餐廳位唔多，原本待應哥哥都講左可能要搭枱的，但我地兩個女子叫左唔少野食，結果放滿晒小菜冇位俾人搭枱 =]
口水雞 - 雞的分量唔少，而且肉質都好滑，口水汁麻辣得夠過癮，食辣的朋友相信會喜歡。
招牌小籠包 - 小籠包超級大隻，可以見到入面濃濃的湯，當吸D湯的時侯，仲有少少肉附係湯汁中，加上咁大隻小籠包來講皮都算薄，相當唔錯。
回鍋牛肉客飯 - 回鍋牛肉炒得有D多油，不過多油都係上海菜的特色，分量充足，椰菜豆干加牛肉有不同的口感，菜該爽的爽，肉該滑的滑，味道唔錯。
羊肉搶湯拉麵 - 即拉的拉麵果然零舍不同，麵條好有彈性，朋友食到冇停口。而羊肉羶味唔算太濃，分量都足夠，不愧為招牌菜之一。
整體而言，食物味道唔錯，特別要試拉麵。只係環境差少少，但咁既價錢有高質素的食物，都係值得推薦的！
