MATSUYA Dessert & Restaurant (Yen Shun Mansion)

星期日因為下午同朋友食過下午茶，晚餐冇去食但係又有少少肚餓之下，太太建議不如去食甜品，於是我就想起第三街嘅松屋了，一如預期維持水準；不過想叫個鰻魚飯或者蛋包飯，可惜可能夜咗少少之後飯已經沽清，老闆話試吓他的串燒雞肉又真係唔錯，比起以前佢對面已經搬走咗嘅BBQ有過之而無不及！而那個綠茶心太軟配合那一個雲呢拿雪糕，唔太甜又能帶出綠茶味道，而最後個疏乎厘好大個，聽到師傅講原來也已經用晒材料，不佢可能覺得乜都沽清對客人感受唔好，於是再刻意開工再去預備材料，結果之後再有兩枱客人入嚟，因為見到我哋個疏乎厘好大個，都話要試試真係唔錯，值得再三來幫襯！😍😍😍👍🏻👍🏻👍🏻…Read More

質素對唔起價錢，服務環境欠佳，同樣價錢有更好的選擇⋯綠茶心太軟（$75)：第一啖唔錯，有流心，但之後食到一嚿嚿綠茶粉，味道較苦澀，濃茶愛好者可能鍾意😅。疏乎厘配雪糕 ($58)：賣相擺盤都唔錯，但食落有浸臭蛋味，唔太識欣賞。環境：一般Cafe裝修，有冷氣噏味，快怏脆脆完就走咗。價錢：食物質素唔差。但同樣價錢，呢一區會有更好選擇。另外一提，老細嚴謹實行最低消費，一人最少嗌一樣嘢。見到一家三口嚟幫襯，order 左兩個甜品，媽媽話唔舒服食唔落，老細堅持要嗌三個甜品，最後媽媽被迫出去等😓😥…Read More

係東京番左黎一個月，已經好掛住當地既綠茶甜品🍵🍦🍡🍨🍮，相對上香港值得encore既舖頭著實晤多。一間回頭率高既綠茶甜品店，要有岀色既綠茶雪糕，回甘有茶味，個人比較偏愛濃茶味多過重奶味，所以係有點難係香港搵到啱自己口味既甜品店終於上次行完山首嚐松屋，就一試愛上了。佢地有好多選擇，而且價錢以綠茶甜品計，真係非常相宜！叫左佢皇牌綠茶心太軟，因為新鮮即叫即製，所以要等15分鐘先有得食，每樣有d，最啱有選擇困難既我。個心太軟非常岀色，流心嫁，真係好驚喜配上一啖一雪糕，呢種冷熱交替既滿足，好有番到東京坐cafe hea既感覺佢既白玉好煙靱，係我鍾意既口感，而蕨餅如果可以茶味再濃d就更加分！希望下次黎可以試埋個綠茶疏乎里，松屋 - 我相信係好多綠茶lover一定要潮聖既地方…Read More

近十年來隨著地產商在西營盤和西環大展拳腳，海量貴價納米樓落成，動不動尺價上二萬元，加上每尺達$5的管理費，結果就是多了一批可憐的中產人士進駐。家裡只有一個可憐的開放式廚房，一個爐頭，要解決吃飯的問題，還是要外出找餐廳。也因此，這一區近年多了很多中高檔次的餐廳，尤其以西餐為主。甜品鋪呢？這一區一向以源記為龍頭。可是我在20年前在源記吃紅豆沙時發現入面竟然有一塊溶了的香口膠後便發誓不再光顧。以往一直是飲冰室的常客，執笠後又有甜品堂，甜品堂之後呢？有松屋。打著富有日本風的名字，理應一試日本風的甜品。點了綠茶心太軟，綠茶梳乎厘。簡單一點來說就是好吃。心太軟新鮮出爐熱騰騰，加上冷冰冰的綠茶雪糕，舌尖遊走在冷靜與熱情之間，一流。兩者皆做到香口而不死甜，是高質的甜品。蕨餅煙韌，淡淡的綠茶香帶來滿口的餘韻。太太的綠茶梳乎厘也好，綠茶味香之餘，內裡鬆軟的口感，引誘人多吃一個。兩件甜品也有水準，不會比所謂的綠茶過江龍差。事實上如果蒙眼測試，我不知道有多少人可以分得出這兩道甜品和日本當地的甜品鋪有甚麼分別。小店沒光環，但小店要做得出色要比別人花更多心機。趁未到糧尾，要再光顧。…Read More