潮福蒸氣石鍋 (Closed)

同家人慶生, 當然出外食餐飽, 蒸氣石鍋呢幾年大熱, 當然要帶同家人去潮一潮, 食一餐蒸氣石鍋

當晚8點15分到達, 前檯告知8點半後入座會便宜一點, 當然係樓下等一等先

夠鐘入座, 先選粥底/燉湯及海鮮供廚房準備食材, 粥底選了瑤柱淮山粥, 燉湯三選一, 選了姬崧茸燉螺肉, 個湯好足料好清, 菘茸亦好香.

貝殼盛盆

首先貝殼盛盆, 當中有4-5款, 青口/大蜆/花螺/花甲等, 分量剛剛好每人都有

生猛龍蝦

龍蝦開邊每人半隻, 是新鮮啖啖肉, 沒有太多調味, 只有數粒薑蔥已經食到原汁原味

脆皮乳鴿

乳鴿都是每位半隻, 乳鴿size比較細, 唔算厚肉, 有點油膩, 剩下一半要打包

1

生猛大元貝

扇貝蒸嘅時間剛剛好, 就算唔落醬油都足夠

美國石蠔

石蠔個殼好大, 不過蠔既size不一, 有肥美, 但有一隻偏細, 這一點店員要留意一下, 味道不算太特出

北韓鮮鮑魚

鮑魚用了蟲草蒸, 每一隻都好飽滿, 口感彈牙

蘇格蘭蟶子皇

蟶子皇新鮮, 口感又爽, 好厚肉, 連本身毫無味道既粉絲份也吸收了海鮮鮮味

手切和牛肉/手切和牛粒

和牛片比較厚切, 和牛粒已有黑椒調味, 同樣是蒸2分鐘, 和牛粒未完全熟晒, 較juicy及嫩, 有口感, 和牛片應該過老了, 有點靱,但牛味會比較特出, 和牛片應該一分鐘就食得

清遠雞/污糟雞

清遠雞及污糟雞各點了一份, 其實味道分別不大, 蒸熟的程度剛剛好, 是新鮮雞好嫩滑, 家人都讚好

丸類

手打丸類不敢點太多, 怕吃不消, 嘗試過就好了.
手打牛丸味道感覺似牛肉球, 口感會比較實在.
蝦丸味道會比較出色, 會有新鮮蝦肉混在一起.
鯪魚球味道正常, 但發現有少少肥豬肉混入.

最後當然要點蔬菜消化一下, 超甜粟米非常清甜, 要encore, 南瓜片及香芋片好淋好粉
還有點了馬拉糕及蔥花卷, 味道是酒樓的點心

食完後, 侍應會拿走蒸隔,一鍋真的是軟綿綿, 白雪雪的粥已經煮好, 完全是吸盡剛才所有食材的精華, 每一啖都是鮮味無比

整頓飯侍應不停照顧, 由落海鮮, 調教時間, 換碟, 分海鮮等等, 家人都很滿意. 這次已經是第二次光臨了