嵐橋日本料理

呢間位於尖沙咀嘅嵐橋日本料理主打各式各樣擺盤精緻嘅日式美食！環境亦充滿日式風情！座位之間仲可以用竹廉分隔開，私隱度極高～✨養殖大拖羅刺身大拖羅味道鮮味，帶有濃郁嘅油脂香味～✨日本生蠔生蠔剛好做緊買二送一嘅優惠，所以就食咗三大隻生蠔啦！生蠔肥美大隻，滑嫩鮮甜～✨薩摩赤雞腿肉串燒雞腿肉嫩滑多汁，表面充滿明太子醬，超正～✨安格斯牛柳粒串燒牛柳粒配搭燒汁，牛肉味更突出～✨極上拖羅丼呢個丼飯超豐盛！有拖羅、大拖羅同埋吞拿魚蓉，吞拿魚控千祈唔可以錯過啊～✨鰻魚玉子卷表面有一片大大嘅鰻魚，中間夾住玉子同埋青瓜絲，口感充滿層次～✨網燒安格斯肉眼扒肉眼扒份量十足，肉質軟嫩！配搭旁邊嘅蒜片同埋青蔥，肉眼扒嘅味道變得更多元化～✨熱情果梳打每一啖都散發住熱情果嘅果香，仲飲到粒粒椰果添～…Read More

好耐無食decent少少既日本菜。是日為星期一，Monday Blues，所以就黎呢間之前試過一次覺得抵食既高質日式餐廳嵐橋日本料理黎開心下。餐廳位於尖沙咀棉登徑，係地鐵出口附近，門口係地下。呢度好似有三層高，我地坐係一樓，環境好靜下。午市套餐有好多選擇，包括刺身，壽司，丼飯，燒肉飯，燒魚飯，石鍋等，價格由$128到$198不等。星期六日同公衆假期先收加一服務費。所有套餐均配沙律，味噌湯，茶碗蒸，前菜同雪糕。加$12可配汽水或者果汁。我地每人點左一個午市套餐。成個餐連沙律，味噌湯，茶碗蒸，前菜一齊上，好豐富呀！壽司定食+迷你牛肉烏冬 $158好欣賞餐牌寫明有咩壽司，等你未食先知。壽司有六件，包括赤身，油甘魚，日本直送魚，三文魚，帆立貝，甜蝦，海膽，另外仲有玉子。壽司上面嘅剌身基本上全部都好新鮮高質：海膽超鮮甜同creamy ，全無腥味；帆立貝又大又厚，鮮甜啖啖肉；甜蝦大大隻又鮮甜；三文魚高質肥美。壽司飯係已經加左醬油，不過個人覺得可以自己再點d豉油，飯量係偏少，啱哂細食嘅女生。壽司板亦配有wasabi同酸薑片。迷你牛肉烏冬烏冬量都唔少，烏冬係粗身嗰d，都有嚼勁。上面有一塊肥牛，其他配料仲有一塊紅蘿蔔同一塊日式魚蛋，上面再加一塊紫菜同葱花。個湯都幾清唔算油。網燒安格斯肉眼扒配白飯 $158網燒安格斯肉眼扒份量唔少，有好多塊，扒切好哂一片片咁，肉質都要咬吓，個燒汁加埋d白芝麻粒好好味，伴碟仲有薄脆蒜片同葱花配扒食。白飯一大碗。跟餐沙律跟餐沙律係新鮮沙律菜，粟米粒同車厘茄，加左柚子醋沙律汁，酸酸地好開胃。跟餐味噌湯跟餐味噌湯味道正常，而昆布有好多，仲有豆卜絲同葱花。跟餐茶碗蒸跟餐茶碗蒸好滑，調味健康冇加鹽，配料有雞肉，冬菇，日式魚蛋同白果。跟餐前菜跟餐前菜係胡麻醬豆腐，豆腐薄切又好滑。跟餐雪糕雪糕有豆腐味或抹茶味揀。作為一個跟餐甜品，質素真係好高。雪糕好滑，抹茶同豆腐味都好香濃，為呢餐劃上完美句號。總括而言，呢度食物質素高，座位舒適，上菜好快，坐低廿五分鐘內就食完，適合商務午餐。呢個價錢又唔貴喎！值得一提嘅係，壽司質素真係幾高。…Read More

想食日本嘢🎌，我第一時間就會諗起尖沙咀棉登徑，因為成條街有九成食店都係主打日式菜，包括丼飯、居酒屋同燒烤等。呢日就揀選咗「嵐橋日本料理」，因為見午市套餐好似唔錯😚。餐廳地下嗰層已經滿座，店員就帶我哋上一樓，仲話環境更加舒服。佢又無講錯喎，一樓座位闊落，而且帶份寧靜清幽嘅氣氛😌，絕對適合放鬆心情，享受食物。嵐橋午市套餐有21款選擇，數數手指發現即係幾乎用哂26個英文字母🤣。定價由$128至$198不等，刺身魚生類同熟食類都有。網燒安格斯肉眼扒配白飯($158)，套餐賣相非常吸引兼且好豐富，因為包主食、白飯、沙律、味噌湯、前菜同茶碗蒸，係好完整嘅一個套餐🍱。主食以外嘅項目全部都幾好，蒸蛋熱辣辣、好夠味🥚，而前菜就係胡麻豆腐。網燒安格斯肉眼扒勁好食🥩，佢件扒超大塊，能夠切成十件，仲要係厚切。再者，廚師嘅燒牛扒技術高，出品完全能做到我哋要求嘅七成熟，肉身呈粉紅色，並能鎖住肉汁，不得了😋。日式料理嘅牛扒比扒房嘅扒更出色，實在難得！另外，牛扒仲搭配咗乾蒜片同青蔥，夾埋食更香。銀鱈魚西京燒配白飯($168)，呢個套餐同樣包齊上述前菜小食。燒銀鱈魚有兩件，餐廳出手唔孤寒。呢度嘅西京燒汁同平日唔同，因為多咗一份甘甜味🤤。燒好嘅銀鱈魚外皮金黃微脆，肉質嫩滑🐟，但同時亦唔鬆散，配白飯食好夾🍚。餐廳將呢度日本家常小菜煮得好好，比人一種實而不華嘅滿足感。食完鹹食，最後就嚟一份甜品，餐廳送上雪糕，而唔係雪米糍，感覺有誠意好多🍨。我哋分別要咗綠茶同豆腐味，兩款都唔錯。總括嚟講，我哋都好滿意喺嵐橋食嘅高質日式午市套餐，價錢唔算平，但我認為係對得住個價㗎👍。最後，店員服務亦都好好，非常有禮貌，而且仲會不斷留意我哋使咪加茶。…Read More

尖沙咀搵到間好有質素嘅日本餐廳，裝修好有日本風，地下有師父切魚生位置，一樓也有，有Bar位對住食好新鮮架呢.....黎個刺身定食先，魚生非常之新鮮，件件都切得厚厚的，啖啖肉口感簡直一流，定食仲有前菜、沙律、麵豉湯同蒸蛋，要介紹下個蒸蛋，超滑裏面有冬菇、雞肉、白果、魚片好好味😋再叫左個網燒安格斯肉眼扒，肉質好嫩入口即溶加埋炸過嘅蒜片，食得出係高質👍🏻👍🏻👍🏻最尾有埋豆腐同芝麻雪糕呢餐好完美😍…Read More