手拉麵小廚

被我的朋友稱為全香港最好吃的拉麵，我終於來試吃了！我大約1210到，也許還早吧，所以我們無需排隊就可以入座了！他們提供好多選擇，真的好難選。可是我來之前已經選定要吃什麼了，所以很快就可以點餐。雞絲粉皮— 份量不算多，可是很足夠！粉皮沾著淡淡的芝麻醬,再搭著爽口的青瓜絲和雞絲，很好吃，並不會膩。花雕醉雞—份量還蠻大的，花雕酒很香，醉雞很嫩。我想我應該醉了！豬扒擔擔湯拉麵—還蠻特別的擔擔湯頭！有花生的香味，微微的麻辣，湯頭並不會很濃郁。豬扒蠻多的，拉麵真的很好吃，很彈牙！羊肉搶湯拉麵—竟然沒有羊羶味！湯頭清甜，有大量蔬菜和羊肉片！招牌小籠包—我想說他們家的小籠包稱得上香港數一數二！皮薄餡多，湯頭鮮甜，可惜沒附上薑絲，只有醋供應。我好期待下一次再光臨的時候！…Read More

今次己經唔知第幾次食，都算常客，上海野黎講都叫幾有特色，每次去都OK多人，大多都係街坊生意。不過呢間人氣其實幾高，大部分推介新蒲崗美食都總有佢份。平時我每次都會叫雞絲粉皮，幾乎上海野必食，呢間用番傳統麻醬而且青瓜夠多，我中意﹗（因為而家有部分店用左日本胡麻醬，成件事會好唔配）﹗咁今次就試左佢個羊肉搶湯拉麵：10分俾7分，羊肉味係有，都幾香，由湯既顏色可以知道都幾濃郁。又有菜配，食落冇咁滯，又加左啲爽脆既口感。而酸辣湯麵配料足，但就偏酸，唔夠辣，冇咁刺激過癮，不過我本身唔太食到辣就OK，如果中意食辣就可能真係爭啲…Read More

為了吃小籠包，搜尋到這間小店，沒想到食物質素和價錢都有驚喜😍點了4款食物，我最喜歡的是小籠包和羊肉搶湯拉麵，小籠包非常飽滿裏面充滿了肉汁，40元5個。羊肉搶湯拉麵就很視乎個人口味，它湯底是比較重羊騷味，我自己就很喜歡但同行的朋友就接受不了😁因為朋友吃不了羊肉湯麵，所以加點了回鍋肉炒拉麵，在門口的時候已經見到師傅在手製拉麵，所以麵十分彈牙好吃。真是一家高質的小店，平均水準很高，份量多而且價錢又不算太貴。建議大家也點小籠包和麵類👍👍👍💯…Read More

上次試左同區既另一間出名上海菜餐廳，今次終於到手拉麵啦！Order左二人套餐，包括左雞絲粉皮、蔥爆羊肉、小籠包、西生菜、兩碗拉麵同兩杯菜蜜。另外仲加左一碗羊肉搶湯拉麵。雞絲粉皮雞絲份量唔算多，雞肉肉質介乎淋同結實之間，冇雞味。青瓜份量唔少，青瓜食落新鮮，爽脆既，撈匀之後起到清新既作用，都增添左口感。粉皮份量適中，雪得夠凍。粉皮質地唔錯，有咬口得黎又未至於要咀嚼好耐，中上水平。麻醬質地較稠身，會漿口，味道好出、較濃郁，係個人中意既味道，唔錯。而且麻醬份量適中，唔會太多而過膩。單叫要$40一碗，份量唔算太多，食完唔會飽，個人認為性價比唔高。整體而言，味道唔錯，成道菜既靈魂粉皮同麻醬都達到我既標準。雖然未算最出色同性價比唔高，但係我食過雞絲粉皮既餐廳入面，佢可以排到前三。蔥爆羊肉材料好簡單，分別係羊肉、洋蔥同一條大蔥。羊肉份量適中，佢唔係厚切羊肉片，有啲似肥牛果種碎啲既肉，但脂肪比例冇肥牛咁多，脂肪部份較少，可以接受。雖然羊肉薄切同較細片，但依然食得出少少羊騷味，可能有人會唔中意陣味，但程度唔高，我都幾中意，食羊冇羊騷味同食豬肉有咩分別姐><睇落顏色深，但調味咸淡適中，唔重口味。羊肉肉質方面，冇炒過龍，肉質唔韌，雖然碎片同細塊，食落都唔會有渣，唔差。洋蔥份量好多，每一啖都可以夾住大量洋蔥一齊食，正！洋蔥切既大細、厚薄啱啱好，炒完仲保留到爽脆口感。扣分位：應該用左唔少油。如果減油會更理想同健康。整體而言，蔥爆羊肉味道夠惹味，食材處理得幾好，可以一試。招牌小籠包小籠包係我想試哩間餐廳既主因，手拉麵既小籠包大大隻，好飽滿，令人好想試。小籠包即叫即蒸，上到台仲熱辣辣，出緊煙。果然每一粒都好大粒！皮薄既程度係可以透過皮見到大量既湯汁係小籠包入面。雖然皮薄汁多，但夾起黎唔會好易穿。咬一細啖，見到小籠包入面裝滿左湯汁，湯汁起碼佔據左半個小籠包。湯汁味道適中，唔會過鹹或過於清淡；湯汁有肉味，幾鮮甜，做得好！清楚見到湯汁有油飄浮，但食落冇過於油膩。表皮真係做到好薄，食落唔會似食緊麵粉咁，口感帶小煙韌。肉餡方面，可以用肉丸黎形容，好大粒，可惜肉質較鬆散，未夠結實。奇怪既係，肉鮮味反而冇湯汁咁出。$40/5隻仲要大大隻，性價比算高。整體而言，小籠包要做到既皮薄多汁都做到，湯汁仲出乎意料帶有肉鮮味，唯獨肉餡可再改進。經過可以一試，特登為小籠包而黎又未至於。拉麵隨餐既拉麵係陽春麵，麵質軟滑、易入口，但較淋身。手拉麵出名既係佢即拉既麵條，而跟餐既麵條應該係現成既。西生菜冇影到。無技術可言，用左蒜粒炒、用油浸熟，油到喊，我放棄左。菜蜜西洋菜味好出，甜度都啱啱好，唔會似其他餐廳咁落好少搞到冇甜味，可以接受。羊肉搶湯拉麵哩碗另加既拉麵所用既麵條係自家製既！睇得出每條麵條既大細有唔同，食落口感當然冇得比啦！自家製拉麵有嚼口，質感依然滑溜易入口，係我中意既麵條！羊肉所選用既肉應該同蔥爆羊肉一樣，但羊騷味冇咁出，份量都唔少。肉質唔算嫩但都唔會過鞋或韌。湯麵既羊肉更似肥牛，因為脂肪較蔥爆羊肉既多，但接受到。湯麵仲有紹菜絲做配菜，幾爽脆，而且唔少。整體而言，麵條有誠意，味道唔錯，值得一試！手拉麵既野食質素其實唔差，但未算太驚喜，個人更喜歡同區x分俗氣。因為想試既野食都試左，encore機會唔大但見到隔離台order既豬扒擔擔麵都好正！豬扒好大塊，好似幾好味咁！如果有機會會試下。Btw，lunch hour去要預左搭台同排下隊。我地12:00到到，果陣仲係得一台客，到左12:30就開始爆場加要等位啦，所以要做好心理準備。價錢方面，二人餐$188，拉麵$50。價錢係新蒲崗哩區黎講，應該唔算親民。…Read More

好難得做野過晒lunch time，聽之前介紹呢間野嘅上海野好味，就膽粗粗一個人來試下。舖頭細細，行過都唔覺眼，推門入去，下午兩點七、八都坐行晒，坐位唔多，廿個都爆，好彩自己一個，搭枱就ok！睇到餐牌，見到個羊字就興奮，就叫左碗羊肉搶湯拉麵。但當日我朋友係介紹餃子俾我，但我睇極都無，亦唔係吸引，我坐左半個鐘之後，終於都記得出名係小寵包，人人都叫，隔離枱四個女仔，一人一籠，勁！等我下次都要試下！講番我個麵，賣相已經好吸引，又熱辣辣，羊湯好濃郁，係有so味，食羊重點係要有so味，少少「un」係可以接受，因為配埋椰菜絲，中和濃郁so味，正！加上D麵軟硬適中，入晒味（唔係即叫即上枱，係真係等佢係廚房拎出來），麵條一咬就斷，加埋D湯入口，簡直係完美！我相信會係不久將來，再去試番佢個小籠包，一定係好好味！走時，有對情侶都走，佢地都只係叫左兩籠小籠包，食完就走，我絕對相信係正野！…Read More

呢間野已經黎過幾次，每次都淨係食羊肉搶湯拉麵，見到隔離枱嗌成幾樣餸好羨慕。難得最近鬆動左，就忍唔着要黎試佢其他嘢食！我地兩個人嗌左羊肉搶湯拉麵、招牌小籠包（5隻）、蝦米津白、上海炒年糕🍜羊肉搶湯拉麵就係不嬲都咁鍾意食嘅，首先佢個湯好正，好重羊肉味得黎又唔酥，啲拉麵條條都粗幼唔一樣，係人手拉出嚟嘅，全部都好煙韌。入面仲有啲羊肉同一啲配菜，啲羊肉就有時比較酥。我哋兩個人share嚟食，所以侍應都有幫我地將啲麵剪開兩份🍙招牌小籠包（5隻），啲皮好薄，隻隻都超大隻而且好多肉湯，個包有啲難夾，我哋要用筷子慢慢推佢上匙羹先食到🍲蝦米津白就比較普通，蝦米既味覺得可以再濃啲🥘上海炒年糕啲年糕唔係好煙韌，但全部都好黏有啲痴牙，嗰醬汁濃度適中唔會過咸兩個人食呢四碟菜都好飽，可能將其中一個麵食轉做其他小食會好啲。餐廳雖然唔近任何地鐵站，不過揸車人士都可以喺外面泊街。總括來講餐廳嘅性價比好高，適合任何人士黎食！…Read More

今日跟朋友到新蒲崗手拉麵小廚搵食，好彩早左到，7:00pm 後已經好多人開始等位。餐廳位唔多，原本待應哥哥都講左可能要搭枱的，但我地兩個女子叫左唔少野食，結果放滿晒小菜冇位俾人搭枱 =]口水雞 - 雞的分量唔少，而且肉質都好滑，口水汁麻辣得夠過癮，食辣的朋友相信會喜歡。招牌小籠包 - 小籠包超級大隻，可以見到入面濃濃的湯，當吸D湯的時侯，仲有少少肉附係湯汁中，加上咁大隻小籠包來講皮都算薄，相當唔錯。回鍋牛肉客飯 - 回鍋牛肉炒得有D多油，不過多油都係上海菜的特色，分量充足，椰菜豆干加牛肉有不同的口感，菜該爽的爽，肉該滑的滑，味道唔錯。羊肉搶湯拉麵 - 即拉的拉麵果然零舍不同，麵條好有彈性，朋友食到冇停口。而羊肉羶味唔算太濃，分量都足夠，不愧為招牌菜之一。整體而言，食物味道唔錯，特別要試拉麵。只係環境差少少，但咁既價錢有高質素的食物，都係值得推薦的！…Read More

今日同舊同學重遊成長固地，耐人尋味之餘又真喺改變唔少！鍾意食上海嘢嘅我，依然記住依間人氣上海拉麵小店！夜晚八點仲要排隊，真喺超好生意！兩個人，一人一個麵，再加小籠包！我自己叫咗碗《羊肉搶湯拉麵》！湯底味濃好味唔在講，麵底彈牙又爽口！自家手拉嘅拉麵真喺靈捨不同！羊肉嘅羊羶味十足，鍾意食羊嘅應該會特別鍾意！同學佬就叫咗《雲吞湯拉麵》！總覺得隔離飯餸香嘅我，點都攞幾舊雲吞食吓！Wow，一個字，足料！饀料多，菜味豐富，真喺做到皮薄饀靚！《招牌小籠包》點都要幫襯！大大舊之餘，就咁望落都超多汁！可能蒸過火，唔夠廷身！不過依然好味，肉汁多肉味濃！ 一樣皮薄饀靚！兩個麻甩每人夾60左右，食到正宗上海師父風味，真喺抵食！…Read More

久聞手拉麵小廚的小籠包很出色,愛吃小籠包的我一早將其列入心水餐廳之列,決定聖誕假期到新蒲崗吃小籠包,只因從屯門到新蒲崗只用一程巴士比在荃灣出發更為方便。新蒲崗舊式住宅週邊都是街坊小店,這家小廚也是一貫樸實無華街坊店格局,營業時間剛開始不久,人龍店門外並沒有人龍,月巴客人直入店裡還可獨佔四人卡座,早起鳥兒有蟲吃又一例證。在這街坊小店吃飯真的很有內地風味,只因店員們跟客人對答是操著不純正廣東話,同事間溝通則是煲冬瓜,阿姐也如傳統內地餐館服務員一樣木無表情地放下熱茶後也不會主動招呼客人,只要截停任何一位阿姐直接點菜就成了。那天坐近廚房,聽到廚房裡一輪爆炒聲後由廚師(老闆?!)親自送上的羊肉搶湯拉麵($40)來了,一滿湯碗的很具看頭!像豬膶湯顏色的湯底以羊肉、紹菜及芫茜煮成,濃味中卻沒有太重羊味,有菜有肉煮出的鮮味羊湯比一般湯頭好飲很多,盡量勁飲以免浪費!!白色拉麵份量超多,就算男仕也一定足夠,麵條粗幼不一的是手拉的嗎?!尤以最初煙韌不太軟的食感最好,浸湯後變成稍軟也不會太糊,麵條還是不能慢食才有最佳效果。份量不少的薄羊肉沒有太多羊味,只有跟一般瘦肉相近的口感,間中一片連著一點脂肪的最為甘美,可以選肥羊肉嗎??冬天時令紹菜最為夠甜,跟羊肉也相當搭配,這碗湯麵真的美味。招牌小籠包($32/5隻)在門外小廚房即蒸,外觀扁扁的小籠包明顯看到包內湯汁豐盈,小心翼翼的以防夾穿這個小水袋,幸好外皮雖薄卻夠彈性,重甸甸的湯包像打鞦韆也沒有一點穿破,利害。包子摺紋密集幼細,包子頂最厚處也不會過厚太死實,彈性外皮有著淡淡麵粉香,煙煙韌韌的也不俗;起碼有一湯匙份量的肉湯熱熱的帶點甜味,要不是羊湯太突出,這口湯也是很出色的;肉餡混湯後如肉糜,不是如肉丸型的肉餡,包子稍冷時湯汁減少則凝如肉糊,口感跟一般上海小籠包不太一樣的小籠包可惜不是用上椰菜葉墊著蒸籠,不然又多一塊菜葉可吃。配小籠包的薑絲醋真的夠酸,最後吃點微辣薑絲又呷啖酸醋減少不少油膩,胃胃即時舒服很多!天氣蠻冷的溫度下,小店裡當然不會開啟空調,不過卻連風扇也沒有搖動,室內夠溫暖可是空氣實在不流通,尤其當廚師在廚房裡有鑊氣地爆炒材料時更甚哩。離店時八卦地看看玻璃窗後的廚師在做啥??看到那團豆沙應在製作豆沙鍋餅,可惜已沒胃納容下她了!…Read More

早幾期媒體有介紹該店的小籠包,看得我唾涎三尺,故慕名一試。晚上七點到達該店,店子細細,人客已經開始多,有個卡位坐已經好幸運 小籠包$32元5個,它是該店的名物,皮雖然是厚了一點點,但內裡肉汁很豐富,味道濃郁羊肉搶湯拉麵 $40, 自己是一名羊肉愛好者,這碗麵的味道是可以的,麵條有彈性,羊肉味道可以再濃多少少。吃完兩款食物,已經很滿足,但我眼見豆沙鍋餅,豬扒擔擔麵好像很吸引,有機會要再慕名一次…Read More

今日途經新蒲崗,見到此店就想食小籠包,所以走入內.開頭見到環境好一般,有小小驚架.不過是但啦,冇事嘅!叫左:羊肉搶湯拉麵,小籠包.羊肉搶湯拉麵:一出來就傳出好香嘅羊蘇味,好香,個麵好特別,手拉出有粗有幼嘅麵條.湯底好正.小籠包:好食個鼎泰豐,個皮超薄,薄到見到D湯在你面前走來走去,功夫一流,湯汁好有薑味.可能皮超薄嘅關係,肉就小左D.整體好正,價錢都合理.…Read More

上次路過，今次同兩個鍾意食上海嘢嘅朋友嚟食嘢，足足叫咗七樣餸，每款都大大碗大大碟，真喺大滿足。大大碗嘅《酸辣湯》，見到又紅又多料，以為一定辣到飛起啦！原來只喺有啲辣，而且辣度適中，唔會辣到無哂味覺，容易入口，好多雲耳配料，完全喺開胃嘅最好選擇！上海菜點少得《小籠包》呢？就咁睇就已經睇到包裏面浸滿哂湯汁，真喺皮薄餡靚。最重要喺包皮夠彈性又有口感，夾起嚟唔易穿。《回鍋肉炒拉麵》又喺好有特色，諗住夾少少試吓啦！點知一夾之吓，成個麵都夾起哂，每條麵粗幼都有所不同，好明顯喺同一個粉團拉出嚟，絕唔喺用機打。而且道辣度又喺啱啱好。而且薄薄嘅回鍋肉彈牙可口。《花雕醉雞》一向都喺小弟嘅最愛，依到嘅醉雞大大隻，只喺碎骨多左少少，但可接受。醉雞肉質有口感之餘，又浸滿花雕嘅酒香，好味！《羊肉搶湯拉麵》當然又喺手拉麵啦，羊肉唔會太羶 ，湯底濃郁，味道合適中，夠味但唔咸，飲咗幾啖湯之後都無飲過水，可見無落味精。《雞絲粉皮》其實同其他店鋪嘅出品差唔多，因為唔喺咩功夫菜。不過粉皮有彈性，唔會一夾就斷，而且勝在有種清新嘅感覺，而且又喺好大碟。《豆沙鍋餅》外脆內暖，豆沙餡甜而不膩，明顯喺天然嘅豆沙甜味，唔錯唔錯。三個人，每人 100 蚊左右，非常抵食！…Read More

此舖是一間很小的舖，而且吃的人比較多，所以一般都要搭枱的.座位比較迫。平民價已算很不錯了!!一定要試麵,QQ的口感.花雕醉雞 $ 52雞肉幾嫩滑而且十分入味.招牌小籠包 $ 30必試!抵食!平均6蚊隻.擔擔麵 $38 麵質好,因為是即拉的,很彈,外面不易吃到.花生醬不是太濃,跟外面吃的有點不一樣.OK.羊肉搶湯拉麵 $ 38麵條好有彈性,羊肉羶味唔算太濃太羶,少少的羶味正適合我的口味.飲品菜蜜就麻麻了.可以不點.…Read More

好少介紹拉麵小籠包,不過食過呢間覺得真係值得推介!!睇吓價錢幾平民,最緊要又好食嘛!!雞肉幾嫩滑而且十分入味,得喎!睇張相已經見到啲湯汁,皮亦極之薄,不過肉就唔太夠鮮甜,有待改善!!麵條好有彈性,羊肉羶味唔算太濃,但都唔錯,三十幾蚊整體已經係十分好. 原來拉麵係即點即拉架,唔怪得知特別有彈性又好食啦!!呢個更有驚喜,因為個汁夠濃,牛肉冇化學味,京蔥又夠香,真係好好好食啊!!!大大粒,夠多菜,皮又薄,$30有五粒真係超級抵食!!!…Read More