隻, 乳鴿size比較細, 唔算厚肉, 有點油膩, 剩下一半要打包扇貝蒸嘅時間剛剛好, 就算唔落醬油都足夠 石蠔個殼好大, 不過蠔既size不一, 有肥美, 但有一隻偏細, 這一點店員要留意一下, 味道不算太特出鮑魚用了蟲草蒸, 每一隻都好飽滿, 口感彈牙蟶子皇新鮮, 口感又爽, 好厚肉, 連本身毫無味道既粉絲份也吸收了海鮮鮮味和牛片比較厚切, 和牛粒已有黑椒調味, 同樣是蒸2分鐘, 和牛粒未完全熟晒, 較juicy及嫩, 有口感, 和牛片應該過老了, 有點靱,但牛味會比較特出, 和牛片應該一分鐘就食得清遠雞及污糟雞各點了一份, 其實味道分別不大, 蒸熟的程度剛剛好, 是新鮮雞好嫩滑, 家人都讚好手打丸類不敢點太多, 怕吃不消, 嘗試過就好了.手打牛丸味道感覺似牛肉球, 口感會比較實在.蝦丸味道會比較出色, 會有新鮮蝦肉混在一起.鯪魚球味道正常, 但發現有少少肥豬肉混入. 最後當然要點蔬菜消化一下, 超甜粟米非常清甜, 要encore, 南瓜片及香芋片好淋好粉還有點了馬拉糕及蔥花卷, 味道是酒樓的點心食完後, 侍應會拿走蒸隔,一鍋真的是軟綿綿, 白雪雪的粥已經煮好, 完全是吸盡剛才所有食材的精華, 每一啖都是鮮味無比 整頓飯侍應不停照顧, 由落海鮮, 調教時間, 換碟, 分海鮮等等, 家人都很滿意. 這次已經是第二次光臨了…Read More

天氣忽然轉涼，和男友兩個心思思又想去吃蒸鍋。選擇當然是我們的至愛潮福，但到那間分店好呢？記得半年前去個西灣河分店，新鮮又好味，今晚決定從遊舊地，立即換衫出發去西灣河。到達潮福己8點多，原來這分店亦改為任點任食，第二輪8:30入座，時間啱啱好。先選粥底，要了瑤柱淮山粥。每人送一盅燉湯，我倆都要雲腿粒冬瓜燉螺肉。另每位敬送貝殼盛盆各花竹蝦。海鮮類可選五款，其餘所有任點任食，啤酒，汽水知竹蔗水任飲。燉湯先到。熱辣辣，材料豐富，果真有冬瓜、螺肉、雲腿、雞腳，絕不欺場。先喝一碗滋潤滋潤。海鮮到了，先蒸貝殼類。有兩種不同貝類，我較喜歡紅色肉那種，很爽口鮮甜。輪到蒸花竹蝦，記得上次在旺角分店只提供普通遊水海蝦，但這裹供應的是價錢貴幾倍的花竹蝦；花竹蝦除大隻外，肉質較海蝦結實，啖啖肉味道鮮甜，好好味。之後到自選海鮮部分，有幾款很值得推介。首先是蟶子，看，比隻碟還要長，用葱蒜粉絲醃好，蒸數分鐘，蟶子肉鮮甜彈牙，而蒜蓉粉絲吸收了蟶子的鮮味，比蟶子肉更好吃。還有象拔蚌仔和美國石蠔。象拔蚌鮮爽口，侍應說只需蒸2分鐘，蒸太久會變韌，2分鐘果然剛剛好，象拔蚌仔只覺爽口，完全不老不韌。石蠔亦是大大隻，看，差不多等同碟子大小。蒸後蠔肉沒有縮小，依然大大件。蠔肉軟腍滑溜，充滿蠔香味，要吃數口才可吃完整隻蠔，真的超大隻。再來是任點任食部分。點了心愛的馬拉糕和荷葉飯。兩款都不錯，馬拉糕甜度剛好，而荷葉飯米粒爽口，不油不膩，好味。另外很值得一讚是各種丸類跟和牛肉，和牛粒。三款丸子都好好味。全是手打丸，很新鮮。而和牛肉跟和牛粒兩款都頗鮮甜，牛味濃郁，值得一讚。最後到粥出場了。期待己久的淮山粥。每次到潮福，我最期待的就是這碗粥。當然啦，集合所有海鮮的精華，味道實在鮮得不能形容。今晚吃得很滿足。試過幾間潮福，始終覺得西灣河這間最正，食物最新鮮。下次又再想吃蒸鍋的話，必定會再來選這間。…Read More

Honey一向最愛打邊爐，不過深知「烚吓烚吓」其實並非咁啱男朋友仔口味，噚晚就帶咗XO仔去佢家附近間「潮福蒸氣石鍋」，一試潮興o既蒸氣石鍋，搞搞新意思 。兩層高o既「潮福」地下為接待處及廚房，一入門口已見海藍色o既魚缸內有多種及多隻生猛o既海鮮。六點三左右，一樓o既二至四人卡位散座啱啱只剩下俾我地嗰張，早食真係好  ！不過真係估唔到天口咁熱，七點未到全店冇九成都絕對有八成滿。雖則餐店有小菜提供，但差不多每枱都有個籐罩喺中央，似乎全場都係黎食蒸鍋。原來honey立心要試o既海鮮餐最少要有兩個人先可以食，每位$338，另收醬油、花生、及加一。套餐每位奉送粥底、滋潤燉湯、貝殼盛盆、生猛花竹蝦及自選海鮮五款。其餘二十一款肉類蔬菜則任食任點。就連啤酒、汽水、竹蔗水都係任飲 。喺度食飯仲可享免費Wi-Fi，抵啦掛 ？！點好食物當然係要先混一混醬啦！ 滋潤燉湯之雲腿粒冬瓜燉螺肉：燉湯清甜且唔油膩，每碗除咗有冬瓜、螺肉、同雲腿粒之外，仲有軟滑o既雞腳食，真係好足料。兩口子飲湯時，叔叔先喺鍋底灑上一碗粥料，然後再續款食物幫我地蒸。由於蒸爐非常熱，蒸煮不同食材所需o既時間又有所不同，免得食客燙傷或食物過熟，故食客只需飯來張口。 貝殼盛盆：連殼蒸o既蜆隻三分鐘就食得，唔洗點汁已夠鮮甜，打響頭炮o既蒸物足以令二人期待萬分 。 生猛花竹蝦：以竹籤穩固o既花竹蝦上枱時仍不斷扭動，當真極之生猛。大大隻花竹蝦爽厚實在，超 ！ 日本大元貝：以蒜蓉粉絲蒸出o既大元貝鮮味無窮，邊位薄脆，肉身厚嫩，橙色o既膏位亦軟滑肥潤 。 美國石蠔：勁量級o既石蠔經過蒸煮都未有縮水。巨蠔潤滑厚身，外滑內軟嫩，冇得頂呀 ！ 生劏龍躉件：此乃為魚后情人所叫o既菜式，因第一口已食到骨，所以結果都係借花敬佛 。 象拔蚌仔：預先切成細條o既象拔蚌仔雖然味甜，但就略為偏咗微微韌，唔係差，只可以話係咁多款中最欠特色之作囉。 蟶子皇：爽脆o既蟶子皇同大元貝一樣以蒜蓉粉絲蒸，吊出o既鮮味亦最為濃甜 。為免食客浪費食物，任點菜式全為續位續粒續件叫，其中丸物原來係同一時間蒸o既。 手打梅菜豬肉丸：叔叔極力推介o既豬肉丸軟嫩惹味，真係冇介紹錯。 手剁鮮蝦丸：蝦丸不但外表呈白裡透紅，咬落更覺爽口彈牙，當然成為追加食品啦；嘩哈哈，小肥一個食足半打，爽爆 ！ 手切和牛粒：單憑相片未必睇得到，不過和牛粒香軟得黎肉汁極為豐潤。 爽脆豬頸肉：普通蒸豬肉大多都會偏嚡同乾，意外地豬頸肉滑溜非常，軟潤甜美 。 瑤柱鮮淮山粥：打開鐵架即見一直喺度煲滾o既瑤柱鮮淮山粥，內含之前蒸煮食物o既所有精華，輕輕加上蔥花及乾濕雙蒜即能帶出其內在o既鮮味，果真妙絕！叔叔最後送上西瓜作為甜品，夠哂清甜消暑。XO仔其實對鍋物真係唔係話咁好，不過因靚靚媽咪及情人同為邊爐粉絲，所以都會經常投其所好，「烚吓烚吓」 。今次同honey喺「潮福蒸氣石鍋」試過新興o既蒸氣鍋之後，難免會將蒸鍋同火鍋作出比較。由於蒸煮過程唔會好似烚煮過程般流失咁多精華，入口更覺原汁原味，海鮮亦特別鮮濃，加上流失咗o既精髓都溶哂喺個粥底度，冇嘥野食之餘，又冇咁熱氣，蒸鍋真係健康討好得多 ，唔怪得知可以喺香港成為人氣潮吃菜餚！…Read More

潮福把清蒸石鍋帶進市場，我認為非常成功，首先是自己的店已經擴至九家，其次是仿效者亦眾，我喜歡吃海蒸，無油的煮法亦非常合心意，因此亦已經吃過多次，今晚，又約了一位未嚐過這吃法的朋友，來到西灣河店，因為近大家工作的地點。我從太古坊走路去，大概半小時到達，飯前先運動，待會可吃更多，因為要嚐任吃套餐。晚上每位$338，包湯丶粥底丶2款指定海鮮丶5款10選5海鮮丶然後是餐單上的蔬菜丶肉類及蒸卷任吃，更有啤酒丶汽水及竹蔗水任飲，但要加上每人$15茶錢及醬油費，亦有加一服務費，總數$388.3/位，相比散點，非常優惠！集團經營，裝潢一致，海鮮酒樓格局。我們坐在二人卡位，十分寛敞。今日的湯是雲腿粒冬瓜燉嚮螺，味道濃郁，估計材料及調味料皆足，泛著幾分油光，沒有期望，亦不失望。清蒸石鍋折解，全個鍋可以取出清洗或更玩。未放石鍋，中央散發蒸氣，桌下是一大瓶蒸餾水，見有員工更換。放下石鍋後放下粥底材料放下蒸格放進海鮮蒸今晚指定的海鮮是花竹蝦，每人有兩只，肉質十分有彈性，味道鮮甜，好好味！另一款指定的是貝殻海鮮，今晚每人有3只番薯蜆丶1只花甲公及3隻花螺。番薯蜆肉厚鮮甜，實是平丶靚丶正之選；花甲公太瘦，今日貨源不佳；花螺過得去，美中不足之處在於含沙，口感失分！五款自選海鮮我們選了美國石蠔，肥美大只，有過半只碟的面積，蒸後殼內有水，非常鮮甜。蟶子皇及象拔蚌仔，同樣鮮嫩香甜。生劏龍𧄌件，顔色嫩紅，加了薑粒及蔥花蒸。肉蟹一只二人分享，意料之外，蟹膏軟滑豐富，肉質亦有彈性，香甜味美。手切和牛肉，色澤紅潤，就是雪藏貨都應該是上乘品質，脂肪不算平均，但一口一片，比例合適補求。入口既嫩滑亦有嚼勁，只有吃肥牛之感，並不如和牛豐膄，但亦無所謂，因為美味；我亦是從清蒸石鍋中學懂了牛肉亦可蒸得可口。若喜歡香口一點，可醮一點沙爹醬。和牛粒口感更嫩爽脆豬頸肉名乎其實的爽囗香嫩，想不到，未有醃過的豬肉，因為質素好，無需醮甚麼醬汁已經好吃。另一組驚喜是丸類，原來是真正手打的，刻意的粗糙及未剁至完全滑溜反增口感。蝦丸爽口彈牙，實在的粒粒蝦肉，吃得份外滿足。鯪魚丸加進豐富蔥花，增添了香辛，咀嚼更滋味，而且粗粒幼粒並存增嚼勁。豬肉丸及墨魚丸製法相同，美味有口感。豆卜及節瓜，新鮮已經是好。紅棗糕不算出色，紅棗味不強，口感過膠。我們選了清淡的瑤柱腐皮粥底，但因為蒸物豐富，精華盡流到粥肉，而且時間足，粥底棉滑，味道鮮甜至極，份量足夠六人分享，我吃了三小碗，無奈之下亦要放棄，胃納有限！下次再來，定必留肚。清蒸石鍋的吃法，無油且沒有預先醃味，材料非新鮮上乘不成，吃得亦健康安心，周一晚上大半滿，相信任食套餐，得客人歡心，實在真的物有所值。…Read More

蒸手? 蒸面? 蒸浴? 通通都不是, 美容扮靚並非我所愛, 講飲講食才是我的喜愛, 一提起食就令我精神為之一振, 兩眼發光, 那麼乜東東會令我蒸上癮, 就是近期大熱的蒸氣石鍋餐。繼上次跟哥哥在旺角店吃過後, 一直念念不忘, 還忍不住把相片給老爸看, 也令他垂涎三尺, 那麼就跟他吃一次吧!今次選了位於西灣河的分店, 大大個紅燈光的招牌相當搶眼。一推門便看到多個養着不同生猛海鮮的大型水箱, 看來今晚必有口福。沿樓梯走往用膳區, 內裏環境光猛, 如一般酒樓的格局, 設有多張大圓枱, 亦有數張四人卡座, 走到最盡頭亦有獨立房間, 但地方不算寬敞, 枱與枱之間空間不多, 略為狹窄。泊近樓梯處設有一排水箱, 放滿了多款生猛的海鮮, 亦有兩大箱鮮蟹, 而牆上清楚列明相對的價錢,不少食客都站在該處挑選心頭好, 場面熱鬧。每枱均設有個蒸氣石鍋, 配上一個重量十足的籐帽鍋蓋, 連同一個計時器, 店員會為客人按餐牌上每款菜式所註明的蒸製時間進行設定, 當時間一到便會發出聲響提醒食客, 一定不用擔心蒸過時。******************************趁食物還未上枱之際, 由老爸動手取些醬料作準備。醬料架上所設的醬料不及旺角店那麼多, 大約有十三種, 包括豉油、冬菜粒、沙茶醬、指天椒、XO醬、甜醬、炸蒜茸、花生醬、芫茜、蔥花等等, 老爸取了豉油、炸蒜茸、XO醬和冬菜粒, 四款好似有點不夾, 但並不重要, 反正據上次經驗, 蘸上醬料的機會不多, 皆因我愛吃原汁原味。******************************餐牌跟旺角店一模一樣, 同樣分蒸氣海鮮和蒸氣名菜, 仍然有生猛龍蝦酬賓優惠, 當然也是不能錯過, 馬上點一隻生猛龍蝦($98/隻)共享, 上次以蒜蓉蒸, 今次則改用薑蔥, 蒸製時間為5分鐘。龍蝦 體積不小, 差不多跟我手掌一樣大, 份量十足, 啖啖肉, 令人吃得滿足。外肉呈鮮橙, 內肉潔白, 簡簡單單以薑蔥蒸熟, 不用添加任何調味料便能嚐出其鮮甜味, 非常新鮮, 但可惜肉質略為實淨, 沒有預期中那麼彈牙, 而龍蝦頭所藏的蝦膏亦不多, 有點失望。******************************除龍蝦外, 其他菜式也沒有重吃。先來兩隻美國石蠔 ($48/1隻), 棄用蒜蓉清蒸, 免得蒜香蓋過蠔鮮, 以薑蔥 帶出鮮味最為合適, 而它的蒸製時間需8分鐘。兩隻石蠔同樣肉厚肥大, 蠔肚 鮮甜兼富肉汁; 蠔柱 相當大粒, 爽彈鮮味; 蠔的裙帶 煙煙韌韌, 挺有咬口, 的確相當新鮮肥美, 可惜內存蠔殼碎和沙粒, 不得不扣分。******************************我和老爸一向都喜歡吃大魚頭, 但由於它的價格越來越貴, 故已甚少買回家中作餸菜之一, 今晚一於點一碟新鮮大魚頭 ($138/個)滿足一下。這個大魚頭的確巨大, 一碟約有七八件, 而且每件體積亦不細, 故蒸製時間需8分鐘。每件魚頭都非常肥美, 滿載極之滑嘟嘟的魚油脂, 吃至滿口魚油香, 最愛是又滑又富膠質的魚皮, 啖啖都教人回味。當中亦夾雜着鮮嫩甜美的魚肉, 同樣吸引。不過大魚頭的精粹當然是魚雲, 滑溜的外層包着爽口的軟骨, 爽滑兼備, 非常滋味。這個大魚頭的確極之肥美新鮮, 吃後簡直可說把口"O浪"過油, 令我倆都吃得津津有味, 老爸讚不絕口。******************************海鮮吃不停, 再來兩隻南非鮮鮑8-10頭 ($68/隻), 多數陳皮蒸鮑魚, 但原來用紅棗蟲草花 亦很適合。預先界上網紋的鮑魚 肉厚大頭, 蒸製時間為5分鐘。其肉質嫩而彈口, 味道鮮美。金黃幼身的蟲草花 爽身兼富獨有的香味, 而紅棗 則極之甜美, 兩者為鮑魚添加一份香甜, 若然份量可多一些的話, 必定更加吸引。******************************最後出場的海鮮為薑汁酒蒸花膠筒 ($128/例), 一碟的份量不少, 而每件也算幾大, 但只需蒸5分鐘。金黃色的花膠筒上放了薑粒, 亦應淋上薑汁酒, 可惜薑味一般, 未能嚐到薑汁酒的酒香味。數件花膠筒 當中有腍嫩的, 亦有乾硬的, 當然前者較為吸引, 滑身兼富膠質, 至於後者……味道和口感都並不可取。整體而言, 鮮味一般, 味道偏淡。******************************肉碎蒸什菌 ($98)是唯一一道非海鮮類菜式, 但絕不遜色, 很有驚喜。以一個大蒸籠盛載, 舖滿不同的菇菌, 有雞脾菇, 秀珍菇 等, 全部都相當爽口兼滿有菇香, 咬一口爆出啖啖菇汁, 而菇面放了鮮肉碎, 經4分鐘蒸煮後, 令菇菌吸收了肉碎的鮮香, 更加美味。鮮肉碎 亦同樣吸引, 連帶少許肥膏和肉筋, 既腍滑又有咬口, 拌上少許紅辣椒絲 或蘸上XO醬, 鮮香惹味, 是一道令人滿意的菜式。------------------------------第二次吃同樣令我吃得津津有味, 相當滿意, 還想再吃三四五六…..次, 真的百吃不厭, 蒸上癮了! 但不單止我, 初嚐的老爸亦讚不絕口, 還不停嚷着要買個大魚頭回家蒸, 又話要買個蒸籠弄這道肉碎蒸什菌, 會否太誇張呢? 看來他跟我一樣也蒸上癮, 哈!…Read More