八不·壽喜燒

Open Now

Now Closed

今日嚟開呢頭傾野，心血來潮，想試吓食關西風嘅壽喜燒，就嚟到門面好有日本風既八不試下。餐廳主打關西風嘅壽喜燒，所謂關西風，就係要將啲肉煎咗先，跟住落啲壽喜燒汁落去，今次食咗牛板健嘅壽喜燒set，食開牛既都知呢個肉本身肉味會比較豐富啲。店員好細心咁樣示範點樣整，之後由我哋就開始煎，都唔係太難上手，本身牛肉味好香濃，同埋有蛋汁配埋一齊食。食完牛肉之後仲有一大盤嘅蔬菜，店員上菜嗰陣除咗有一支壽喜燒汁之外，再會有一支高湯，高湯聞落去，應該似係落咗柴魚片同埋昆布，係非常正宗日本嘅dashi . 蔬菜吸收咗壽喜燒汁高湯同埋牛嘅香味。可以話集百家之大成！ 蔬菜配搭亦都非常正宗。睇到隔籬，見到佢A5和牛品質都好似唔錯，下次會試吓佢嘅日本和牛。

經過今餐午飯後發覺，以住品嘗壽喜燒也是火鍋或鍋物湯底，今次真正以涮涮方法用膳，壽喜燒味道與體驗感受更深！門面以淺木及香色為主，貼有推介之酒品及食物餐牌，但主打的壽喜燒及烏冬並未貼上大幅圖片，只有餐牌內與招牌的小小文字，吸引內進度不足。一碟8塊安格斯牛肉，脂肪分布平均熟後肉嫩軟腍，附有壽喜燒汁及雞湯，可自行調教濃稠度，不需再經歷愈煮愈濃的情況，最後沾上蛋液增鮮味，涮過牛肉再涮蔬果，蔬菜充分吸收充滿肉汁的壽喜燒汁，令蔬果更多汁滋味。有5-6塊牛肉片，意外地牛肉帶有香濃牛味，烏冬雖扁身但順滑尚算彈牙，湯底帶有醬油及鰹魚汁等味道，清淡中帶鹹香，還有腐皮、櫻花蝦、海帶與蔥絲，整體增加口感及層次感，但對湯底味道沒大幫助。粟米香脆油滑可口，與炸蒜、蔥花及花生粒混合有避風塘風味，有鍋氣但仍差少許鹹香。—雖然鋪頭面積不大，餐廳提供膠架疊上牛肉與蔬果盒，令枱面空間足夠放上壽喜燒爐而不覺太擠迫，服務員亦細心幫忙擺放爐頭與食物位置，用膳時覺安全又放心。